快樂小羊火鍋餐廳

营业中

休息中

是晚同大羊一齊去食羊肉火鍋話明係快樂小羊，就梗係食羊肉為主。其實一入店內就感覺好似小肥羊啦我地點左成雙鍋，要清湯同辣湯。清湯原來都好有味，麻辣就刺激過癮😆羊肉片。吾so，幾嫩口，吾錯。👍🏻仲有我至愛既黑松露羊肉滑，呢個幾驚喜，好滑口，而且都食到有黑松露味羊肉串燒，食落口吾會乾，可能有少少肥脂，感覺幾juicy，而且調味適中，味粉不會過量，吾錯，我仲再encore多一串添🤣鬼馬墨魚滑，呢個幾特別，滾一陣索左d湯，加上粒粒脆口既蝦子，吾錯。仲有個土豆粉都好正啊，索曬d湯汁，又彈牙又滑。仲有叫左其他d配菜，質素都吾錯啊，今晚好滿足呀，下次要同朋友來至得。

早十幾年前, 小肥羊周街都係, 晚晚爆滿, 好懷念個陣一入門口就聞到既香料味道~ 但係近年香港流行老火湯及潮汕牛火鍋冖後, 哩種北方味度漸漸俾人遺忘咗~ 最近係旺角聽朋友講開咗一間叫”快樂小羊”既火鍋店, 話佢好間, 裝修又靚, 味道比以前既小肥羊更加好味, 種種誘因下, 今日約埋幾個朋友去會佢一會囉~ 一行四人WALK IN 到快樂小羊, 接待姐姐問我地有冇訂位, 原來都幾FULL下, 好彩都有位, 入到去第一個感覺係覺得自己去咗深圳~ 地方好大~ 冷氣好夠, 環境非常舒適, 我地點咗成雙鍋(清湯+酸辣) 清湯有好香既藥材味, 酸辣湯我地點錯咗, 應該本來叫麻辣的, 有意外驚喜, 酸酸地幾開胃, 仲叫咗個羊羊大拼盤, 好大盤, 足夠四個人食架, 小食叫咗羊肉串, 燒得好香, 好大串, 勁扺食, 仲有叫咗荔枝沙冰, 好大杯, 可以飲一晚, 總結: 價錢合理, 扺食, 環境同服務滿分, 值得推介~

朋友約好一起賀生日，很高興大家健康開心吃火鍋，因知道我們晚上減澱粉質，火鍋是首選，食店頗大，有2層定3層呢⁉ 地下是等位區，有茶水小吃供應，地方舒適，不會有迫 "挾" 感，這次我們坐在角落位，自成一角，！酸梅湯 $48/酌分到四杯滿滿的, 不會太酸，少甜， 不澀口，解肥膩的好選擇。雙城鍋 $118辣湯，少辣，麻味越煮越出，香味正常；清湯，用了藥材，看到有解燥的沙蔘，讓我們吃得放心，湯底有陣陣藥材香味！羊肉大拼盤 $238應該是快樂卷，大片羊，還有一款是甚麼呢？ 頗大盤，他們相差的是羊羶味與脂油，其實羶味不會重(因我也不喜羶味)，相同的是厚薄適中→腍嫩，滑溜，煮久了也不會變硬，羊肉本身的鮮味與湯底味已足夠，不用蘸點醬汁 。薄皮韭菜盒 $14/半份皮微脆，韭菜多又香，還有粉絲肉粒，不錯又便宜的醫肚佳品。鬼馬墨魚滑 $88墨魚滑釀在油炸鬼中，上面加上大量蟹子，墨魚滑彈牙與脆粒蟹仔，味道可以，但油炸鬼略嫌煮過久，太腍了。滑嫩青蝦 $88新鮮，彈牙，竟然有點蝦味。醬爆三寶丸 $88綠色是蝦丸加日本芥辣，吃到芥辣部分, 嗆鼻流眼水!白色是墨魚丸加芝士, 味道與效果還可以，墨魚丸比較實正; 綠色是包

