快樂小羊火鍋餐廳

营业中

休息中

由一坐就俾個崩咗嘅杯我，我話個杯崩咗 職員好似企喺度發緊夢唔知點做咁 雖然佢之後有幫我去換 但已經感覺唔良好叫嘢食又係冇人應㗎 買單都冇人理㗎對佢啲服務感覺極差嘢食又一般 諗唔到邊一樣野係特別出色仲要食完肚痛㗎。

見今日凍凍地唔係唔約返個fd打下邊爐掛呢個朋友之前過食過呢間快樂小羊話樂好高質又唔算太貴所以今日佢帶我嚟翻焯之前佢仲嚇一嚇我話好似無唔係羊嘅肉食，但一打開menu就見有牛同豬囉💩我地要左個成雙鍋，一邊係麻辣一邊係酸辣，好重口味麻辣酸辣湯底幾好味，完全唔需要點sauce(店舖亦都冇提供）都夠哂味！中間果土豆粉超級好味，麵質超爽口，爽到有啲似蒟蒻粉索哂啲麻辣味好過癮！呢間其中一個優點係有啲嘢可以半份半份咁叫，可以試多啲嘢！呢碟黑毛豬真係抵到爛，佢嘅肥瘦程度係我嘅至愛之餘仲每人分到幾多塊，入口軟滑唔食牛羊嘅朋友必點！墨魚丸鮮豆腐同水餃都十分推薦，彈牙足料有豆香！蒙式烤串朋友話佢燒得好好唔會覺得熱氣我地兩條友飲一jar酸梅湯都差啲飲唔哂，勁大兜！係性價比係香港嚟講算高嘅火鍋店！

估不到快樂小羊令我第一次寫食評😅不是橏稿，是由心。本人來過二次，籍著母親大人生日，便唸起這店，因樓下裝修丶食物也特色。母親大人因行動不便，訂位已查詢是否有電梯。因之前見只得向上扶手梯。踏入舖頭，店舖人員窩心的提示，走時會將扶手梯向下，方便大家👏🏻👏🏻驚喜丶窩心🙏🏻🙏🏻🥰🥰走時，店舖的人員每位都提醒幾位老友記小心，不用急。雖然沒有送我們到落下，但那一剎那，真的感動。所以寫這篇非一般食評，感謝昨晚的人士，定會再見😘

冬天最啱就係打邊爐啦，今日去咗快樂小羊到試下，一入到去已經覺得成間餐廳好宏偉，好有中國特色😂等咗一陣就有人招呼我地上去坐嚕！一行到入去，已經聞到好香😋今次我地試下叫蕃茄同清湯嘅湯底，蕃茄味好濃，仲有啲新鮮蕃茄係度😋清湯就有啲胡椒同花椒香味，有少少辣辣地，好香🤣我地嗌咗碟牛肩脊, 啲牛好靚好新鮮，厚度又適中，，食落仲好香牛味，唔似平時出面個啲切到好薄，呢個價錢都幾抵食😛我地仲嗌咗個蟹籽墨魚滑，一共有3條，食落好爽口彈牙，唔怕有腥味，配埋蟹籽真係好好食，不過淥個陣小心啲蟹籽會跌曬出嚟呀🤣重叫左生菜同烏冬做配料打邊爐，正！好少打邊爐嘅鋪頭會有串燒食，所以我地就嗌咗個羊肉串同牛串試下，兩個都好香孜然粉嘅味，燒到好香，又唔會燒到好乾，咬落去仲好多肉汁，一串都幾大串㗎，啲牛中間仲有三色椒間住，好有心機呀一餐飯梗係唔少得甜品啦，我地嗌咗桂花紅豆糕，食落好香桂花味，又唔會整到好甜，啱曬我呢啲唔鐘意太甜嘅人！面豆仲有少少金薄，睇落去好靚😍

👭快樂小羊火鍋餐廳 (旺角)👭湯底方面38揀左「成雙鍋」其實即係清湯+麻辣湯既組合😌38食親麻辣火鍋都會叫呢個配搭，因為每一間既麻辣湯底辣度不一，咁樣就唔驚辣到食唔到😆萬大事都有清湯頂住！而且清湯更能食出菜既清甜，大家可以抄考一下😎不過呢到既麻辣湯底偏咸，唔夠香亦唔夠辣，煮到後期更變得有啲苦🤨對於打邊爐黎講，湯底係重點，所以你懂的......火鍋配料有好多種，大部分都有得簡半份/一份。38得兩個女仔但又想試多幾款，所以全部都叫左半份試試🤣😋❤蒙式烤串 $22一串半肉串要價$22的確係貴左少少，但串燒上枱時係用熱辣辣既鐵板裝住，而且仲發出「咋咋咋」既聲音，外表燒得香脆，食落充滿油香，必試🤗😋❤鴨血(半份) $31$31得6塊鴨血真係偏貴😞但鬼叫38咁鍾意食咩，點都要叫黎食架啦！入口口感果然嫩滑😍真係同麻辣湯底好夾架姐😝😋❤塔拉上的快樂卷 $138見網上人人都推薦食呢款羊肉，黎到果刻真係圖文相符😍每一片都捲得好整齊，亦都見唔到有發霉/唔新鮮既感覺。羊騷味唔重，肉既質感較牛肉結實👍🏻由於餐廳幾羊肉切到好薄，所以輕輕616就已經熟透🤪😋❤蔬菜類由於38叫左太多

