慧食堂

营业中

休息中

今天去大埔墟一遊。終於去了大埔舊警署和隔壁的舊理民府。建築各具特色。大埔舊警署現在是綠匯學苑，剛好今天是開放日，有導賞團帶我們進入平時不會開放的範圍。原來這裏有住宿體驗。今天體驗不到，至少在這裏的餐廳感受一下也好。慧食堂是素食店，自己點餐付錢再拿食物找位置。吃完自己收拾餐具。自從在這一類推祟素食兼自己執拾餐具的食店遇到過好幾次不遇快經歷後，對這一類經營模式的食店沒太多好感，總覺得是利用來賺錢的。今天這間倒沒了這種感覺，很自在很自由，餐桌佈局和店員的態度都充滿了重繫土壤、心靈、社會的氣息。午餐$60任選四款，輕餐$45任選三款。份量看著不多，味道也不知如何。因為我們吃了飯才來，所以只叫了飲品慢活一下。香料薑茶，$25。很濃味，可飲了一半再添多次水也不差。杭菊，$20。是嘉道理農場的有機茶。清淡的味道。那個裝杭菊的器皿很有用，不會將菊花茶葉弄到一杯都是，倒想買個來自己弄茶喝。我們喝著茶也坐了大半小時有多，沒有限時限座位急迫着吃，或許就是嗅不到那種商人勢利味道的原因。

難得約飯局, 想找一個清靜的地方傾計, 意外地找到這個古蹟內的食店, 於是便約定日子見面.甫進入古蹟, 首先要作簡單登記, 由於我們沒有預時間參加導賞, 所以登記後便沿著外圍到達食店.食店是只提供素食, 我們點了幾款試試, 有青木瓜, 羽衣甘藍, 南瓜, 眉豆, 芋頭, 鷹嘴豆等小食食物其實都可以的, 只是很少吃素的關係, 有些不太習慣.除了湯, 飯和餸可以單點外, 它們還有甜點和花茶提供, 下次來參加導賞的時候, 可以試一試甜點, 要注意, 食後要做餐具分類回收, 營業時間至下午四時.

平日放假，你到綠匯學院睇吓歷史，放鬆一下睇到攰攰地，就去到慧食堂休息一下環境來講，的確10分優美，環境主要以樹木做主題，位置都好闊落嘢食方面，原本以為會好貴，但原來價錢都相當相宜喎，最衰我同朋友食咗午餐先嚟，所以最後淨係食咗一件芝士餅。呢件係檸檬薑芝士餅，應該係用咗佢哋自家種植嘅素材整嘅，不過食落去個味道怪怪的，薑味太重，我同朋友都唔係咁鍾意食如果下次來，會試吓食下佢個飯喺呢度食嘢，記住要自己執返啲碗碟啊

這裡環境舒適，親親大自然餐廳周圍都比花草樹木包圍餐廳主張食時令菜，而材料亦選用好的，有些是來自嘉道理農場。各款食物味道當然和平時相比沒那麼惹味，始終是健康食物。這裡的炒菜很新鮮羽衣甘藍也很好吃但那個芝士薑餅很出色，超讚另外這裡的飲品都很好飲，好有養生既感覺。食完之後還可以在外面看看人耕種，或到隔離的商店看看有什麼賣。有時會有嘉道理農場的雞蛋，但每人只限買一盒提提大家，向餐廳食完野係要自己分類執野架！

