悅巴適 老壇酸菜魚 (已結業)

同朋友食飯 平時多數都係食日本或西餐，今日落到筲箕灣行，咁啱見到呢間食酸菜魚嘅，我同朋友一致決定入去試一試。入到去坐低佢每人上左一杯好似係果皮紅棗水，飲落去味道幾特別，平時少養生既我即刻飲多兩啖，感覺個人健康左😂😂d野食價錢都唔會貴，所以我地除左嗌大酸菜魚外，仲嗌左口水雞，成都牛臉肉，手撕包菜，唔知咩咩炒土豆絲。個店員主動講宜家like 佢地facebook 仲送一客小食，貪小便宜既我地當然即like😂😂小食係麻辣鳳爪同唔記得咩炸魚，兩樣都好好味。酸菜魚佢有得簡辣度，我哋揀咗中辣， 同埋加咗萵筍，粉絲同埋薯粉。 啲魚肉超滑，酸菜又唔過酸，味道岩岩好😍 牛臉肉整得好淋，加埋d 辣汁😋😋😋😋口水雞已經去咗骨食落去好方便。炒土豆絲就略嫌有啲過濕如果再炒乾身少少就會好食啲😜最後為咗有個圓滿嘅ending，我哋嗌咗個甜品——紅糖糍粑。呢個係驚喜，一上落嚟仲係熱辣辣，佢係即炸但又唔會好油，點埋個糖食完全係perfect ending💕.最衰食唔到甘多， 有好多嘢都仲想試，約定左朋友下次一定要再黎試過💪💪Ps: 有好多嘢食食到尾聲先記得冇影相😔😔😔

一定要試，服務態度有禮，推介美食真好吃！我覺得可以推介，希望佢嘅食物和服務都可以一直下去，越早越好，多啲人幫襯，唔好加價！超愛這樣的美食，太好了一定會再幫襯。。

星期日想去飲茶又排曬長龍，醒起呢間新開的小店，就同妹妹一齊去試下環境唔錯張椅子幾好坐，地方好新淨，有花心思設計過。店面不太大，所以大部份人都需要搭檯。免費送的麥茶口水雞餐，麻辣醬不錯，雞好滑，但唔入味，亦冇雞味，但45蚊黎講算不錯了酸菜魚餐轉薯粉，酸菜湯味道適中，魚大概有7-8舊，少少辣，少少麻，如果鐘意重口味既就未必啱總結黎講，係筲箕灣既麻辣小店黎講，價錢ok, 味道都ok, 服務亦好好，會再番黎幫襯

在附近工作，LUNCH都係想食得舒服開心，但員工態度真係激死我叫左碟雞，話除左豉油同雞之外全走，職員覆一次時話"即係走茜"我聽左即刻解釋多次"唔係，係除左豉油同雞之外全走，青瓜都唔要~"結果碟雞到左依然係有青瓜....咁我叫職員打算換，其實換番就OK之後竟然有個疑似負責人既職員同我講："D雞係有少少青瓜架"WHAT???咁答我即係同"係呀，我唔想換比你，食啦你"有咩分別？我心諗我會食既我就唔洗叫你走啦=.=如果我食物敏感食左有咩事係咪依負責洗？好，我唔想嘈，我只答佢我唔食青瓜。然後要求佢換。好，換左之後得番雞，連豉油都倒埋...擺明玩野........之後要叫佢比番豉油......本來工作辛苦只想食餐舒服既飯，但個餐飯真係食得好難受然而悅巴適本身就解客人食得舒適開心(我地有同事問過店名點解，職員係咁講)已經同公司既同事講左呢件事佢地都少左幫襯希望貴食店認真改善員工態度！

噚日阿囡 gathering，係悦巴適叫咗好多外賣，初初大家話買咁多外賣食唔晒，誰知大家一開始食就話好食，食唔停，結果一陣已食清，唔夠食，話下次約一定要落舖食。蔔葡牛面肉蔔葡入味、蝦多士多蝦肉、蔥油雞蔥油超香、炆豬肉夠淋滑，甜品紫薯波炸得好味、炸香蕉，紅糖糍粑，每樣甜品甜而不膩味，是清甜，仲有健康茶。每款$50樓下，超抵食

一條友去呢間食晚飯，可惜得我一個人，見其他枱酸菜魚好大份，唔敢叫，好想試呀！於是叫左一碟麻婆豆腐，佢令我破曬戒，平時夜晚唔食飯，減下肥，點知個麻婆豆腐令我失守，食左一碗飯唔夠喉，再食一碗，送飯真一流，啲飯又一流，望到好似用IH電飯煲煮既仲有個炸魚鮫真是不得了，真是外趣內軟，呢魚肉又滑，如果佢有涼茶自己都食兩碟！希望下次有多幾個朋友一齊去食下，可以食到酸菜魚啦，好想食辣，見人哋碟口水雞都好似幾得下！

告別了前身的「麗姐茶餐廳」，迎來了這家四川菜館，二時多才來到，標榜的老壇酸菜魚沒有了，便點了一向愛吃的口水雞，做法和配料的味道和辣度頗不俗，跟在國內愛吃的店子差不多，如能選用較有雞味的雞肉則更佳，不過這道菜一般都是妹仔大過主人婆，至於飯呢則比較一般，也不夠熱。試業階段，餐盤未乾略有不妥，可諒。長形的餐廳格局都是四人枱，盡用空間，那寛厚的的椅子使得坐入面的食客出來有點困難，兩張枱之間的椅子也是背對背接近，出入大家遷就。中午套餐價格相宜，還有三種雞等待我這個愛吃雞的人品嚐，而其他的選擇也很有吸引力，陸續一試可期。