意樂餐廳 (喜韻商場) (已結業)

荔枝角多左好多小店，已經好耐無幫襯意樂，今次大家都想轉轉口味，又返到意樂擁抱無幫襯一排，佢個menu都變左少少，價錢就無變，徘徊$45-$58不等，都係打工仔可接受嘅lunch價位！揀左白汁呑拿魚肉醬焗意粉，加杯熱飲！熱飲快速送到，落單左10分鐘有多，同事仔都就快食完，諗住催一催單先，叫人無人之後侍應姐姐話幫我地跟單，查實都跟左好耐終於送嚟喇！係熱呼呼嘅焗意粉，有一層勁厚嘅芝士係面，點知係虛有其表白汁無味，全碟得一少塊呑拿魚，肉醬勁少肉碎，厚芝士無芝士味有少量菇囉，無其他可取嘅地方！其實之前食嗰啲都唔差，希望只係一次半次失手，要俾時間佢改善下

今日係長沙灣做野，經過見到呢間餐廳，之前見過其他分店都未試過，即管一試，估唔到都算有d驚喜，叫左個焗豬扒飯，跟餐有野飲或者湯，價錢算正常價位，但份量就好足，一個人係唔會食得晒，同行朋友叫卡邦尼意粉一個人都食唔晒，人多可以share一齊食，唯一係個落單姐姐唔識分紅湯白湯，明明我地叫紅湯，佢送左白湯黎，我地同佢講，佢話紅湯咪忌廉湯lo.....我地即係話我地係要羅宋湯，佢都即刻換返俾我地。午餐時段唔使等位又唔趕人，環境算靜。

這幾天心思思想吃牛，於是就去到意樂餐廳鋸扒。叫了餐牌的加拿大認證安格斯牛扒........有跟牛肝菌汁.....而且侍應有問我要幾多成熟，我就說給他要三成熟......😌果然當我一用刀切開牛扒，牛扒裏面仍然是粉粉紅紅的顏色，牛肉的肉質都幾嫩，加上可能因為我叫三成熟，所以不會覺得好老身。旁邊還有薯條。薯條的味道正常。因為一向薯條只要是熱辣辣的，在沾上茄汁就會變得很好味。至於，濃香野菌湯，的確飲得出有雜菌的味道。而且湯的上面有忌廉在拉花 ，所以賣相都幾好看。我亦都有另外加錢叫一杯飲品。就是蜜桃乳酸特飲。味道正正常常，普普通通啦。我志在口乾想找飲品。所以對飲品要求不算太高。不過其實這杯乳酸特飲有點兒像糖水加水。因為得確幾甜。有點兒像糖漿的甜。

住長沙灣的人有福了！最近呢頭開左好多新餐廳，雖然Itamomo只是連鎖餐廳，勝在價錢便宜、地點就腳！但係長沙灣就有兩間分店😯同媽媽下午茶來食個tea，因為lunch和dinner實在太多人，反而下午茶時間普遍餐廳比較靜，傾計舒服好多！呢間餐廳裝修下了不少苦功，行型格工業風，樓底好高，坐得好舒服啊！好多卡位，不會很逼夾香草忌廉煮蜆 $30好中意餐廳擺盤，裝在鐵鍋上菜好似連d野食都好味d，而且打卡一流！選用了沙白蜆，湯底清甜，蜆煮得入味亦不會過老！蒲燒鰻魚炒珍珠飯 $55好好吃喔😋只是味道稍鹹，色澤吸引，看來用了不少鰻魚汁調味。鰻魚切成一粒粒，容易入口，油香味足夠！珍珠米粒粒分明，同鰻魚好配！野菌田園比薩 $39配料豐富，有蘑菇、粟米、菠蘿、車厘茄餅底係比較薄身，但好脆，食到好多配料係上面！等待時間比較耐，可能係即叫即製，要預留時間先好叫比薩🍕

本人近已數次親身體驗在早市時……有員工當眾在做頗污蔑動作及行為在NOSE上溉！！不想在這裡形容得太嘔心了！！所以㹈餐廳集團有待加以配訓及改善……好讓品牌在名聲上加以维持，因食品及服務態度真不差！

今日同家姐去咗長沙灣行街家姐建議你呢間茶餐廳食下午茶佢話呢個下午茶炭燒雞扒包好抵食我哋嗌咗兩個一個跟薯條一個跟沙律大大碟都係$31蚊包杯飲品一杯賣相唔錯麵包、沙律好新鮮佢哋個薯條有少少芝士添不過家姐話筲箕灣分店比呢間好食啲30幾蚊嘅下午茶算係唔錯啦地方乾淨光猛樓底勁高坐落都好舒服哦下午五時左右都幾多人食上菜速度幾快但D凍飲就一般唔多夠冰份量比其他餐廳細杯D附近多左好多屋苑又多左好多食店呢間都錯食完下午茶同家姐去順寧道街市買菜再返屋企

