意粉狂熱 (雅蘭中心)

营业中

休息中

今日突然好想試西餐 經過見到呢個有超多款式既意粉店被佢吸引之下入去試下叫左個溫泉蛋芝士卡邦尼意粉🍳🧀賣相好靚 意粉上既溫泉蛋更係焦點意粉充滿蒜香味同芝士味 但可惜意粉唔掛汁同埋可能烹調時間太長令意粉麵條過硬

今日老公黎接收工✌🏻，咁啱又落大雨，唔想行太遠搵嘢食，所以近近地就去咗雅蘭入邊睇吓有咩好食，其實入邊啲餐廳大部份都幫襯過，只有呢一間未試過，所以就入去試吓，入到去環境都唔錯，服務員都幾有禮貌，1）法式芝士洋蔥湯，呢一個幾得意，佢將件多士放入碗湯入邊，多士上面鋪滿芝士，唔會太咸，不太差👍🏻2）蘑菇忌廉湯，冇咩驚喜，不過不失，3）主廚精選沙律🥗，入面有煙三文魚，雞肉，菜同芝士，加埋個醬酸酸地，好開胃👍🏻👍🏻，4）芝心帕爾馬火腿薯蓉球，外面炸到脆卜卜，匙羹入面有啲沙律醬，一粒上面有黑松露醬，一粒上面有蟹子，另一粒入邊有火腿，味道都好夾👍🏻，5）海蝦牛油果羅勒忌廉意粉，一上枱就聞到好香😋，d虾🦐好新鮮，意粉煮到剛剛好，唔會太熟，牛油果加埋忌廉煮呢一個意粉，好食6）瑪格麗特pizza（配新鮮水牛芝士）呢一個只係得醬汁同芝士，唔好以為冇配料就唔好食，咬一啖Pizza成口都係芝士，呢一種感覺，正到呢😂👍🏻7）飲品方面叫咗fresh mango mojito ,冇咩特別，但過甜，整體來講值得一試，個人推介，主廚精選沙律，芝心帕爾馬火腿薯蓉球同埋瑪格麗特pizza👍🏻👍🏻

今日好特別因爲公司會議室比另一個部門霸佔，所以部門老闆提議外出開會增強思維，這個想法我舉手舉腳撐到底。👍👍👍下午茶時光包飲品一杯抵喎！秘製炸雞配脆炸有皮薯角 $38外脆內軟仲有肉汁，連一杯飲品，呢個價無得輸。這份個名長喔，迷你照燒雞蛋黃醬坡薩配法式芝士洋蔥湯，加多杯熱咖啡承惠 $48👏👏個坡薩好好味，芝士香軟照燒雞香滑二層口感太感動了，以後還是多些開會吧！😬😬

喜出望外的意粉餐晏就同朋友仔去雅蘭中心覓食，見到尼間店好似吾錯就入左去開餐雖然午餐menu既選擇吾係太多，旦種類算齊全，意粉 焗飯 pizza 都有，最後叫左1個意粉同焗飯set個set仲包左一碗餐湯同飲品。餐湯係南瓜忌廉湯，好濃郁同好滑意粉，我己經吾記得叫咩名啦，旦就係辣辣地既味道，意粉吾會太軟身，都係好食焗飯就係牛油果三文魚焗飯，（我吾肯定係吾係三文魚，旦個質感好似三文魚，而且一定有魚，大家就當三文魚），條魚平均鋪係飯同牛油果，所以就算將個飯分尼食，都會食到條魚呀野食就叫左一杯凍同熱既紅茶，雖然有可能尼d野食可能有其他餐廳煮得更好食，但如果尼到旺角想試下先野，我諗尼個都係大家同朋友仔一齊尼既開飯地方

