快樂小羊火鍋餐廳

营业中

休息中

一個月前已經見到佢準備開張，見到有三層覺得超有駕駛，就決定咗一定要試㗎啦！果然沒有失望，同行既朋友唔食辣，嗌左一辣一蕃茄湯底，我覺得鍋底嘅價錢都係合理嘅，好似係$128⋯ 菜色方面我覺得價錢都係比較算係合理的，買嘢食嘅方法睇好似大陸咁，要掃code電話落單，初初第一次用呢種方法系喺大陸，所以都有經驗，但係使用嘅時候都會唔小心禁錯制出發左去，又要重新再掃多次入返去最後落單成功，咁我到達嘅時間大約係七點左右，所以人流唔算好多，上菜嘅速度都好快，然後上咗鍋底之後，姐姐都會幫手搞下個禮拜，幫手斟茶，一路食既時候，我感覺到好多服務員嘅眼睛都望住我地，睇吓我哋有冇需要收款好多服務員嘅眼睛都望住我地，睇吓我哋有冇需要收盤啊或者加湯我覺得服務係足夠的！第一啖食落口嘅係粗薯粉！勁好味！佢嘅湯底香味索晒入粉入面，我同朋友食完之後就一齊擘大眼對望！表示好好吃哈哈但係我覺得湯底呢方面真係頭半個鐘最好味，之後越食越咸所以到後來我係叫店員加水俾我，唔好加湯⋯牛肩？ 唔記得咗呢個係牛肩胛定咩⋯都好有牛味，新鮮，食落口唔會太硬芝心丸好好味 嗌左半份得四粒呢個係黑松露羊肉丸 見到好似好王牌咁所以就嗌黎試，如果唔食得羊酥

今回帶上優惠卷跟家人一起吃的，當晚客人明顯多了，服務員真的兼顧不上😓😓湯底/食物都是ok的，但點菜後上菜的次序混亂了，一卷卷的羊肉，一片片的牛肩脊，本來是冰著，但等到軟化才見到室溫的鍋底🤦🏻‍♀️還要慢慢...的等到大滾羊肉卷食得很快樂，要再加單😋😋😋牛肩脊也很好味😋😋那個鬼馬蝦膠👍🏻👍🏻蔬菜籃也是好選擇👍🏻👍🏻其他配菜也不過不失土豆粉是好味，但差不多開爐一小時才到，追到天荒地老🤦🏻‍♀️🤦🏻‍♀️但喜歡食羊的朋友，串燒羊是必食之選😋😋😋P.S. 優惠卷是不能計算於湯底、酒水

♡開心驚喜生日飯♡見佢新開一開始訂左位之後先係度見到有負評, 都有DD擔心, 但味覺證明一切, 首先講場地, 面積十分大, 坐位寬敞, 服務黎講, 可能因為員工經驗唔夠唔太熟手, 但勝在笑容禮貌搭夠, 令人舒服, 可以接受 叫野食係用電話SCAN QR code落單嘅，但佢都有一大本menu提供比我地。首先我地叫左個涼菜拼盤, 有手拍青瓜,麻辣木耳, 有涼拌茄子, 手拍青瓜好開胃, 夠爽, 食得出唔系擺勁耐個種, 木耳都唔錯, 但就係辣既,茄子因為本人敏感~冇食到~今次我地揀牛羊拼盤, 上枱後賣相吸引, 份量十足2-3人都夠食, 事前部長有提及過一個牛羊拼盤裡面會有menu上唔同部位既羊, 但因為太肚餓關係冇理會到系咩部位, 只係知道 羊肉片 好.好.食~ 好嫩滑 >v< 要講湯底真系做得好好, 我地揀左有中藥材做底既 ”光陰湯”, 個人口味黎講有一陣好獨特既咸香, 唔會好似落哂味精咁食完好口渴, 原本想問侍應拎d豉油, 但部長話佢地主要係只吃湯底加羊肉原汁原味, 不需加其他醬料, 最後證實真係湯底就夠我地叫左個海鮮拼盤, 抵食, 有鮑魚, 海蝦, 鯇魚腩, 鱔片,

經過旺角同屋企人搵野食其間見到依間新開火鍋店標旁自己食材唔需要用醬味淨係用湯底都已經夠味，鋪頭門面好大有成三層咁多環境好舒服因為每張枱都非常闊落，食物種類好多特別要讚既係蔬菜同菇類款色好多連小見既皇帝菜都有正得一讚，肉類係羊肉為主有款叫做太陽卷既羊肉嫩滑鮮甜配埋佢地個清湯真係一流，個湯底係用藥材豬骨同雞每日新鮮煲成7個鐘，有個叫做烤羊腿棒棒骨都超級好食即叫即燒師傅燒烤功架好好唔會燒得太乾保持到肉汁，其實依間快樂小羊既價錢性價比好高每樣食物都好新鮮好好味，最好既係佢地抽風系統好好成間鋪都唔會好大陣味唔怕食完之後成身都係火鍋店果種味道。今次兩個人食都係每人300蚊左右但食物質素真係冇地方可以彈同埋服務員質素可能因為岩岩新開對鋪頭運作唔熟識有錯溜唔緊要勝在好有禮貌值得一讚，最後仲有優惠卷送都不錯，快樂小羊依間火鍋店我下次一定會再帶多D朋友黎試👍🏻👍🏻👍🏻