朋友帶我去呢間快樂小羊打爐爐。佢位於旺角豉油街，以前應該係一間卡拉OK，所以佢佔地都好大，總共有兩層，而且裝修都好豪華。首先我哋點咗一個鴛鴦鍋，一邊係清湯，另一邊係麻辣湯底，除咗邊爐之外，佢都有唔少嘅小食，而且好多都係羊嘅食材。小食我地點左蒙式羊棒骨、烤串、香辣雲耳同埋手拍青瓜，羊棒骨真係必食推介，燒得好香，一啲酥味都冇，而且羊肉好嫩，唔老。火鍋配料都好多選擇，有好多影咗相不過無位post唔到出嚟，不過都乙要講一講，羊肉都有分好多種，我地點左一個塔拉上的快樂卷，雖然唔知係羊嘅邊一部份，但都已經好好食，真係算唔錯。

之前週末經過幸福小羊，每次都見到人山人海，今次終於比我食到啦！入面裝修真係又大又靚，重點係佢係好足夠嘅服務生，點菜等等傳冇問題，一間咁大嘅火鍋，裝修有咁靚，以為會好貴啦，點知性價比超高，當晚嘅質素真係好高！我哋分別叫咗麻辣同蕃茄湯底，個蕃茄湯唔錯，我哋就咁都飲咗兩碗！來到一定要食羊啦！我哋叫咗個羊羊大拼盤，真係好大碟，四個人食都食唔晒，只係$228 ！我要介紹呢度嘅熟食，呢個蒙古烤串及蒙古烤羊排，入味之餘，真係好有特色，我曾經去過蒙古，對佢哋嘅烤全羊念念不忘，估唔到喺呢度搵到當日食到嘅味道！脂肪分布非常之好，羊扒非常嫩滑！除咗羊我哋仲叫咗個快樂牛肉拼盤，又唔同牛肉部位俾我哋食，個人認為羊肉比牛肉更好食！但係男士們就對呢盆牛肉讚不絕口我要激讚呢度嘅蔬菜多選擇，我最鍾意食嘅山腳，真係好好食呀！仲有清筍、豆苗、板豆腐、蟹味菇，呢啲都唔係平時火鍋店可以食到嘅！我要讚佢嘅土豆粉，因為係自製，出面食唔到，QQ嘅口感，有啲似薯粉，但係佢比薯粉更闊，配上麻辣湯底，將湯汁沾滿，吃起來感覺更夠風味！而我最欣賞就係佢唔係用罐裝飲品打發我哋，除咗有啤酒，仲有鹹檸七等等呢一啲特色嘅飲品，都係打邊爐下火一流！點餐

前幾日同朋友去打邊爐，想試呢間好耐，之前成日行過，從外面望入去，地方好大，感覺環境都幾靚。好快就攞到位啦，上兩層電梯，坐位都幾舒服，唔局促。有朋友嗜辣，所以就叫左個鴛鴦鍋，完全唔使調味料，湯底已經好夠味。我地叫左好多野食，有蟹子油炸鬼，浸到入晒味。仲有拼盤滑丸、大大塊厚身蘿片同牛肉、薄切羊，滾兩滾就熟，羊味唔太騷，唔太食羊既朋友可以一試。當然仲有燒物，唔咸味道岩岩好，又唔會過老，隻羊脾d肉夠嫩。飲野叫左杯芒果沙冰，好大杯，夠晒解渴呀。

