影片
以上资料只供参考，请与餐厅确认详情
-
网上订座服务暂停
食物味道几好环境舒适洁净但服务态度非常差比平时酒楼贵2倍嘅价钱，但没有服务雪山叉烧包$62, 等咗一个钟，追咗两次都未到叫啲侍应追，啲侍应问我系咪埋单(好似买单俾钱就应你，你追嘢食就唔理你)食到一肚气唔该☹️☹️☹️
继续阅读
之前同屋企人为咗庆祝母亲节，选择咗呢间中菜厅去饮茶，午市要限时90分钟，都好少遇到饮茶系要限时。地方都算阔落，卫生状态良好。食物嘅选择非常多，令人眼花撩乱，详细可以参考我附送嘅菜单。我哋一家叫咗好多好多嘅食物，包括牛柏叶、烧卖、虾饺、牛肉球、芝麻卷、肠粉、菜心、凤爪、银针粉、福建炒饭、豆腐花等等，卖相可以参考我附送嘅图片，总括嚟讲味道都算唔错，尤其系个银针粉，非常惹味。美中不足嘅地方系有啲员工态度欠佳，而且限时亦都令人有啲匆忙嘅感觉，尤其系有员工，因为用膳时间即将到达而拒绝加单。我明白限时系一早讲定嘅规矩，但系我离开餐厅嘅时候其实我见到附近起码有六张空枱，令到我觉得系咪有需要咁强硬去执行限时。九个人总共食咗超过$2500，每位接近$300，净系茶钱都每位$20 ，作为咁贵价嘅饮茶地方，服务态度应该要更加良好。系香港经济咁嘅状态下，咁嘅服务态度，只能说希望呢间餐厅自求多福。
继续阅读
好：环境新、摆设新差：员工服务、食物质素尤如屋村酒楼，但你收我屋村一倍价钱，一啲都唔值！ 我即刻search 你地咩呢间系咩集团，有咁多唔靓食肆，但服务都唔求其！一定唔再黎！少一间得一间，唔好左住商场开间正常食肆，阻住我哋耒拣好既地方食饭！Eg 1 求其态度- 明明4人枱好大（比一般食肆阔落，当时只坐3人，张台只有3件点心，放菜既阿姐将第4件点心求其放台角边位？系唔系咁忙呀，行大步啲放中间都唔得。你好赶时间？你走时，从容不迫、唔觉你急赶….. 即刻讲「可以放入啲吗」，职员：「你自己放」，转身就走？一份牛柏叶都$65-70，做野求其到同屋村一样！！Eg2 新鲜一蒸出嚟嘅雪山叉烧包，完全唔会觉得热、（如果唔系冰冻都可以叫做室温既话手，呢个系室温啰！一放上枱就食都竟然唔会觉得热，一个蒸包可以咁「热」，你舖头真系Number one! 一流呀，你认第二，冇人认第一！Eg3高级食肆啲食物拎出黎放我枱枱角，唔拎tray, 我枱角比你整到一大达嘢 污糟嘢、立痴痴、个底污糟邋遢整污糟张枱，我坐左一阵都食二、三碟小食，本来去一间decent 既餐厅食午餐，食服务，你员工求求其其，乜鬼mood 都冇哂！Eg 4 etc 都唔讲喇, 食完根本唔会再黎!
继续阅读
🐑杏汁白肺汤，唔得，好淡味，冇乜杏味，又毫无肉味，淡如水，系我喺香港饮过最差、最差、最差嘅杏汁白肺汤。🐑夫妻肺片，猪脷同金钱肚，卤过后再用麻辣酱凉拌，卤得够入味，麻辣酱唔系好辣𠮶只，但胜在够清爽。🐑葱油鸡，其实系炸子鸡加葱油，炸子鸡炸得好好，皮脆肉嫩，连鸡胸都好嫩滑，葱油够晒香，非常好。🐑水煮鱼，个汁够辣够麻，但比起川川嚟讲就争咁少少香气，桂花鱼片新鲜嫩滑，竹笋、花生苗、薯粉、青瓜索汁几好，竹笋尤其一流，鸭血来货就差啲，不过其实成个Lubuds集团嘅鸭血都系唔好食嘅，换过个Source佢啦，拜托🙏🏻🐑炸蟹钳，几有弹性，虾肉都系新鲜，都算炸得都算唔错，唯一就系可以畀多两粒盐调调味就更好。
继续阅读
星期四下午饮茶，一去到就话只有个半钟，时间到咗不停催促，服务态度不太好，如果想坐耐啲同朋友倾偈，最好唔好拣大围围方的念月楼。食物其实OK，五个人食咗$1300 ，叫了几个点心，粉丝杂菜煲，杏汁炖白肺汤窝，四川担担面和招牌焗猪扒饭；咁嘅价钱，其实可以俾客人坐够两个钟，因为餐厅三份一嘅位都系空嘅，啲伙计又唔系好醒目，咁多空位都叫客人走，佢话公司叫到冇办法。其实餐厅有多啲人坐，有人气，出边啲人自然会入嚟，平日仲有很多空枱，餐厅的管理层真系要反省一下。
继续阅读