快樂蜂 (黃埔天地)

营业中

休息中

同同事傾開「批」，佢即刻推介呢間比我，仲講到好好食啦，好脆啦，不斷講講講講講到我都嚟試下有幾好食。相信大家都食開或者食過三個英文字果間炸雞店，所以食呢間一定會同三個英文字果間比較一番吧！一入門口抬頭，餐牌一目了然，好快就決定到食咩「炸雞餐跟薯蓉，飲diet Pepsi，另外加一個芒果桃批丫唔該」，同另外快餐店一樣都係跟單號取餐，人唔太多，所以好快就有得取餐喇。位有好多選擇，二人枱，四人枱，大枱，幾好！坐低後已經急不及待拎起件雞食喇，嘩！辣手呀⋯⋯熱到拎唔到囉，哈哈。炸雞跟隻gravy（肉汁），第一次試咁樣既配搭（因為我多數都係點茄汁），都幾正，不過最正係舊雞真係好熱好脆唔油但又唔乾，真係脆到痹。另外薯蓉係好少，同樣都係果隻肉汁，但係好味過三隻字果間既薯蓉既。最後食埋個甜品「芒果桃批」，原來好細件，不過係好食既，個醬係好香架。

昨日Boxing day喺屋企lunch唔知食咩好，去左買$90 六件雞同$30 －雞跟飯同汽水，叮熱隔夜飯一斉食，Lunch時段竟然冇客，所以佢可以慢慢炸，平時食好多時都未熟透，今日就可以剛全熟，特别好味，但見舖冇客，個收銀仲要大模師樣玩手機，替佢間铺担心

我有時唔想諗食咩就會去麥當勞或者kfc，但自從jollibee係紅磡開左，我就好少再去麥當勞同kfc，jollibee既炸雞係我食過所有快餐店中最好味👍🏻炸到肉汁仍然保留，肉質好滑，值得推薦，唔錯！另外佢既意粉都幾好

每次放假都要諗去邊玩，今次同大帝去黃埔玩，玩完過黎食Jollibee， 係地鋪，門口有隻大大隻既Jollibee好容易就見到。炸雞炸漿唔會好厚只係薄薄一層，熱辣辣，外面香脆肉質夠滑濕潤有汁沾點醬汁食有另一番風味。炸薯條係幼身薯條調味亦適中，大帝鍾意食係咁問可唔可以食多條。蘑菇飯個醬汁同點炸雞既汁應該係一樣，味道都ok,係蘑菇有點少，如果多番d就好了。芝士漢堡塊漢堡唔會乾爭爭，雖然簡單只有漢堡同芝士有d醬但味道都唔錯。間餐廳都幾寬闊，侍應們都幾nice幾有禮貌。

Having never tried Jolibee we gave it a go after walking past the Hung Hom branchIt was close to closing time and hence sections of the restaurant were closed off.However we had to wait around 10minute for the chicken. When it did arrive the chicken was delicious. The batter was nice and crispy and the chicken inside super tender.Unfortunately due to the wait for the chicken seemed like the chips were very stale

班細路考完試梗係要帶佢哋食啲好嘢啦，平時快餐佢哋唔多食但係考完試就一於放縱一下，今日去咗快樂蜂任得佢哋叫， 一齊做一隻快樂的蜜蜂食炸雞。我哋叫咗幾個餐。首先我哋梗係要叫個炸雞套餐啦，有一件雞髀同埋一件雞胸，炸雞炸得夠熱辣辣，層皮夠脆，食落去非常juicy， 最欣賞佢啲雞肉係仲係白雪雪的， 雞肉質地唔會又死又霉。另外呢個餐係連蘑菇飯， 雖然 蘑菇 比較少咗啲 ，蘑菇飯醬汁唔會太濃太鹹， 呢個係值得一讚的。熱狗套餐 39熱狗套餐有一隻熱狗一包薯條同一杯嘢飲熱狗上面鋪滿芝士碎， 茄汁酸酸甜甜，對於細路嚟講都夠飽，唯一美中不足係條腸層皮唔夠脆， 如果條腸層皮夠脆嘅話會更加好食。食快餐當然要食漢堡包夏威夷堡套餐 39夏威夷堡套餐有煙肉有芝士有菠蘿有漢堡，半濃嘅芝士放喺漢堡上高增添美味而且仲有塊煙肉添，啱曬啲食肉獸菠蘿酸酸甜甜夠醒胃， 仲可以解下膩添。飲品方面都幾多選擇唔係淨係得汽水， 健康啲可以揀鮮榨橙汁， 大人想飲熱飲都可以揀㗎啡奶茶， 都幾唔錯。另外我哋仲叫咗幾杯雪糕，有芒果新地同埋朱古力新地朱古力新地， 朱古力唔會太甜， 不過留意返呢個朱古力新地係冇花生碎。忌廉通粉湯另外又叫咗忌廉通粉湯，