由於同朋友去咗綠匯學院嘅開放日參觀，先至發現有呢一間隱世素食店。呢間餐廳位於小山丘上嘅綠匯學苑之內，導賞員介紹餐廳會採用當造嘅食材煮佢哋嘅菜式，而嗰啲食材就正正係喺餐廳旁邊嘅一個田園裏面，而且係用有機耕種方式嚟種植，食得新鮮、食得健康之餘，亦減少運送食材的步驟，盡量減低碳排放。是一個非常好嘅理念。菜式選擇其實都算多，有12款任你配搭，選3款$45﹐選4款$60。價錢合理。由於花多眼亂，好唔容易我先至選好4款：黃薑糙米飯 - 淡淡嘅黃薑味。藜麥鷹嘴豆沙律 - 鷹嘴豆已經煮稔，入口已軟滑，加埋藜麥，健康之選。眉豆煎餅 - 香口，滿滿嘅眉豆味道，出乎意料地又幾好食wor。扁豆紅菜頭沙律 - 新鮮紅菜頭，加扁豆同埋佢哋自製嘅沙律醬，搭配得非常好。呢餐非常滿意，因為食得健康之餘，價錢合理、餐廳環境亦都舒適。原來平日餐廳都會開，只做午市，下次去大埔都可以再嚟食。

正直復活節, 放長假有咩搞作呢?!都係約下FD 出街食下飯BBQ咁啦~今日入去大埔探朋友+ BBQ~諗住夜晚已BBQ喇,, LUNCH 就唔好再大魚大肉..係諗緊食乜之際.畀左幾個OPTION. 大部分都好似同BBQ 有D沖突咁.(其實係我太煩, 唔想夜晚熱氣完日頭又揀同類OR 熱氣野.)最後就揀左呢度.. 食清D同健康D先..咁夜晚先有QUOTA食其他野嘛~呢度如果冇地膽帶路, 我都真係唔識黎, 不過唔識行又唔緊要既, 都可以坐的士黎~不過放假就行下啦, 好在我只腳都好得7788, 慢慢行點都行到既~呢度只做1000-1700. 同埋冇得訂位, 有心既就早D黎~呢度既食材都係由本地有機農場同埋自己種植為主, 完全係天然, 低炭, 公平貿易又有機既環保餐廳!見唔見到羽衣甘藍同籮白仔? 睇完介紹更加覺得冇揀錯~~~~ 如果有更多呢D 餐廳就好喇~呢度全自助, 自由配搭~一張圖係一款菜式~我揀左四款既午餐~ 鷹咀豆藜麥沙律+眉豆燕麥金塊+紅米飯伴青醬+香料紅扁豆濃湯$ 60個飯比較乾身, 好在有個青醬撈埋個味就岩岩好~~金塊好夠味, 我覺得好好味TIM, 煎得好香口呀!  沙律又夠味!!正

旁邊的伯伯食食下來搭訕，佢話食唔飽，份量好少，三餸唔知點解收左佢$60好貴。我望一望他的碟： 伯伯，你果度4款黎喎。佢驚訝了下，因為他不知道這裡飯其實係計一款的，由於唔少健康飲食朋友或糖尿病人都未必吃飯，因此這裡的飯和湯都各自當一款計算，以免產少不必要的食餘造成浪費。3款=$45，4款=$60伯伯繼續喃喃自語：都係丫，份量少了點為左撫慰一下他的不爽，我用了我那碟飯來向他解釋了一番：呢度係香港少有的farm-to-table餐廳，即係由嘉道理農場直接運送有機種植的食材過來，豆腐是鹽滷無石膏粉的，沙津醬是無添加新鮮自家打的，連飯上灑的瓜子都係有機兼自己炒的。伯伯聽完後哦下，然後靜左，我以為佢嫌我多口，點知隔左幾秒佢笑一笑話：咁聽落又抵食左喎。(Delay?Haha好可愛♡) 如果可以的話，我都好想可以間間餐廳都好似呢度咁，有大廚同員工系度比我對食材同做法問得詳詳細細，不過可惜唔多餐廳好似呢度咁員工都咁knowledgeable, 香港的話只有數間有使命的餐廳可以咁educational。不過呢度都有美中不足的地方，就係飯在冬天有點不夠熱，反映過後話因為設備原因暫時都改變唔到，其餘就已經好令