呢間野好大陸feel全部野可以微信支付，同埋喺微信點餐，兩人吃左成千蚊，野吃ok，只係太貴，好多特色野吃，其中wasabi嗰碟餃子食完先係個喉嚨啦返上嚟，食嗰陣要小心，其次係嗰啲串燒味道唔係咁夠鹹、打邊爐嗰陣都快滾㗎！最後重點左嗰啲咩餅啊薄餅嗰啲唔好食嘅！千祈唔好點！總結來講其實入到去淨係點幾盆嗰啲羊肉就夠㗎啦乜都唔使叫！

香港地都有唔少打邊爐鋪，主打蒙古羊肉嘅火鍋嘅就好少見～好少食羊肉嘅本人喺OpenRice度見到呢間主打羊肉火鍋嘅鋪頭，就同幾位朋友去試吓.一入到門口就有大量嘅小羊擺設，好可愛，鍾意影相嘅人都可以打個卡留念！呢間餐廳真係好大，樓高四層老實講喺香港真係好少有啊😎所以空間好大，坐得都好闊落適合一大班人用餐。.今次點左鴛鴦湯底成雙鍋，清湯加辣湯。要讚一讚佢嘅清湯，唔係純清湯嚟㗎，有好香嘅藥材味，識落好養生呢度嘅辣湯底唔係行麻辣路線，香辣味道較重.我哋一開始仲打算拎醬料，待應就同我地講呢度冇提供醬料，因為湯底已經會好夠味，睇得出呢度重視湯底嘅味道，亦都好有信心。⭐️塔拉上的快樂卷（羊肉）哈哈好特別嘅名字，餐牌上仲有其他嘅羊肉搭配選擇，自己都唔係太識揀，所以就揀咗一款價錢中間位嘅羊肉試吓，一大盤上到黎見到個擺設都好靚呀羊肉片唔算太厚，比起牛肉來講有啲薄，煮熟左就更加細片😂但係未到來講都肥瘦相間，沒有太騷的羊肉味.⭐️快樂牛肉拼盤呢個係有幾款牛肉，比起羊肉反而更鍾意呢度嘅牛肉（個人喜好）食落口，好濃嘅牛肉，肥瘦相間，油脂味好香呀當然唔少得其他唔同嘅配料。.手工土豆粉、鬼馬墨魚滑、毛肚都係我覺得要必點嘅菜

有時要食火鍋, 喜歡食羊肉又想食新鮮羊料理的地方, 香港並不是太多. 快樂小羊開張已一段時, 襯天氣凍凍地就試一次吧！看過不少食評, 食寄建議叫拼盤, 那可以試多種羊肉的部位. 肉質很新鮮, 肉和油份的比例很好. 看到廚房是即場即叫即切肉, 這個拼盤上檯時有乾冰伴碟的！ 我們三個人叫了這個，還有半份鴨血，墨魚滑，菜，冰豆腐，脆肉鯇. 有試火鍋配料可以半份叫的，這個安排很好，不要浪費金錢及食物. 除了羊肉主打，也有黑毛豬，和牛. 不過人少就食羊拼盤已很好，除非係可以食好多肉類啦！湯底是蕃茄湯及清湯（這算是養生湯的一種吧）味道亦不錯. 這兩個湯底要讚！好好味食完無口乾.這裡還有其他羊肉熟食提供，適合一大班人開心share！如果食量細就每人一串烤羊肉串都很好！這是新鮮即烤的，在門口切肉機側邊可以見到.這裡和其他火鍋店不同，沒有什麼混醬的. 要醬油或辣椒要向店員取. 好不容易先至到手. 因為這店是標榜不用醬油也好味的.很滿意這裡羊的質素，食完沒有一身味道. 會再來的. 在這裡頂位有打折，也很抵食喔！

