思家菜 (已結業)

菜式毫無新意! 等同屋企亞媽煮的菜式一樣, 味道又不見突出! 服務一般! 價錢跟食物的水平不成正比。完全不值得encore。

無味精，好。但連鹽都唔落，真頂唔順，味道唔夠，食完'寡'到飛起。整體給4/10分。有coupon, coupon 寫兩個人去食$250套餐(每位)有一個免費，四人去則應付三人價錢，但實際收買一送一，我們四人去合共收$600(兩個$250套餐價錢另四人原價之10%)。

網上收到推介,任食位位$100,見佢係尖沙咀區,貪方便,所以一行15人聚會去試試,食落菜式普通,但如果將價就貨都可以接受,但所謂任叫任食o既方式,係依佢菜單上o既指示,每次只可叫四個餸菜,要食咗一半先可以再另叫四個,但其實係要你食曬咁滯先可以再叫>.<, 所以大家去試食時一定要快快食清光,食淨幾啖都唔比你落單,服務態度都係一般,如果唔係做promote真係不值一試呢,因為食物水準真係嘛嘛呢~~如果要比成二三百去食,真係咪攪我呢>.<

非常細碟，一個四人餐四個人會唔夠飽。雖然話唔加味精，點知連鹽都唔加。

我其實唔知域奇唔解會咁有厚待, 但係我就無了。我都係第一次去,但係服務員對菜的介紹一點也不耐心,又快又細聲,都唔知講咩~我乜都無送呀,仲埋單2人食左伍佰幾成六佰, 好唔抵...

我初頭以為呢間餐廳好正啦，因為佢ｄ相影得大大碟又靚，但係食過之後覺得以後都唔去囉．．．見到ｄ食評ｄ野唔好食，服務態度差，我真係身同感受～～但係最弊就係食完先睇到．．我初頭叫左個”面包盅咖哩”，但係上時就冇左個面包盅ｗｏｒ！（佢個餐５８８蚊係唔包飯既）莫非要係冇面包又冇飯的情況下食咖哩咩．．．最衰就係冇又唔出聲，侍應落左就走左去，原來要問先同你講架！唔問就係唔知之麻～～侍應十問九不知，服務態度又差．．．唉～仲話優質食肆！

我今日睇報紙的廣告得知呢間野, 佢好似做緊promote話$125任飲任食私家菜, 我覺得好吸引, 所以就訂左枱.原本以為係上樓鋪, 但原來唔係(向G/F), 似一間普通餐廳, 但d野食真係好有私家菜feel! 出面極少機會食到!!! 一d都冇後悔去!!$125真係可以任叫, 好多選擇揀. 佢每碟都好少份量(2人就2人份, 如此類推) , 但唔夠食就可以再叫, 又唔會浪費食物, 又可以留返個肚試雲其他菜款. 我覺得咁樣好好!! 希望多d呢d咁的餐廳~呢間野唔止d餸超好味超罕有(碟碟都超好味呀!!!真架構!! ), 而且會好著重賣相.for e.g.佢有碟餸, 特登整d乾冰圍住碟餸, 我咁大個女未見過d咁cutie (?!)的!! 5個向呢間野我食得好滿意, 好開心!! 好少出去食會咁滿足! p.s. d waiter & waitress 幾好招呼

係囉! 一個人消費要$250 咪去試下囉.如果唔好食咪當係親戚朋友請飲做人情囉!

我個人而言,我都去過食兩次,服務員態度唔錯,當天本人並沒有訂位所以未能食到個完整的套?,要每個套餐選兩三款,但服務耐心地對菜的介紹,令我十分滿意,這次我時第一次去,所以他們乜送多一款菜給我們品嚐.我覺得菜款式特別,味道特別而且好味,好明顯師用了很多心機去做很多新菜式,本人特別喜愛「千層豆腐」,得有心思.本人希望真正去品嚐過這店舖的食物才評分,這樣會比較公平一些,亦希望大家做一個醒目的消費者,不要給別人矇閉.

睇完果位Neo媽o既食評,真係造馬造到出晒面,唔該下次造馬寫食評時,唔使寫得咁詳盡.好hardsale.本應想去試下,而家都係諗過先.

食物超細份，侍應服務態度麻麻

Carrie講得o岩, 有Neo媽呢種人係度簡直係害群之馬, 失了食評的烹意義。

本想去試之前check下D評語。但見到Neo媽份評語實在過份做馬...心想生意必定差要做馬吸引客。當堂唔想去。

每人消費: $250<br />1. 環境(Environment)：4分2. 味道(Taste)：4分3. 服務(Service)：5分4. 抵食(Price)：3分5. 乾淨(Cleanliness)：4分<br />服務生十分有禮貌, 每碟上菜時都會解釋材料和做法, 亦會話你知邊碟要點邊個醬... 餐牌有分A 餐B 餐, 每檯一定要叫同一個餐, 我試的是A 餐.. <br />四個冷盤都十分好味, 我最喜歡"芥末雞卷", "三色蛋", "千層肉鬆豆腐", "豬脾肉"<br />主菜有六個... <br />"鵝肝饟雞翼"-係最好食的一個菜, 雞翼去骨後饟入鵝肝雞肝, 雞皮表皮塗上蜜糖燒, 食落去啖啖肉, 正<br />"石春焗蝦"-酒味好香好正, 蝦好鮮甜<br />"桂花魚胡椒湯" - 個湯好清, 好甜<br />"茶香東坡肉"-用茶來做醬汁, 個汁好正, 個肉好肥<br />"石春羊肉"-個羊肉好蘇, 汁好鹹<br />