大年初三隨意行見到就試下6點多都未算多人，坐底慢慢睇住菜牌點，服務員都好有禮貌。食物選擇的總類實在不多，但價錢也不算貴，坐位已算寬闊的坐得也舒服，環境也可以的。還有半份的食物供應，可以多點幾款蔬菜，也不會浪費食物。湯底也ok好味，點了羊肉，服務員也不會推最貴的，而且也是好味的，蔬菜也點了好幾個不同的，但紫色山藥則是一般。還有羊肉串，可能個人喜歡吃，所以覺得很好味。而酒水價錢也合理，會推介給朋友的。上齊食品後已忘記再影相了🤦🏻‍♀️

我上次試呢間餐廳已經係係錫華店（大陸）果一次既食物令我非常有驚喜同回味同埋最緊要服務態度好 我今次同女朋友行下旺角 一望估唔到原來開左香港店 我好開心即刻拉埋女朋友入去再三回味一下 一入到店 服務非常好 好有禮貌好有耐性咁介紹店鋪既湯底同埋食物 最主係佢地湯底真係用真材實料黎熬製 連湯都可以飲埋 一啲口渴感覺都冇 另外我地叫左佢地既羊同牛 同幾款唔同嘅圓類同餃子 講下佢地既羊先 非常有味一啲都冇（蘇）味 連我女朋友唔食羊都話正另外到牛 估唔到係咁出色 令我心入面都忍唔住講粗口 平時睇電視話入口即溶既感覺 我竟然係快樂小羊試到 呢一個令小弟畢生難忙再者 我地叫既餃 佢地有三種唔同味道 我覺得非常出色 最後總結 估唔到我係大陸食既香港都已經有 重要更加出色 但店鋪都有小小唔好既就係侍應唔太熟悉佢地自己店鋪既湯底 希望下次黎佢地會更加熟習 畢竟佢地開業唔太耐 我下次一定會帶更多朋友入黎食希望你地生意興隆 新年快樂

一間好明顯由大陸經營既火煱店…一間完全十級勁混亂既餐廳…一間咸到P.k.既湯底…一間完全失望同唔會再次幫襯既舖…一坐底，我問著老西個D哥哥仔個湯底同咩煲，會唔會有無肉既清湯。第一個竟然唔識答，第2個同我講用雞骨及牛骨煲既，咁見大年初三，同無乜可選，朋友都話ok…個煲黎到，有個大陸亞姐衝埋黎攪我個湯底，我咩野食都未叫，只係叫左個湯，但佢唔係黎介紹野食。然後，我地發現D餐具係十級污穢，咁我即刻Stop 個大6亞姐… 跟住同佢講，我自己得啦…然後講到點野食，無餐牌，完全用電話點，但完全唔知佢地寫咩，又中又英😅😅😅 仲有簡睇體，完全…完全…完全…垃圾!佢係第一間癈到要我寫佢😅。祝…生意興隆

餐具全部都係油，員工聽唔明廣東話，不停換人問，上菜亂，湯底勁咸又多油，分量完全唔一樣，飲品半個鐘都唔上，追10次先有人話跟下，水同茶飲飲下俾人拎走左話唔夠茶壺，一定無下次

早2日同屋企人係旺角行行下街見到依間野岩岩開張就膽粗粗即興同屋企人試下依間野當食左個團年飯啦。一上到去樓上，啲侍應姐姐個個都好好笑容，啲裝飾好靚，個格局都唔錯 唔會覺得啲位好逼咁。之後個姐姐好好比左個窗邊位比我地坐，所以食野途中都覺得好舒服。我地一開個menu就見到好多野食，要諗食咩真係有排諗，睇個鋪頭名就知依間野食羊出名 咁我地就叫左羊，牛同其他野食，但真係要特別講個羊，真係世界級！依間野係唔主張點醬料，所以食佢個羊既時候真係原汁原味 羊既肉同脂肪比例好平均 一份既份量都幾多，咁既價錢食到咁既質素真係超值。

