惠比壽居食屋 (已結業)

今日同honey行完荃灣,就特登黎呢樹開飺,只因為好想再食佢既鰻魚炒飯.......商量左一陣,點左以下食物:1.鰻魚炒飯:呢個真係正呀,同上次一樣甘好味,但今次份量好似多d,d珍珠米仲係一粒粒,有好多鰻魚..yummy!!2.三文魚壽司:今次冇上次甘新鮮,但都可以接受,至少好過元x3.北海道海鮮鍋物:有好多材料,有蝦,青口,豆腐,帶子,粉絲,蟹柳,食到尾都仲熱,呢個唔錯,唔好睇個鍋好細,兩個人食足夠有餘,所以最好多一至二個人分享好d^^4.日式炸生蠔:保持水準,咬落多汁,唔太油,正是次盛惠$195

我一向對日本野情有獨鍾。咦間我由佢開業就開始食。每次返來香港更是一定到。以前d野食真係不錯，至少合理價錢食合理既野。去左幾次，成日都話冇位，又話要等好耐，終於果日俾我等到，原來裝修過，high左好多，d位係少左，不過坐得舒服冇所謂啦。1. 天婦羅手打烏冬--因為阿媽話手打烏冬好食，我本身比較鍾意食拉麵，不過都唔錯，只係d天婦羅油左d。以前我食都冇乜油，今次油到連張紙都係油。個手打烏冬唔錯，幾有彈性。2. 大和冷麵--又係阿媽介紹，認真<正>。我地四個人仲叫左個大既，真係好大盤，三文魚條夠新鮮，上面曬上蟹子，果麵又彈牙，沙律醬裝盤，醬汁加埋d wasabi入去成晚最好食就係咦個。如果d三文魚條多d仲好，話曬個麵都咁大盤。3. 炸軟殼蟹--直情嚇到，見佢d顏色好深，已經深知不妙。阿媽更食到d油"益益"地，既刻唔敢食，只好我同我爸攪掂去。一食，唉...好明顯係d油好耐都冇換(萬年油)。我以前都係做食物行，d油咁樣一早就唔要得，仲拿出來用，真係想拆左個招牌。4. 天婦羅烏冬鍋御善--成鍋上，都ok。天婦羅，仍然好油>.<。餐前有幾件壽司，都唔錯，係d飯鬆左d，一

裝修過後, 環境都算唔錯, 但我覺得價錢都算貴, 我見個menu一碟三文魚壽司都$22....我地叫左: 1.雜錦壽司(6件) 2.辛辣海鮮手打烏冬3.牛肉炒雜菜味道好一般, 個手打烏冬同普通烏冬冇咩分別, 最慘係一d都唔辣...牛肉炒雜菜就ok...唔油....

上次同同事去食我唔係咁鐘意佢\變做日座位,因為要除鞋,但係班同事無除鞋所以我都無除,但係其他食客除唒鞋去了好多次,覺佢\呢個價錢算平了味道好好但唔係今乾淨可能我們無除鞋入去總體上一般la!

我去開都會叫set食d野好味道過出面d日式食店以食物質素而言價錢都唔算太貴裝修前夜晚有個set係滑蛋豬排飯d汁好正豬排又好味我男朋友鍾意食刺身飯d刺身好新鮮，又多好抵食!lunch set都好抵食不過裝修完後份量少了我情願佢\無裝修過

裝修後, 第一次去.唔係咁喜歡佢變做日式座位, 即係應該要除鞋, 坐入個seat樹. 不過屯門人都唔係咁慣除鞋, 所以見無人除, 我照著住鞋入去坐結果是, 自己踩返自己張seat, 搵自己笨去了好多次, 覺得佢呢個價錢, 比係隔離個間千葉算平了.不過千祈唔好叫軟x 蟹炒飯, 太普通之作, 不過是放隻蟹上飯面咋嘛去了很多次, 個晚第一次叫左個大和冷面, 正到暈呀.呢個價錢, 有好多切碎的三文魚和當造的刺身碎, 平過魚一丁同響拉麵的冷面.我連續叫了兩bowl, 因為吃了一bowl後, 味道好得不得了, 要再黎多round.家下諗起, 都想再吃過.難怪咁多人叫呢個冷面了

星期日,同honey到此食晚飯,亦係裝修後第一來,比起未裝修前更有日本味道,也比之前坐得舒服.但當打開餐牌便發現少了套餐,但食物種類也較之前多.我哋商量左之後便點了以下食物:1,三文魚壽司:好好味,好新鮮,但d飯較差,一夾便散.2.鰻魚壽司:honey一見到佢就發左青光喇,因為很肥美,好味道3.日式炸蠔:脆脆卜卜的,炸到金黃色,一咬落去,仲有d汁,唔會太乾,一個字"正",真係要試下呀!!4.日式鰻魚炒飯:大大碟,有好多鰻魚粒,好味道!honey食左四碗呀.勁!以前d三文魚和鰻魚壽司會拖尾架,但今次去冇左lu,有d失望,但d賣相一樣甘靚,睇得出好有心思去整架,服務很好,會不停加水同好好笑容呢^^是次盛惠:161元

服務好好, 女侍應全都臉帶笑容, 招呼好好, 男o既就差d啦.火龍卷好, 燒蠔幾惹味, 餃子雞翼都唔錯, 但不及元朗麻布十番, 反而有驚喜係蟹子沙律壽司, 唔會變水, 夠凍, 料足夠飽滿, 有水準.

可以, 食物大大份, 尤其剌身夠厚, 木製為主既裝修予人傳統日本感覺. 有別於好多同類食店. 但如想保證清新環境下好好食一餐, 可能要等到出年元旦, 皆因佢因地方限制而未能劃分煙區. 係呢點美中不足.

tuen mun o黎講食物品質已經好好, 價錢又抵.侍應都好好禮貌, 侍應中有一個女仔長頭髮紮馬尾好好禮貌同笑容. tuen mun 區o既居民可以去試試.

同朋友去食晚飯我點左和式牛肉鍋飯($55)，好淡................淡到好似無味咁滯，d牛肉又老到想死.............個麵豉湯亦都無乜味道.....................唔可以說難食，不過真係一d都唔好食........................我朋友點左個咖哩海鮮鍋飯，佢話ok喎,,,

三文魚寿司28蚊兩件,又要加一,其它都比同區日本餐廳貴,食物質素一般,真係淨食裝修,去一次就夠!

野食都ok既, 不過好貴咁既價錢就應該再有番d好d既野食啦

我ar媽同我去食lunch,叫左天婦羅烏冬同雜錦魚生飯.天婦羅炸得幾好,不是太油,烏冬應該是自己手打,好彈牙.魚生都幾多,滿了整個碗面,好新鮮,唯一是麵史湯鹹左少少,而且無前菜同甜品,不過碗飯好飽呀~

OK LA, 晚飯有D套餐都幾抵食. 清酒煮蜆, 咖哩飯, 牛肉鍋都幾好味, 份量都接受到, 但係D刺身就係香港SIZE, 唔係好厚(咁又唔係勁薄O個D), 不過計返個PRICE都可以接受.成間餐廳最唔好就係無分吸煙區同非吸煙區, 食食下飯要食埋二手煙, 對唔食煙O既人O黎遘都幾辛苦.