朋友話好想食羊，於是提議我哋一齊去位於旺角呢一間嘅火鍋店 ，店內樓高三層，地方開揚，唔會又迫又窄。店員帶我地上到二樓既座位，坐落去非常闊落，同埋抽風系統唔錯，唔會一大陣火鍋味，更加唔會令到件衫有味。我地叫左一個成雙鍋，即係鴛鴦火鍋，一邊係藥材湯，另一邊係麻辣口味，絕對滿足到鍾意食辣或者怕辣嘅人嘅需要。至於小食，我地就叫左蒙式烤串，同蒙式烤羊排，烤串辣得黎夠哂開胃，表面香脆，岩哂我地呢啲鐘意食香口野既人，而且唔會太油膩，食多幾舊都唔怕。至於蒙式烤羊扒都幾好食， 羊肉外脆內嫩，而且有好多香口嘅芝麻，加上可以用手套撕開羊扒嚟食，可以好豪邁咁大啖食肉，食肉獸必試呀。火鍋方面，我地就叫左草原大片羊，餃，鬼馬墨魚滑，手打蝦丸，響鈴同鴨血等等。草原大片羊嘅賣相精緻，大份得黎又有心思咁砌上圖案，而且羊肉食落又唔肥膩又唔膻，羊味濃郁，質素唔錯。切得厚薄適中，涮一涮幾秒就食得，肉質軟嫩，值得一試！水餃 入面嘅材料相當豐富，有蝦肉，韭菜，豬肉等，食落好多汁， 皮又唔會太厚。手打蝦丸非常彈牙，而且有一粒粒嘅蝦肉喺入面， 食落好有層次。鴨血都幾嫩滑，而且好吸汁，麻辣湯索曬入鴨血入面 ，食落好 美味，而且都幾實淨

四川麻辣火鍋就食得多， 但係專食蒙古烤肉，加埋火鍋嘅餐廳， 就好耐都冇食過，原來旺角最近開咗一間專食蒙古羊肉嘅火鍋餐廳，梗係要同朋友一齊去試下啦。 餐廳嘅環境唔錯，氣氛舒適，又唔會太嘈，而且採用open kitchen嘅設計，可以畀食客睇到佢哋點樣處理食物，感覺乾淨又衛生。 見有唔少客人都係嗌呢個成雙鍋，當然唔好執輸啦，我就選擇咗麻辣同埋清湯，麻辣湯嘅香料味好重，但係就唔會太辣，入口少少刺激，但係唔會蓋過食材嘅味道，唔錯。先嗌咗個韭菜盒小食， 非常香脆，包住韭菜同粉絲，但係個皮唔會太厚， 薄薄地一層嘅脆皮咁。呢一個口水雞肉質結實，加上醬汁辣辣地好開胃，作為餐前小食係幾好。至於呢一個油條都幾特別，一般我哋平時見到嘅油炸鬼都係大大嚿，而呢一個油條就整到好似食西餐咁，好似一啲香草麵包條，食落亦都有淡淡嘅香草味，但就比香草麵包更加香脆，鍾意就咁食又得，或者加少少辣湯落去吸吸味都唔錯。去到專食蒙古燒烤嘅餐廳，又點少得食串燒呢， 呢個 熊本一口牛嘅串燒， 燒得好香口，牛肉肉質鮮嫩，食落啖啖都係好juicy嘅肉汁，加上少少孜然粉調味， 真係夠曬惹味。鍾意食烤羊嘅人，絕對唔可以錯過呢個蒙式烤羊排，分量

早排去完蒙古旅行餐餐都食羊，今日就叫朋友們陪我食羊懷念一下啦☺️一入到去見到有羊既牆，岩晒打卡用餐廳既環境好寬闊，而且店員都好友善，經常都主動過黎幫手加湯舖頭用微信點單，夠晒方便我地唔太食得辣，所以就叫左清湯同番茄湯，清湯湯底都有不少中藥材克圖牛羊涮有齊牛同羊，一次滿足我地兩個願望。雖然呢度係羊肉火煱專門店，但牛都有番咁上下質素！不過一場黎到所以就瘋狂食羊🤣羊羊大拼盤🤤蝦滑同墨魚滑都好新鮮彈牙黑松露羊肉丸方面都好有肉汁土豆粉都推薦大家去食，好彈牙而且索晒湯底既精華！小食方面叫左蒙式烤串，唔會有太多既孜然粉而搶左羊既味道打邊爐當然唔少得飲品，我簡左百香果沙冰最後以椰汁糕完結呢一餐，食得好滿足😋

