悅巴適 老壇酸菜魚 (已結業)

電視裡曾介紹過位於筲箕灣的這家酸菜魚四川食店～‘悅巴適’ （’巴適‘是四川方言，意思是正宗，地道，也有舒服，合適的說法）因為這店離家不遠，看到介紹就記住了。今天去那邊閒逛，慕名過去瞧瞧～‘悅巴適’在筲箕灣主要路段的交口（寶文街），人來人往的路邊，地點不錯喔！透過玻璃門窗，看到有空位，就推門進去了，地方不大，客人滿滿，座位好擠迫～我們兩位與另兩名陌生人搭檯4人座...兒子選了這裡menu註明‘必食’之 ：- 招牌老壇酸菜魚配薯粉 HKD68.-上桌時，酸菜魚和薯粉是分碗裝的，重口味的兒子把薯粉撈去酸菜魚碗中.....記得下單時侍應特別問：食不食辣？兒子明確回答要辣！ 對方再問：微辣？兒子說：正常辣ok...結果如下：酸菜魚👇👇👇👇，一點都不辣！！薯粉👇👇👇👇，量不多！最終，兒子給這份酸菜魚3.5分😛我是湊熱鬧才吃一點這重口味的食物，叫了一碗：- 招牌酸菜豬扒 配土豆粉， HKD45.-整碗的感覺是： 湯油，菜酸，肉柴～，土豆粉到很有彈性！我給這份招牌餐3 分😛買單： HKD113.- ，不算貴，但試過一次就可以了

這食店和同區的double kitchen 應是同一老細，同樣也提供食客另類選擇，上周未和太太笫二次幫襯，我又再次上次叫過的川式椒麻雞，和上次一樣的非常麻非常辣非常好味，我一食便尋回以前在四川食的麻辣味，雞肉也非常滑，太太叫了蘇東坡豬手，炆得淋及入味。今次覺得餸的份量多了，知是咁啱及是想吸引食客，跟餐還有一小儿茱及熱茶。這裏的座位也算舒適不會太逈。以食物質素和價錢來說，這食店是值得支持，特別是如果你鍾意食辣

筲箕灣新開無耐嘅一間主打酸菜魚嘅小店🏠今日準備入石澳沙灘玩之前，午餐就試佢啦😁😁見佢午市都好旺場，附近街坊食客多午餐選擇多不勝數，淨係雞都有好幾款俾你揀🈵🈵一個價錢，仲要係套餐組合，經濟實惠👍🏼👍🏼💁🏻‍♀️老壇酸菜牛肉薯粉我見枱枱都食酸菜魚，就試下其他菜式先😁😁薯粉係寛身比較大條的，滑溜溜咁，好味😋💁🏻‍♀️凍檸檬薏米水💁🏻‍♀️甜品：炸香蕉🍌

星期日中午，Family day當然係同爸爸媽媽出去食個lunch la, 我提意去筲箕灣東大街食野，但未行到東大街，沿路就比呢間悅巴適吸引住，因為我同屋企人都喜歡食酸菜魚😆，埋去睇睇個menu就決定食了，我地點左蘇東坡炆豬手好林好入味，甜甜地而且好大件，其次就叫左無敵蔥油雞，雞肉都算滑，加上蔥油味都幾夾，用黎送飯唔錯壓軸登場當然係最期待既主菜老壇酸菜魚，我地其實都唔算好食得辣，所以就叫左小辣，賣相雖然唔算好靚但味道唔錯，四川式辣味，魚都片得好薄，重點係都幾滑，一路食一路飲水，配埋個薯粉，將薯粉浸落酸菜魚既湯食，薯粉*索*哂酸菜湯既辣味，相當開胃。整體黎講價錢合理，香港比較小餐廳能食到酸菜魚，呢間係唔錯既選擇！

一心嚟食酸菜魚，我哋加咗萵筍同金菇，可惜唔係太大嘅驚喜， 味道一般，唔可以話難食，只可以話普通。可能我哋成日北上食，有比較，所以覺得麻麻地。除咗食酸菜魚，另外叫咗雞腳，好重四川口味。熗炒金肉福剛菜花，味道幾好，因為用豬油渣炒，所以好香，份量就少咗啲。江南無錫排骨， 呢碟最難食，啲肉死死實實煮到爛曬都唔入味，應該係用雪藏排骨嚟整， 朋友食完覺得似湯渣。 甜品叫咗紅糖糍巴，ok嘅，另外叫咗紅糖冰粉，味道幾好，唔係太甜。最後加咗支天地一號蘋果醋。

