快樂蜂 (歐陸貿易中心)

营业中

休息中

韓國炸雞最起碼上百塊還不夠飽 心血來潮了想食炸雞 對k字頭的「環保政策」不敢恭維 選了這家這店有2層 上下都有餐買 一去上層發覺太迫了 以為下層會好一點 可也很迫 看到座著8成都是菲律賓人 很多都食完或未點食的 純聊天很難才找到位子食物方面卻沒讓我失望：套餐 2part雞 磨菇飯 可樂可能是lunch 時間吧 炸雞真的內脆外軟 有質素熱熱的 應該是太多人點要即炸吧 配上自家配的雞汁 好食雞汁淡淡的 不會很重口味 太好了 會吃到雞的鮮味 比起韓濃濃的醬 更合味我覺得食東西不用加那個這個的 保持原鮮已很好但飯水準真的差一些 太軟了總體是快餐的頭幾位 如果環境舒服些會更好

每次去長洲都會必經尼間位於中環站地鐵站出口，行唔使1分鐘就到既 Jollibee .Jollibee係菲律賓的快餐店，所以每次去都會見到店入面8-9成都係菲律賓人。今日都必定食尼間Jollibee. 而且今日的水準真係好一流！唔知係咪因爲多人流，所以佢既炸雞即炸即出。放係上手熱騰騰的，而且咬落去外脆內滑，又juicy 又爆汁。雞汁出晒黎。真係好好食！！！！我地兩人食左三個餐，其中兩個餐係炸雞。另一個餐係漢堡排飯。漢堡排飯都係必點。再加上秘制蘑菇汁，簡直又特式又夾。

中午時段過黎，叫左個４３蚊餐，有薯條，雞兩塊同中型可樂！肥仔餐係最正！一直其實最想食既係佢既汁！錦就用薯條點黎食啦，原來係黑胡椒加甜味，幾特別呀！但係薯條株林既！雞呢就好好味，粉唔厚，肉好滑，值得一食！！！

第一次食快樂蜂，真心唔錯，叫左個普通有雞鎚既餐。說真的，第一次食D雞好熱同好JUICY，好味過KFC多多聲，一定會再黎食唔怪得知咁多菲律賓姐姐會食，不過薯條就好失望，林到唔想食。

全店99%都係菲律賓人, 店員亦是.ORDER了2件炸雞 + 薯條餐, 原來PEPSI就不用加錢, 我轉了檸茶就要加$2.5. 店員不會friendly remind你的. 店員手腳亦比較慢, 已經無咩人排隊.炸雞香脆, 肉汁KEEP得住, 不過雞的SIZE好細, 比KFC細1/3. 味道跟KFC差不多薯條用了幼身薯條, 炸得每條都好香脆個餐配了肉汁, 不過味道麻麻.剛好店內裝修, 環境好舊, 洗手間都封了.

星期日我同朋友約了另外朋友大家都未吃飯，朋友提議去快樂蜂！說明就在附近橫巷入面，好易找到....去到仲以為去了菲律賓...可能星期日關係，中環周圍都係！朋友負責買，我去找位...朋友買到食物我地仲未有位添。等約多五分鐘終於有位了雞件size大大件！外皮炸至金黃！薄身的炸漿！正好鎖住水份！外層超脆....輕輕咬開！雞肉食落 嫩滑好juicy 爆汁！令我喜出望外！咸咸地惹味得來又不會重口味！薯條，可樂，套餐形式！而薯條亦炸到每條都金黃色！條條都熱辣辣。根本都不用茄汁....十分香脆食到停吾到口真係越邪惡越好食！

因為無係中環反工，所以己經有一段時間無食依間餐廳。今日行過又想試下。 之前都幾鍾意食依間餐廳，一係會叫炸雞，覺得炸雞係好味過另一間。另外就鍾意食佢個熱狗，貪佢個熱狗多芝士醬，同埋個熱狗腸幾好味。 叫左個熱狗set，其實賣相同M字餐廳係一樣，有分別係佢杯汽水唔使叫都主動唔加冰，而且係夠凍既，唔會溝淡左D味。 但今次食完之後有小小失望，因為個熱狗腸好似無之前咁好食咁，偏淋，無左個口感，睇黎下次都係食反炸雞餐算。

今日第一次試食jollibee，因為youtuber介紹叫咗個peach mango pie，同埋一個mushroom rice。兩個都無乜特別，甚至k記會好味啲。但店員比多咗杯百事我，成件事抵翻曬。

菲律賓人集中地，飯像麥當勞包一樣的包起來，很有趣，但味道沒有特別。炸雞特別脆及惹味，薯條亦炸得很好，麥當勞「淋Bat Bat」薯條實在難以媲美。°可惜的是地方較逼較窄，而且地方較髒，所以還是要接受到才可喔整體服務...快餐店沒有太多服務可言，但服務員善良的，願意幫忙。最初還擔心應說中文或英文，但他們應該兩種語言都懂。雖然地方很多菲律賓人，但偶爾亦有人跟我一樣，闖進去用餐，如果再不想吃麥當當及肯德雞的話，可以轉轉口味👍🏼

