慧食貓

营业中

休息中

每一次黎葵廣行行行買買買之外，黎掃街都係我既目的😆😆😆😚 慧食貓真係好正！黎食過好多次lu! 每一次黎都見好多人食🤣今次食左B 火腿雞蛋肉鬆口味既手抓餅，好期待！！😋 見側邊有對情侶叫嗰陣加左芝士，好似幾正，下次試吓再加多啲配料先！叫完之後，姐姐叫我地大概10分鐘後翻黎，整完先比錢的，自己自行找續！佢仲會問有無野要走，我就走左蕃茄😛😛到手後，熱辣辣😝 一啖咬落去手抓餅好正，有酥香，配埋生菜🥬 無咁油膩！！入面既火腿雞蛋肉鬆雖然好普通既野，但真係好夾好正！！ 下次再食過！！

前幾日，因為真係好想去台灣旅行，但呢家都仲未有得去，唯有拍一些台灣相類似的活動、食物和地方，因為葵芳商場到比較多台灣食物，甚至有好似夜市的活動，所以就專登去啦。個到一樓有一間好受歡迎的手抓餅店，就係慧食貓啦，因為太好生意，先睇左自己想食咩嘢，再order自己揀的款，就根據老闆指示等幾耐就ok，我個日揀左食B，同完老闆講，佢就話得，5分鐘後返嚟攞，因為即叫即做，要啲時間，老闆都唔想人係到等，所以個個都會比個時間佢，係我地拎到食物之後，其他order已經要等10分鐘啦，不過真係佩服老闆，可以記得晒我地的單。講返我個B先，原本我係想叫A，但見B多人叫，加上寫住人氣，所以最後都係揀B，B係火腿雞蛋肉鬆，都比較多料加豐富，都只係售24蚊，新鮮做起熱辣辣，個餅皮都好脆，同埋餡料豐富，有埋生菜令到個餅唔會覺得太漏。以下評分以5⭐️為滿分⭐️⭐️⭐️⭐️

🔖火腿雞蛋肉鬆手抓餅🌟💰24暫時食過最好食嘅手抓餅💯由於係即叫即整，大約要等15分鐘左右啦⏳不過美食係值得等待的🥰手抓餅一啲都唔油，熱辣辣，口感薄脆😍除咗有火腿、雞蛋同肉鬆之外，仲有蕃茄、生菜同沙律醬🤩味道層次豐富~由第一啖去到最後一啖都食到滿滿嘅配料😆所以$24呢個價錢真係好抵食🥳另外一款店舖推介嘅口味係火腿雞蛋芝士豬柳手抓餅，有興趣都可以試下😋-温馨提示👉🏼手抓餅足料夠哂大份，如果想之後個肚仲有位食其他嘢，最好就同朋友share啦👯‍♂️👉🏼除咗固定口味之外，仲可以自選配料，又或者係原有配撘上加自己鐘意嘅配料❤️👉🏼食嘅時候會有少少狼狽，啲配料好容易跌出嚟，所以最好就企定定係到食啦😛👉🏼購買程序係落單，拎手抓餅，俾錢再自行找續😂100%信任客人🙌🏼

那天差不多下午茶時間到葵芳, 新都會商場內間間食肆都要排隊等位, 所以桃桃都係決定去掃街｡ 朋友話想食手抓餅, 桃桃之前喺葵廣食過間好好食嘅手抓餅,但係又唔記得名又唔記得位置｡ 好彩谷歌大神幫到我, 只係打左“葵廣手抓餅”, 就彈出“慧食貓”呢間鋪頭嘅位置｡ 跟住店舖號碼走, 終於見到熟悉的店面｡ 店外雖然沒有排隊的人龍但有好一些人圍住等, 原來老闆娘叫人先落單, 不用俾錢, 20分鐘後回去才俾錢取餅｡ 桃桃行咗個圈, 依照時間返去, 果然已經拎得｡ 桃桃跟朋友都一樣是叫咗set b (肉鬆火腿蛋), 到拎嘅時候先知原來仲有蕃茄同菜, d 料多到爆出嚟｡外層嘅手抓餅香脆可口, 入面嘅蛋仲係半生熟會流汁的, 真係好好食｡ 最重要嘅係只售24蚊, 怪唔得佢生意咁好｡

講起手抓餅，就會掛住夜市，疫情冇得去台灣，近近地葵涌廣場都有得食，除左慧食貓，暫時在香港未搵到一間拍得住台灣水準的手抓餅店。全部手抓餅即叫即整，大約等候十分鐘，老闆整好後會叫你自行找續，枱面有散紙，係店鋪特色。火腿雞蛋肉鬆手抓餅 $24新鮮熱辣辣，外層酥脆的手抓餅，配上爽脆生菜，火腿，蛋，大量一絲一絲的蓬鬆肉鬆加上酥脆的口感，全部配料都十分足料，爆哂出黎，冇油膩的感覺，超級高水準，必須大大力支持，切勿錯過。

雖然我嚟過葵廣好多次 但都係第一次嚟食手抓餅 我揀左B餐~老闆叫我等8分鐘 耐心等待後 終於食到啦😆手抓餅熱辣辣 好好味 每樣配料都好足料 生菜、蕃茄、火腿、雞蛋、肉鬆俾得好多 大滿足🥰食食吓聽到老闆話最嬲d人話阿姐(嗰女員工)係佢老婆/女朋友🤣