因家住港島東區的關係，所以經常會到筲箕灣一帶覓食，先排留意這間餐廳新開張，但由於一直以來都覺得酸菜魚這種大窩的食物係我同老公兩個人不會食得曬的，所以一直沒有諗住去品試的。 但由於本人也是愛辣人士，有時行過，總會不其然關注一下門口的情況，發覺多次經過都見到門口總有人排隊或內進，喺今日決定落筲箕灣食晚飯時就openrice一下呢間舖頭的食評同菜單，發現原來也有2人份的酸菜魚😍所以就同老公提議晚飯時去試一試🤤好好彩，今晚去到岩岩好唔洗等位(但緊接我後面的6人就要等位了😛)，坐低後侍應就放低了兩杯紅棗玫瑰花茶，杯茶有淡淡的玫塊花味好香，老公之後order了一客甩皮甩骨麻辣鳳爪、招牌老壇酸菜魚（2人份）、同一客蔬菜，真係食到我把口停唔到（辣得好過癮🥳)甩皮甩骨鳳爪麻辣味剛好有麻又有辣，不會死麻或死辣味道剛好，主角酸菜魚更唔令人失望，由於老公不是太食得辣所以order左少辣，辣味都唔會話太勁連老公都話正，魚的份量亦好多，唔會三兩下就無曬！最後仲上埋炸魚鮫，好香脆好好食！不過最驚喜的係，食完成餐飯返到屋企竟然唔會覺得口喝要飲水，証明應該無落味精！老公見我咁岩食，已約定我下次再幫襯🤤🤤🤤

街坊朋友介紹，最近在這區開了新的酸菜魚店；之前在深圳吃過酸菜魚，很便宜很好吃，我們在香港試過另一間，經驗不好！有時限又貴。所以很想試試這間，説了一個月，終於就今晚一試！.店舖位置不是在其他食店之間，獨立地位於街市對面/翠苑對面，平時行過都沒有留意到。我們約6點9到，店入面已經很多人，後來發現枱上貼了7點前結賬有折（忘了是多少）。三個人點了4個餸一個魚。口水雞，頗好，雞很滑，但不知是否因為我不能吃太辣，覺得有點辣。麻辣魚皮，覺得幾特別，爽爽的，不太辣。怕全部都是辣，點了個菜，中和一下。份量不多，我們三個女孩吃，還可以。主菜酸菜魚，加了粉絲、金菇、雲耳。湯了一口湯，不覺得味精重，魚滑滑的，粉絲份量比想像中多。整體來說，不錯！不貴，食物質素可以，坐得都舒適！

健先生和我都很愛吃內地的酸菜魚，故今天就去到筲箕灣試下呢間新開的。一入座，侍應就送上一杯花茶，味道不錯，我覺得係可以用作解辣。但當佢入面嘅花浸多一段時間之後就會散開，飲入口就會有花瓣碎片，不太好的感覺只要Facebook like 同 share，就可以免費獲得一份小食，我地要左炸魚鮫。我好鐘意炸漿薄薄一層不會太厚，炸出黎岩岩好。唯一唔好係我覺得有D多骨，不過魚鮫呢個部位就係咁多骨同埋佢上面有辣粉，食落口辣辣地好惹味爽滑麻辣魚皮 ($55)魚皮爽脆，涼拌汁好味，我個人好愛食麻辣嘅麻，呢個一流。但切條有點太過幼身，如果魚皮可以再粗身點，食落口感會更好主角：酸菜魚(1-2人份) ($198) 另再加萵筍同薯粉 (各$12一份)魚食得出好新鮮，有魚味但份量有點少，佢好似唔會預你只係叫酸菜魚辣度係中以上，所以大部分都交由健先生完成。萵筍清甜但份量亦好少，著粉我地等到最後先食，目的係想吸多D湯所以都入味。酸菜中規中矩，我覺得唔太咸同有甜味就合格。當然呢度嘅價錢比內地係較貴，但我覺得依然值得我再黎試佢其他嘅食物，如口水雞～我見好多枱都有叫。佢D員工都好有禮貌，會主動問添唔添水。不過洗手間位置好奇怪

味道有待改善，主菜份量偏小，個盤就好大！叫左個1-2人酸菜魚2個人唔夠食，第二次去叫左個3至4人酸菜魚2個人都係唔夠食。令人感到失望！除了菜色外，服務及環境都可以

