怡紅院火鍋料理

营业中

休息中

中環一間有有趣主題同裝修嘅火鍋餐廳，又係老細帶我地去嘅。佢不嬲都食得好挑剔下，如果佢係主動帶我地去嘅地方，都應該唔差得去邊，兼而且要係有特色，先會得到佢嘅支持。一入到去，裝修得確幾得意喎。不論裝修、枱同椅、餐廳設計同其他細節好似濕紙巾等等，都切合主題入哂戲。都我地係坐上層嘅，仲有個大魚缸添。咁究竟係有咩咁特別呢?佢有十數款湯底可揀，我地就揀左麻辣同滋陰人參雞。麻煩又唔算好辣，起碼唔會辣到食唔到，至於人參雞，真係有成半隻雞響入邊，足料唔欺場。醬料都係一般都有嗰啲，其中有一隻類似XO醬嘅辣醬幾惹味!叫左啲小食食住等，哩個係青瓜木耳，仲有個店員係咁推銷嘅泰式鳯爪，係幾好食嘅，不過無咩特別。火鍋主角當然係火鍋食材。佢有好多牛嘅特別部位揀，因為老細叫左好多，都影唔切啲相......同埋都唔記得食左咩，只係記得有個好爽口嘅部分(下圖)，而其他肉嘅部分同海鮮都好新鮮。總括而言，係好食嘅，不過今次特別想點出嘅係，啲待應服務係好熱情嘅，介紹食物又會small talk下咁，我地笑言，佢其實係要切合本身餐廳嘅主題 ，所以招待係咁熱情啦。  

食物普通，價錢不值， 特別係野飲，冇茶無水，要嗌就叫 bottle water 或者 sparkling...野飲超 over price.... 簡直垃圾。你打邊爐呀，你估係酒吧呀 而家。 叫杯果汁 $48 仲細個包維他奶。得裝修gimmick，但大部部係d阿叔做侍應，gimmick風氣係怡紅院 定似 😆？鵝腸，鮮魷 就急凍 無味，牛肉冇牛肉味，雞肉冇雞味海鮮唔吸引，大部分係時價，估計唔係比食家去嘅地方。 湯底除咗死辣味，真係無乜鮮味如果你係食客為打邊爐，勸你慳返。

經過這間店幾次，一直都覺得這間的裝修和風格都很特別！仿古代青樓的餐廳，這個想法好有趣，欣賞老闆的創意👍🏻而所有細節都做得很好，一點也不馬虎！好像這個卡位，整個亭就好像是從古代搬來似的，加上玩味的名字-「吹蕭亭」很對味喔！這間餐廳主打火鍋🍲，旁邊還有一個小酒吧！大家名乎其實可以去怡紅院「滾」和飲花酒喔！至於食物質素也很好👍🏻簡直是又睇得又食得😋養顏濃厚花膠雞 $398花膠份量超多，而且全部都好軟綿綿😌又入味！湯底的雞味超濃的！是好好喝的老火湯底喔！爆汁皮蛋貢丸$48（小）強力推薦叫這個丸！這個口味超特別的！這個配搭天衣無縫，好好食！至今還在回味😌😌這裏還提供3款比較少見的牛肉部位🤔我覺得最好食是黃牛吊龍$198（小），無論是口感還是肉味都是一流的👍🏻

因為裝修同新開被吸引過來 有限時兩個鐘要還枱 打邊爐來講有啲趕 6個人 叫左一個響螺煲雞湯 $298. 雞湯吳濃 好淡口.............新鮮手切吊龍 $398 一碟 一啲都吳抵 太瘦切得太厚 無咩牛肉味 ........羊肉反而非常好 抵食有好味 !!!!!!!!牛丸$88 有8粒 少貴 但有牛肉味 Happy Hour 啤酒$38 一杯 有手工啤酒揀呢間野食 可以一試 但不要期待食品質素 服務態度尚可 但可能新開 員工未上手 6個人食左2500 有啲貴......

