影片
原本做晒research，想去附近号称全港最平嘅英记豆腐花，点知去到果间铺位，见到招牌拆咗，有个男人装修紧…… (相中左边位置)唉，疫情之下，食肆果然好难做得住。好彩沿路行过呢间爱心豆腐花，见到有人帮衬紧。一样都系平民化嘅小店，一于试下先。正如食蛋糕首先要试经典嘅士多啤梨忌廉嘅道理一样，想知一间铺头嘅功力，都系要试啲最基本、最唔花巧但要整得好食又好考功夫嘅嘢。呢间写到明疫情之下只做外卖，我就叫咗两碗最plain嘅冻豆花。冻豆花每碗8蚊（热嘅7蚊），抗通胀街坊价。欣赏老细醒目，唔驶叫都已经自动自觉摆咗一包糖浆同一包红糖粉入袋，等我食起嚟唔驶就住就住、惊食到碗底无晒甜味。味道方面，讲真唔算好滑，但系胜在够豆香。咁嘅价钱，都唔会太高要求。
继续阅读