間餐廳喺旺角同油麻地地鐵站中間近新光戲院，好少嚟呢邊，一直都冇為意原來有咁大間餐廳喺度一共total有三層樓，好乾淨，而且仲係樓底好高，成個感覺係好舒服。睇間餐廳名都知呢間主要係食羊肉，我哋今次就點左一個羊肉拼盤。份量好多啦而且價錢又唔係好貴，仲有之前去食嗰啲羊肉嘅火鍋，你啲羊肉一擺落個火鍋度就好似消失左咁。呢個就唔會，比較大塊啲同埋比較厚身。湯底方面點左個鴛鴦鍋，一邊係辣嘅一邊係唔辣嘅。我自己就比較鍾意唔辣嗰邊，好有藥材味我哋仲點一個鮮蝦丸，而且每一粒都放係一個匙羹上面，方便你放落個鍋㗎。我覺得呢一點係做得幾細心。而且味道都唔錯，好彈啊唯一有個唔好嘅就係變咗個墨魚滑餃子啦，面皮同埋啲餡係好容易就分開咗，而且個皮係用Wasabi整嘅有啲辣，怕食辣就要注意喇除咗呢個之外其他嘢都好好食值得再嚟。

約了久未見面朋友聚舊，大家都想找一間可以慢慢坐傾計餐廳，朋友推介這間位於旺角的快樂小羊，一於試試！餐廳設計闊落，每張台之間都有充足空間，十分適合朋友相聚，而且裝修十分有蒙古風味，有如身在內地豪華餐廳餐廳主打羊肉，當然要點一份羊羊大併盤，羊肉十分大碟，裝飾得很有特色，必點！湯底真的好味到不得了！麻辣又火候十足，有些微藥材香味，令人吃不停口蒙式烤羊肉串又係另一必點，燒得香口，肉面灑滿孜然粉及香料，正！脆肉鯇厚切上枱，質感爽口，證明是新鮮貨爆醬三寶為自家製作，其中芝士丸十分特別，竟然有咸蛋黃釀在裡面，食落有蛋黃香味以這價錢可以有這個環境及食物質素，實在十分難得，值得推薦！

快樂小羊火鍋餐廳 (旺角)旺角豉油街60-104號鴻都大廈部分地下至2樓-肉食動物火鍋天堂，火鍋控新發現！😍🔸成雙鍋 酸辣湯底香濃 惹味！不是死辣 啲湯係可以飲嘅☺️湯底用來涮肉片一流 索晒啲湯嘅精華！🔸塔拉上的快樂卷個人最鍾意呢個快樂卷！鮮嫩肉質 新鮮嘅薄切羊肉 輕輕淥2秒已熟 真係引唔住食多兩塊😋淨食肉片都已十分正！ 肉質不會乾鞋 保持到嫩口👍🏼另配簡單醬汁一齊食 整體感覺更鮮味！❤️🔸自製韭菜盒子個人最愛食韭菜 見到新鮮韭菜盒子當然要試吓！裏面餡料豐富 外脆內軟 韭菜味香濃整體皮薄多汁 推薦❤️

旺角豉油街呢個位,以前係地舖連2層樓既卡拉ok,之後做左實惠,而家一個咁大既地方,居然開左一間邊爐店! 主力食羊, 當然,其他野同普通火鍋店無分別, 係羊方面有好多選擇咁解!一入去,發現裝修好用心,好靚 坐位又寬敞, 好舒服!!地面接接待處同沿路上2層都有用心裝橫, 每張枱都有距離,仲可以提早預訂房,更加有私隱。要左個成雙鍋,一邊辣,一邊清湯, 湯底味道濃郁, 配料都唔洗再點醬油。配料都唔續一講,全部用料都不馬虎有誠意羊係主打,我地當然唔小得啦!!牛我地都一樣試,又係出色小食有好多野揀, 當然羊既有好多款,我地只係揀左羊比同串燒,因為好多肉啦已經,驚食唔晒,當然最後擔心係多餘。1人叫杯沙冰,埋單4個人16xx, 價錢唔係平,但絕對用得開心, 因為不限時,坐得舒服,環境又靚,食物又好,所以抵晒嫁啦!

