意八餐廳 (已結業)

每次，係每次，黎itamomo 都會叫同一碟意粉，就係橄欖油鴨胸辣意粉 🥰🥰🥰呢款意粉，中午或晚餐係天使麵，下午茶係扁意粉，亦都係我最愛🥴🥴🥴材料有好多鴨胸、菇、洋蔥、青紅椒，醬汁係油調帶辣，勁惹味呀！每次食都覺得好感動😹其實其他野食都唔錯，例如啲焗飯係用珍珠米，而且又平，上菜又快，所以真係好多人黎食嫁🥴🥴

放工後去圓洲角打波多數都會嚟呢度開餐，貪佢易揾位同食物上得快嘛。佢哋啲飯用珍珠米，食落好味，今次我叫咗鰻魚炒飯，碟飯上檯一啲都唔求其，隻碟邊唧有鰻魚汁，上面啲木魚絲未食都聞到好香，平時我未必食得晒成碟，今次唔知太好味定好肚餓，比我食到一粒飯都無得留底 🤭🤭跟餐叫飲品半價，但始終有糖份，所以飲清水啦，侍應都快反應，快快食完去到球場仲有時間整理吓先打波 😁

家姐在台灣旅行完返黎，約我今日下午拎手信，佢提議到呢間餐廳，貪佢呢度啲野唔算貴，又幾好食。呢間餐廳都黎過好多次，通常都係中午時候，每次呢個時候都見好多人排隊，我地都唔例外，按左籌耐心等候，等左30分鐘左右，就到我們入座，我們四個人，被安排座卡位。呢度地方算幾大，可以容納好多張枱，環境光線暗暗的，夜晚食就會比較浪漫。望望隻錶，仲有半個鐘先到兩點，未可以食下午茶餐，唯有叫午餐啦。我地四個人分別叫左四個午餐，午餐包一杯飲品或一個餐湯，除了我姐夫揀了一個餐湯外，我地就揀晒飲品。餐湯係牛乳粟米忌廉湯，聽姐夫講佢話冇乜牛乳味，但粟米香味濃郁既，都幾creamy。首先果碟米蘭原茄烤豬扒焗珍珠飯黎先，我覺得呢度既焗豬扒飯都算做得唔錯，蕃茄醬汁都算多，豬扒唔係話好厚果啲，但都有好幾塊，飯就用珍珠米用蛋略略炒過下咁，飯粒分明，面頭用芝士再焗，所以好有芝士味，家姐每次黎都會叫呢個，貪佢好食又份量大。跟住百里香烤雞菌皇扁意粉也上枱，個樣好似卡邦尼意粉，食落口都好似，只係啲菇菌味比卡邦尼重，同埋係有烤雞入面。再來蛋黃煙肉卡邦尼長通粉也到了，入面有好多煙肉，冬菇，有啲洋蔥，呢度既卡邦尼都做得唔錯，醬汁好濃厚多汁，

下午2點，去買下午茶外賣等了20分鐘，拿著收據想去問問情況 。結果剛走到職員面前，我什麼都還沒說，她就直接叫我再等等，語氣又不好。我想說 我又沒有沒有一直催促你，等了20分鐘才想問你一句，結果是這樣的態度，太令人失望

雖然餐廳內好多人，但都係等幾分鐘就有位！ quick lunch, good place! 2點多已有下午茶，都幾多人幫親！見客人點了有下午茶的飯, 侍應有主動提醒下午茶有同樣的東西。 意大利飯不夠乾身，味道尚可！

近排忙著看看新屋裝修， 所以也會在附近餐廳吃東西， 近排發生很多事，諸事不寧 希望食下早餐 迎接新的一天， 這間早餐 ，價錢也算公道我點樣個牛角包蛋沙律連凍檸茶， 價錢是31蚊, 至少 也好味過鄰近的麥當勞吧， 先生選擇了雞扒拼煙肉煎蛋，奉送了一件蒜蓉包， 大大碟很抵食

絕對明白價錢唔收得貴，但不等於食物質素可以這樣，明明餐牌寫這個是意大利飯，但竟然是白飯，我覺得不如正正常常寫白飯落去好過。屋苑商場的食肆，感覺質素越嚟越差，其實都覺得有啲可惜！

午餐時段特別多人，我選擇搭枱，最終都冇被搭枱。 服務員比較少，叫咗好耐先有人招呼你，又沒時間幫你送水，落單也要等候。送餐時間也頗長，一般都要等15分鐘以上，但食物又唔覺得好熱，不過食物的賣相頗花心思。到了下午茶時段的招呼比較好一啲，可能因為少咗上班族，服務員也會提提你下午茶時段就快到，等你可以選擇....省錢一點......讚，食物的味道一般，本人覺得頗鹹，我叫的黑胡椒牛肉炒扁意粉有點燒焦味.....