帶三隻馬騮去舊大埔警署參觀！警署內有餐廳，行晒就入內，地方大，舊香港草根日用品做裝飾，有冷氣幾舒服！呢度有套餐飯食，不過我見啲菜色幾位小朋友都唔啱！所以每人散叫飲品同甜品享受下！呢度提倡環保♻️惜食，服務自助式，食完要自己收拾！紅薏仁特飲（$25）紅薏仁、乾百合、糙米，椰子花糖，有沈澱物嘅飲品，似早餐嘅飲品，果仁味濃，幾特色紫蘇特飲（$25）自己喜歡紫蘇，味道獨特，變成飲料甜甜地好味全檸檬特飲（$25）檸檬果皮果肉、肉桂、生薑、味道濃，有香香草香料味！幾特別青檸薑批（$25）賣相靚，青檸有啲青澀味，夾雜啲薑絲，不過薑太老，幾多一絲絲咬唔開嘅渣！批底略濕！一般！阿麻籽布甸（$25）（亞麻籽、椰子花糖、枸杞子、小紅莓乾、葵花籽）賣相幾靚，好多種子，口感豐富，布甸似乳酪多啲，唔太甜！好天然嘅味道！店員斯文有禮，氣氛好舒適！食物有特式，不過口味唔大眾化，小朋友都唔啱，可能大人先識欣賞呢啲原味享受純樸風味

這間餐廳好有綠色堅持的態度和設計，一進去已經有需要簽名，餐廳的前身是舊警署，還有本地農場的支持。能夠做到低炭的餐飲，選取的食材是由本地的農場進口。點了個午餐，很健康的味道，紅米飯味道不錯，最喜歡的是燕麥金塊。餐廳無論環境或食物都非常優雅，值得多點光顧，藉此了解綠色健康飲食。出去餐廳後，附近還有一個小農場。The restaurant is suitable for foreigners to visit as well, staff are nice and can speak English;)

經常出入大埔，也未曾真正享受過大自然的氣息，最近想找個地方家庭樂，終於給我找到這個悠靜的地方。欣賞這裡的菜式多樣化，60元已經可以嘗到4樣菜式，份量剛好，不會造成浪費主食有黃薑糙米飯和紅糙米香辣葵花子飯，兩種選擇，前者較香米飯的味道，後者因有葵花子，令米飯更添口感。海帶凍豆腐，有味噌的豆香味，採用凍豆腐更吸汁入味波菜鷹嘴豆煎餅，煎得香脆，每一口充滿豆香，而且豆蓉入口軟滑。黎麥鷹嘴豆沙律，沙律添加黎麥，令這菜式更有咬口，減低膩的感覺。冰凍薏米水，不會太甜。

早前看到親子雜誌的介紹，於是相約友人一起到訪位於大埔墟的緑匯學苑(前身舊大埔警署)。 當日我們沒有預約，11㸃半到達門囗，簡單登記後一行四人開始參觀。 這裏的建築物別具一格，古老的電話擺設尤其吸引小朋友，還有木制的收音機和尋人拼圖呢! 午餐時間到了，這間具環保概念的素食餐館，食材頗為新鮮，菜式也比較特別，味道比較清淡，值得一提的是，客人要自行把用膳完的餐具及廚餘分類放好，那個回收站的衛生環境可以改善一下的話，教育效果會更加好。

如不計較食物味道，款色選擇勁少，份量也少 ( 有3款比酒家前菜份量還小！).去此餐廳只著重健康，環境優美與清静者 (不怕位置吊腳)，大可一試！之前係看見網上好評，去試試！去到是平日約3點，顧客少(與朋友傾談聚會一流 ！)三人行，點了1個有4款內容的餐$60 (其中 2款的飯(份量可以接受)，味道較淡 (其實如2碗糙飯，喜歡與否，每人不同)但是不夠熱且較乾硬！另1款是類似豆餅(實際大細比圖片小)，口感淡而乾 (朋友與我都覺得！)*比較以上三款，最好食都是沙律豆😋 ( 酸酸地，份量也可接受)之後再點了餘下的3款試！(每款$17)，每款冷盤的味道亦可，但是真是太少了！！👎再試了杯飲品$2x (薏仁杏仁)，冇杏仁香，淡！都係嗰句啦 ！唔計較味道與份量，著重健康與環保在大前提者，不防一試 ！我都好少寫食評，但唔寫出嚟，又怕其他如我的人，特登去到食完會後悔.