二人中午12;30入座,入座時安排四人坐位,落單後又要我們搬位,因為12:45開始多人,搬位唔係問題,但入座時冇事先聲明要搬位..如要搬位,為何不開始就安排一個二人座位給我?另屋企人有個小行李喼,侍應二話不說把行李拎到門口,話阻住,因為我放行李果位,侍應想擺多一張椅比隔離果枱客.我跟住話行李內有貴重物品才獲放身邊,但侍應叫我把行李放在我椅後面,叫我坐前啲,我要把身貼住張枱坐12:35落單,12:58先黎左兩個湯效率其慢,,食物唔好講了,除了個湯叫ok可入口外,意粉好像未煮熟咁,硬到,啲汁又好"瀏",食完滯到想嘔...呢間野除左價錢唔太貴,其他樣樣差差差差差差差差差差差差,餐廳午飯時段,侍應用盡每一個位吸客,攪到坐得好迫,好唔舒服.迫到唔講以為去左大牌檔.迫到冷氣一點都不涼我第一次幫襯,但相信同時會係最後一次,以後免費都唔會再幫襯呢間垃圾餐廳,

兩點幾黎到長沙灣又未食飯，又唔想食茶記，見到餐廳門口做緊夏日推廣冷麵就即刻入去試下!打開餐牌見到煙三文魚墨魚汁冷麵，唔洗諗即叫! 等左10分鐘就上菜。墨魚汁冷麵配上胡麻汁真係無得頂！個麵唔淋，煙三文魚配上蟹子好有咬口。另外亦有蟹柳、青瓜絲同埋紫菜做配菜。跟餐有凍飲埋單都係70蚊，都算可以的。

呢度早餐做到11:30 實在太好，岩曬一d 晏起身既人可惜我11:32先到…bye bye 早餐來一個brunch 吧lunch set 介乎$50-70連飲品/湯點了個近似早餐既set (當然比早餐貴$20)較稀又淡既蕃茄湯，天使麵好硬啊個蒜香多士就幾好味咖啡就麻麻lu.. 比即沖還差

dinner 食牛扒（叫了七成熟），由7:55pm落了order 等到8:35等了超過半小時都没有得食。最氣人的是别人遲過我落order反而早過我食，多次向服務員反映都根本無跟進，反而指牛扒遲是正常!但我落order 時又没有告知我會，厨房出了一份又一份牛扒一都不按下单先後出。等到份牛扒出來又干又硬！之前晚間食過意粉己感到好硬，我都未食過這样干的牛扒，如果厨子不會做牛扒不如停止供應，年三十真是食到一肚气!

肉醬意粉味道唔錯粉系闊扁意粉，煮得剛好，不爛也不硬。肉醬的芝士味十分足夠，肉醬也不多肥肉，裡面的蔬菜比預期多，因為很多店意粉只有肉和醬這家店可能比較新，裝修比較似cafe. 坐一下午也感覺舒服。價錢也就比普通茶餐廳貴一點，要享受的朋友可以黎睇睇。

去明愛醫院探望完朋友， 在附近找地方食晚飯， 記得在意樂食過下午茶餐都唔差, 去試下晚餐都好。餐廳環境較一般茶餐廳好帆立貝豬骨濃湯拉麵賣相同個餐牌差得太遠， 好似食剩才送上枱的模樣， 湯多料少，更顯疏疏落落，要扣分。湯底豬骨味濃， 但味道偏鹹， 溫泉蛋用鹵水製成，味道ok， 麵就好少， 食完唔夠飽這餐之後， 把先前的好印象全部破壞了！

此店口碑不俗，已擴張至15間，未攻入飲食版圖的核心區。皆因以平價取勝，須力壓成本。店名顯示是意大利菜餐廳，風格，客路，檔次與薄餅屋重疊。焗飯以薄餅鐵盆形式上檯，十分香噴噴。點選了食品名稱長達14個字的「西西里式鮮茄烤豬扒珍珠米飯」是。鮮茄欠奉，其實以茄醬芝士為主，芝士焗茄醬豬扒飯。「烤」字用得好。以烤薄餅方式，把豬扒飯平舖於鐵盆上烤焗，厚度只有1cm。茄醬芝士醬份量適中，不乾不濕，不咸不淡。豬扒是薄身式，有三片，油脂平均，故不會嚡口，一切即分。即磨咖啡亦在水平之上，飲飯即時提神醒腦。免加一，性價比高。

歐陸豬扒早餐，有豬扒一塊，尚算大塊抵食；厚切蒜蓉午油麵包，是澱粉質主要來源，夠飽肚；可選兩樣配菜，我選了太 陽蛋和火腿，味道一般；茄汁豆是冷的，全個早餐最敗筆之處。出食物時間短，趕時間很好！總括而言，早餐是可以的，但很多細節仍需改善！

今晚喺長沙灣睇牙，睇完喺附近搵野食，近近地有間西餐就入左去。男友人例牌食牛扒，煮得ok夠生，薯條都好食，我就叫左jumbo鐵板，塊雞扒札住個炒飯，雞皮好食，炒飯無咩味，最鍾意都係側邊嘅配菜，份量超大唔驚唔夠飽。