招牌羊肉由蒙古自家牧場走地羊出品響自家工場切割加工再直送香港😏標榜原汁原味！淥完啲食材唔洗點醬汁都好夠味❤️可以食到多個羊肉部位🐐除咗打邊爐仲有蒙式炙烤😋。湯底一共有4種：藥膳湯、蕃茄湯、麻辣同酸辣湯店員話多人一齊食就最好三拼😎我地8個人就揀咗頭3種👌🏻快樂小羊火鍋係鍋邊抽氣設計雖然成個場都飄住陣陣湯底香味但番到屋企個身都唔到油煙味👍🏻。羊羊大拼盤$228拼盤一共有3款羊肉＞塔拉上快樂卷由前腿、羊腩同腰脊肉組成，滾十幾秒就食得！＞滑嫩太陽卷比較大片羊無咁羶，而且肉質嫩滑，我最中意❤️＞草原臻選大片羊羊味最濃，質地比較其他兩款有趙口～。蒙式烤羊肉串$22/串一串串羊肉燒到焦香加上孜然粉調味非常香口！。除咗羊肉，牛肉都好出色牛味濃入囗即溶又無筋💕擺盤造型仲好靚！打卡一流🤭其他邊爐材料都好新鮮環境舒服店員亦會耐心推介店內佈置有蒙古氣氛仲有好多羊咩咩🐑🐏🐐中意食羊嘅朋友絕對值得一試🤤

話說哩間來自蒙古主打羊肉既火鍋店🐏🐏 喺裝修既時候已經好想去食，樓高四層老實講香港真係好少有！上星期終於搵到“羊朋友”陪我去食返餐😄 哩度亦係用內地大熱既QR code點餐，上菜亦好快👍·☆ 光陰鍋 HKD$112大愛哩款帶有藥材味既湯底，以紅棗、枸杞、香葉、草果及桂圓等中藥材熬製而成，味道像帶點微微胡椒辣，非常惹味👍火鍋料唔洗蘸點醬料都已經好夠味。食唔慣火紅麻辣湯底既你，建議你可以揀哩款~·☆ 塔拉上的快樂卷 HKD$138哩度既羊肉刨得非常薄身，睇落有少少透明感👀 放落湯淥幾秒就食得，羊肉既羶味唔算太濃，所以平時怕太羶既我都食得開懷😋·☆ 蒙式烤串 HKD$22/串食羊又點少得食返串羊肉串🤤 羊肉雖然唔算好大串，但羊肉味道突出，孜然味度濃郁😋 而且用鐵板上可以keep住溫度，的確幾細心👍·☆ 滑嫩青蝦 HKD$88🦐青蝦串好用冰盤上，雖然唔係鮮蝦，但肉質仍然厚實彈牙，size都幾大隻，88蚊嚟講都幾抵食😌

快樂小羊最近天氣清爽涼涼地，最啱就係吃火鍋😋😋 朋友介紹一間主打食羊的火鍋店。 羊肉新鮮款式多，而且肥瘦均勻， 用正宗蒙古 羊， 鮮味又唔騷😍😍。選擇了成雙鍋， 清湯+酸辣湯清湯： 其實係藥材清淡鍋底， 有紅棗、黨參、桂圓等等。 很舒服又沒有濃烈的藥材味， 反而有很滋補嘅感覺。酸辣湯： 酸酸辣辣，十分醒胃， 又不會十分刺激， 最啱食唔到大辣嘅女士。塔拉上的快樂卷(羊肉）份量充足十分抵食， 大約有四五十片， 薄切羊肉肥瘦均勻， 放在湯鍋裏面 輕輕一灼即可食用， 肉味香濃不會騷， 完全不需要 點醬料已經很夠味。手工瑤柱蝦滑🦐🦐手工蟹子墨魚滑🦑🦑手工滑彈牙可口， 用料闊綽大量嘅瑤柱絲 ，鋪滿係蝦滑。 蟹子墨魚滑的配搭 十分可口， 蟹子卜卜脆墨魚滑QQ彈牙。脆肉鯇魚新鮮爽脆有冇骨， 厚薄適中魚味香濃， 魚肉緊緻不鬆散。鬼馬墨魚滑非常特別的配搭， 食嘅時候最好就係 蝦滑嗰邊放落湯鍋， 唔需要反嚟反去， 大約等幾分鐘， 就可以慢慢享用了。 咁樣就可以食到一邊 油炸鬼係脆卜卜，另一邊就吸收咗湯汁精華， 真係好盞鬼。脆爽鮮毛肚我就最鍾意食毛肚，只係半份嘅份量都非常之多， 爽脆唔會硬。 正正正😋😋😋蟹味