大埔真係一個幾好的地方，博物館同歷史建築都好就腳，離開火車站之後，唔洗點轉車，幾都行到去。呢日想去「慧食堂」食野，順便去遊覽下歷史建築物。「慧食堂」坐落在「綠匯學院」(前身係建於1899年的「舊大埔警署」，2010年由嘉道理農場同港府合作的活化項目)建築群內，提倡低碳、可持續、惜食，智慧飲食等原則。要去「綠匯學苑」其實好容易，大埔火車站A出口(新達廣場)，向(右)麗雅花園方向行，達運街有條行人隧道(無咩人行)，穿過隧道，會見到有個「春暉園」的扁額即係「運頭角遊樂場」，拾級而上，然後一路向前行走出去公園，就會見到一條山路斜路，按有「綠匯學院」路牌指示，前行50米左邊就到，非常方便。(甘行由火車站行去只需5分鐘)。前往呢度都緊記要留意開放時間(最好上網查下先)，10am開門，5pm關門，但4pm就截人。走入「綠匯學院」，要先去「訪客中心」作登記，然後職員會簡單介紹一下歷史、背景、理念、守則，同餐廳、展館等位置。大埔舊警署昔日照片同介紹。離開訪客中心前行轉右，會見到一片草地(香草園)，後面就係「慧食堂」。推開木門同紗門，就係餐廳。餐廳裝修佈置揉合中西，自助形式點餐。是日午餐有八款菜式(不包飲

下雨天，仍然照預定計劃一行四人到此處參觀。下午一時左右到達，先到慧食堂吃午餐。我選了四款的午餐 ($60) 及一杯薄荷茶 ($25)我選了黑米飯，芝士豆腐，鷹咀豆煎餅及涼拌黑木耳珊瑚藻。份量非常足夠，而且這店推廣零廚餘，當然最好不要吃剩任何飯餸。味道方面，食物煮法簡單，看上去樣子也平平無奇，味道卻非常不錯。芝士豆腐調味很好，有豆腐香及芝士的咸味。鷹咀豆煎餅也是咸咸的，配餅吃非常好味。涼拌黑木耳珊瑚藻酸酸的，珊瑚藻很有咬口，很特別。只是香辣瓜子一點辣味也沒有，但黑米飯煮得軟硬適中，很好吃。試了一口朋友點的鷹咀豆黍麥沙律，味道亦很好，值得一試。薄荷茶遠遠也聞到清新的香味，很新鮮好喝，非常不錯。品嚐完所有食物及飲料，各自收拾好餐具，下午兩時就參加導賞團遊覽綠匯學苑，的確是非常好的體驗。

參加綠匯學苑活動，中午佢地提供左由慧食堂大廚既午餐，青醬（自製）撈紅米飯，鷹眼豆沙律，芝士豆腐，南瓜「乳酪」，雖然簡單，但健康又好味，紅米飯有嚼勁，唔係果d煮得很腍既米飯，低GI值，芝士豆腐雖然清淡，但可以試到淡淡既豆香，鷹眼豆沙律爽口，岩洗宜家咁熱既天氣，最後既甜品先係獨特，南瓜「乳酪」，果樣睇落去好似乳酪，其實係用豆腐同埋香蕉攪拌而成，唔係奶製品，融入低碳環保既理念，味道真係唔錯，酸酸甜甜今次係佢地免費提供比我地既lunch，下次有機會我都想比錢試下慧食堂入邊既餸，健康又環保