星期五同同學由大學行左去黃埔食jolliee bee, 幾個人去, 就好似開party gam, 7咀8舌, 唔會獨食難肥又寂寞, 既然人多, 當然要食個大餐一齊share~~歡樂桶套餐包括六件雞, 兩盒意大利粉, 四款小食和四杯飲品。六件雞有雞上脾, 雞下脾, 也有雞胸和雞背隻等部位, 想大大啖咬落去當然揀雞脾最好。炸雞外皮脆薄、而且juicy 又多汁一口咬下去即刻feel 到肉汁要爆出黎, D雞汁係手指間流走, 真係要吮埋手指先滿足。另外意大利粉雖然唔算太彈牙, 但都唔會好淋, 面頭有芝士碎同腸仔, 唔會驚太單調。歡樂桶套餐另外仲有四款小食可以揀, 我地揀左薯蓉同粟米, 薯蓉幼滑如絲, 有有獨特香味, 粟米粒粒飽滿，望落醒神，好味開胃之餘又可以解下膩。飲品方面, 最欣賞jollibee 除左有汽水揀之外, 仲可以揀鮮榨橙汁同熱飲品, 奶茶同咖啡都有, 的確照顧到一大班人的需要。另外我地又叫左幾款add on items芝士薯條呢到的芝士薯條係撤芝士粉係D 薯條上高, 不同於另一間快餐店自己shake, 呢到的芝士薯條係員工已經shake 埋比你。每一條都包住厚厚的芝士粉, 芝士味濃

見紅磡新開左jollibee炸雞，網上又大讚好好食，於是搵日放學就去食晚餐喇。試左炸雞配薯蓉炸雞入面好夠味同埋肉好鮮好嫩。仲跟埋一杯汁，聽講係用嚟點雞，杯汁同個薯蓉差唔多份量一試就愛上左呢度嘅炸雞高度推介

曾經消失左一輪既Jollibee，呢一兩年係香港已經開返好多分店☺️👁‍🗨 2件樂脆雞配蘑菇飯套餐（7/10）💲43呢個一人餐有雞胸同雞脾各一，全部攞上手熱辣辣，外皮炸漿厚度適中，食落夠曬香脆，就算係雞胸肉質都幾嫩滑，的確有點驚喜🍗薯蓉香滑帶有奶油味，不過蘑菇飯稍微遜色，食落比較乾身淡味，如果多返少少汁會好啲，仲配有一杯汽水☺️👁‍🗨 歡樂桶套餐A（7/10）💲165相入面係四人餐既其中一部分，重覆嗰啲費事影🙈有雞胸同雞脾各三🐔兩客肉醬意粉，望落好似好少汁咁，但係其實撈完啱啱好唔會乾身，酸酸甜甜配上腸仔片，反而肉醬同芝士份量可以更多，意粉軟硬度亦都適中🍝有四客自選小食，細薯條比較幼身有點兒韌感覺一般，粟米就帶有牛油香唔錯既，仲有四杯汽水🔛 整體評分（7/10）

想吃炸雞，你可能會想到韓式炸雞，但去餐廳吃的話一碟至少要200元，味道亦不保證是符合口味，所以如果想要最方便又便宜又好吃的選擇，我一定會大力推薦Jolibee！放假心情好，當然要點歡樂桶套餐和一家人分享！套餐有6件炸雞，分為上脾及下脾，因為套餐關係不能自行選擇雞件的部位，另外有4杯飲品，兩客意粉，自行選擇4款配菜（白飯/粟米/薯蓉/薯條）。炸雞的水準在香港來說真的是數一數二，我最欣賞雞的外層極度香脆，咬起來聽到清脆的卡卡聲，雞肉的肉汁非常多，肉質嫩滑，味道帶咸香，一個人吃3-4件完全無難度！薯條要盡快食，否則香脆度大減薯蓉比想像中好吃，質感滑溜，醬汁夠多帶咸香現在Yahoo還有團購優惠，可享有50%off 優惠，我決定星期日再去食！

