愛群餐廳

营业中

休息中

老公非常鍾意深水埗，經常一齊去行街。佢多次提到愛群餐廳。初初都好驚呢啲舊式餐廳環境會好差，地下全部都係油，不過親身去完之後覺得都幾好！今次就滿足老公配佢一齊鋸扒~ 下次會再去！ 炭烤美國西冷扒 12oz 168HKD   (自選配蒜蓉汁 七成熟)切開之後肉的顔色好靚，中間微微粉紅色。令人回味無窮！配咗蒜蓉汁好味，不過我只係落少少，已經好夠味喇。個人比較鍾意熟少少，所以要咗七成熟，肉完全唔會覺得柴或者硬，非常推介！配有薯菜 茄子🍆蘑菇🍄紅蘿蔔 羅宋湯 好味！建議一定要嗌羅宋湯~~蜜糖芥末露絲瑪莉法式羊架 188HKD羊扒肉質好，羊有🐑味，不過平時食開重口味的我都覺得比較偏鹹，腌料落得太重了，要咗五成熟，感覺啱啱好。自選配焦糖洋葱汁 五成熟配有薯菜 茄子🍆蘑菇🍄紅蘿蔔 羊有🐑味忌廉湯 淡而無味，小失望~餐包熱辣辣，鬆軟又好味！甜品有啫喱或者雪糕可以揀。我哋兩個都like雪糕~味道非常似上海一款經典雪糕，光明牌冰磚，童年回憶返曬嚟！唔會太甜~食完一球仲想再追加>__<

【深水埗區】【愛群餐廳】一直都好想試呢間餐廳，因為見佢老字號，而且以前搭車成日經過。我之前有位女朋友住美孚，送完佢返屋企之後搭巴士就肯定經過呢個位，因此先會有上面講嘅呢種感覺。而佢最近亦都稍作翻新，所以感覺好似比以前更加整潔同企理。今次適逢有位可能比家慈更親嘅阿媽級人馬約我食飯，我當然不敢怠慢。咁我亦都唔會話自己「空降」長沙灣咁誇張，根據灣仔 Eric 叔嘅定義，呢個詞係要啲大人物先用得，所以我只能夠隨意咁飄到現場啦。因為好耐冇咁樣兩個人一齊食飯，所以都互相交換咗啲近況。佢主要都係關心我當時最 hot 嘅 topic，而我亦都冇可能去掩飾我嘅困難同不快。呢幾年遇到嘅困難係一個比一個嚴峻，佢都有幫過我去度過其中嘅一啲難關，所以我都必須答謝佢嘅。叫啲嘢食先繼續講，鐵板扒餐好似係呢度嘅其中一樣特色嚟，啱我喎。朋友食量唔算大，喺佢諗咗好耐，而我又應承咗會幫佢包底之後，佢叫咗個「雜扒餐」，跟黑椒汁，飲「熱檸茶」。我有幫手食啲，我覺得只算一般，份量就算係幾多咁囉。而我自己就食咗個「鐵板牛柳餐」，因為朋友話佢有親戚好中意食，次次嚟親都叫牛柳食，咁我都想睇吓係咪真係咁堅。我叫咗五成熟，食落又真係唔錯，

本身係舊街坊，諗住去支持下。埋單$65，畀$105（因為唔想袋散子所以畀個5蚊佢），佢竟然唔肯收，話個五蚊銀污糟，真係無嘢講。如圖看看我$5有幾污糟？服務態度差成咁，仲叫街坊點支持佢？？其實就算有銀仔係污糟咗，大可以先收下，去銀行有得換畀你，成幾十年餐廳，細細個幫襯到大，因為一個五蚊銀得失客人，人地成世記住你，仲要畀人寫負評，值唔值得？餐廳老闆應認真考慮調整一下收銀員工的服務態度，以免影響咁多年老字號。

叫落單十分鐘都冇人理，野食又細碟又唔好食，要叫多幾樣，餐廳乜嘢卡都唔收，一定要收現金又唔寫，咁岩冇帶現金，搞到要去7仔買嘢禁錢，真係以後唔會再幫襯，大把好食餐廳食完都冇咁嬲

