快樂．順景

营业中

休息中

食物難食，兩份菠蘿包同菠蘿油係凍嘅，蛋撻係冧嘅，常餐塊豬扒薄到張tempo紙巾咁，所謂雞白湯叉燒通粉，其實係味精清雞湯，通粉硬又未熟哂，咁樣唔係叫Al Dente, 鴛鴦無茶味無咖啡味， 環境侷促冷氣通風都無乜，出風口直頭污糟邋遢，衛生失佳，侍應服務還算友善，除左收銀個女人，行去埋單見住我企係前面，都選擇打埋個message 先，全程黑面無反應，唔會出聲confirm價錢，唔會問你用咩俾錢，唔會講聲多謝，唔會講聲拜拜。 呢種餐廳唔該唔好再影衰哂香港有心做飲食嘅人，你無心機做唔該執左佢，客人無欠你地的

只需港幣63的常餐、份量很足對香港人來說，兩個人也夠吃的，美中不足就是菠蘿包太硬了…其他還可以！如果可以改善一下菠蘿包的鬆軟度就完美了！火腿也可以煎一下會比較香！

近3個月係隔離做完gym都會黎呢度食，食物尚可，但個收銀真心差，平時黑口黑面都算，今日真係不得了，佢連作為一個人既基本禮貌都冇。今日我如常入去，可能忙冇人企門口，我禮貌性地同個收銀講左聲「唔該一位」，但係目中無人既佢完全唔理我，連抬高頭望都唔打算望我一眼，剩係係度禁手機。當刻真係覺得自己完全不被尊重，即刻講一句「唔食喇」調轉頭就走左，真係唔會再有下次。不過都要多謝個收銀阿姐令我發現隔離餐廳一樣有我要既野食，埋單只需要65蚊，服務態度又唔錯，起碼唔洗受氣，仲每日幫我慳返$20，都叫因禍得福。

今日去了上年開既快樂茶餐廳，前身就係灣仔快樂餅店，而家有成間茶餐廳啦。快樂餅店出名有懷舊包點，這裡一樣樣樣都好吸引🤩！我們今次係想食個早餐，等位等左5分鐘，留意到佢出面嘅麵包，個個都勁大個。等我入去試吓佢早餐好唔好食先。我們叫了一個蕃茄湯午餐肉粒通粉餐，另外一個雪菜肉絲麵餐，兩個都包一個細嘅菠蘿包同埋炒滑蛋。好過癮成個沙律，咁我哋梗係原諒奶茶啦，早餐奶茶真係唔同啲。碗麵同通粉都係大大碗，而且呢個餐只係$40咋。真係好抵食。

快樂·順景😘😘😘人人順景人人快樂銅鑼灣「快樂·順景」是由灣仔舊鋪、快樂餅店和順景餐廳、遷移銅鑼灣、🈴️併為新鋪、靚靚環境、坐得舒服、食🉐️招積😛😛港式扒餐黑椒牛扒餐🥩👍🏻$75+$3 轉凍檸茶🥤大大片共有兩片牛扒🥩、手掌🖐️咁大、濃香牛味、軟綿綿、夠腍身、淋上黑椒汁、惹味又滋味、伴金黃脆脆薯條🍟、飽肚🈵️足！勁正👅快樂常餐瑞士汁雞髀撈公仔麵👍🏻$60+凍鴛鴦🥤配火腿、特濃4.3牛乳炒蛋及特色餐包瑞士汁炆滷大大隻雞髀🍗、色澤均勻的豉油色、肉嫩入晒瑞士汁味、邪惡雞皮都咁好味🤤、公仔麵撈甜味瑞士汁加蒽花、麵條🍝軟腍度剛好、煙韌彈牙、4.3牛乳炒蛋🥚、濃香蛋味又滑嫩creamy、特色餐包（迷你菠蘿包）、精緻可愛😻、脆卜卜外皮、yummy yummy !必食、快樂忌廉筒$15、每日人手製作、外層酥皮烤烘雪糕筒形、金黃酥脆、中間注入餡料、奶香的忌廉！入口鬆化、溶於口裹！紅豆沙翁$13傳統手藝包點、炸至金黃外脆、沾上砂糖、內𥚃鬆軟充🈵️蛋香、加上軟綿紅豆🫘饀、甜而不膩👍🏻提子大麥包$16半呎長、大大個、人手製作、烤烘金香、色澤均勻、餡料黑提子🍇乾、麥包的好配搭！快樂·順景銅鑼灣蘭芳道3號地舖港鐵銅鑼灣站F2出

久唔久都去呢度食早餐，貪佢大大份之餘質數又有保證今日同朋友仔去食，大家都送完小朋友返學又就腳全日早餐 $64FuCay秘製他他醬炸魚柳Deep Fried Fish Fillet with Tar Tar Sauce特濃4.3牛乳炒蛋Scrambled Egg法蘭克福腸、煙肉、茄汁焗豆 及 特色餐包Frankfurter Sausage, Bacon, Baked Beans and Signature Bread炸魚柳超大塊，外脆內軟，點埋他他醬好惹味！炒蛋勁滑，口感豐富！ 最鍾意佢個餐包係香脆菠蘿包！ 如果細食叫一份share都夠另外餐飲最鍾意呢度既特飲跟餐都只係+$12！非常抵飲！我就叫左呢度既咖啡紅豆🫘冰！苦苦地既咖啡夠提神又加埋甜糯的紅豆非常match!

