意粉屋 (已結業)

20051206 8.30pm在又一城內shopping 置冬衣，買到支力，行到o黎Spaghetti House 就唔想諗就走入，斷估差極都有個譜。天寒地凍很有點C忽痕想玩芝士火窩，被男友制止，理由係：你唔係響呢度食芝士火窩呀？......佢o岩！都係食o的普通o野食算。(如果之後補返去Chesa 就好了~ hee hee)2人order 一個2人dinner set($168) 再加多個salad,* chef salad ($68) - 我本人覺得係全Spaghetti House 最好味o既食物，全部o野都新鮮又勁大兜，基本上兩個人share 淨食呢兜o野都會飽，揀o左千島汁。(可以揀意大利醋同橄檻油的)* hawaiian pizza - 新鮮即焗唔會唔好食啦. 不過叫得太多o野食唔落，最後打包拎走。* 白汁蜆肉長通粉- 都OK不過個汁我覺得麵粉落得太多，好杰！連餐湯and 餐飲, 餐湯係菜湯, 一般, 餐飲要o左熱檸茶.total $260. overall 都OK 啦~ 環境OK 服務都OK.

festival walk 入面既意炒屋響星期一至五(好似9:30後)有special offer的食物，十幾蚊起…不過轉得都幾快﹗8月中時去，食滿$150加一蚊就有個mini 芝士or chocolate火鍋…但最近去，已經無左…anyway，幾抵食﹗不過要時常update下仲有冇le個promotion﹗

9月3日下晝同女朋友行又一城，諗住搵個地方坐低抖抖食個tea，就入左去意粉屋喇。基本上佢地既services都ok既~但係食物方面…十個「把鬼火」既話，我俾足佢十個!!!!!!!!!!!!!!事緣係咁，我地叫左兩份tea，一份係焗田螺薯蓉，另一份就係公司三文治。份薯蓉都ok既~係縑佢唔係咁夠熱。但係個三文治，個bread係濕同「淋」架喎~~~試問呢樣野點頂?! 即時同佢地講，要換啦~好喇…佢地換…5分鐘後，拎黎…我發覺跟本無換到~!!!!!!!!!!!!!!!!!!!!! 你地話係咪火都黎埋。不過我唔再同佢計…無理由為左幾十蚊哂自己時間再換。到埋單既時候，個waitress問我地既services點…我即時話差，d 食物差到嘔~~咁既三文治點可以俾個客?!! 所以即使要我打咁多字~我都係係呢到話埋大家聽，呢間意粉屋，質素真係要好好咁改善下。

食下午茶叫左酥皮湯餐啦~個酥皮幾好~個湯都好~但唔夠熱芝士火腿飲管粉同白汁蜆肉意粉~正!勁好味~但又係唔夠熱個friend點左pizza,入面有隻昆蟲~果個男waiter 唔認應仲俾說話我地聽~暗示隻野係我地擺落去!火都黎~仲有叫佢攞杯冰俾我佢又拾下拾下叫左幾次佢都唔知我講咩~淨係識遊魂!仲有問都唔問就收左我d碟~仲要咩都唔講就伸隻手收左去!無啦啦o係我面前有隻手飛過真係嚇死我!最「興」係佢攞個湯俾我時唔用盤~一野"pat" 碗湯落枱!整到我d刀刀叉叉四散~又唔講唔好意思就走左去!最慘係唔知點解冇waiter得閒serve我地~搞到我地次次都要搵呢個人!真係慘!總括黎講~呢個野食物10分~服務2分(俾多左佢tim呀!)

呢間意粉屋D服務態度唔錯以前唔會問要暖水定涷水但今次有問中午同bf 揀左呢度食lunch坐係外面透明玻璃透入陽光幾正!尤其係冬天多左一份暖意d食物依然保持意粉屋水準但價錢好似越來越貴呢D價錢好多地方都可以食到尤其dinner時段都幾貴下架

食晚餐。二人叫兩樣野1.蝦+蟹+磨菇芝士意粉唔係我唔記得個名,呢個係menu上面有既~都ok大兜,料都幾多,好味啦呢個~2.煙三文魚pizza差唔多係去意粉屋既指定動作,一定要薄批。不過salmon細塊左...tomato paste又少左...想點?整體都係好食既服務生真係唔係路,懶懶行咁...下午茶時間唔駛做咩...叫極都唔應...唉...唔係全部,某位嗟~