It’s my second time in Kwai Chung and there is still so much food that I have never tried! And it’s good to have a local friend who can bring you around for those good food! Highly recommended for this shop’s flaky pancake! The boss was a young boy and he’s an interesting business man! You just place your order and come back in 5 minutes to get your order! You pay on the table and get changed if needed by yourself. He solely memorised all the orders without writing down. So impressiveI ordered o

一講起台灣，大家一定會聯想到夜市！台灣夜市美食選擇真非常多，但其中有一樣野食係香港一定係比較少見，就係手抓餅！今日就同大家介紹一間位於葵廣既慧食貓。店內既手抓餅全部都新鮮即製，而且入面餡料非常多。例如呢款手抓餅，暖暖嘅手抓餅皮，配上甜滑既煎蛋🥚，鹹鹹香香肉鬆同火腿，味道非常相襯！入面仲有非常脆口生菜🥬，咬落非常清新，增添唔少口感。個人覺得比吐司🍞更好味😋！ 仲要價錢一D都唔貴，各款大約$20-$30 內，價錢都幾合理👍🏻，岩哂大家掃街/ 買返屋企慢慢食！

好耐之前已經見到有人推介呢間手抓餅，所以今日專登嚟試一試由於每件手抓餅都係即叫即做，加上好多人排隊，大約等咗8-10分鐘手抓餅嘅材料有好多，有火腿、蛋、生菜、蕃茄同埋大量肉鬆等，一啖咬落去口感好豐富呀😋

🐻都幾鍾意葵廣，原因多小店又平又多野揀 🤤 最重點係多黃店啊 💛 今日五一黃金週黎尼度真係岩曬啦❗️今次幫襯左幾間黃店，推介一間最深印象先啦 😌尼間主打台式手抓餅既小店永遠都咁多人排隊啊 😂 但最吸睛莫過於男老闆 🤗 出名記性好同客人關係好到無人有 😂 今日咁多人，同佢講聲要咩，唔洗俾錢住，15分鐘過黎，佢望到你會recall番你叫左咩 😂 好搞笑 🤗 有時服務好大家都會睇到 🥺推介/ 意見‼️✨台式手抓餅有多款預先配搭好既款，亦有得自選材料，仲有一款係「S1 極上手抓餅」，即係咩材料都有齊曬 ❗️🐻當然揀尼款啦 😍 ✨ 「S1 極上手抓餅」即係火腿雞蛋芝士豬柳煙肉蟹柳肉鬆🤣 7樣材料放係熱辣辣煎到脆既手抓餅入面，再有沙律醬茄汁一齊食🥺又大份又好味到癲左❗️✨服務質素好，信任客人自助找錢，咁開心食到好味野食就一定係錦上添花啦 🤗 價錢‼️「S1 極上手抓餅」$36

講到葵廣美食好多人會諗起手卷、章魚燒，又或者係茶飲，但今次嚟到發覺原來慧食貓嘅手抓餅同樣出色。原味嘅手抓餅只係$13，份量亦都絕對唔細，配料亦豐儉由人！極上手抓餅因為實在諗唔到要咩配料好，乾脆就嗌咗一個極上手抓餅，入面有火腿、雞蛋、芝士、豬柳、煙肉、蟹柳同肉鬆，簡直係集百家之大成！諗住咁多配料，初頭都有擔心過會唔會味道上唔夾，點知一食落口，加埋沙律醬嘅調和，係非常有大滿足嘅感覺，亦唔會有飽滯感覺。值得一提嘅係餅皮十分之脆口，亦都唔會好似好多手抓餅咁過於油身，食兩啖已經無以為繼。整體嚟講即使咁多配料都配合得好唔錯，但建議唔貪心嘅朋友食3款左右配料已經足夠！味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

基本上嚟葵廣都必食呢間既手抓餅💛💛💛老闆好人友善 而且呢間既手抓餅即叫即整 味道十分之好！嗌咗份火腿蛋肉鬆 呢個組合真係冇得輸！每一啖都食到料 好滿足配埋少少茄汁同生菜簡直提升咗成個層次佢有好多款俾大家揀大家嚟到一定要試下

個女店員態度極差, 第一次買5熟悉落單程序, 但個女店員態度好差, 見佢忙緊, 咪諗住等佢停手, 話你成舊木企係到5嗌野食, 仲要拆高啖氣話你, 咩態度?比錢個陣, 雖然自助找錢好方便, 但又5同人講下個野食到我, 到野食整食, 又話你5自己找錢, 總之就不斷搵位話人。野食係好, 但係忙唔應該搵顧客出氣, 買個野食比個女店員話左幾次, 搞到其他人等野食以為我係D咩西客。

相信大家都對呢家黃店五陌生我地每一次去葵廣都必定幫襯落咗單之後等大概10分鐘左右老細即叫即整新鮮熱辣辣既手抓餅😋豬柳蛋手抓餅餅皮超級香脆，餡料入邊仲有番茄同生菜食落十分清新🍅每一啖都熱辣辣十分滋味評分：10/10

經常去葵涌廣場食野，但主要都係去3樓掃街，今日特登去2樓行下，遠遠見到有一群人排隊，一定有好野食，梗係去睇下。我好鍾意食手抓餅，香香脆脆，好吸引。尼度有唔同的餐，已經定好不同的配料，如果你唔鍾意，都可以自選配料！貪心的我，揀左極產手抓餅，所有我鍾意既配料都有齊，好吸引！因為得一個店員，order左之後，都要等差唔多15分鐘，不過我覺得等都無所謂，拎上手熱騰騰，食落口每一啖都係熱既，手抓餅仲有配上蕃茄同生菜，加左少少蔬菜，中和左啲油膩感，值得一讚