慕茶 (已搬遷) 新店位置

喝茶，是中國文化之一，唐朝陸羽的《茶經》記載「茶之為飲，發乎神農氏，聞於鲁周公。」就是由神農氏發現茶葉的故事。愛喝茶的人大有人在，用上茶葉做出其他食材，就要去茶慕一會。慕茶位於觀塘工廠區內，由四位 80 後女生開設，當中有人出身於茶行，能取到靚茶葉，製作了茶味雪糕和飲品。慕茶不只賣茶，是一間cafe店，除了提供西式菜式，創作出少糖健康的意式茶味雪糕及雪芭，全是本地製作，還會舉辦自製雪糕興趣班，讓更多人懂得製作美味雪糕之樂趣。 走進慕茶，品嚐了茶味雪糕和茶味飲品，讓我更能體會到茶的香濃和吸引。除了茶味雪糕好食，還有西式菜式一樣做得出色。雖然身在工廠區之內，價錢收費不是很貴，但以甜品來看，就有點略貴，但能品嚐到茶味雪糕，又值得一食。 ******************走進觀塘的工廠大廈，就是一條又一條的走廊之中，轉了幾個彎，終於見到慕茶了。以白色為主的慕茶，大門也用上白色花紋的玻璃門，放上以花為裝飾的擺設，很優美的一個設計。走進慕茶，便見到他們的雪糕車，就是其中一位店主在婚禮之上給賓客提供雪糕的雪糕車。 另一邊，也是放了一套的雪糕車擺設，相信每一位客人前來，便很想和這些擺設來張合照

慕茶係一間以茶味雪芭出名今日我去試既係抹茶大蝦意粉作為抹茶迷超級期待一上台已經係見係濃濃既抹茶醬包住意粉再食真係oh no!點解會咁澀, 真係好苦澀.佢既抹茶醬唔係稀身而係好杰杰到係痴住每一條意粉我覺得好似開左好少水之後就撈埋意粉咁, 真係好濃烈既抹茶味但係就搞到意粉太乾身喇好彩佢有個蛋黃係度, 撈埋一齊就ok返少少, 但係就真係好澀…大蝦無咩特別, 應該只係白烚過之後靠呢個抹茶醬既味但係呢個意粉真係令我不敢恭維喇希望店家可以改善下, 因為食完幾個鐘都重係好濃既抹茶味係口中好味就話者但係真係好苦澀

今年的情人節，我同Mr.K 參加左慕茶的插花班，完成左課堂已經近八點，可能男仔少插花所以比想像中遲左放學！咁我同Mr.K 都食左啲野！慕茶卷一份有兩個Cone, 分別放住兩款唔同的餡料 －吞拿魚沙律同埋腸仔腸仔餡好似唔太Match，都係吞拿魚沙律正路啲，入面有啲菜絲，但個cone係Keep到脆身嘅，無話浸到淋晒！只係吞拿魚乾得滯，食得有啲輪盡，附有兩款醬汁，可以加落啲餡度，當中的桂花糖好香，係我鐘意的甜味😉紫薯心太軟配雪糕雪糕可以喺八種手造的茶味 Gelato 揀，有大路的抹茶，功夫茶，玫瑰花茶等，我地揀左桂花茶，整體味道比較偏淡。心太軟紫薯味不太重，切開會有少量的有紫薯粒，反之感覺黃糖味較重吧！

星期日趕住打波，想快快趣食個晏仔，諗起呢間食雪糕好出名既慕茶，今日黎試下佢既lunch得唔得先。餐廳一點鐘開門，我準時黎到，已經有幾枱客，之後更坐到客滿，以周日既工廠區黎講，真係算好旺。今日晏晝成廿幾度，一於叫個「涼拌麻醬雞肉天使麵」($68)。同店員講左好趕，餐廳都好配合，好快就上菜，讚！呢個天使麵係fusion菜，意大利天使麵配日式麻醬，估唔到又幾夾，麻醬酸甜，夾埋爽脆既青瓜絲、紅蘿蔔絲，仲有雞蛋絲同嫰滑雞胸，熱熱地既天氣食真係好啱feel。跟手再叫多個「慕茶全日早餐」($86)，造型夠靚，尤其係中間砌到心形既腸仔waffle，簡直係畫龍點睛，窩夫皮係甜既，好香脆，入面夾左一條香草腸仔，好食；另外有一個肥牛炸饅頭，肥牛係用日式醬汁煮過，感覺有D似日式牛肉鍋既牛肉，略帶甜味，個包炸過，味道有D似中式炸饅頭，又一fusion之作。食飽飽，仲有大把時間行去打波，真係要同餐廳講聲「唔該」。