臨時urgent 叫咗朋友出黎陪我㨂運動用品，去咗旺角雅蘭地庫嗰間運動店，呢間地庫運動用品店真係大到咩都有，又平又多款式。之後就順理成章喺返呢度搵食，見到呢間MENU價錢都OK就試吓呢間意粉狂熱啦。我哋兩個人TOTAL叫咗五樣嘢同兩杯飲品：香草烤雞凱撒沙律、照燒雞蛋黃醬薄餅、芝士牛肝菌濃汁鮮製意粉、鮭魚牛油果忌廉焗飯、香蕉朱古力薄餅、鮮水果茶。香草烤雞凱撒沙律(S) $33雖然佢係size S，不過佢個份量真係OK喎，烤雞塊都有3-4舊，沙律菜都好鮮鮮。照燒雞蛋黃醬薄餅 (一人前) $48薄餅底又薄又脆，薄餅面既配料就普普通通，不過呢個價錢食到咁既水平既薄餅，真係我哋呢啲窮人恩物。芝士牛肝菌濃汁鮮製意粉 $78意粉較一般既彈牙同粗身啲，真係同一般意粉口感有分別。牛肝菌既濃厚菇香氣，令到成個意粉都好加分，菇類愛好者必點。鮭魚牛油果忌廉焗飯 $78有機會因為個牛肝菌意粉太香既關係，呢個有比下去既感覺。三文魚同牛油果都好鍾意食既，不過唔知點解焗咗之後既牛油果無咁好味。香蕉朱古力薄餅 $48食到甜品時我哋兩個都已經好飽好飽，薄餅底同之前既照燒雞蛋黃醬薄餅既一樣，都係又薄又脆。香蕉同朱古力真係完

食過一次之後真係不停再幫襯再幫襯，lunch、tea time、dinner全部都食過哂，雖然個餐牌上既選擇都係一樣，但係我真心覺得好好味，坐得又舒服，價錢又唔貴，值得大家一試。首先我要講講佢d意粉，有成大約20款俾大家揀，強烈推介你地食佢個「雙重辣味煙肉蒜香魔鬼意粉」，佢個意粉炒到好乾身，佢個辣味仲要係後知後覺越食越過癮咁，其次我要推介佢個pizza，我就食照燒雞蛋醬pizza，我本人食pizza唔鐘意食pizza本身個薄餅底，但係佢呢到係用左印度薄餅既皮黎做pizza個餅底我真係好鐘意食，真心覺得好好味，呢間餐廳我真係大讚，會一值幫襯落去！

餐廳位置於雅蘭中心3樓，要入呢間餐廳要經過一條長長既走廊，幾有神秘感餐牌的菜式都好多元化，意粉類仲可以加錢升級變大，如果幾個人Share都不妨可以加錢香烤黑安格斯一口牛柳 ＄158牛柳用鐵板上，仲有一舊熱石俾客人去燒熟D，不過小妹喜歡食牛排係5成熟但呢個一上枱都接近8成半，所以小妹拿拿淋拎起，可惜已經10成熟喇！由於全熟關係，牛柳肉質變得韌而牛肉味仲Keep到。除左牛柳仲有薯角做配菜，薯角份量都唔少香草烤雞雜菌羅勒忌廉意粉 ＄78一上枱已經好香，喜歡羅勒應該會幾鍾意。意粉質感岩岩好而醬汁都夠Creamy，食落唔會一pat醬咁。雜菌都烤雞份量都好足但部分大件既雞就中間唔熟，有少少失望不過烤雞好Juicy豪華3式拼盤 ＄108小妹叫了海蝦牛油果法包多士、焗珍寶大啡菇釀帶子同炸魷魚。海蝦牛油果法包多士面頭有用芝士焗過，所以多了一種芝士香。口感鬆脆而且市面上少有。大啡菇好Juicy而且上面仲有切粒菇令香味更濃而帶子沒有腥味，不過切粒上枱，食唔出鮮甜味草莓桃沙冰 ＄58沙冰好大杯，2個人分都OK。令次呢杯沙冰味道偏甜而且草莓味濃所以飲唔出桃味，不過食完咁多野，飲番杯凍冰冰既沙冰的確好舒服總括，小

