意粉 360 (已結業)

星期日 yata 有大特價 我同我女朋友行去睇睇 順便試o下新開既意粉360 去到要等位 但係serve 我地果個男人好有禮貌 竟然用雙手俾張等位紙 無耐就有位喇 我地叫o左果肉醬雞扒石頭飯 同 海鮮意大利粉 石頭飯普通 但食到最後到仍然好熱 但係個意大利粉真係好出色d粉既粗幼度arm arm 好 口感一流 用料又新鮮 最好果一環係個汁 真係做到好creamy 我同我女朋友真係好喜歡 另外 我睇到d waiter 成日都會問o下客人食物質素如果 有無改善空間 等等 十分有誠意 收錢果時又有笑容 又有禮貌 真係比錢都比得開心d我諗我下次要試埋其他意粉喇

上次食完覺得唔錯，而朋友仔又想試下呢度薄底既 pizza，就黎左呢度食晚飯。因為一田百貨大減價，好多人等位，等左好耐先有位 … 慘慘！鐵板芝士雞軟骨餃子 ($36)：雞軟骨脆脆地，令餃子口感特別，但芝士味唔香濃。芝士焗茄子 ($27)：芝士味都係唔香濃，茄子硬硬地，麻麻。香蒜風味腸肉野菌 pizza ($68)：pizza皮薄連餡都薄，味道淡淡，比pizza hut 的更差。芝士焗卡邦拿意大利粉 ($58)：sauce唔香濃，但意粉有咬口。酥皮蘋果撻配雪糕 ($36)：前面幾樣頭盤和主菜都唔好味，呢個甜品好有驚喜呢。酥皮牛油味勁香，蘋果灑上肉桂黎焗超正，好好味呢。上次食呢度既熱石鍋飯令人回味，今次發覺佢既 “芝士”食品真係差，應該改用一批較香濃的芝士做菜。

見佢新開張 同mimi試下先蒜蓉飽 : 細細件又幾好食洋蔥圈 : 麻麻地 我比較鍾意Freshness Burger 時洋蔥圈多d 提子梳打 : 幾好味 有球雲呢拿雪糕墨魚汁海鮮石碢飯 : 墨魚汁好好味 我好鐘意 幾抵食 會多d黎食, 平過The Spaghetti House 但d野又其實差不多, 我會再黎不過服務有待改善, 可能新開張

今日同屋企人去意粉360食晚飯。一早訂左位，好快就安排入座。一坐低，好快俾水、餐具同碟我地。我唔知點解，有個waitress幫人加水，但偏偏唔幫我加水。可能佢地太忙睇唔到啦。我要舉手先有人應我，待應Non-no好醒目，聽到我細佬要飲冰水即刻換比佢。我地叫左...蒜蓉多士、三文魚凱撒沙律、芝士蕃茄意粉、龍蝦汁墨魚汁石頭鍋飯、牛利石頭鍋飯配香辣汁、雜錦pizza。飲品要柚子特飲同玫瑰特飲。蒜蓉多士：唔錯啦，都有5塊，同意粉屋一樣。三文魚沙律：三文魚好新鮮，D菜都唔錯啦蕃茄意粉：好多蕃茄，但芝士味就唔係好突出，麻麻地啦龍蝦汁鍋飯：好多海鮮，個汁都唔算太鹹，幾好。食到底都有飯焦。牛利鍋飯：呢個仲正過龍蝦汁鍋飯，個香辣汁好惹味，牛利好香好有肉味。pizza：個pizza好薄，D料無乜特別，普通啦。柚子特飲：好濃柚子味，唔太甜。玫瑰特飲：有陣薰衣草既味，好正。除此之外，仲有D奶味，如果少D冰就好啦唔講唔知，意粉屋、意粉360同ME.N.U都係大家樂集團。整體都唔錯啦。但比起九龍灣既ME.N.U份量少D，如果份量多D就更好啦。結帳果陣，我估Non-no會找番錢比我，點知佢找番黎既係未找數既500元。

間店子開左幾日，今日終於午餐時和同事黎試下啦：和風蕃茄咖哩一口豬熱石鍋飯 ($54)：咖哩好香，一口豬炸得頗鬆化，但都幾油膩。肉醬雞扒熱石鍋飯 ($50)：肉醬好香，雞扒較為乾身。小龍蝦墨魚汁熱石鍋飯配龍蝦汁 ($58)：小龍蝦唔夠鮮味，墨魚汁飯加龍蝦汁食落變成唔知咩味，我認為都係以上既咖哩和肉醬撈飯好味些。意大利蕃茄茸芝士意大利粉 ($38)：好似食焗肉醬意粉甘，無咩特別。明太子鮮蝦意大利粉 ($54)：蝦幾新鮮彈牙，整體夾得幾鮮味，好！呢度既石鍋飯用日本米，又香又有咬口，我最鍾意。另外，我地加 $12飲酥皮湯和蒜茸多士。湯可選忌廉或紅湯，我地全部要左白湯。忌廉湯有好香濃既松茸味，超級好味！酥皮亦好香。蒜茸多士薄身而脆，唔熱亦唔香，頗遜色。新張其間每人減價 $10，食物質素係呢頭算係唔錯了！我地個個都話會再黎食過。