成班朋友系旺角行街，见到开咗间新野，外墙系透明玻璃，睇到觉得好靓决定入去试下，入到去环境都好好，三层楼，装修的好靓服务员介绍话佢哋嘅汤底用咗三十六种药材，饮完的确好浓好好味！！我地成班人汤都不知饮咗几多碗，佢哋嘅羊肉都好新鲜，话系从蒙古空运过来香港嘅，而且碟碟都摆得好靓啊烧烤系我地系香港食到目前为止最好嘅烧烤，又入味又香又嫩。食完都觉好好味，总体来讲好满意，啱啱开业服务业唔系好熟练但系态度好好，会再来帮衬嘅

今日同一大班朋友打完波打算食團年飯，係旺角東落車，見到豉油街公廁對面新開左間火鍋，咁就入去試試個莊一入到去真係嚇新 因為唔似一般火鍋店個裝橫好摩登 我地十六個人入去坐 一啲都唔迫 坐得好舒服 不過裝修真係其次 間嘢啲野食真係好好食 啲牛啲羊個價錢二百幾蚊 一開始真係會有啲卻步 不過啲食物個quality真係高質到痴左線 你睇到啲雪花就知靚嘢 同埋其他火鍋店一定高算二百幾蚊都唔會有呢個級數 呢間野係冇豉油之類嘅醬料俾你 因為間野個湯底本身就好有味 間嘢好特別有得食蒙古烤肉 本身我自己唔係好中意食羊 不過唔食羊嘅我竟然會追加一份 因為啲羊嚟奄料真係香到癡線 仲有個自家制雲吞 真係唔係講玩 你唔話我知係雲吞 我會以為佢係蝦餃 啲蝦滿滿的係個雲吞入面 埋單每人三百幾 又飽又就高質 真心大家去油麻地間大陸火煱店 咁不如去呢間 同樣價錢 越級享受食過真係返唔到轉頭Sorry for 1999

這間火鍋大家一定要過尼試下，前日同朋友們見到新開張，大膽一試，先說湯底，佢地個清湯底係加入了好多藥材材料，味道濃厚，仲有香辣湯，蕃茄湯，酸湯底比你選擇，食物款式淨係肉類已經有十幾款，大家不得不試他們的羊肉，肉質鮮嫩多汁再加埋嗰個清湯火煱配料超多，服務質素，落單到上菜10至20分鐘，服務員很主動為你服務（加湯，清理枱上垃圾）他們外牆是一塊大玻璃，可以一邊食火鍋一邊望住出面嘅景色，正！價錢平均每人250至300，便宜。

這間火鍋店一定要來試試，淨係講食物，牛肉羊肉已有7至8款比你選擇，食物質素,肉質鮮嫩,個清湯底係用藥材做，超好味，服務質素落單到上菜15至20分鐘，價錢平均每人250至300左右價錢不貴，係旺角想食火鍋這間我認為是首選

這間羊肉火鍋店值得一試，昨晚同朋友們來食過，好有驚喜，湯底香濃，羊肉品種多，品質高講多無謂，試過就最實際，不得不一提係烤羊排，肉質多汁鮮嫩必食！最後叫左杯楊枝甘露，好有滿足感，為成個晚餐劃上完美句號。順便一提呢度環境都唔錯，舒適得來佢仲有別於一般打邊爐一陣味會沾在衣服上的區別，我地呢啲貪靚港女最like。我地成班朋友10人大約每人消費約250蚊，我地打工一族來講唔算低，喂，可以享受高質食物，值得啦！

今日同同事本來滿心歡喜去試下新野，去到門口，淨係一句充滿鄉音嘅幾位啊迎面而來。好啦，坐低大約五分鐘都無餐牌俾我睇，原來兩層野好似得幾份餐牌咁，之後要用平板點餐，原來連部野都得幾部。心諗，唔係下化，成兩層野得幾部野？部野終於到我手，一睇，我即刻_聲，點解連個介面都係用人民幣符號？唔講以為我岩岩過完關去食火鍋。話說我地三個人俾人叫坐六人位，之後有個職員問我地邊個帶位，話要鬧佢，我心諗問我做咩？關我咩事？咁打邊爐最緊要緊係個湯底啦，我地就叫左個蕃茄加辣啦，個辣湯底係乜味都無啊！之後叫佢加辣，點知係俾一碗唔辣嘅辣辣油俾我。重點黎啦，佢地啲職員係會瘋狂加湯，係瘋狂問都唔問，一野加落去。我地就試過前一分鐘加完，又想再加，點打邊爐啊大佬，你都唔俾佢滾。咁啲野貴都算啦，個份量真係少到你唔信，二百幾三百蚊一份嘅牛，得十幾片都算啦，當你牛貴啦。叫份菜都要俾得個一棵完整都唔知有無。可能係我無食過貴野啦。份量我就覺得真係少左啲。到野飲，我叫青檸梳打，俾杯雪碧我，我覺得真係一杯雪碧，連青檸都無。我咁大個仔都未試過打邊爐打到自己都著火，仲熱過個爐。唔講咁多啦，自己諗啦！