是日為抹茶而來的，其待已久，可是點菜時郤沒有抹茶麵，亦沒有抹茶甜品，可為百無，有點掃興。 室內環境精美，適合女仔GATHERING，可是當全場滿座時，像街市般嘈吵。水吧是自助的，嘔心的是－杯子滿是茶漬，且有少許黑點，90%杯子都是這樣，令我不大想再在這兒進餐。 我問店員可否給我們玻璃杯，她回應要點選花茶才可享用，於是千揀萬㨂，眾多杯子裹才揀到2隻杯可用。雖然是抹茶百無的餐廰，但還有其他菜可選擇。欣嘗這慕茶全日早餐，是全統英式早餐的改良版，伯爵茶WAFFLE有很香的茶味，內還夾著黑椒腸，少許黑椒辣，不會太濃烈，整體配塔特別，可以一試。炸熳頭外脆內軟，有點點甜味，中間夾著肥牛，牛不會太乾，有肉味，合到好處。蕃茄生菜，都很新鮮，蛋如茶餐廳味到一般吧。黑松露三文魚忌廉汁意粉，有陣陣黑松露香，三文魚肉質諗，滑口，忌廉汁味濃烈。意粉有點硬，不爽，但還可入口。帆立貝墨魚汁意粉，不覺有墨魚汁味，像被忌廉汁蓋過，帆立貝只得2粒，雪櫃的吧，可入口。沒有抹茶甜品，只有抹茶飲品，玄米枺茶奶綠，玄米茶味芬香撲鼻，入口有抹茶味，可是甜度多了點，杯底有抹茶粉，應不是粉包沖出來的。

星六去觀塘行街，唔覺唔覺行到餓餓地。就開openrice search下附近有咩食。跟住就揾到慕茶。地點在工廠大廈內，起初以為會好難揾，點知原來好方便去到餐廳門口佈置好特別，同埋都幾多唔同服務。 入到餐廳，環境雖然簡陋，但估唔到都幾多支持者 由於肚餓，所以好快就點咗個《黑松露煙三文魚忌廉汁天使麵》。等咗大約15分鐘天使先捨得來，真係好在野食賣相都幾吸引。天使麵食落口軟硬適中，加埋吸收了忌廉汁味道不過可惜在，唔知係咪放得太耐，食落口有點冰冷的感覺。煙三文魚就屬正常水準

近來越來越多特色cafe進駐觀塘區內的工廈，所以愛吃的我也要多點過來發掘好地方。這間主打茶味雪糕的cafe，除了比較大眾的抹茶和伯爵茶口味外，還有普洱茶和功夫茶等多款獨特口味。店裡以綠色和白色為主調，還有燈泡吊飾和雪糕車等擺設，給人一種清新田園氣息，挺適合過一個悠閒下午。 <牛肝菌忌廉湯>味道不錯，磨菇味很香濃。 <抹茶卡邦尼鮮蝦意粉>我這個抹茶控忍不住又點了抹茶意粉，但有點失望。賣相一般，只有幾隻小小的蝦仁。完全吃不出抹茶味，反而有點苦澀，和芝士的味道也不太夾。 <貴族伯爵茶窩夫繽紛樂園配2款雪糕>這次選了比較特別的玄米白茶(白茶種)和功夫茶(綠茶種)口味。雪糕奶味重，質感滑溜，不易溶。品嚐白茶雪糕時真的有陣陣玄米香，值得推介。功夫茶味則像即沖奶茶比較甜，但也不錯。心形窩夫是軟身的，賣相精美。

