快樂蜂 (黃埔天地)

营业中

休息中

今日經過Jolibee，發現好耐冇食過。但係要趕返屋企同阿囡做功課。所以選擇買外賣。Jolibee 既雞同薯條絕對唔會令我失望，就算外賣拎到返屋企，雞皮仍然勁脆，入面仲係好熱同juicy . 試過Jolibee 之後好似真係冇再食過KFC雞。薯條就算拎到返屋企，都係好新鮮。完全唔係嗰啲炸完放佐好耐既薯條。

某日同同事早收工路過jolibee 見到人少少又有啲餓 於是一齊入去食個tea🤭早已聞名Joliebee 炸雞係正過KFC既 今日一試 不得了 果然名不虛傳 炸雞新鮮炸起熱辣辣🔥唔知係人大左隻雞細左 定租貴咗嚇到隻雞都瘦左 今日我係jolibee 終於搵番細個食炸雞既感動🤓另外講一講個意粉都係相當炸裂既存在 佢隻茄汁唔係平時食開個隻 甜甜地幾好味 腸同芝士既份量都足料 一切都配合得剛剛好 唔係特別鍾意食意粉既我都覺得佢相當好味 👍🏽汽水薯條正常發揮 價錢合理 人流唔多 推薦黃埔店🫰🏻

啱啱喺Jollibee食完一頓，真係食得開心！呢間店既炸雞😍，摸摸哋外皮炸得金黃香脆，咬落去，肉汁四溢，幫襯完全唔膩口，好揼！而家啲炸薯條，夠嘢，香口得嚟唔油膩，輕輕鬆鬆咁就食晒一盒。芝士漢堡就真係有得壓，啖啖芝士，流晒出嚟，餐肉又嫩又多汁，簡直係人間美味。飯鋪幾潔淨，啲店員又好有善，埋單落單又快，咁樣嘅服務，真係要點個讚👍！另外，坐底嘆番杯汽水，真係消暑提神。整體嚟講，Jollibee嘅食物質素好正，分量足夠，重點係價格唔貴，性價比高，相信會令到食客再三回頭。下次路過，梗係要再幫襯，推介畀身邊嘅朋友知！食完個心情都好曬嘞，真係食得咁開心，笑到停唔到口。🎉

今早去了 Jollibee邊度食早餐, 原來老人有優惠，媽媽嗌咗個 pancake 跟一杯熱飲都係十零蚊, pancake好鬆軟, 蜜糖自己加, 甜度豐儉由人, 我就嗌咗熱狗都好多芝士和茄汁好好味 😋

去紅磡經過Jollibee，第一次食呢度嘅炸雞。炸雞炸到金黃酥脆，炸皮唔厚，一咬落去，肉質更鮮嫩多汁，絕對唔比其他連鎖炸雞店都好食得多。🥠🥠🍗🍗呢間最特別既系配有磨茹辣汁，有點似KFC果個汁，配埋原味炸雞又不錯bo.薯條亦好好味，炸到岩岩好，不輸大力水手炸雞。😘😘漢堡包就一般，不會再特別叫。整體來說，可以再Encore😋😋

諗唔到食乜，都係食個快餐算。入到黎人唔算好多，叫左樂脆雞餐配肉醬意粉，雞塊好似即叫即炸，熱辣辣，Juicy 唔乾身，肉醬意粉偏甜，一個人黎講，份量都幾足！醬汁幾好，成個餐都中上，較好嘅一個快餐

幾年前jollibee來香港一試難忘，介紹給不吃炸物的親友都同樣愛上，是每星期必吃餐廳。半年前開始吃jollibee，不論炸雞或漢堡，都有賭博心態，因為水準飄忽，一時雞太乾、一時雞是凍，雞又變細件了！漢堡之前好出色，勝價比可以說是漢堡連鎖店之冠，但近半年質素下降！近月食jollibee，連賭博心態也沒了，因為已經變成必然的難食！吃過旺角分店更差！油麻地分店會好一點！是管理層問題？還是員工問題？還是貨源問題？

炸雞好吃 🐔說到Jolibee不得不提他的炸雞非常好吃，炸漿很薄，能夠保持炸雞的熱度而炸皮不淋，肉汁滿滿，配上他們的自家醬汁(盡情蘸醬吧🤤)，以香港連鎖店來說，水平吊打其他店。意粉太淋而意粉吃過幾次了，也比較淋，而醬汁偏濃味。感覺他挺符合菲律賓人的口味(?) 🧐 (就是那種喜歡芝士，味道偏濃`有點偏甜的口味)大樹菠蘿香蕉批不錯🌴而這次看到他推出了期間限定的大樹菠蘿香蕉批。個人認為當作甜品來說不錯，大樹菠蘿和香蕉的味道融合得挺好的，不大件，唯獨批皮不太脆。而這個批的原型應該是菲律賓一種本地的小食——大樹菠蘿香蕉春卷🤣

