影片
以上资料只供参考，请与餐厅确认详情
招牌菜
「爱家，爱便当」位于观塘鸿图道76号联运工业大厦地下，观塘站 B2 出口沿著开源道行几个街口就揾到，连我系路痴都冇难度。👍🏼工厦嘅食肆唔系冇去过，开喺地下嘅就少啲，可能因为响地下啲灯光有啲阴暗，变相觉得好唔吸引，心谂会唔会好伏呢？😬其实一心想试蔬菜寿司，但老板娘（亦系厨师，好后生，好似细过我，anyway 要细过我好易 🤣）话冇预订即刻整会好耐。最终点咗咖喱薯饼米治，配𩠌（选三款）就拣咗柚子味白萝卜，金平牛蒡，同今日厨师推介的腐皮卷。成个套餐 $78。 😊由于唔收八达通我又唔想比现金，用 Alipay 搞咗好耐都唔得因为入面电话讯号麻麻，好彩老板娘提我可以连佢哋 WiFi 。另外佢哋都收 PayMe。💲即叫即整所以要等吓。嚟到见到个便当好精致，不枉我特登嚟食。试吓个汤先，初初以为系面豉汤，原来有西芹，薯仔，蕃茄，好清新又好消暑呀。😛再试吓啲配𩠌，柚子萝卜真系超级正，估唔到加咗柚子汁可以令个白萝卜提升咗咁多。金平牛蒡都好食嘅，但就有啲相形见绌。老板娘话日式泡菜都好好食㖞，下次要试吓。😋腐皮卷初初谂会唔会叫错呢？因为好似好中式㖞，唔 match 个便当。点知一食觉得都唔会㖞，因为只系轻轻煎过，所以冇中式咁油腻，亦唔热气。呢个都好惊喜呀，好食程度仅次于柚子萝卜。🤩至于米治其实系冲绳饭团，即系饭丸屋果只呢。个胆系新餐肉，蕃茄，蛋同生菜，我叫嘅咖喱薯饼米治，顾名思义就加多块咖喱薯饼啦。🥔我自己就觉得米治好食过饭丸屋好多，卖相好靓又好味，同埋佢份量好大，食哂好似食咗成盒饭咁，我本来有谂叫小食好彩冇，因为食哂个米治已经饱到食唔到其他嘢。😅不过要注意佢米治个牌写 100% vegan，咁因为有蛋固然唔系啦，同埋佢部份款式有芝士。🧀临走问下老板娘系咪有学过整日本嘢食，原来冇系自己试，我觉得好犀利。同埋呢度原本唔系全素食，系开咗冇耐就改，所以餐牌上嘅肉食选项都被删除哂，老板娘话迟啲会印过。响香港呢个素食者仲系少数嘅地方够胆做出呢个决定，都真系勇气可加，梗系要多多支持啦，尤其佢啲嘢咁好食。😍
继续阅读
爱家，爱便当依家开咗系观塘工厦地下，有得堂食。我哋跟住openrice嘅地图去揾，行咗入冷行见到店舖嘅招牌，原来𠮶个系后门黎。一入去就见到一排排座位，去到尽头拉开左边嘅趟门，先会见到正门同落单嘅位置。我哋走嘅时候行返正门位置，见到隔离都有唔少餐厅，而工厦嘅大门口放有素店嘅海报。餐厅可供walk-in，但部分食物需要提前1日预订，例如蔬菜寿司。日式素便当 + 3款配𩠌饭团 2个 ($58) (额外加1个饭团 +$10)紫菜卷 5条 ($68)配𩠌柚子味白萝卜酱南瓜酱冬菇金平牛蒡韩式菠菜大豆芽蔬菜串串 (是日特色前菜)芝麻酱魔芋粉 ($38/ 散叫)原本想叫蔬菜寿司，但因为冇提前预订，所以就叫咗饭团同紫菜卷便当。饭团同紫菜卷嘅材料都系一样，只系包法唔同，饭入面捞埋冬菇粒、蜜糖豆粒同甘笋粒。饭团有酱油嘅香味，紫菜有D韧。配𩠌方面大推柚子味白萝卜，白萝卜酸酸甜甜，带有柚子嘅清香味。我仲买咗1盒拎返屋企食。韩式菠菜大豆芽麻油味浓。我哋样样都想试，但唔想叫多个餐，所以就散叫咗魔芋粉。原本想叫芝麻酱粉皮，但当日冇粉皮，老板娘就建议转做芝麻酱魔芋粉。芝麻酱即系日式胡麻酱，酱汁份量啱啱好捞匀所有嘅魔芋粉。魔芋粉口感好烟韧，夹起黎容易黐埋一旧。
继续阅读