熱辣辣嘅意粉就食得多喇。Pastaholic 呢期出咗個期間限定嘅冷製意粉—帕爾馬火腿片配牛油果冷製意粉🥑。意粉混合香草, 呈墨綠色, 冷製麵條比平時食開嘅更有彈性, 以水牛芝士、牛油果、帕爾馬火腿片伴碟, 加少少檸檬汁, 清爽醒胃。沙律菜新鮮甜美, 配料有雞扒、三文魚、雞蛋, 兩個人點"細份"就啱啱好啦。Pizza皮口感軟熟, 唔會過厚, 配料唔算多。食完意粉, 加埋呢個一人pizza, 先有空間俾我哋叫埋小食同甜品。豪華3式拼盤 可以揀3款小食, 怕熱氣就可以好似我哋咁叫2份烤珍寶大啡菇釀帶子 + 1份海蝦牛油果法包多士。大啡菇肉厚多汁, 菇面除咗蟹籽、帶子外仲放上已切粒嘅啡菇莖, 爽口美味。法包外皮微脆, 中心係鬆軟嘅麵包質感。半溶芝士蓋著海蝦、牛油果。

意粉狂熱，一間主打意粉嘅餐廳，雖然唔係正宗意大利口味，但係有點意日fusion feel~ 感覺幾特別喎。日本魷魚雜菌明太子意粉（$88）好rich嘅明太子忌廉汁，就算就咁食，唔洗加配料都好好味！呢個意粉有質素！蒜香白酒汁海蜆意粉 （$88）呢味意粉蒜味唔算好濃，帶淡淡嘅白酒味，比較清新。瑪格蘭特pizza 1人前 （$58）簡單番茄加水牛芝士整嘅pizza，一人前份量剛剛好。秘製炸雞 （$48）香口小食，送酒一流！主廚精選沙律 (S) （$43）水果茶（$38）(右）Strawberry Mojito ($38) non-alcoholic version (左)

隨心找家餐廳晚餐，CP值中等。 叫左一人前脆皮腸肉菇pizza($58)，份量算合理，但pizza餡有點鹹，餅底可能因為太少量，有點乾身，但$58價錢也算是這個水平吧。經典三式拼盤($98)反而有驚喜，款式有1.秘製炸雞2.脆炸有皮薯角3.意式簿切三文魚忌廉芝士卷炸雞肉身意外滑身又嫩口，全部炸物都炸琴剛剛好，三文魚芝士卷一口吞落口，超出水準！另外叫左飲品，Choco Fun English Tea($38) 。事前完全沒想過是什麼東西，倒出黎，一陣朱古力味，飲落唔知點形容味道，飲多幾啖又接受到。

有個朋友中午黎搵我食飯，話有一段時間無食過意粉想食下腦海到就浮現左雅蘭的意粉狂熱決定去試下佢既意粉去到醒起當日係星期六，攞左號碼籌之後等左15分鐘先入去試左佢個溫泉蛋芝士卡邦拿意粉可能當日較忙，意粉拎到過黎既時間唔係太熱，似係放左一陣先上餐意粉質感食落比較硬整體上都唔算差反正我比較鐘意佢個南瓜忌廉湯味道調得非常合適

旺角總是聚腳好地方，方便大家回家的好地點，又多餐廳選擇，今次黎到 。餐廳門口好有趣，同另一餐廳共用走廊，店帶路入座，面積唔太大，但已經容納好多客人。餐牌太多選擇，會有選擇困難症🤣🤣，但餐廳限時用餐，要儘來決定：鮭魚菠菜忌廉意粉（$78) (相右上）餐廳名係意粉，點可以唔叫份意粉！ 意粉好幼身，夠彈牙。 淋上忌廉汁&芝士粉，成碟意粉好香好開胃！脆皮腸肉醬大啡菇pizza (1人前)($58)(相右下）第一次食咁的式款pizza，pizza餅底夠簿，大啡菇&脆皮各有三件，味道也不錯！經典三式拼盤($98) (相左）秘製炸雞脆炸有皮薯角意式簿切三文魚忌廉芝士卷炸雞肉身好滑好嫩，點上檸檬，為炸雞再加分。薯角炸到剛剛好脆口，三文魚卷完全係開胃頭盤之選！總體餐廳食物水平不錯，店員服務周到，下錯菜單馬上跟進！ 餐牌：

