意粉屋 (已結業)

看完醫生又來一個下午茶，今天買一送一，所以要了一份是甜品，好好一個人享受了一個下午。***************************來到有很多空位，不想了便入去坐下了，看看坐位旁的裝飾很得意。還有這裏的燈也很美。要了一份沙律，有辣肉腸、芝士，火腿，蕃茄仔、菜、蛋和多士。材料新鮮，沙律醬又好吃。黑糖抹茶，這抹茶味淡淡，那些啫喱是黑糖，不甜的。焗肉桂蘋果批，這個有點偏甜，皮又不脆，肉桂配蘋果不錯。再來杯奶茶，奶味不會太多，茶味也不會太濃，都不差的。

朋友結婚, 陪她到金都商場睇結婚用品, 之後過左黎始創搵野食, 朋友話想食意粉, 所以選了意粉屋, 這個商場都幾靜, 無咩人, 意粉屋旁開左間韓國餐廳食部隊鍋, 不過我同朋友都不愛辣所以最後都係入左意粉屋, 坐底見呢間野應該係新開無幾耐, 因為D枱椅都好新, 幾舒服, 枱與枱之間唔逼. 我地最後揀左個HSBC信用卡套餐, 好抵食, 2人餐三個人都食唔灑除返開一人$150有找, 好抵食!有前菜, 餐湯同兩個主菜, 跟兩杯飲品, 前菜揀左巴馬火煺火箭菜多士, 有成4 件咁多, 配搭幾特別一軟一硬, 仲加左意大利醋, 酸酸地令多士唔會太乾同醒胃. 餐湯揀左龍蝦湯我仲加左錢要埋酥皮, 係我至愛, 將酥皮浸入湯到一齊食, 好味都心心眼, 主菜份量真係多得跨張, 有成個PIZZA 同意粉, 意粉相對無咩特別, 反而個PIZZA好有驚喜, 火龍果PIZZA, 上面有好火龍果,火箭菜同沙律醬, 估唔到火龍果配沙律醬跟PIZZA底係同夾, 口感好FRESH, 唔會漏, 上面凍下面熱, 好特別, 真係配搭得好好!!係我食過最好的PIZZA!! 推介!! 

焗芝士火腿煙斗粉 ($88)個粉到的時候以為得好少芝士，但撈撈下，原來落足料，啖啖芝士，好creamy, 我鍾意，不過火腿同個粉都一般，感覺自己都煮倒呢! 相信大部分錢都因為去左租金度，所以咁貴……檸檬pancake ($42)幾有創意的甜品，檸檬汁上面有兩塊摺疊了的pancakes,中間有牛油，上面係雲呢拿雪糕。個人認為個檸檬汁唔夠酸，被中間的牛油搶哂味，可以落少d牛油。另外一提，服務同環境都良好。

這個星期五晚上，相約了一班舊同學聚舊。原本相約了八時半，打算光顧始創的和民，但等了一小時多仍未有枱，便決定walk in 旁邊的spaghetti house。我們叫了一個芝士火窩套餐($388)，有煙三文魚，西班牙火腿和牛肉片。另外有一籃麵包，和拼盤(西蘭花，磨菇，辣肉腸，縲絲粉，肉丸，蒜蓉魷魚)芝士味道不俗。麵包很乾，像放了一段時間的質感。整個套餐味道不過不失，這個芝士火窩偏港式，少了正宗瑞士芝士火窩的酒香。芝士三文魚牛油果帶子海鮮飯。海鮮飯有很多燒過的三文魚粒，配上芝士及海鮮飯的香料，味道不錯。芝士龍蝦波菜蛋卷。整個碟鋪滿了芝士和龍蝦汁，但汁太多的關係蓋過了卷本身的味道。意粉卷偏淋，欠嚼口.

之前見到意粉屋既春日意粉廣告勁吸引，今日終於食左啦。春日推介芝士菠菜雲吞，向來都很喜歡吃意大利雲吞果然無令我失望，雲吞皮厚薄適中，餡料亦好香芝士味，不過乾左少少，伴埋蕃茄茸食就岩岩好。可惜得5粒。巴馬臣火腿忌廉烤雞花邊意粉忌廉很creamy 好好食，每條意粉也沾有醬汁，配料就一般般啦。兩碟意粉份量都偏少。

呢間可以算係咁多間意粉屋食物質素最差的，不夠熱的墨汁意粉，雪味濃的龍蝦肉，似在超級巿場買回來加熱的薄餅，扁'tat tat'的千層面。唉！三百幾蚊有更好選擇，今日覺得錢洗得很可惜。。