快甜美麵包西餅

营业中

休息中

去官涌體育館做完運動, 順便走過來這麵包店買份方包做下午茶, 偶然見到有熱辣辣的蛋撻出爐, 蛋撻有分牛油皮及酥皮, 兩款都只是售$2.50一隻, 既然價錢那麼優惠, 遂買下3隻牛油皮3隻酥皮回家共享。都知道由佐敦返回葵涌一定需要一段時間, 而且蛋撻被紙盒侷過, 回家後的滋味一定會比現場吃的減少。的確是蛋撻中的燉蛋蛋漿凝固了, 失去了現場所見的蕩漾感, 而且光澤也退色了；牛油皮及酥皮都是多油之皮, 因為摸上手都會發現手指是佈滿油光。  燉蛋中的甜度屬輕, 蛋味是有但沒有預期般濃郁。牛油皮比較易碎, 摸上手都感覺到其鬆化的一面, 手指一摔餅碎都是粒粒粉粉狀。酥皮的色水比較淡白, 口感較為粗糙, 不過一刀切下都可以聽到輕輕的「咔嚓」聲, OK爽!

勁中意食麵包西餅!!每次經過快甜美都會聞到好香的麵包味!記得以前有個阿華田包不過無左嚕....估唔到其他包一樣咁有水準!!買左條墨西哥棒好味道!用心做的街坊麵包舖，再加上咁抵食!!值得支持!!!!

晚上八時許經過, 見餅房內的師傅人頭湧湧, 很忙地製造包餅及烘焗。 見餅櫃內的蛋糕又平又精美, 逐叫了3件, 分別是芝士球、朱古力球及雲石芝士撻。 3個就有盒裝, 一打開個盒.......嘩！排列得好整齊呵~芝士球、朱古力球是清蛋糕底, 晚上蛋糕依然濕潤, 因比我估計是新鮮製成的, 芝士味不特出, 吃到cream mousse及杏仁片都很新鮮而且純滑, 奶味重。朱古力球的朱古力mousse雖不是太濃但都有重朱古力味, 連朱古力針一起吃, 脆脆的針加純滑的mousse, 兩者融和交合, 讚！雲石芝士撻的撻底有重牛油味, 芝士和撻很夾, 這個真是有超濃芝士味及質感, 不要看小它, 因為它很有分量, 原價$7現在減至$5, 物超所值！是次消費：$15(每件$5)

年初四突然之間好想食甜野路過上海街e間麵包店，睇見佢哋D芝士餅價錢好平喎於是一口氣買左五種，$12 意大利芝士餅，$10 芝士餅，$8.5朱古力慕絲餅，$10 木糠布甸，$5.5 芒果布甸真係諗都冇諗過咁平咁好味架真係唔敢相信呀咁嘅價錢食到超水準嘅西餅相當滿意真係值得推薦