意粉屋 (已結業)

星期二晚8:45入坐諗左好耐結果都係叫左$208 SET DINNER湯- 露筍湯 OK喎~ 唔錯！pizza - 雜錦pizza 薄既 太硬！食到好攰意粉- 海鮮長通粉 個汁完全係龍蝦湯個汁！！好彩冇飲龍蝦湯.... 其實都唔差既！全晚服務好好！

之前送左張$48 coupon,今晚到期就黎用左佢...叫左個煙三文魚雜果沙律- 我既至愛, 新鮮生果, 但今次真係令人失望, 底下墊了幾層生菜(加厚了), 生果少了三分一, 煙三文魚又少了兩塊, 連面頭既蟹子也不見了, 真的縮了水, 另叫了芝士焗茄子, 唔錯, 不過, 鹹左少少! 仲有一個係松子炒雜菌, 幾油同埋唔見松子! 今餐真係唔得...要俾哭臉了!

星期一晚上，和家人來嚐嚐這裏的芝士火鍋。很久己沒光顧過意粉屋了，今次為了芝士火鍋而來，經過大家樂，上到來客人不多，甫坐下，侍應就問喝暖水還是冷水，還不錯呢。芝士火鍋有黑松菌或普通的選擇，就要普通的好了，我也不吃海鮮的，就點什錦拼盤那個吧，此外點了海洋脆趣，有炸龍蝦仔、炸帶子和炸薯角，及點了焗三文魚帶子牛油果飯。先來芝士火鍋，什錦拼盤有數款凍肉，蔬菜有翠肉瓜、生菜，車厘茄、蘑菇‧‧等等，還有一小份墨魚麵和一籃切了粒的法包，盛惠188塊錢。而海鮮脆趣不禁令人啼笑皆非！炸龍蝦仔、炸帶子體積小得不能再小，說是蝦毛仔比較貼切。焗飯就不錯，咖喱炒飯底，三文魚配上牛油果，味道匹配，但嫌白汁較多膩了點。說回芝士火鍋，汁料不算稠，味道頗濃，也很足夠，惟吃完很膩口，不過早料到會這樣呢~(笑)

昨晚嚟咗這間意粉屋長食dinner，選咗一個套餐。1)鮮露筍忌廉湯(兩客)--個湯只有幾片紙咖咁薄嘅露筍，味道不太特別2)煙三文魚鮮果沙律--沙律醬適量，味道算ok3)肉碎野菌炒天使麵--賣相嚇了我一跳，因為似一碟中式三絲炒米粉，乾爭爭咁。食落味道更似一碟中式炒米粉，完全破壞了我對天使麪的印像。結果難為了我朋友吃了這碟"炒米粉"。4)凍檸茶兩抔埋單$240。我相信短期內我都不會再來意粉屋。

前幾日book 左呢度...唔記得要求坐卡位....好似無咁舒服! 今日散叫左兩杯special...我叫左個綠茶紅豆冰...唔太甜..幾好...! 朋友叫左個chocolate...無咩反應! 另外, 因為我唔太肚餓又見到食評話芝士焗茄子好味...我就叫左個黎試...幾好...唔太油膩! 朋友就叫左個肉醬闊麵..無問佢點..不過...佢食哂! 侍應服務唔錯, 有問必答!

同女朋友去完荃葵培靈佈道會約晚上10時，想起意粉屋的夜宵，就走去食番餐! 在意粉飯類皆半價的誘惑下，我們揀了新推出的海鮮黑海盜(龍蝦汁海鮮墨魚汁麵) 和燒雞卷意大利飯(秘製合桃乾蕃茄醬)。燒雞卷意大利飯賣相好好，但意大利飯幾油，食不出有什麼秘製合桃乾蕃茄醬，雞卷也只是普通的燒雞腿肉吧，整個也不見吸引!反而個海鮮黑海盜掂喎，龍蝦汁好濃好香，什錦海鮮算多款多料，墨魚汁麵彈牙又有咬口，不似意大利粉，它有一個特別的汁和味道，新奇得來吸引到女朋友多食幾口! 雖然夜宵係半價，但份量十足，味道和環境都好好，只係d waiter 有點似趕客咁，想你早d走@=!

好耐去過，裝修後第一次再去。格局都唔錯，不會很迫。服務也一般，可能人手唔夠，有時要搵人都唔太容易。一行人九男女食午飯，叫了三個套餐另加一些pizza、意粉等等，共銀七百多元。食物質素中規中矩（不過比青衣城那間好），沒有一道菜色覺得特別好食，但也不會覺得唔好食，吃過就忘了。不過，以這個價錢來說我覺得稍貴。

裝修過後....第一次幫襯! 我和朋友叫了套餐A, 魚翅龍蝦湯, 有幾多翅(假既??), 龍蝦天使麵, 啲汁幾結, 幾香, 最鍾意係煙三文魚什果沙律, 又多新鮮生果, 三文魚又唔太鹹, 夜晚多人左...侍應比較忙啲, 但都好有禮貌! 會員仲有九折! 裝修後既坐位呈半圓梳化, 坐得幾舒服!