book左2人枱食有服務員帶位 入到去都已經有4，5枱客叫左個2人餐包2湯，salad，2 pasta,，甜品，2飲品湯每款都叫左碗試下個French Onion Soup 唔記得上比我地等左好耐叫先出反比我地可以放左係廚房好耐 個湯同menu張相好唔同樣 個包浸哂入湯漲哂...完全唔好飲唔好味salad啲蕃茄唔鮮食得出雪左好耐pasta 叫左個最basic 嘅tomato sauce pasta....啲麵條係硬到...我用一只叉可以叉起成碗麵....甜品 ok 飲品 lemon tea 係完全無茶味

意大利🇮🇹跟日本🇯🇵聽起來好像是風馬牛不相及的事🤔，但有想過要將亳不相干的風格連繫起來嗎？💞這晚想要跟老公🍋簡簡單單的慶祝一下我倆的相識紀念日💘，閨蜜🐰馬上介紹了這家以「和風洋食」🍱作基礎的意大菜餐廳。以自家製手作意大利菜😋及親民合理的價錢💵作招徠，門外掛著時尚矚目的招牌🤩。店內環境寬敞😌，配以木製桌椅🌳，給人一種悠然自得的感覺😊。餐牌上📜有超多的選擇，單是意粉已經分為蒜香橄欖油系列🍝、羅勒忌廉系列🌱、「生 Pasta」系列👐🏻和期間限定的冷製系列❄️等，另外也有多款小食🍢、飯類🍚、扒類🥩等等，看得人妻🐷有點花多眼亂。至於甚麼是「生 Pasta」🤔？店員就為我們作了一個小簡介😲：「生Pasta」是由他們自家製作而成👨🏻‍🍳，有別於一般傳統意粉，它使用小麥粉製作🌾，所以烹調後的口感會有所不同🤔，亦能嚐到小麥的味道😋。經典3式拼盤🍱：先來一個飯前小食，由三文魚芝士卷🐟、炸雞🐣及薯角🍟組合而成。三文魚🐟包裹著芝士🧀及酸瓜🥒，入口濃郁得來又不失清新🍃；炸雞🐥炸漿很薄，一口咬下肉汁大爆發💥；薯角🥔是連皮新鮮炸成，口感酥脆👍🏻。作為開胃的小食非常合適🤤。雙重辣味煙肉蒜香魔鬼意粉🍝：以煙肉粒🥓配上特製

今日放lunch,走左去雅蘭中心果邊，search 附近有乜好野食，見到呢間餐廳裝修有霓虹燈光招牌，設計特別，吸引眼球，就走入去試。 餐廳menu上圖是「照燒雞蛋黃醬薄餅」，似日式料理風味。個pizza都好多料，上面有紫菜碎，雞肉彈牙，薄餅底夠薄，幾香脆，而且有好多蛋黃醬鋪上薄餅上，食完一啖忍唔住再一啖，正😋「香草🌿汁蕃茄蘑菇雞肉意大利飯」上枱見到一大堆綠色醬汁，有點反胃🤢，不好看。賣相係唔靚，口感卻出人意表。羅勒香草醬實在太香，配上忌廉做醬料很match，味道黎講絕對可以過關。「香蒜白汁蜆肉意大利麵」菜單上是香蒜白汁 ，白汁味道沒有預期咁濃郁，蜆肉份量不多不少，醬汁多，食落都有飽滿感覺。「溫泉蛋蒜香蘑菇鮮製意粉」半熟既溫泉蛋一向係我無法抵抗的美食，蛋汁令成個意粉口感更加滑溜。意粉配料都係用咗蘑菇、火腿、洋蔥，加埋忌廉去煮成，賣相算吸引。整體而言，「意粉狂熱」🍝餐點沒有令人印象很深刻的地方，這裡用餐的環境尚算令人感到舒服🙂最好一大班人去消費，價錢會較抵食。