有餐包,餐湯,沙拉,飯/意粉,餐飲.沙拉勁正,飯普通,意粉差d,個底有水,餐飲好差,奶茶似奶水,但坐得舒服,服務亦ok,一城中算平

今晚同2個fd 0係呢間食,我地叫0左個二人餐,再加個南瓜芝士火鍋.因為其中一個fd有東亞卡,所以叫0左個東亞卡套餐,一百七十几蚊,有2碗龍蝦湯,一個瑞士雞翼(得4隻),一個龍蝦帶子天使麵,同一個pumpkin vanilla ice-cream,再加2杯普通飲品.南瓜芝士火鍋就有雞肉同牛肉,再加d南瓜肉同西蘭花鮮菇,$178蚊.先講二人餐,個湯ok啦,有d味0既,但飲唔出咩味.瑞士雞翼標價36蚊,但一d都唔值,我叫餐有佢都覺唔值,早知要芝士焗茄子啦.d雞翼好乾,又唔香脆,仲極細隻....好唔得...龍蝦帶子天使麵算係ok,個汁几濃,料都算多,係d天使麵好似煮過龍一pat pat0左d.南瓜vanilla ice-cream冇我0係中環店食0既咁好食...南瓜唔多...雪糕亦好少...最多係cream...佢南瓜唔多已經唔好味...再加上cream太多..我個人覺得唔得加好滯.南瓜芝士火鍋都好唔抵食...一上枱,個芝士火鍋都几滿,另外有兜麵包,同一碟肉,碟肉就有好普通0既到會式牛肉片同雞肉片.d鮮菇唔太鮮,有怪味,朋友話0個d似罐頭味...南瓜肉得4塊..少得可憐...如果咁0既0野賣

本來是打算試這裡的芝士火鍋的才到意粉屋，巳經一開始不喜歡那裡的service了。我們一行六人，叫了二個芝士火鍋和一個芝士龍蝦餐(芝士龍蝦+巴拿馬火腿pizza)。老實說，芝士火鍋完全不行囉，完全沒芝士味，火鍋汁又少，結果我們唯有再加汁(多給$15)，第二次個汁多好多，感覺上好似迫人們加似的。芝士龍蝦餐ok，個湯可以接受。到最後要甜品啦，竟然上錯碟，熱的芝士旦糕吃過沒，我一定不會再到這地…埋單$900~~完全不值

今日去食lunch....雖然好似比上次貴左d,但係服務同環境都唔錯!但係用紙張黎舖台就太浪費了!!另外D野食好似有D咸!

又來了食午餐。今次人多Ｄ，叫了個雜錦厚批薄餅同一個二人套餐Share。薄餅嘅批底好鬆脆，好好味。二人套餐選了焗豬扒飯同磨菇意大利粉。兩個都好足料，唔錯。個餐仲包蒜蓉包、餐湯同飲品，都幾抵。

去左意粉屋食lunch,黎左呢間,環境好舒服(如果唔係坐近入口的話)望勻周圍都冇人叫pizza,但係我食親意粉屋我都會叫煙三文魚薄pizza~勁好食,試過叫厚批,不過都係薄批好食而pasta我就覺得麻麻...佢地好鍾意將d天使麵or意粉跟湯上,我覺得好怪...service比以前改善左好多喇~~問waiter野佢都好有耐性答,之前去過新世紀果間,d女仔真係好冇禮貌...

新開, 之前間大排檔執左!唔知間舖係咪新得制, 叫左既野, 要等好耐先到! 又要漏單!意大利薯容雲吞好正! 唔知咩咩茄子唔好食,又唔熱!煙三文魚plaza 正!吞拿魚煙斗粉唔好食! 中銀CARD 有2個SET 抵叫.

嗌個set dinner帶子忌廉湯, 一般, 我嫌佢太thick三文魚沙律, d 三文魚色澤麻麻地, 不過份量唔少; 沙律有火龍果, 蜜瓜, 哈蜜瓜, 蘋果, 草莓, 芒果...同生菜/紅椰菜, 我鐘意佢d水果上既沙律醬夠薄夠清, 鐘意多d醬既有另外一個兜仔既千島醬俾你點煙肉腸仔意粉, 好多腸好少煙肉...意粉係港式另嗌super delux 大薄批, 超正, 薄又脆, 芝士半溶加埋d菇呀火腿呀...(仲有d唔知乜料), 辣辣地粉紅佳人..減緊價, 係兩層既mousse (berries 味既), 唔算好甜, 面鋪左好多酸酸地既raspberries同blackberries. size 唔算大, 正價廿三蚊算貴服務一流, d 服務生好polite好young好energetic, 環境都ok; 唯等位等到黐線~

秉承其一貫:1)頻頻上錯菜2)唔洗碟底3)經理又蠢又無禮(但侍應好)4)貴夾唔飽5)等位安排亂既傳統但呢間都有優點:1)環境一流,夠開揚,惜正午略熱2)越初級既員工越好禮3)斟水密4)味道唔錯