影片
以上资料只供参考，请与餐厅确认详情
招牌菜
今次第一次试呢一间茶餐厅，系下午茶时段，佢都算几多食物嘅选择，正常嘅炸鸡髀配薯条、西多士、猪扒包、公司三文治等等。我叫咗一份双拼三文治，咸牛肉炒蛋烘底，都算整得不过不失，另外再叫了一个猪扒包套，猪扒包比我有啲惊喜嘅感觉，个包好香脆柔软，好好食，另外个猪扒都好香又大块，真系几抵食。而且虽然间茶餐厅细细地，但系都有卡坐，用餐都感觉坐得好舒适，侍应叔叔态度又很好，又识氹我小朋友又会同佢倾吓偈，我囡囡都话下次要再嚟，到最后比完钱，侍应叔叔请我囡囡食两粒糖，我哋用餐体验都感觉很好。
继续阅读
最近惠顾这间餐厅两次，分别吃了梅菜肉饼饭和虫草花云耳蒸鸡，两个饭都吃不到一半便不想再吃下去，因为肉饼和鸡吃下去都有浓浓的雪水味，不想太浪费惟有用例汤伴饭，但其实饭颇硬（今天吃的饭口感更觉是未煮熟），算是勉强吃下去而已。其实明白香港大部分食肆都是用冷藏肉制作食物，这是理解的，但很少（在此食店附近的食店比较下，更从未吃过如此重雪水味的肉类）吃过如此重雪水味道的，况且是两种不同的肉类都是如此，须知道这食店价格并不是同区附近食店最便宜的（可说并不便宜，以茶餐厅来说，日夜晚饭（同款式）不同价钱实难以令人接受），如此质素，一定不会推介给别人，以后惠顾也需考虑呢？
继续阅读
事关晚市有个咕噜肉，嗌完之后隔咗好耐店完先讲话冇。隔咗一阵有六个人坐喺我隔离，听到佢哋都有嗌咕噜肉，心谂店员都会提话冇，点知又真系上咗个咕噜肉?!🤯🤯🤯最差嘅系佢哋上之前两个店员夹埋一齐同我转位……话隔离六个人太迫㖞😕🙁欲盖弥彰唔想被差别对待 就唔好食呢间野喇自己睇路😌👎👎👎其实大家都系成年人 我明可能太忙交接未必做得咁好但只少唔洗搞场大龙凤 搞小动作啦😒我第一次投稿 就系忍唔住为自己嘅不合理差别待遇发声🙁真心唔推荐 负评👎👎👎
继续阅读
外卖叫个早餐，倒泻咖啡得返两啖都算我叫蕃茄汤叉烧米粉，一粒蕃茄都冇，成个汤劲浅色，同餐厅反映系咪出错单，餐厅话佢个蕃茄汤系咁浅色，冇出错。当我三岁细路仔黎呃，错又唔认，成碗粉一啲蕃茄味都冇，同我讲话浅色，边有咁不负责任嘅餐厅？
继续阅读
果朝我去食早餐，我坐向梳化位，野食都未到突然眼尾见到梳化有只野爬过黎，转头一望系只大曱甴🪳。我立即弹开，有个女人职员话佢自己唔惊走去捉咗只曱甴。但一句唔好意思都冇，态度极差。以后唔会再帮衬。
继续阅读
您可能会有兴趣的...