老實講 食完哩間野真心失望 見到有新開既川菜店 特登過尼試 先講食物 1.無骨口水雞 $45 抵食既 夠大份 同埋賣相都幾好 但食落得個辣字 雞完全冇味 2.招牌酸菜魚 $198 份量勁少 而且冇任何配菜 選擇少 每樣要加$12 另外額外加酸菜又冇寫 落左單之後先講 哩道菜可以自選辣度 同酸度 我第一次尼食 完全唔知可以揀 就咁order左酸菜魚 點知上菜時 勁辣完全唔係平時酸菜魚個辣唔關個唔個人口味事 我後尾睇到菜單原來有得揀 但個侍應又冇問要咩辣度酸度 我就好奇問下個侍應哩個係咩辣佢話係普通辣第二個又話見你冇講咪落中辣其實我只係想知下 點知個男侍應勁大聲咁講 辣唔辣哩d好主觀架姐而家係你冇問辣度就係你地問題啦 仲係到咁大聲講 態度又差 3.仲有個花茶 一似成口都係花瓣 都唔知想點本身仲諗住下次過尼試小菜 但態度差 好食都唔會再幫襯更何況唔係真係特別好食 應該唔會有下次如果你想感受下比人串真係可以尼試下

Chuan cuisine is one of my latest favorite cuisine. However, most chuan restaurant is only suitable for groups as their portion is pretty huge. I have tried the lunch set vegetables with fish, the taste is pretty spicy and sour, yet there are not much fish in the bowl. The fish has been sliced into very thin pieces. The other lunch set is chicken with rice, I actually thought the dish is hot, yet the chicken is served cold. The chicken is tender and tasty, it would be much better if served hot.

終於係香港食到高質酸菜魚！ 同一班朋友專程到筲箕灣食，因之前在香港點都食唔到好食的酸菜魚，有朋友仔食過後讚囗不絕 極力推薦我們，試完後的確專程來一試！招牌老壇酸菜魚-因為人多所以點了三至四人份量都加咗粉絲，萵筍同薯粉聽老闆介紹特別用上加州鱸魚所以魚滑無骨酸菜更加係自家醃製絕對放心無添加，夠味道之餘又不會過鹹，用來送飯簡直一流另外推薦甩皮甩骨麻辣雞腳！鍾意食辣就唔好錯過，麻辣汁調得超好味其他小菜都冇令人失望，可能係小店式經營老闆都親力親為又主動問食客意見，值得支持！

經過開見到新式小店，比外面裝飾的招牌吸引，主打老壇酸菜魚，一見到已經和朋友勁想食。一行四人剛剛好一張台，假日前夕食飯時間已經有人在排隊，入到去我們點了一個3-4人份的酸菜魚，可再額外加配菜，萵筍，雲耳，薯粉，金針菇。酸辣度剛剛好，餐廳選用無骨加州鱸魚，滑溜 👍🏽萵筍入味。👍🏽👍🏽👍🏽👍🏽👍🏽⭐️自信口水雞 雞滑，無骨，正👍🏽⭐️爽脆麻辣魚皮 餐前小吃十分開胃⭐️蒜蓉清炒萵筍絲 五粒星⭐️⭐️⭐️⭐️⭐️⭐️無錫排骨 甜甜的送飯小菜⭐️紅糖糍粑 支持小店💪食過番尋味！好味抵食，同朋友食過都大讚，個餐牌仲有好多都未食，下次再黎幫襯！

本人最鐘意試就係新開小店， 朋友住在附近 所以就一試， 過海冇問題😝因為我鍾意周圍去揾食😸出地鐵站 之後行一分鐘就到， 地點極方便🥳🎊， 店舖細細，但餐廳裝修很乾淨， 感覺很好🤩 服務態度也不錯！ 重點係…… 每位客人有一大杯 免費 熱飲🥛內有紅棗片和柑桔皮， 味道很不錯🍹 其實呢間小店酸菜魚🐟真的一般🌶🌶唔夠香但其他涼拌和小菜就很好吃

非常非常好吃！超級推介！脆皮麻辣牛臉頰肉外脆內嫩，入口酥脆即化，實在為驚艷 。水煮魚湯頭濃郁酸辣，值得嘗試。紅糖糍粑點紅糖汁在吃完麻辣後做一個收尾，非常完美。整體來說，是一個完滿的一頓晚餐.