朋友介紹咗間火鍋店畀我，今日順便出左去旺角就同另一個朋友試下～我哋點咗個鴛鴦湯底，係清湯(其實即係藥膳湯)加酸辣湯😀幾特別😍藥膳湯幾濃好有足料😊​火鍋料叫咗一份牛肩胛， 一份白鱔，半份油炸鬼墨魚滑， 半份紫淮山，一份皇帝菜， 本分土豆粉，半份手工水餃， 另外熟食叫咗半份韭菜盒子同三串羊肉串， 飲品叫咗一杯咸檸七，一杯百香果🙈🙈出菜好快👍俾左份熟食我地食住等——韭菜盒子個皮好薄，其中一邊係有少少薄餅嘅質地，另外三條邊就係雞蛋，裡面嘅韭菜好足料，加埋粉絲香得嚟又有趙口👍👍配合佢俾既茶(好香麥米/玄米味）幾正😁羊肉串嘅賣相好吸引所以叫咗三串試下，我不嬲好鍾意食羊肉串， 因為啲香料好惹味又唔會有“蘇”味，但今次連平時唔食羊既朋友試咗都覺得有驚喜，對羊改觀😮😮整體來講，火鍋料食材整體都好新鮮，價錢唔貴🤑會encore😽而個清湯一黎已經好重藥材味，鍾意飲湯一定要試🤟飲落好溫暖🥰好好飲😋 用黎煮菜好清甜👍​值得一題☝️平時火鍋店通常多數只有鮮淮山，好少見到紫淮山，加分！！ 仲好新鮮，厚度啱啱好👏蔬菜類我哋落去藥膳湯底，肉類就落酸辣湯底，個牛肩胛就算煮耐咗都唔韌，好好食，索左啲酸辣味，完全唔洗加任何醬料

嘆住冷氣打邊爐不嬲都係一件樂事。旺角開咗一間三層高嘅羊肉火鍋店，一於預埋朋友試吓。地下係招待處，二、三樓就係打邊爐嘅地方。一上到去就好似身處喺大陸連鎖火鍋店咁闊落。職員有佢地負責嘅區域，所以唔使驚大到見唔到職員。我哋叫咗雙拼湯底，清湯加番茄湯。清湯係有中藥材喺入邊，好適合用黎煮羊肉。番茄湯酸甜適中，係另一個唔辣湯底嘅好選擇。克圖牛羊涮即係有齊牛肉同羊肉，前者鮮嫩，唔un ；後者羊味好出但又未至於去到羶，口感亦都唔錯，簡直可以成為羊肉專門店。由於羊肉實在太好味，所以就嗌多咗個羊羊大拼盤，包括左羊嘅唔同位置，啱晒羊魔王！手工蝦滑同墨魚滑都好新鮮彈牙，當中仲有細細粒嘅蝦同墨魚粒喺入邊。黑松露羊肉丸係另一推介！黑松露同羊味唔會互搶，口感亦好彈牙，仲會有肉汁飛出嚟添！仲有角色各類嘅小食供應。蒙式小羊排有肉亦都帶有少少肥，所以羊脂味較重。如果想食啖啖肉嘅話就可以點蒙式烤串，同樣唔錯。土豆粉好煙韌響鈴冇油味， 浸左湯之後就內軟外脆板豆苗同皇帝菜都好新鮮最後就嗌咗椰汁糕做作結，唔太甜之餘仲有淡淡的椰子香。飲品都唔錯 夠曬大杯