影片
羊排十成熟,猪排似柴皮,心太软无朱古力味,d流心朱古力仲系咸的同waitress讲完走左去无反应, 再追问时佢就答:厨师话无问题㖞!佢当无事发生,完全唔洗同客交代 其实上一次已非常差,今次想比多次机会佢, 但极度失望,不会再来!
继续阅读
其实见到事头婆一把年纪仲要睇住间舖咁辛苦，有啲唔忍心狠评，但啲食物实在好唔掂 ﹗佢真系要同厨房大佬好好研究研究，想想解决办法同要自我增值一下呢 ~一早已订左枱，以防无位啦，点知去到只有小猫三四只。我都花左一殷时间先揾到间餐厅，因为系无中文名显示架 ﹗每一张枱都有支假蒸馏水呢，一饮就知系自家水啦，不过个樽又真系几靓。枱上的小灯座装饰，添一份浪漫氛，但我今晚主要系黎试食物质数的。忌廉蘑菇汤，是日餐汤。不觉有什么蘑菇或忌廉味，只有好重既薯仔粉味，又无香味，饮落非常鞋口又杰达达，差 ﹗餐包，每人一片 ﹗？软垫但无味，恰似白面包。从未食过意大利餐厅系如此孤寒，正常应有几旧架㖞，可能我谂多左，其实依度系茶餐厅。侍应放低件包就走左，要我自己去揾橄榄油同黑醋，而且两样同属低级货式，差 ﹗啖口、太希，无香味。白酒忌廉煮纽西兰蓝青口，经典过经典 ﹗话说系我落单既时候，老板娘奇怪地特意强调青口腥腥味，您地食过未？可能食唔惯㖞，无得退货架。我心谂我从未食过会有腥味既青口㖞，佢会唔会只系讲紧海鲜既味道呢，咁当然我好安心照样 order 啦。当放入口既时候，发现原来老板娘口中所讲既腥味其实系嗅味 ﹗有无离谱啲呀 ﹗海鲜既腥味同嗅味都分唔开，点做食肆架？点做厨房架？阵嗅味免强顶得住，咁照食啦，直至食到旧嗅到吐出黎想呕既先完全放弃。青口不单止嗅，而且质地非常霉烂，并不是食评中所讲既软腍，完全无靓青口应有既弹牙感同鲜味 ﹗超超超劣，可以讲句千奇绝对唔好 order ﹗白灼翡翠螺配辣汁，辣汁算罢啦，不香不辣，味道既寡又低沉，滴几滴鲜柠还好。其实系第一次食热既翡翠螺，一般做法都会冰镇，有啲餐厅仲会用白酒浸过添。新食法，不过大失所望 ﹗白灼令质感好靭而且好鞋口，无左冰镇既弹牙嫩滑感觉，所有鲜味都灼走晒 ﹗好难食。龙虾汁海鲜扁意粉，又系蓝青口，见到都怕怕 ﹗依两只青口系冻架，都系有点嗅，不过无头先既头盘咁严重。另外仲有烟三文鱼，现成外购，无需讲。两只炸过既虾碌，还可以啦。到主角既意粉，港式口味，扁意粉过腍，完全无咽靭弹牙滑溜既质感，龙虾汁只有淡淡虾味但无正统龙虾汁既香浓味道，完全唔似龙虾汁，而且不香不滑，质地太厚身。依个时候又系要辣椒仔同黑糊椒救亡既时候，最后终于可以全部吞下。唉，差差差，吓死人咩。芝士烟三文鱼薄饼 8 吋，到底咩黎架？﹗我形容为隔夜通风饼干 ﹗一见到个样即谂点解啲烟三文鱼系铺系面既？莫非一早焗定晒个芝士茄汁饼底放系保温炉，当食客 order 咩料既时候，就咁放上去就算？唔系咁架麻 ﹗第一啖咬落去，我当堂呆一呆，定晒形 ﹗个饼底通左风呀？腍劈劈既，仲只系微暖，绝对唔系新鲜出炉，好似食紧冰鲜 pizza 微波炉翻热，顶 ﹗古怪既唔新鲜茄汁酸味，加埋无味芝士，救命 ﹗又要出动辣椒仔同黑糊椒，但系都救唔返，食左两啖，放弃喇，救命呀 ﹗黑松露酱炒什菌，想食炒菜，但只有炒椰菜及炒什菜，心感太普通，所以试试个什菌啦。