相比其他炸雞店，佢唔係香港最紅果間。但係講到服務員或者侍應既態度同笑容，我覺得係香港快餐店既三甲。其實Jolibee係菲律賓勁多間，開到成行成市，簡直係菲律賓代表，所以係香港見到Jolibee就會諗起菲律賓旅行。香港同菲律賓Jolibee，主觀覺得菲律賓好食啲，因為啲炸雞炸得脆啲，香港就無咁炸(無咁熱氣吧)，可以保留到鷄肉既滑溜。除左炸雞，佢既熱狗同夏威夷漢堡都好好味。員工個個都有笑容，執枱抹枱都好快又乾淨，地方好乾淨，只係座位有啲迫。

行開中環,就去咗久違了的炸雞食午餐。當日我12點去，都差不多滿座。我叫咗個炸雞加蘑菇飯。我覺得蘑菇飯無咩特別,K記好味啲。Jollibee 蘑菇飯只有咸香,加少少黑椒就perfect 啦👍🏻😂但係佢嘅炸雞真係無得頂,外脆,雞肉多汁，一啲都無好油嘅感覺👌🏻👍🏻啲雞肉都好入味Jollibee 啲雞係要食，中環店可能流量快啲，所以特別好食要試佢哋嘅炸雞。我見好多人食意粉，我相信都唔差可以一試如果多人食，可以share 一桶雞

佢絕對係合體之餘 ,仲要係進化版, 炸雞唔會太油 ,炸漿嘅味道畀kfc咸少少, 但係我食完嘅第二日都冇生暗瘡, 炸雞可以配蘑菇醬 ,蘑菇醬就係好似kfc嗰個蘑菇飯咁樣, 咁樣食炸雞好有新鮮感, 仲有非常之好味嘅肉腸意粉 ,味道非常特別 ,唔識得形容 ,大概係其他食肆嘅甜味版, 而且腸仔味道好得出, 腸仔嘅硬度比起普通嘅廚師雞肉腸都係硬少少 ,煮完之後口感仍然保持得到, 薯條反而就好似burgerking嗰種,下次一定會試埋佢哋嘅漢堡包,

朋友捱義氣陪我去中環辦手續，禮貌上都要請佢食啲嘢報答吓佢，撞正午飯時間全部食肆勁多人，正想放棄散水之際，慶幸俾我喺地牢呢間食店搵到食客啱啱走咗嘅兩個位！朋友要C2餐($43)，兩件雞配薯蓉，飲可樂；我食雞，我食薯蓉，佢話啲雞幾香脆好味，我覺得個薯蓉都好味，幼滑過KFC，不過好細杯，幾啖食哂！我點咗個香芒蜜桃批($8)，俾想像中袖珍，size接近麥當勞(蘋果批)三份二，亦比麥當勞貴，但幾好味！批皮香脆，裡面係蜜桃茸，但我唔係好食到芒果味，反而覺得甜度似南瓜批！

之前見好多網上平台都有講呢間野，同男朋友去開中環又唔知食咩好，所以試下呢間菲律賓快餐店～原本仲以為得呢層可以買野食，原來下面果層都有cashier如果堂食可以直接落樓下買，唔洗拎住啲餐行樓梯咁危險～我地叫左兩個餐～ 員工速度同態度都唔錯。我叫左個熱狗餐，包左一隻熱狗+薯條+汽水。熱狗偏細隻，但上面幾多芝士同醬，味道都唔錯！不過個包略嫌軟身過頭，好易爛，同埋唔夠熱。薯條普普通通，同麥記差不多。男朋友叫左個飯餐+兩件雞，個飯都係size偏細，佢有啲磨菇汁可以倒落個飯到，頓時變左kfc磨菇飯果個味道 兩件雞就冇咩味，男朋友表示覺得好油，食到勁漏。總結快餐黎講冇咩特別，價錢算偏貴，勝在呢度多飽肚選擇，除左飯仲有意粉～坐位算多，坐落都幾寬敞，唔會話好逼好辛苦，值得一試既～

祖樂比的炸雞好味相信不用多講，今次推介Fiesta Noodle (撈米粉)。可能唔同老細，新開的上環同旺角店都沒有，唯獨中環總店獨有。有蝦有肉碎再配橙橙地色汁和青檸，鹹鹹地加少少酸，好醒胃。同米粉撈勻後濕濕地，仲可以中和一下炸雞的熱氣。Fiesta Noodle散賣唔太抵，跟餐叫好D，有個餐賣$42有Fiesta Noodle+一件炸雞+汽水。不過我大食，一件雞邊夠呀。如果同幾個朋友來，多數加多個炸雞桶($105)，一人多兩三件雞就岩岩好。