聽到中環開左間新餐廳叫怡紅院已經心癢癢啦~~本身仲以為剩係得打邊爐滾下滾下，原來仲有set lunch架！！即刻去試下！一入到去已經覺得個裝修好靚，d包箱名亦好特別，我地就坐喺撚雀園出面嘅六人枱，好有feel!午餐選擇都好多，可以揀小菜，亦有碟頭飯，我今次試左鮑汁蒸荷葉飯，係幾香的，份量都夠，跟餐仲包老火湯同飲品，都算幾ok~~ 下次再泥會同同事一人揀一個小菜share, 咁就可以試多d唔同嘅野lu! 最後仲問佢拎左condom包裝嘅濕紙巾，認真不得了

勝在裝修夠gimmick係中環Happy hour 完，朋友提議去依間新開嘅火鍋店打邊爐。舖頭裝修係酒吧林立嘅雲咸街係幾突出嘅，可惜食物就麻麻。我地雙拼酸菜白肉鍋同麻辣鍋，麻辣鍋好咸而個辣食落唔係好過癮個種辣，好鐘意食辣嘅我食到一半都放棄左麻辣湯。酸菜白肉鍋就普普通通，無選擇下都可以食下嘅。火鍋配料質素都可以，不過都係普通火鍋店可以點到嘅食物。我地點左桶蠔、水餃、雜菜籃、黑木耳等等。唯一吸引人應該係佢夠gimmick嘅中式古代裝修，都幾盞鬼。最重要嘅火鍋湯底質素相比起好多火鍋店嘅更差，中環火鍋店選擇越黎越多，要打邊爐未必會再幫襯佢。

聽店名其實以為係夜總會或者酒吧原來入面其實係火鍋店，裝修都係青樓風格起初對食物都唔太期待，但呢到俾到好多驚喜下次一定要試呢到既沙嗲湯，旁邊既人食沙嗲湯，沙嗲味不斷咁飄過泥

一行十人為好朋友慶祝生日，成班都係Bino怪又鍾意飲酒，於是就去咗中環新開餐廳打邊爐。真係唔知叫當佢餐廳定酒吧？因為一入門口右手邊有張長長吧枱，但吧枱上面有電磁爐頭可以打邊爐。未齊人就幾個女仔飲少少happy hour先，呢間用中式酒調cocktails 好過癮。點咗蒜片和牛粒、八味豆腐、紫菜墨魚餅嚟佐酒，六十幾點碟好抵又惹味，其實仲想叫多幾樣，但係又怕食飽頂住食唔到魚生同打Bino，唯有忍手下次先叫！除咗吧枱，場中間幾張高枱，原來都有兩個爐頭打邊爐。最過癮係旁邊有3個包廂，目測每個可以坐6-8個人，不過得一個爐頭，我諗佢係預人坐呢啲包廂食小菜。最過癮係啲包廂名：「吹蕭亭」、「含春閣」、「撚雀園」⋯⋯好鬼賤格！終於等齊人上一樓大房開餐，嘩，好似入咗古裝劇啲屋咁樣，門窗屏風都古式古香。房入面張枱有3個電磁爐頭喺轉盤上面，個轉盤遙控慢慢氹氹轉，咁即係每個湯底都會經過每個人身面前，咁即係唔使飛象過河，好細心喎！開餐啦⋯⋯先嚟預訂壽星最愛阿拉斯加長腳蟹、蟹身用花雕蛋白蒸、象拔蚌刺身、魚生拼盤。之後開始Bino大會，沙爹湯底最好味，麻辣湯底可挑戰大辣，最驚喜係花膠雞湯，好漿咀！配料：騸牯黃牛吊龍

怡紅院，聽個名以為淨係酒吧，原來仲有打邊爐！！😋睇個門口，好有古式中國風👲，門口掛左D紅燈籠勁靚！因為仲早，5點幾，有happy hr ，入去飲左兩杯。🍻入到去已經俾個酒bar吸引左！！果D霓虹燈字勁型🤘跟住叫野飲，好盞鬼😂有杯 cocktail max左條芫茜🥦🍹好特別又幾好飲👍之後飲飲下先知原來有打邊爐，拎個menu 黎睇，又幾吸引wor，咁就試下la。叫左個🌶️麻辣湯底同芫茜皮蛋，個麻辣湯好香好夠味，一D鼓油調味都唔洗😋😋😋😋😚牛肉有好多簡，有D部位都未聽過🐂🤣（牛吊龍？🤔）🥩牛肉同羊都好香，D羊好食到爆！果陣羶味正到😍仲有象拔蚌刺身同海膽，好甜好新鮮。食到好飽，佢地好似仲有做小炒，好想試，不過真係食唔落😆下次可以再去試下🥢🍲