愛廚坊 (已結業)

上次試過幾好食，今次同埋朋友入嚟大埔再見識一吓咩叫慢煮！唔講真喺唔知，原來低溫慢煮依種烹飪技巧，係歐洲已經流行多時，好多外國人都接受到睇落好似唔熟嘅出品。不過好似上次咁講，只喺睇個前菜都已知道師傅樺哥真喺好有心機，逐粒逐粒火龍果咁“畢”出嚟，真係用好多心機同時間！雖然都算喺熟客，但師傅都喺好細心！依個歐洲式前菜，我最欣賞喺底層嘅芝士同火腿！真喺超正！食過返尋味！依個《低溫慢煮香煎鵝胸》又喺一絕，雖然睇落帶有少少紅色，但其實已經全熟食得！經慢煮出嚟嘅肉質真喺好唔同，非常彈牙，而且真實咁品嚐到鴨肉嘅原味！另外，講真，喺出面食西餐，又點食埋配菜，但配菜個橙片都好好食！跟住再嚟依個《香煎巴西豬肋排》，真喺超好食！肉質彈肉可口！而且真喺做到骨肉分開，容易入口！最後再嚟個雪糕同蛋糕做甜品，可見師傅真喺無微不致！聽返啲真喺識食嘅朋友講，原來已經煮得過熟，歐洲人喺食得再生一啲！始終慢煮依種文化同方式咪喺香港好流行，所以無論食幾多次，遲早都覺得好特別，好有新鮮感！依到嘅私房菜，真喺值得食多幾次！

好朋友舖頭新開張無耐，好榮幸叫我試下佢哋私房菜嘅手勢，有好嘢食嘢，就算老遠大埔，點都去試下啦！原來好朋友舖頭以零售高價酒店貨為主，全部都喺高級食材，真喺好利害。唔單止喺咁喎，原來佢哋更會將食材經低溫慢煮同真空包裝，製成半製成品出售，俾客人買返屋企，只要輕輕咁煎一煎煮一煮，客人就可以享用到高級食材，真喺好有心思。咁私房菜呢？原來佢哋私房菜喺二樓，入到佢哋嘅廚房，見到大廚樺哥已經為小弟準備四度菜。一路睇大廚樺哥準備出品，一路吹水得知，原來大廚樺哥同佢其中拍檔做過公立醫院醫護人院，對環境嘅衛生特別高要，所以整間舖頭非常乾淨。而且大廚樺哥本身做廚出身，對配菜嘅雕刻擺設特別有心思。我就好奇咁問低溫慢煮有咩唔同？原來低溫慢煮喺可以保持食材嘅原沐原味，出品肉質都比較結實有彈性。大廚樺哥為我準備嘅第一度餸喺《低溫慢煮香煎鴨胸配香檳啤梨》。嘩，一試之下，低溫慢煮出品嘅鴨胸真喺好特別，口感非常彈牙可口，而且真喺食到鴨嘅味道。一切開咗中間心嘅位置見到紅色嘅肉質，但原來喺啱啱好，依個就低溫慢煮嘅精髓。第二道餸喺《香煎巴西豬排骨》，見到樺哥用手食，我都學佢用手食。其實我自己真喺唔鍾意食排骨，因為 d 肉痴住 d