影片
又到假日指定活动，今次过咗嚟恒香海鲜酒家⋯今日唔系咁肚饿，点咗三个点心，菜苗饺、百花蒸酿鱼肚同埋猪肚烧卖。菜苗饺个味道其实唔错，但个皮好厚，兼且唔够烟韧⋯而百花蒸酿鱼肚，厚厚嘅鱼肚上酿上虾胶，鱼肚索晒虾胶嘅海鲜鲜味，唔错！我好钟意食怀旧点心，见到呢度有猪肚烧卖，梗系点嚟食啦！哈哈⋯但我唔记得影相😅爽脆嘅猪肚上配上弹牙多汁嘅肉馅，十分滋味，但略嫌猪肚唔够大件。总括来讲，价钱公道，食物唔花巧，水准唔错。
继续阅读
我个朋友最钟意饮茶，唯有奉陪到底陪佢周围去。今日七点几去到，因为泊车嘅关系，所以就拣咗呢间恒香酒家饮茶。上到去其实都几多人，但系佢哋冇完全冇帮我哋探热，我哋就直行直过自己走去揾位。因为疫情嘅关系，根本每张枱只可以坐四个人，仲要同人搭枱，不过唔紧要，我哋预咗。坐定定等左好耐先有人过嚟帮我哋执枱同埋问我地饮咩茶。眼见𠮶度都有好多张枱，但系就得两个侍应，唔知系因为太早嘅关系，佢哋未返齐工吖，定系佢哋根本就系得两个侍应。见佢个虾饺咁平，就叫咗一个啦，点知个虾饺皮厚到阿妈都唔认得。佢碗瘦肉粥，得𠮶几条瘦肉丝，穷得可怜！啲饺呀，鸭脚扎呀，普普通通啦。其实都冇下次㗎啦，又冇Service，啲嘢食又唔好食，我不如去我平时食开𠮶间牡丹金阁仲开心仲好！
继续阅读
星期日无聊无野做，紧系去叹茶食个饱，3个人，叫了整张台都放不了，恒香海鲜酒家，是老酒楼，地方大，坐位宽阔，也算干净食物方面，因是下午茶时间，也算平宜。「烧鸭河粉、叉烧濑粉、烧朒仔濑粉」烧鸭皮脆，出奇地好食、叉烧因廋，还过得去、烧朒，皮脆香口，又不太咸「咸水角」即炸，超脆，涵多还有各种点心都好好食...
继续阅读
假日同屋企人饮茶，差唔多间间都要等位，呢间就无乜人。已经食过几次，今次叫左套餐，有点心同几道菜，觉得价钱相宜，质素不错👍🏻椒盐豆腐粒，炸得好脆，又够薄，4-5人share食到唔停口煎饼又系一个必叫小食，但必须趁热食，否则...就会唔好食😂肉碎榄菜炒饭，粒粒分明，略嫌味道偏淡，如果系榄菜肉松就更好味了。腐乳唐生菜，不错👍🏻其实叫左咁多样野，全部都食得出系即制，岩岩整好热辣辣，已经系酒楼午市难得的一件事。
继续阅读
今日黎到新界西远近驰名嘅酒楼-恒香下午茶时段 等左10分钟内就有位星期六都有特价下午茶呢啲系恒常嘅点心纸呢啲系下午茶时段嘅点心纸虾饺同牛肉球真系好抵所以叫哂佢太肚饿唔记得影哂啲食物叉烧肠炸云吞好脆传统咸水角 够松脆火鸭肉丝米 正常无咩特别总括黎讲，传统点心系有水准嘅足料 又热腾腾嘅 炸嘅又够松脆当然要中式创新点心就要揾其他地方喇而且下午茶系几抵食呢餐大概$180埋单三个人除开都系60蚊叫左壶铁观音，啲茶叶都系靓野
继续阅读