本身對呢間餐廳都有d期待。不竟開左咁耐。同埋有 酥皮濃湯。。。但個酥皮真係出曬事。個酥皮唔知係焗唔夠耐定點。完全無酥皮ge感覺。似係一塊面粉餅就咁放係上面咁。個餐包就正正常。暖ge幾好食。個主菜部分。叫左個T骨排同西冷加司華力腸。兩塊牛排一睇就知食粉醃過龍。食落無咩咬口得個淋字。同埋都係食粉味。加左10蚊叫左意粉。個意粉幾好食。所以食左個意粉。個牛排食淨左大半。。。甜品係雪糕。餐飲叫左檸檬茶都係正正常常無咩特別。

朝早4個人去食早餐。每人叫一個早餐。我叫個左雙併麵餐，一個雙併麵加一杯凍檸茶。幾分鐘後，四杯野飲黎左，其他三人的食物亦陸續送上。我個麵仲未黎，落單後15分鐘催左一次(其他3個人已經食到一半)，落單後25分鐘都未黎。我話取消我個餐。佢打過張單取消我個餐，但收左我剰飲凍檸茶錢。我問點解收剰飲凍檸茶，佢話因為杯野飲黎左。我話我杯野無飲過，你攞返走。佢就成杯檸檬茶攞走，然後係張單取消個凍檸茶。我無諗過個餐，成個主食無黎，取消個餐，都可以收剰飲錢。

今日朋友帶我去長沙灣食午餐，我哋行咗去接近深水埗一間叫做愛群嘅西餐廳，門口貼住免加－，入到去我哋兩個人坐喺卡位非常寬敞，當時係中午時間客人唔算好多，佢哋嘅午市套餐都有五六款，我就揀咗食雞扒拼芝士腸意粉加熱奶茶，羅宋湯配餐包，非常抵食雞扒大大份奶茶都好好飲，唯一美中不足就係個意粉比較硬身，呢個價錢仲包埋餐湯都算係經濟實惠，我朋友就叫咗鰻魚帶子炒飯同榛子咖啡，羅宋湯跟餐包，佢個飯都好大碟，朋友話都幾好食，但即磨嘅榛子咖啡就比較甜（佢係冇加糖嘅）。不過總括嚟講都好抵食，下次值得再去。

有一段時間冇去幫襯，今晚過去食個晚餐，叫咗焗豬扒飯，同埋牛肉炒意粉，叫咗羅宋湯，餐包依然OK，但個牛油真係麻麻哋，希望可以改另一款牛油好一點，羅宋湯依然又熱又好味，冇退步。鮮茄焗豬扒飯：豬扒有炸過先去焗，加分，可以減少小汁，因為今次多咗汁。牛肉炒意粉：真係有啲驚喜，好味。

昨天晚上跟朋友想不到吃甚麼，經過愛群時就想起上星期的龍蝦及牛扒那一個不錯的配搭，然後就入去點餐了，不幸地，因為聖誕節，他們竟然推出了set好了的聖誕大餐，改了配搭，連小菜的菜單也沒有了，我本來還想點一碟炸雞翼的🌝但因已坐下，就繼續點餐吧。聖誕大餐有三個set$各個298, 龍蝦變了配豬扒B餐，C餐才有牛扒，但牛扒是配虎蝦，因上次的牛扒很不錯，就繼續點了C餐，點餐前再三跟女店員確認是不是鐵板上，女店員都說是的，然後前盤（燒雞沙律）到了，紅豆冰也到了（因為飲品也是指定了檸檬可樂或紅豆冰，所以我們選了紅豆冰）；然後面包及忌廉湯到了（這湯是暖的），到主菜牛扒到時真是無言，不是鐵板來的，朋友打算換的，然後一個男店員走來說就算不是鐵板，你要的七成熟也已有了，問題是這鐵板與七成熟有關係嗎？然後朋友沒有替換，打算聖誕節不想麻煩了，牛扒只有被切下來的三舊，連平時食的一整塊份量都沒有，之前那一個龍蝦配牛扒才一百多，現在連一半份量都沒有還沒有鐵板，牛扒越食越凍，真是冰冷的大餐，配上冷沙律、紅豆冰，然後食完牛扒我們馬上走了，連雪糕都不要了，有病，這個餐還配搭雪糕？！天氣真冷😓