都市人..無論返工返學..都有不少無形既壓力...係假日既時候, 好喜歡同160CM 一齊去D比較" 經濟"既地方文青一下~無論喜歡文青/ 喜歡飲茶 / 喜歡食雪糕既你 都一定喜歡~講緊既係一間位於觀塘工廈區既CAFE-- 慕茶. 已經第2次同朋友黎呢度啦~ 除左茶味雪糕之外, 我好喜歡呢度既裝修..因為佢主要係用花 大自然 清新 簡約為主...慕茶 既入口 放左部好文青既雪糕車係度~真係好靚呀!!坐係呢度 會有一種好放鬆既感覺~(慕茶暫時不設時間限制喔XDXD)仲設有自助茶水區, 定期有唔同味道選擇既茶供大家選擇~之所以話係當經濟文青的好地方,因為佢既價錢相當經濟, 而且一個SET 仲包埋自製雪糕TIM~雪糕會有玫瑰花茶味、普洱味、抹茶味、連功夫茶味、玄米白茶味~如果暫時去唔到台中宮原眼科食雪糕既朋友, 可以黎呢度試下各種茶味既雪糕先~XD呢個係抹茶卡邦呢意粉 好重抹茶味 個人認為有點甜 但可以接受 但係真係好大碟 XDXD特別推介既係心太軟 ♥ 上一次我朋友生日,而我又係OPENRICE 見到慕茶有心太軟食,所以係前一日,就打去問下可唔可以畫碟啦~原來慕茶畫碟係唔收CHARGE架~

第一次來，一口氣吃了七球雪糕。味道的印象模糊，只記得自家製的雪糕，味道天然，帶茶香，又夠特別。舊地重遊。上次有私人派對，一部份被間開。這次的間隔、佈置，有點不一樣。同一枱單車，放在入口旁。室內掛著昏暗柔和的黃燈，洋溢著浪漫。幻想一下，在漆黑的海傍，斯文溫柔的女生，推著單車，車尾的箱子盛著自家製雪糕，單車上的傘子，掛著一顆顆的迷你燈泡，多麼有意境。除了吊著黃燈，天花還掛著隨意的攀藤，牆璧髹上淺綠色，配木製餐桌，甚有森林的氣氛。兩個人在森林深處，照著月光，靜靜地進餐，令人嚮往。午市套餐有全日早餐、意粉和飯，選擇不多，但也足以使我陷入一片懊惱之中。下午茶餐也很吸引，紫薯湯伴雪糕、桂花糖脆脆黃金磚，都看得我口水直流，可惜只限3-6時供應。套餐都配自助玄米茶，也有熱水。事實是，茶和水都只有餘溫。和風沙律跟餐的和風沙律，用上新鮮沙律菜，還有切得幼細的青瓜絲和蘿蔔絲，淋上日式芝麻醬。沒有特別，但好吃又來個清新的開始。是日餐湯很喜歡它的碗子，沒有西餐的高級，但充滿家的感覺。看湯的顏色，猜是雜菜湯、南瓜湯，怎料到竟是蘑菇湯。熱呼呼的湯，濃郁的蘑菇味，夾雜煮腍了的蘿蔔粒，暖胃又味美。幸福得有安坐家中，暖笠

星期日，又要出去行行逛逛，去到觀塘行amp，人太多，行左一陣決定放棄再去搵食，行左去開源道個邊，睇睇openrice有介紹一間樓上cafe, 就上去試下啦，1點開鋪，我地1:15到，已經半滿，坐左一陣就全場滿晒。個下覺得自己無選錯。餐廳環境好舒服，燈光又柔和。可以坐下吹下水。Menu 見到，除左小食，意粉，仲有甜品，而我，就俾甜品吸引住叫左個，慕茶心太軟雪糕，心太軟有三個選擇，抹茶味，紫薯味，玫瑰，我呢個紫薯控，一聽到就雙眼發光，諗都唔駛諗啦。雪糕都係跟翻茶味既雪糕，八選一，都幾特別，有普洱茶，伯爵茶朱古力，玄米白茶，功夫茶，抹茶，桂花黃茶，蜜糖茉莉花茶，玫瑰花茶。我諗左一陣要左普洱茶味。心太軟，好流心，勁香甜，外層有少少脆，食落唔會好似平時食開個d咁飽滯，而個雪糕食落有淡淡既普洱茶味，好滑，有少少奶味。都真係幾特別，同平時食開既可以話係大不同。