菲律賓連鎖快餐店，主要出售菲律賓風味炸雞、漢堡包、熱狗、蘑菇飯和肉醬意粉。在平日十一時人流不多下點選了$43的套餐：兩件炸雞、薯蓉(可選粟米或薯條)配汽水。炸雞皮脆肉質嫩滑，但薯蓉偏淡。可能多人買嘅關係，要等十分鐘先有炸雞，所以就食住薯條等。薯條對比麥記，佢嘅薯條炸得更脆更香口。每一條都均勻咁炸，無出現燶左，淋左嘅薯條。而且都幾有薯味，唔係只有鹽味同油味炸雞佢嘅特色係比個蘑菇汁可以點黎食之不過呢我個人覺得唔點都好味雞的肉質係好滑嘅不過雞皮炸完好重油味

講到熱香餅早餐，我最愛既都係快樂蜂！一個餐3塊熱香餅一條雞肉腸一杯野飲都只係$28. 我好中意佢既熱香餅係比較厚身同有口感，蛋香亦充分，落埋蜜糖簡直係一流！仲要即使係星期六朝早去，呢間都一定會有位，地方夠大又舒適，歎個早餐都特別relax!

近期去到邊都會發現呢間快樂蜂既蹤影，聽聞每逢星期日會有好多姐姐會去幫襯，所以星期六下午茶時段經過見到無乜人就入左去試試!我叫左個餐有一件雞(可揀雞胸&雞槌), 薯條, 一杯可樂加埋 $30, 價錢都OK可以接受。佢D雞應該剛剛炸起, 熱到會出煙 咁熱就食左薯條先, 個樣似M記個隻幼身薯條,食完都係覺得M記好食D。輪到炸雞啦, 一食個皮, 好脆脆脆脆脆!! 又熱辣辣, 好正!入面D肉好JUICE, 一D都唔乾,佢有配個醬，我覺得有D似磨菇飯個汁咁既味!同埋佢無其他炸雞店既重味, 果然無令我失望!不過佢炸雞口味只得一種, 唔知將來會唔會推出新口味呢?

黃埔今年開左呢間jolibee🐝，平時成日見都唔少人，以前覺得賓賓先去呢間（中環旺角嗰兩間都係咁）😂，而家見呢間好多人都去，今日lunch諗唔到食咩就諗住入去試下啦。Menu既選擇唔算好多，雞都只係一種，餐既炸雞🍗亦set死左上下脾各一件，不過好似都好食，就叫左最基本既炸雞薯條🍟餐試下🤗炸雞🍗好大件下！而且仲有個蘑菇汁點雞食，果然唔錯！個汁濃度剛好，中和返炸雞比較乾身既皮！😋其實個炸雞本身好脆，但一咬落去啲肉好嫩好多汁，真係比上校再高一個層次！個炸粉既香料都好香、又唔會過濃，good呀👏🏼👍🏼呢個以後可以繼續食🤗😋😋薯條🍟份量係細啲，但佢本身粗身啲，同埋冇咁乾，唔會有啲炸到硬哂🤪男友仲加多個漢堡包🍔，包同啲餸都好挻身唔會被壓扁咁，整體上都比另外兩間快餐店好食wow😌😋🤗

雖然都係炸雞連鎖店 但係jollibee ge質素比kfc高好多本身我係一個中意食炸雞既人🤦🏻‍♀️無論係美式 韓式 甚至中式炸雞我都試過唔少呢間菲式美國炸雞 雖然 唔排除都係基因雞 但係佢既皮 係好香 雞肉亦都好嫩滑 而且唔會好咸 食得出真雞香味 又多汁可能大家會覺得：係米真係甘好呀？如果有食過 對比一下就會知 kfc雞好咸 而且皮亦唔香P.S 內地kfc會好食小小M記就唔洗講啦 雖然佢主打唔係炸雞 但m記既雞錘 炸雞扒 肉質都唔夠嫩 偏鞋‘’ 至於平價三十幾蚊既韓式炸雞 我有試過食得出係劣質雞肉味但就算係貴小小 五十幾六十蚊得八舊個d 其實都係靠d醬汁拉高左個好食程度 當然其實我都係為左個醬而食 雞肉既本質都唔係個皮又有試過中環200蚊既面包芝士炸雞 都唔係特別好食當然啦 我去食jollibee個陣係夜晚八點幾 呢個set依加就35蚊無野飲 個醬我覺得唔係幾好食甘岩雞同薯條都係岩岩炸出黎 當然會好食d 但我再上一次食係食桶餐（價位唔係特別抵食）味道差得唔遠而我再上一次食就係食個雞柳set 呢個就真係唔推介 d雞柳好咸🤦🏻‍♀️