下午茶時段食itamomo真係好抵 個餐既份量同lunch既份量差不多 但價錢就平左廿幾蚊叫咗一個日和芝麻燒雞炒珍珠飯 加熱飲檸檬茶都係38蚊 個飯好有芝麻醬味 好好食 雞球都多 30幾蚊都好抵食 就算係下午茶時段都好 成間餐廳都坐滿人 咁就證明好多人都覺得依間餐廳下午茶抵食

周末下午茶時段約了朋友到意八，看見門外人山人海，還擔心等很久，幸好等了5分鐘便有位了(我要求不搭枱）我點了鮮菌牛肉米粉和熱咖啡，米粉是我喜歡的幼細，沾上牛肉湯十分美味。雖然牛肉和鮮菌份量不是很多，但質素不錯，有鮮甜牛肉味，雜菌不是罐頭那種的，加上只是三十元，算是物有所值！特別欣賞某一男侍應服務態度，下午茶截單時還會問問有沒有加單，當我要求再等三分鐘時(因朋友未到），他禮貌回應可以，真的抵讚👍🏻

唔想煮飯，一家三口近近地落樓下商場食晚飯！平日都幾多人等位。叫左加拿大安格斯牛扒，系鐵板上，同埋塊扒都大塊配胡麻野菌汁。配菜材料都好多，有番茄、蔬菜、太陽蛋、炒飯，仲有薯角添，所以一定夠飽。牛扒切出黎約7成熟，唔會過熟仲要$100內添。千島菠蘿甜蝦Pizza都足料，有菠蘿、火腿、芝士、甜蝦，仲有少少橄欖，多千島醬汁，所以好juice，酸酸甜甜又好開胃。香草野菌忌廉天使麵系我女最愛，勁多野菌同洋蔥，又香又重忌廉味，多汁所以面麵不會好乾身。堆單2百左右，都算抵食

I’d order an aix galericulata pasta and spaghetti which have two different of sauces within this pasta. Pasta 味道:3/5Spaghetti 係以焗嘅形式烹煮 pasta無焗得過火 無太乾太硬既情況岀現 cheese多到湧㵼 都相當足料架 芝士控嘅朋友必定鐘意另外一個最值得試既係鴛鴦pasta 本身以為mix埋一定會好怪 食落去兩種又幾match! 貪食又想試2種味既 呢個係必試架！

Service is very bad. Waitresses are playing with the phones instead of taking care of the guests. Restaurant looks great inside but food also very poor quality. You have to ask waitresses to serve you. They don’t have clue about job or hospitality. Never again.

之前未試過呢一間餐廳，今次朋友聚會就打算去試吓啦。感覺上呢間同薩利牙有少少似，但係菜式嘅種類都有啲唔同好似比較多元化。咁我哋一行三人就叫咗幾樣菜，包括魷魚硯肉墨魚飯，芝麻雞翼同埋芝士薯條，仲有兩杯嘢飲添，因為好似加嘢飲有優惠。首先講吓個芝士薯條啦，識落有少少拉斯嘅效果，因為本身好鍾意食芝士所以覺得OK。另外亦都有芝麻雞翼，非常是新鮮食落有啲肉汁出左嚟非常好食，但係個墨魚飯就普通啦，雖然賣相唔錯，但係識落有少少鹹得滯。咁我哋帶咗兩杯檸檬茶，好似係加$7都幾抵食🤩🤩有多個平靚正新選擇🤪😁

員工服務態度惡劣，尤其是自以為「高級員工」更自我膨脹，對顧客服務態度極之惡劣。早餐時段人潮擁擠大家明白，但在單/雙座位全滿的情況下，仍然埋怨顧客坐在四人座位，「高級員工」實在不顧外在環境，只在自己的想法中工作，希望管理階層好好教育員工。如果覺得座位「寶貴」，請安排人手在門口招呼帶位，不用要顧客自己找到座位後又遭「高級員工」白眼。此種情況並非第一次發生，希望管理階層好好正視問題，及早尋求改善方法。食物質素一般，價錢一般，餐廳環境一般。