平時都係食開kfc食厭咗今日試下久仰大名嘅jollibee佢啲炸雞都唔錯炸得又脆,d雞又嫩其實又真係好味過kfc wor唔入嚟都唔知，原來jolibee都有批麥當勞嘅蘋果批就食得多，又試試佢嘅香芒蜜桃批先!味道都唔差既，只係比麥當勞嘅蘋果批細一半另外仲叫咗個沙律，啲沙律菜麻麻地，我諗我下次唔會再叫總括而言唔怕同啲賓賓爭位或者排隊買嘅話，都不外乎係kfc或者麥當勞以外嘅另一選擇

係蕪湖街突然想食炸雞，KFC又行得遠，老麥D雞質素又一般，又好耐無幫襯快樂蜂，於是去快樂蜂.優點：1) D雞比KFC稍大，試過有一次幫襯樂富KFC，D雞細過我兩隻手指.2) 炸雞皮脆肉滑.3) 蘑菇湯尚算香濃，起碼濃郁過老麥早餐通粉嘅豬骨湯底.缺點：1) 薯條唔夠熱，所以唔夠脆，哩點已經死罪.2) 蘑菇汁居然分開另一個膠兜盛載，極唔環保！3) 無冷氣又唔係門口貼通知.食到成身汁，連okay都俾唔落！

Fried chicken here is simply amazing, very juicy and sizable. Compare to McD and KFC it definitely has a better value for money. With the gravy provide you wont feel dry and too deep fried. Seasoning is so well too and the golden color skin simply perfect, definitely worth to go again and again!!!

好耐無食，又唔想食難食嘅kfc，專登搭車去食番Jollive,雖然炸雞温度仍然keep到好熱，撕開雞皮可以見到煙，可惜味道比以前差了，走近kfc之路，味道每次都比之前一次咸，食緊已經好口渴，這樣下去，好難再幫襯…

到了星期一，我又重回「紅磡」「必嘉街」，看看「必嘉街」傳說中長期沒有開門營業的港式小食店會否正式開門營業，當然各位讀者看完食評之後，應該知道答案。因為我今晚晚餐裡面的「雞肉飯」食品，選擇了在位於「必嘉街」旁邊，「黃埔天地」「百寶坊」地下舖位的菲律賓連鎖快餐店「快樂蜂」裡面享用。「快樂蜂」以「炸雞」作為招牌食品，所以我理所當然地購買了一客「2件樂脆雞配蘑菇飯」，加上汽水飲品而組成，售價港幣四十八元的「雞肉」晚餐。「快樂蜂」套餐裡面的「蘑菇飯」，雖然已經淋過有少許辣味的蘑菇汁，但是「快樂蜂」在收錢完畢，準備出餐的時候，仍然有附送一小碗少辣「蘑菇汁」，方便食客用「蘑菇汁」點「炸雞」或者加進「蘑菇飯」裡面享用。不過「快樂蜂」「樂脆雞」雞肉裡面其實已經有最本的鹹鮮味，再勉強為「樂脆雞」加上「蘑菇汁」調味，只是偶然為「樂脆雞」雞肉額外帶來少許辣味和鹹味而已，就算不點「蘑菇汁」，直接享用「樂脆雞」雞肉也未嘗不可。而且我發現「快樂蜂」裡面的「樂脆雞」上髀位置裡面的雞肉，雞肉實際份量出乎我意料地巨大，而且「樂脆雞」上髀部位的雞肉口感很嫩，雞肉又有鹹味，加上炸雞雞皮口感很脆，整件炸雞除了骨頭，幾乎所有雞肉

再次黎食Jollibee!!炸雞熱辣辣，肉非常多汁，十分嫩滑，大大舊，好正。蘑菇飯，比我地食開另一間餐廳嘅蘑菇飯更香蘑菇味，唔辣。煙肉芝士牛漢堡，比較細個，食burger餐未必飽，但味道係ok嘅。但食嘅過程中有蒼蠅，衛生扣分。

每次叫炸雞都只係用三個英文字母代替白頭叔叔自然成為大家嘅第一選擇但味道單一, 口味只係偶爾有新所以今次就去左Jolibee希望揾到不同嘅感覺同味道但下午茶時候不而食得飽所以趣趣地叫左個桶雞有6件雞 兩個人食職員話可以叫spicy 同original咁我就3件spicy 同3 件original第一件食就係食大家大唔鐘意食同埋出左名鞋嘅雞胸發現真係幾唔同炸漿只係好輕好薄一層食嘅時間係食埋雞個一層皮好多時間好多朋友都唔食皮但呢到炸雞呢層皮絕對係脆同埋唔會有油膩感覺, 好脆好似薯片咁一咬開, 就見到入面嘅肉汁當然唔係好多, 但比起炸到乾晒嘅炸雞食到雞肉係仲有滑嘅肉質講埋兩款口味喇辣味的確會比起原味好食因為佢令到雞件味道更突出佢唔會係死辣令到雞味無晒反而可以帶起左個雞肉味辣味粉漿係有所唔同個人真係比較喜歡辣味原味就同樣美味你係第一次食, 可以由原味開始然後第二件轉食辣味相信你就埋解到我講咩野但九十幾蚊6件雞唔係特別平但用九十幾蚊黎試下一啲新野 絕對係值得唔好意思食到成手油, 影唔到相只得一張食前相片, 希望大家見諒