悅有福麵食之家 (已結業)

三月时份,经常在元朗跑,自不然是找吃的,但凡旧区,总是有意想不到的惊喜.就在街头四处逛的一刻,见有新店开,有伙记在门前拉客,反正未试过的,那里都是一样.看看餐牌,原来是有久违的车仔捞面,既然要得捞面,就一定会要牛腩,这是个人从少的食法,加上生茶,萝白及粗面(又系粗面,好闷,不过粗面可以吸多d汁,惹味得多嘛)单看卖相,牛腩有点碎湿湿,不过腌得入味够腍,新店来说,已是不错,萝白选得对,鲜甜又无渣,生菜反而不过不失,粗面吸收了腩汁之后,虽然有点过腍,但依然惹味.看来有机会是可以再光顾,值得支持的一间p.s : 懒就是懒,当日openrice尚未有此店地址,自己懒得加上去,到今日开始清清2010食评,先知道系大半年前事..............哈哈!…查看更多

睇过食评 , 揸车亦去过一两次 , 唔知系我黑仔定咩 , 去衬都唔见开门做生意。今日得闲步行去 , 谂住如果再食唔到 , 我就去附近茶餐厅食就算。点知行到去就见到大招牌 , 铺面落地玻璃加趟门 , 望入去好通透 , 见到有两位食客 , 我就推门入内坐低。当时只见水吧内有一见皮肤较黑女子 , 向我点头及说【请坐】, ok 百忙中亦冇欠礼貌。店内环境好整齐好干净 , 酱料盛载器皿洗抹得好干净 , 抵赞!后来有一位戴眼镜男子行近 , 我写左三个菜【大肠+牛腩+萝卜+油面(少辣)HK$20+冻奶茶HK$7】, 佢问我系食下午茶餐HK$20包饮品果个餐 , 定系散叫? 我问佢有咩分别? 佢答我话【大碗份量多o的啰】, 我晏昼饭都未食 , 咁就叫散餐啦!先到【冻奶茶】,望落几大杯 , 但我一眼睇得出淡奶绝对唔够 , 因为望落似一杯冻咖啡颜色。饮落茶味极淡口 , 奶味太少更加淡口啦! 杯冻奶茶仲差过西餐厅扒房呀 , 我当好过饮冻水啦 , 话哂碗车仔面都有辣汁嘛! 点都要杯冻饮解下辣o既。之后好快车仔面上枱 , 少辣辣汁好细心另外用酱碟上 , 碗面都好大碗。 先讲【大肠】, 可能之前俾卥水浸过 , 颜色好深而且过淋唔够爽口弹牙 , 味道又系好淡 , 麻麻㖞! 再讲【牛腩】, 如下面另外食评家讲 , 好细粒冇口感 , 味道都唔觉惹味 , 冇o左平时食开花椒八角浓味 , 要改善。 后讲【萝卜】, 有三大旧 , 其中两旧太淋有渣 , 只有一旧好爽口冇渣 , 可能萝卜老左少少 , 同埋煲得太耐太淋啦 , 要注意! 【油面】正常冇咩特别 , 算系好食。因为市面上有o的油面质素较差 , 又扁又干身 , 不过好在唔系。服务方面非常好 , 一坐低有清茶一杯 , 戴眼镜男子应该系老板之一 , 好客气好有礼貌。 个人觉得需要改善系 , 每枱预备多一筒厕纸就好啦 , 而且冻奶茶茶胆要再翻浸多几次 , 淡奶六要俾多少少唔好悭 , 杯茶对我o黎讲好重要 , 系我一日之中o既动力 , 哈!埋单HK$27 元 可接受唔贵 , 同埋真系够饱o岩o岩好。店内仲有好多各式各样食物选择 , 其中老板话有【猪脚姜】, 我记得好似大约HK$25 左右 , 大家不妨试试。下次我会再帮衬 , 希望继续改善 , 最紧要保持殷勤服务态度及铺面卫生~…查看更多

今日一个人去悦有福食lunch，叫左一碗米线，$20包三个𩠌, 若加热饮，要多加$5，系元朗来讲，价钱唔算平！我点左白菜云吞、牛腩、同生菜，加腩汁。米线比较腍，唔算大碗，一般啦！:)白菜饺有两粒，整得几香，d肉颇鲜味，仲有好多白菜系入面，唔错，值得一试！而生菜就有好多，都几爽:(牛腩就几失望，因有好多筋，无乜肉，味道一般。:)热阿华田算够味同大杯。服务: 无乜特别，得一个阿姐serve。其实今日店内只有不超过十个客，不过佢好似好忙咁。不过，我走时，佢见我杯阿华田饮剩唔少，问我系咪好甜，呢度值得一赞。:):(整体而言，份量不多，食完唔系好饱！…查看更多

元朗好少车仔面档, 见难得开左一间, 所以走去试, 以前去建业街, 多数都系去隔离氹仔, 因为呢条街始终系"屈"左入去, 所以如果唔系真系揾食, 基本上都好少行入去.去到门口, 一开心, 老板好有礼貌地招呼, 感觉良好.:)坐低叫左一个招牌鸳鸯捞面, 拣左三样𩠌 - 鸡亦尖, 生菜同埋鱼蛋., 但可惜原来鸡亦尖无晒, 唯有转鸡中亦. 豉油汁加少少棘汁, 配埋粗, 幼面, 好好味, 鸡中亦都煮到洽到好处, 好入味.另外叫左一个小的咖喱鱿鱼, 棘度适中, 亦是精选惟一觉得唔太好既, 就系佢以一间车仔面档黎讲, 𩠌款, 菜款不是太多, 可能我平时食惯公司附近个间, 款式多好多,有少少要求la, 尤其系菜, 香港人少食菜, 多一两款拣会好D.…查看更多

报左考的士.大部分时间望住街道名.成日都差一至二题...激死我...前几日.讲出真感受.反而俾食店员工上来闹我...今日本来想去社会企业,教人什么礼貌但我唔得闲冲出元朗,有机会先教....我做到的,只是永不去态度欠佳的食店....首先讲我以前做客户服务的工,几无礼的人我都见过...客人无礼,我仲要笑脸迎人,说回呢间店....哈,我又有钟意个名同埋有4个笑脸我就行去试下最初老细都无理我,我点了三菜一汽水....25元唔贵三菜--猪肠,鸡翼...白菜饺.......米...猪肠好干净.吃落口弹牙....鸡翼大大只,肥美都不是平赁...二种食物卤水味都好重,白菜饺,呢间店的出名菜......白菜好新鲜..香口,好味,我本来唔吃.....辣酱.老细亲自拿出来叫我试下....来点白菜饺食.....味道好香,同白菜饺系绝配.仲成日同我讲煮食心得二十五元一的都唔贵,我都无要求店内2个大男人.五星级服务...别人是出自真心的.......我做第283个食评,从来无屈过人....呢间店证明平同服务系可以成正比的...离开时...我同老细讲下次会回头......老细都好开心,有笑容.......…查看更多