今日放假難得可以早起，當然係落去食返個靚早餐啦😎🤝🏻 位於利苑附近嘅快樂順景我哋放假嘅必食之選😆😆地點就腳，環境雅致，座位亦相當闊落😍今日整返個all day Breakfast🤤 即炸嘅魚柳，表皮非常脆😆 刀割落去有清脆嘅聲音，非常治癒🔪 外脆之餘裏邊仲非常之嫩滑😍魚柳嘅下便就係我最愛嘅黑松露蘑菇炒滑蛋，黑松露一啲都唔吝嗇，落得好多！非常惹味！另外仲有一個西冷牛扒餐牛扒大大塊份量十足 配上沙律菜及滑蛋 真的大滿足！我哋仲叫咗個沙嗲牛麵雙牛夾擊😎 港式牛麵早餐必叫牛肉肉質細膩 沙嗲味超濃郁雙重滿足再加埋紅豆咖啡冰呢個早餐真係滿分了💯快樂．順景 (銅鑼灣)銅鑼灣蘭芳道3號地舖

快樂．順景 地址: 銅鑼灣蘭芳道3號地舖電話: =====================常餐，伴住傳個人長大 ，細過父母帶我去食，一家坐在卡位，一碗麵，火腿雞蛋同toast,小胃截到滿滿。呢間快樂順景結合了兩大老店，吃到香港式麵包同茶餐廳。$60 先煎豬柳麻辣撈公仔麵，麻辣撈麵好惹味，而重點是個包，是mini 菠蘿包，因愛食包所以次次都比佢引到我點常餐。蔥油蛋豬扒飯是名物，豬扒大塊厚肉，醃到入味，蔥油同豉油汁好下飯$5 麻薯波波，味道視當天有朱古力 手掌心大qq 口感台灣我芋混酥，我本身好鐵意食，$18 ，好重手芋泥，唔太甜好食，紫色好靚

第一次寫食評，估唔到係嬲到要寫負評，仲要係第一次幫襯依間，亦係最後一次幫襯！首先同同事買外賣時，對於餐牌有不明白問一句，都俾佢串話：「唔係一定要睇圖，加錢咪可以轉，唔明有咩問題！」咁唔明問下都正常，你做得生意，客唔明就應該解釋，個餐牌圖令人難明，會唔會係你餐廳要改進先岩，使唔使咁差嘅態度！之後問點解收個錢會貴過牌餐，又串話：「點呀！外賣要加錢！」仲要眼啤啤，其實你唔講，客又點知要加錢，服務態度真係差到可以攞全港第一，仲要我哋買個兩個包都唔熱，又痴牙，一啲都唔好食！我前面有對外國人買野都係咁俾佢串，佢哋都用英文呻咗句！其實銅鑼灣咁多餐廳茶餐廳既選擇，真係唔需要俾錢買難受，仲要野食唔好食，加上世一差既服務態度，真係百年難得一遇，我同同事都唔會再幫襯，亦會叫身邊既同事朋友唔好幫襯！

My colleagues suggested going to this resto since I am a frequent buyer of Happy Bakery, and they said I shd try this cafe which was co-founded by Happy Bakery. .We all ordered Happy Regular Set, which included ham, scrambled egg and signature bread (pineapple bun and croissant on that day). I got Pan-fried Pork Tenderloin with Stirred Spicy Instant Noodle. The pork tenderloin was super huge and quite meaty. The instant noodle was spicy and numb with a chewy texture. It was quite salty though. F

喺銅鑼灣行完街三四點，想搵間冰室食個港式下午茶。喺SOGO行過嚟，4分鐘左右，就搵到呢間冰室，地點好方便！裝修都好別緻～我哋想輕鬆食個下午茶，揀左菠蘿油同西多士～每一樣嘢都好好食，冇中伏！🌟一口西多士配雲呢拿雪糕西多士的蛋液包裹得好好，又炸得啱啱好！一口就食一口西多士😍😍配埋雪糕，又凍又熱，感受係口腔融化嘅感覺！雖然好邪惡，但係好好食！！🌟菠蘿油熱辣辣嘅菠蘿包配合凍冰冰嘅牛油！！真係冰火兩重天！口感同味道都豐富複雜！！😍😍👍🌟最後，當然唔少得一杯紅豆冰同黑牛，去配搭西多士同菠蘿油～❤️❤️