本來想去素年，但係太多人，改去這裏食扒餐，個感覺都唔錯。侍應招呼都好周到，卡位闊落，最後揀咗三個鐵板餐， A項：雞扒、豬扒、牛扒或者B項：魚、蝦、司話力腸，可以各揀一樣嘢，我哋嗌左兩個豬扒、一個雞扒然後再加司華力腸、蝦🦐同埋魚。鐵板餐可以改酥皮湯，我哋要咗兩個。豬扒唔錯，而且份量好足，雞扒就鹹咗少少，另外，雖然隻蝦好細，但都好新鮮，魚就差咗少少，好明顯係急凍鯰魚。反而酥皮湯有驚喜，可能好耐冇飲過，覺得味道好，足料。三個餐都送甜品，可以選擇雪糕和啫喱，我會建議大家揀啫喱，味道好好，雪糕感覺好似雪咗一千年咁，食咗兩啖就放棄。百零蚊食個鐵板餐，唔係連鎖快餐店，喺現今香港，已經唔算貴，當支持下本地西餐廳，買少見少了🙏🏻🙂

明明是市井街坊之地，但價錢一點也不平易近人。一個午餐要五十多元，附近幾條街大把選擇。茶餐就如照片所見，並不像是薄牛扒，而是似牛肉片，薯角也很鹹。更惡劣者是兩隻烏蠅一直在旁邊盤旋，無論怎樣也揮之不去，只好儘快吃完走人，不想與烏蠅共膳。總之一句，噁心!

第一次光顧是2013年，之後偶爾光顧。今天到長沙灣買東西，又重臨嚐舊味。原來已45年的店，仍在，真厲害！下午茶，單看價錢不算平宜，但食物一上桌，就知道原來好抵食。葱蓉雞扒煎蛋飯，好大碟！雞扒好大塊，葱油香。我最喜歡的是伴菜小紅蘿蔔，清甜。常餐：又係好大份！整件厚多士，和辛辣麵，牛扒也大塊……抵食！不過，可能辛辣麵只落半包味粉，不夠辣。加$7可配凍朱古力咖啡，好味，不過，我已叫小甜，但仍太甜了！大滿足的一餐，只$109……抵！

朋友仔知道我鍾意一齊出嚟食飯相聚想坐得舒服啲同耐d，佢亦想支持小店，哥哥仔主動提議去呢度食！👍（知我份人有啲啲要求🤫）果然冇介紹錯😀卡位及裝修環境舒服，服務亦唔錯呢！重點當然係食物，有驚喜😊我哋大家都叫咗羅宋湯、7成熟🐂扒同司華力腸配薯條，羅宋湯果然係有料到，🐂扒大件，肉質鮮嫩，黑椒汁同蒜茸汁都好味道!👏我係雪糕人，甜品係雲呢嗱雪糕，朋友食提子味啫喱（多花奶呀唔該）為食鬼嘅我梗係試一口啫喱啦，內有什果㗎！😆雖然什果唔係值＄嘢，但已經少地方會加入去啦！🧊凍檸茶大杯，好夠飲！埋單都只係$288（易發發）thank Q my friend 😘🙏我呢個港島人下次會帶朋友仔去食埋佢嘅午餐🥣

20年前係依間餐廳食人生第一份T骨，20年後重遊舊地，得到既係一份無左肉眼部分既帶骨西冷，問職員T骨係咪轉左係咁，我話我成份上黎已經無左肉眼個部分，佢話轉左供應商，應該係穩定啲既，可能咁啱依件切到咁，話如果一上台發現就話佢地知會好啲，依家咁好難拎返入去(都真係就食晒，因為無左忽，3刀都就食完)佢咁答，我真係除左笑一笑，都唔知可以點。最後比錢有返另一個職員講，希望佢哋留意下啲出品，我得到既係一份帶骨既西冷，我20年前食第一次T骨係依度20年後食竟然係咁，之後我㩒門走左了(我比足全數，無問過任何折，佢都唔似會想補賞我啲乜)P.S. 20年前係依間店既叔叔侍應教導我食T骨的。。。。真笑話。。。

【 早餐選擇多】喺屋企附近食早餐，我多數會選擇「愛群餐廳 」，佢地的早餐選擇好多，有輕食也有扒類早餐，份量都足夠，環境寬躺坐得比較舒服，但侍應的服務態度就有待改善。我今日就叫左份早餐A，係沙嗲牛肉出前一丁，跟餐仲有份炒滑蛋和牛油豬仔包，餐飲點了熱阿華田。出前一丁的麻油係另上，方便我哋自行加減份量。碗麵有小許白菜，沙嗲牛肉都ok多，夠食。值得一讚係份炒蛋好香滑，口感柔軟，奶油豬仔包脆卜卜，配搭奶油好香口，好好味。