幾個月冇食過意粉屋今晚好掛住pizza同男朋友第一次去裝修之後的意粉屋以紅黑為主的setting空間大了很多，而且high class左我地坐後面好d冇咁嘈前面嘈dservice又好左喎d 野食的味道同以前差唔多最好味都係個意粉傳統都係最好

裝修後的意粉屋，環境以黑、紅色為主，格調高了，非常酷!四人行點了酥皮周打湯(湯料包括蝦、青口、帶子、魚、蜆肉、鮮菌及煙肉碎，豐富、味美); 酥皮雜菜湯; 煙鴨胸寬條麵熱鍋(煙鴨胸切厚片，有口感; 寬條麵份量不多，勝在以熱鍋盛著保溫); 龍蝦汁海鮮天使麵(龍蝦汁非常美味，燴天使麵味道很不錯); 菠蘿雞柳煙肉炒飯(味道普通，個人認為太油膩了些); 配冷、熱檸檬茶，不錯的午餐。

尋晚情人節去食dinner，早十日前BOOK已經差唔多FULL BOOKING，七點九後的已經FULL 晒，不過見D呢間店的食評都唔錯，所以都去試下。我地BOOK左六點半，值得一讚的係佢地會朝早打黎同你CONFIRM多一次個BOOKING，而家好多餐廳都好少有(當然除左好高級個D)。好喇，正式開始啦。我同女朋友仔六點四去到，個陣時仲唔係好多人，我地編左去1號桌的卡位，呢個位好好，可以望都街景，唔似中間D位四圍都係人，又自成一角，加上柔和的燈光同配樂，都幾浪漫。今日都送埋情人節朱古力一包，照顧周到。不過呢日淨係得兩個情人節套餐揀，選擇好似少D，我地叫左B餐，有兩客龍蝦湯，醬爆豬仔骨加香辣薯角，同埋芝士焗龍蝦帶子天使麵，加多兩杯餐飲。上菜速度好快，抵讚，大約五至十分鐘左右就上晒菜，D 侍應服務好好，好有禮貌，唔好睇佢咁快，D菜出黎的冷熱度好適中，唔會太凍或太熱，好掂。首先黎左兩客龍蝦湯，D味道幾鮮甜，係有味精，不過應該唔係好多，濃度適中。跟住黎左一大塊豬仔骨(如圖)，煮得幾LUM，唔難切，不過多D汁會好D，D薯角煮到外脆內LUM，口感一流，不過唔知點解一D辣味都冇，同菜單的名有D分別，最後

一家三人黎食晚飯, 我同細妹負責點菜, 打開menu, 決定要新出既食品!黃金蟹蓋螺絲粉, 螺絲粉好爽, 汁既份量剛好包住每條螺絲粉, 不多不少, 又不油, 蟹肉雜菌等材料既份量都ok, 不過蟹肉多d梗係好d啦!黑鑽石燴雞鍋配煙斗粉, 用熱鍋裝住好多雞肉, 少量雜菌, 薯仔等, 煙斗粉另外一碟分開上, 當熱鍋滾起既時候, 舀起雞肉連汁, 撈埋煙斗粉一齊食, 好美味, 我同細妹都話個汁好好味, 個汁睇落好似忌廉汁, 但味道就唔似忌廉汁, 總之大家都話好味啦!大力菜薄餅, 菠菜加雞肉, 餐牌寫住配日式燒汁, 我估係好似豉油個d汁, 但我食既時候, 都唔覺有咩特別既汁, 反而見到平時食薄餅都會有既芝士, 咁仲好, 因為我鍾意芝士多於其他既醬汁! 呢三款新食品都好味喎!

上一次係年幾前dinner今次不知食咩好~又想食下意粉,so choose this~東亞card have discount(不過not 平太多)東亞card可用$100 choose 1 set (2 choose 1)1. 龍蝦帶子angle hair----都幾少料,睇落成碟好細,其實又幾飽肚bor,d sauce 都ok,不過有少少膩2.南方炸雞翼( 5 pcs)---好普通,又無咩味,可以不選3.酥皮忌廉湯---好多薯仔,都ok(above is＄１００）4. lunch set ( $ 85)超級什錦pizza ---薄批,本人覺太少cheese la~+ 杯細drink total:$ 202我覺食物普通,一2次就夠一般值

今日同左之前中學d 老死來左呢聚餐, 因為早既關係, 呢度有好抵既EARLY set dinner 可以選擇.我地3 個女仔叫左以下3 個set dinner.1.意大利雲吞伴薯蓉$58, 跟一個迷你什果螺絲粉沙律2.海鮮忌廉寬絛麵$68, 跟一個芝士焗茄瓜3.牛油果海鮮飯$68,跟一碟炸雞翼伴蛋沙律餐飲全都係要左凍檸檬茶總括來講, 全部野都好普通, 除左芝士焗茄瓜唔係好掂, 冇芝士, 係d 茄子沾炸粉炸左之後, 淋左一d 忌廉汁上面, 冇焗過, 同埋d茄子比較老,炸得唔透, 下次唔會叫呢個.

一碟大約有十多粒, 裡面既餡青綠色, 好似毛豆, 但唔肯定係唔係, 不過我諗唔會係肉餡! 醬汁可以揀茄汁或者白汁, 我就揀左茄汁, 但我覺得似茄醬or茄膏多d, 因為比較「杰」身, 而且唔同食薯條用既茄汁, 佢係混和左d材料, 唔清楚係咩, 我估係蕃茄粒或者辣椒粒掛, 因為味道酸酸地又辣辣地, 我幾鍾意呢個茄醬既味道! 雲吞都煮得幾好味, 伴碟既薯蓉與茄醬一齊食, 很不錯! 有冇食家知道雲吞裡既餡料究竟係咩呢?