細個住灣仔時成日會去呢兩間鋪食早餐同買麵包，知佢開左向銅鑼灣，但都係近排去Sogo順片去試下隔左咁多年，佢杯凍檸檬茶都係一樣味，仲係咁濃茶餐選擇都多，價錢又唔算貴，黎銅鑼灣唔知食乜好就會過左黎呢間食。今個月已經第2次黎，瑞士汁雞髀個汁好味，撈麵剛剛好，常餐有個細波蘿包好好味，黎呢度一定要食佢d包先滿足但呢間鋪無賣炸咖哩牛肉包，黎左兩次都唔見有，希望下次會見到，唔洗特登去灣仔麵包店先食到。每次食完個常餐都會買麵包外賣，夜左就好多包都賣哂。

快樂順景銅鑼灣的懷舊冰室「快樂順景」，前身是開業40年的「快樂餅店」和「順景茶餐廳」，-今次食試咗幾樣招牌菜，果然係香港人最愛嘅舊日「快樂名物」： * 叉燒蝦仁滑蛋飯 ($68)：滑溜嘅蛋、肥瘦均勻嘅叉燒同爽口嘅蝦仁，配埋香噴噴嘅飯，真係comfort food無誤！-    * 特濃蕃茄薯仔湯牛肉通 ($60)：蕃茄湯底濃郁，牛肉軟腍入味，仲有薯仔粒添口感，好正！-仲有埋煎蛋火腿同菠蘿包, 滿足~~-仲有唔少懷舊包點，例如： * 橙皮提子包 ($10)：鬆軟嘅包入面有橙皮同提子，酸甜滋味好夾！    * 蛋撻 ($9)：酥皮夠鬆脆，蛋餡夠滑，仲有牛油香！    * 豬仔包 ($10)：外香內軟！    * 合桃蛋糕 ($38)：蛋糕鬆軟，合桃粒口感十足！   整體嚟講，食物質素唔錯，價錢亦合理，係銅鑼灣嘅抵食之選！#快樂順景 #銅鑼灣 #冰室 #懷舊 #香港 #comfortfood #叉燒蝦仁滑蛋飯 #特濃蕃茄薯仔湯牛肉通 #橙皮提子包 #蛋撻 #豬仔包 #合桃蛋糕

這間港式冰室位於銅鑼灣，鄰近希慎廣場，主打融合新派元素的懷舊港式食品，有自家烘焙的麵包糕點，更有坊間少見的懷舊忌廉筒。黑椒牛扒餐 - $75兩塊薄西冷牛扒比起肉眼扒的脂肪會較少，不會太肥膩，幼嫩中帶少許咬口，邊沿的嫩筋帶焦脆，伴以金黃酥脆的炸薯條，幼身特別香口。菠蘿油、豬扒公仔麵、火腿及特濃4.3牛乳炒蛋 - $62蓬鬆飽滿的菠蘿包好香脆，夾著半溶化的厚牛油；超大塊炸豬扒軟嫩多汁，有生菜吸收多餘油份；滑溜的牛乳炒蛋濕潤富蛋香及奶香。芋頭麻糬酥 - $18酥皮香脆且具層次感，綿密的芋頭泥帶點香甜，還有煙韌的麻糬。脆皮菠蘿包 - $10酥皮香脆甜美，包身又柔軟。朱古力雪山 +$12特濃的朱古力鋪上大量幼滑香甜的忌廉，更有一根朱古力棒。鮮檸檬茶 +$3深紅透亮的紅茶柔潤香醇，帶淡淡檸檬清香。

估唔到係銅鑼灣都有抵食夾大件既餐廳，今次真係誤打誤撞黎到「快樂·順景」茶餐廳，好多人幫襯，要排隊等一陣，我就等左5分鐘，很快。室內坐位都坐得舒服，不過有少少逼，裝潢新潮、乾淨，冷氣夠。牛油皮蛋撻 $9蛋漿夠滑又香，蛋撻皮係我最愛，喜歡☺️瑞士汁雞髀撈公仔麵 $60(跟火腿、炒蛋、菠蘿包)雞髀夠入味，瑞士汁味道很好，公仔麵夠淋，呢個餐還附帶火腿、炒蛋、菠蘿包，一個女仔係食唔哂，所以呢個餐好啱男仔，好抵食。全日早餐$64有沙律菜、煙肉、香腸、茄汁焗豆、黑松露炒蛋、菠蘿包、炸魚柳，炸魚柳炸得香脆又夠厚身，黑松露炒蛋濃濃黑松露味道，咁多款式食物，食到好飽😋奶茶紅豆冰 (跟餐+$12)紅豆沾1/3杯，大大粒紅豆，配奶茶都幾好飲喎👍🏻雪糕紅豆冰 (跟餐+$12)要先食雪糕，雪糕好夠凍又硬，滿滿紅豆又大大粒，小朋友最愛❤️