影片
日日都落雨，今日终于阳光普照，即刻同朋友仔去石澳玩水，见到一间新的小店，门面很简陋，面积也很少，因为平时食开旁边那一间泰国菜，今次就试吓新嘢！三人行叫咗一个黄金粟米肉粒饭，粟米肉粒饭，普普通通就唔讲了！头抽前封牙带鱼饭，牙带鱼唔系度度有得食，不过好多骨，但系非常香口，要小心啲食，炒蛋份量好多，好大碟！好抵食！另外叫咗椒盐鸡扒配火腿饭，椒盐鸡扒炸得外脆内软，超级香口又惹味！值得推荐！大家可以下次试一试！Ps:仲有佢哋标榜家庭风味，不加味精，仲有送汤品，是日例汤系花旗参煲鸡汤！虽然见唔到鸡，但系都几浓郁嘅花旗参味道！不错！这样的小店，算高质！
继续阅读
炎炎夏日，朋友仔约我同老公去石澳，筲箕湾搭9号车嚟到总站差唔多一点，饿饿地梗系去食个lunch先🤣。周围好多人，见呢间有位就入去，入到去都几简陋原始，厨房开放式，心谂冇咩期望但求医饱个肚就算。餐牌得几款𩠌，我同老公叫咗虾仁炒蛋饭同粟米肉粒饭，唔包饮品。另外叫咗1杯罗汉果茶和1盒柠檬茶。佢系即叫即煮，所以要等一阵，先来一碟虾仁炒饭，蛋滑🦐大大粒又爽，估唔到又几好食。粟米肉粒饭，啲汁杰身有粟米味，肉粒算多，开胃😋。罗汉果茶就麻麻，可能罗汉果冲稀左唔够味而且$18杯唔抵。整体嚟讲，算系一间有heart 的小铺😉。
继续阅读
今日同朋友去行 龙脊，再去 石澳 蓝桥 同埋 大头洲 ⋯ 之后佢建议去呢间小店食嘢 ⋯ 我当时有啲疑惑，因为之前去过N次石澳，但系对呢间铺头居然一啲印象都冇 🤷♂️ ⋯ 后来去到，见到门口一啲都唔起眼，地方又唔大，枱又唔多 🤔 ⋯ 一场嚟到，即管坐低，叫杯冻柠茶试吓 ⋯ 噫 ！个茶底ok得㖞😋 ⋯ 跟手再叫咗碟「滑蛋虾仁饭」，同埋「石澳梅菜王猪肉饭」⋯ 真心好食👍 … 啲 虾 冇苏打味，反而有淡淡嘅酒味，啲 梅菜 香甜冇渣 ⋯ 作为一间茶记，都算高质，值得推荐 !!
继续阅读
515 浏览
今日去石澳海滩……上一次嚟都1x年前！哗！个沙滩的沙滩伞、沙滩椅整齐排列，甚有外国小岛影子。难得嚟到早、午餐当然都在石澳揾食。随便找家在车站附近的小食店……小食店位于2层高以铁皮搭建而成的屋仔内，门面找不到名字……小店里面环境简陋，非常原始，跟石澳环境背景配合。小店面积细小, 只能够容纳十多人，没有正式的厨房, 只有简单的煮食工具。坐下才发现小店把名字印在椅上而且涂上海洋气息的宝蓝色。原来小店名叫「思家菜」英文名叫「homesick cuisine」... 都几有意思。唔知道背后是否有个非常特别的故事呢？早餐只有两类:三文治及粉面。早餐不包括饮品有些不能接受，加杯饮品的话，一个早餐要四、五十蚊，比茶餐厅、大家乐、大快活还要贵……点了最地道的【餐蛋面 $27】及【餐蛋治 $21】。餐蛋面味道没有太多评论的空间，因为食物制作简单，味道就像自己在家煮的味道，只要用上出前一丁就已经非常美味。餐蛋治如果做到澳洲牛奶公司质素就非常吸引，只可惜这个餐蛋治味道没有大惊喜，材料比较薄身缺乏口感，不过不失。午市及晚市供应的小菜比较吸引，相信跟早餐一样充满家的味道。
继续阅读
考完试约了一班同学仔去石澳海滩玩！蓝天白云好好天，游水玩沙后最易肚饿，好在大人多，有义士自告奋勇去买食物喂班马骝！沙滩边好多铁皮店，食物都系香口惹味嘅！呢间主打港式小食，门面简陋，包装都系好简单嘅纸袋同胶碗，样样都买啲！（因为唔系我买，所以唔个别价钱炸鸡髀🍗：纸袋入住（呢种吸油啡色纸袋系细个小食必用）唔大只炸得透，腌得入味，鸡肉外脆肉唔干，香料重，咸香惹味！烧卖：蒸得透，烟烟韧韧几弹牙，最正一定系个甜豉油，甜甜地微咸，有层次好味鱼蛋猪皮：叫咗一碗辣一碗唔辣，唔辣嘅酱汁似烧猪酱𠮶种甜味酱，而辣嘅就惹味好多，辣到流鼻水，又忍不住再食，又有啲甜味，鱼蛋弹牙，猪皮爽口又多窿，索晒啲辣酱，好好味司华力肠：已切片，皮脆肉有汁，油香满咀，好味配合阳光海滩的食物
继续阅读