是日去完觀塘工廠區食飯，食完覺得爭少少唔夠飽，就黎到慕茶食甜品。入面裝修都幾靚，有架雪糕車仔 。 雪糕既味道都幾特別，有功夫茶味，Earl Grey味，普洱，白茶，焦糖茉莉花茶，呢d味都幾特別。試左功夫茶味，原來唔苦，都幾香甜，有點牛奶味。 叫左雙球雪糕: 玄米茶+普洱茶嗅一嗅冇乜味，但食落玄米茶好出，好似真係飲緊玄米茶咁，雪糕入口亦見軟滑。普洱茶就比較淡味少少。傾左成個鐘都冇比人趕走，餐牌d主食都唔貴，下次可以再試下。溫馨提示: 叫之前可以先試左味道先

地方易揾 閒日都有唔少人叫了2個lunch set , 包是日雪糕餐湯黑松露煙三文魚天使麵味道麻麻 餐湯也是罐頭湯不過來之前已經知道出名既係茶味雪糕最後重頭戲係玄米雪糕 份量略嫌少左d 但味道不錯喜歡茶味既朋友可以一試環境裝修幾靚， 最喜歡依部雪糕車原來係有party外租服務架幾有趣

觀塘愈黎愈多工廠咖啡室呢間咖啡室就係而「茶」為主餐廳最特別之處係homemade既雪糕大部份都係而茶為主今次就同朋友試左兩款心太軟配兩款茶味既雪糕玫瑰心太軟配玄米白茶雪糕 (HKD 60)第一次見到心太軟有「#玫瑰」味 😳 即刻想嘗一嘗味道如何 心太軟流量好高 第一啖已經食到有玫瑰味 但我同朋友都覺得好重黃糖味 味道過甜 同有種好膩口既感覺 但令我最驚喜既係「#玄米白茶雪糕」茶味超級濃郁 而且唔易溶 仲可以大大減少心太軟膩口既感覺 呢個雪糕超級推薦😍！紫薯心太軟配普洱茶雪糕 (HKD 60)同玫瑰心太軟一樣 心太軟流量好高但建議紫薯味道可以再濃郁D 而且偏甜

蜜糖茉莉雪糕，奶味滑濃配上茉莉花味香，感覺清新不會似食緊花朵咁花味蓋過食物本身。功夫茶雪糕似鐵觀音奶茶味，香甜但不苦劫，正。抹茶紅豆奶綠一喝偏苦，攪拌底層紅豆就甜味出，可惜奶綠太稀，飲似綠茶水。玄米奶綠正常，玄米茶加奶的口感。總括雪糕有驚喜，但飲料一般。

觀塘區已經化身為搵食好據點, 區內工業大廈既樓上CAFE真係愈開愈多, 今晚就黎度呢間主打茶同甜品既慕茶CAFE佈置以綠白為主調, 比人一種園野清新感覺, 望下張宣傳板, 提供雪糕車及雪糕人力車服務, 又幾特別喎雖然主打係茶及雪糕甜品, 但亦有供應意粉及小食呢類鹹食, 係呢度由主菜到甜品都照顧週到先黎一個紅酒醋粟米吞拿魚沙律($56)沙律菜爽脆, 配以醒胃醋汁加煙肉脆粒, OK!呢款黑松露三文魚忌廉汁天使麵($78)係"慕茶推介", 果然無推介錯, 好香黑松露味, 天使麵軟硬度適中, 連香滑忌廉汁加煙三文魚一齊食.......正!唔知幾時開始, All Day Breakfast 仿似係CAFE不同缺少既例菜, 當然要"入鄉隨俗"啦呢份傳統全日早餐($82), 賣相吸引, 份量夠晒豐富, 食晒都好飽尤其欣賞佢條黑椒腸仔, 好惹味; 若然塊煙肉可以再煎脆口D就仲好食完主菜, 點都要試下D甜品, 點選慕茶心太軟配自選雪糕一球 ($72)等候時間要20分鐘(下次可以就黎食完主菜就落單)心太軟可選玫瑰, 抺茶及紫薯! 我地選紫薯配玄米茶雪糕好有紫薯味, 味道偏甜, 但配以淡口味既玄米茶雪糕就岩