黑松露味道未算突出，简单一碟小炒最正常，食什菌天然味道同质感，过得去啦。Tiramiso 提拉米苏，超甜不滑，本人不多吃甜的。柚子蜜梳打，为何支管又粗又大，似用黎饮珍珠奶茶，令我即时联想起周星驰系食神中所讲饮管有咁大支得咁大支 ﹗啲冰有咁大旧得咁大旧 ﹗等啲人拿拿临饮完就好走喇 ﹗为何唔比支棒我啊，啲柚子蜜黐晒系底，用饮管搞唔起㖞，服务真系麻麻。
继续阅读
来到朋友的心水餐厅吃午餐，名不虚传，果真值得给它一个笑脸。我们吃了～凯撒沙律($60)：蔬菜新鲜爽口，可惜份量太少了。柠檬忌廉汁鲜蓝青口($100)：那个柠檬忌廉汁非常开胃，令青口变得更嫩滑，不会嚡口，是我推介的美食！黑松露酱菠菜云吞($80)：又一令我印象深刻的菜色。云吞小巧精致，菠菜味不算浓，重点是那黑松露酱，感觉不会腻。蒜茸香草炒杂菜($60)：除了黑色的蘑菇，还有红色的车厘茄和绿色的瓜，卖相不俗，加上刚炒好，传来阵阵的蒜茸香，果真是色香味俱备。芒果焗鱼柳饭($80)：单看见面层的芝士和橙黄色的芒果，我已食指大动。芒果很甜，鱼柳很滑，佳！海鲜意大利饭($90)：卖相见用心，饭可选软或硬，我们选择了吃软饭，加上白汁令饭黏黏的，质感不错。至于海鲜则比较少，青口只有一只，另有少量算新鲜的三文鱼和虾肉，但以这份量，实在不能令我吃饱。总结而言，感觉煮意的食物有质素，价钱合理，我会再去光顾。
继续阅读
一心驶入大尾笃找意大利菜, 闻说是有一家不错的口碑, 在毫不知情的情况下, 随便进了其中一家意餐, 反正不对的话, 下次可以再试另外的, 所有今次'胆粗粗'一试 Diner Cuisine只是一般的汤, 有点儿太咸, 但不等于浓.... 跟汤的包是冷的, 完全没有被烘热过, 加上没牛油或蒜蓉, 很过分呢!很脆的洋葱圈, 薄的炸皮, 不错!唯一超赞的一道菜, 非常好肉质的青口, 很嫩滑, 没有太臭的海水味, 忌廉汁带点柠味, 不错的配撘, 赞!意粉不是煮得很软, 但是熟透的, 肉酱不美味, 有点儿像现成罐头肉酱, 连带一些不新鲜的味道, 很难令人再点下次!超热超脆, 吃了很久还是热腾腾的, 芒果很新鲜, 鸡肉不多, 没什么印象, 咖喱汁不是太浓, 只是有点香而己软身的意大利饭, 少许烟肉, 不算太突出, 吃下不会太饱腻, ok之作!服务一般, 侍应们不很全面, 欠缺记性, 绝对有改进空间!
继续阅读
好友相约到大尾督吃饭，她想吃美味的猪手，可惜她忘记店名订错位，我们WALK-IN也有室外座位也尚算好彩。店内的职员都颇COOL，其中一位年青的女侍应较友善。 猪手我们先叫猪手，没想到需等候55分钟。味道OK，个人觉得好似咸了少少。凯撒沙拉味道不错，还有加了似是蕃茄干的东西 (相片中的沙拉已被我们吃了少少)蓝青口感觉是新鲜又嫰口，我们觉得赞的一道菜 8吋PARMA HAM PIZZA味道OK，好友觉得皮有点硬
继续阅读