冬天好多人都想打邊爐，亦都想食羊肉。如果有一間餐廳可以一次過滿足晒兩個願望，咁就好啦😂今日同女朋友行旺角，買到成手都係野，想搵一間餐廳可以放抵啲野，又可以坐得舒服啲，緊住咁岩又見到有一間火鍋店有三層咁大，個名重好得意，叫快樂小羊😂咁就入去試下。入面真係好大間，三層，差吾多坐滿，而且坐位同坐位之間設計得好好，好闊落，坐得好舒服，重設有好多卡位，我地可以放低晒所有野，重可以好舒服咁坐，大讚👍🏻👍🏻落單方面，好方便，手機落單👍🏻快靚正。餐廳主打羊肉，麻辣湯底。所以湯底方面，我同女朋友選左鴛鴦鍋，一邊番茄湯，一邊麻辣湯。強烈推介佢個蕃茄湯，我向未食之前，已經係咁飲佢啲湯，一係熱湯，二來佢個湯真係好足料，好味到停吾到口👍🏻👍🏻落單時，佢地細心到可以選擇半份料 或一份料。兩個人，我覺得半份已經好足夠，可以食多幾款。所以一大班人去食，會好好多，可以食多幾種火鍋料。我地叫左都幾多野食，有鴨血，鮮蝦雲吞，鮮淮山，鮮支竹，秋葵，稻庭烏冬，鬼馬墨魚滑同埋最重要既羔羊肋卷👍🏻全部野都好好味，但有啲食物要重點推介下。鬼馬墨魚滑好特別，將墨魚滑入落油炸鬼到，表面再加上蟹子，好特別既口感，放落麻辣湯到，油炸鬼吸收埋

聽過這家快樂小羊火鍋已久，終於有機會和朋友來一試他們這裡足有３層樓高，地方非常寬敞我們坐電梯到最上層，還能看到可愛的羊～★★★★成雙鍋 (清湯+辣湯) $118成雙鍋有很多搭配，可以清湯﹑辣湯﹑蕃茄湯﹑酸辣湯我們選的清湯+辣湯，湯底的材料也用得很多，很入味如果辣湯的辣度更強烈一點會更讚★★★★★塔拉上的快樂卷 $138來羊肉專門的火鍋店當然要點份羊～羊的拼盤也很多選擇我們選擇了這份感覺比較性價比高的，賣相非常吸引，很大一份拼湊起一碟花很少在普通的火鍋店點羊肉，因為怕不新鮮，會很騷但他們家的羊據悉是只用天然牧場放養的6個月大幼羊我給這份羊非常高的評價，肥瘦有致，薄切的幼羊小小塊不要滾太久，吃起來確實肉質格外新鮮嫩滑，完全不會有臭或膻的口感而且他們對自家的羊很有信心，還推薦不用蘸醬料的喔輕輕一滾，已能帶出濃濃的羊肉鮮味。順帶一提其他的款式還有愛心，太陽等形狀，肉類也更豐富★★★★★滑嫩青蝦 $88這款青蝦也是非常高分，賣相很吸引蝦非常的新鮮，稍微滾一滾就能吃肉質鮮嫩，蝦味濃厚★★★★扇貝貝類清洗得很乾淨不會有沙，同樣新鮮★★★★芝心丸 (半份) $24★★★★響鈴 (半份) $19芝心丸和

📍 快樂小羊火鍋餐廳 (旺角) 👍🏼❤️🤤 . 超級高質羊肉火鍋店，唔止食羊仲有好多牛食，環境好大，一間好食嘅打邊爐最緊要個湯底，呢間真係正到痺！最好嘅位佢每一份配料都可以叫半份，兩個人烚吓烚吓都得！😍.✅光陰鍋$112（推推推）係由36種配料既清湯底，非常濃郁，配以少少藥材味！呢個真係超級高質👍🏼👍🏼👍🏼👍🏼👍🏼👍🏼有呢鍋湯，放咩配料都係好食，係完全唔使點醬汁，所以呢度都得豉油同埋辣椒仔比你用，因為個湯已經夠味👍🏼👍🏼勁多蒜頭喺入邊！.✅塔拉上的快樂卷$138 推超薄切大大碟羊肉，我覺得冇乜腥味，如果唔食羊既都可食牛，牛款好多，包括有雪花肥牛和牛等等$100-$1000既range都有！聽講呢樣係由蒙古直送過嚟，自家養育！.✅北海道四頭大元貝$38 隻 （推推推）超大隻超新鮮甜👍🏼👍🏼👍🏼.✅楊枝甘露$32 （推推推）細細碗勁足料，超級好飲，佢偏重奶味，柚子鮮甜唔苦，粒粒西米，適量香甜芒果.✅服務超好，我坐嘅位隱閉度仲好高.好食指數：🥇🥇🥇🥇🥇🥇🥇8.8/10分環境指數：💡💡💡💡💡💡💡8/10分地址：旺角豉油街60-104號XX Arcade部分地下至2樓人均消費：$300

 去完日本返黎，就接著係約食冬至飯今次同朋友約係旺角佢帶我去食火鍋話唔同平時既火鍋，佢既湯底超濃唔食辣既朋友都大推薦我地一行三人一於就試下佢既心水推介店員同我地介紹，唔食辣可以選VC鍋即係維他命C鍋,大量番茄煮成既湯底夠鮮夠甜夠香,拿來煮肉,煮麵係最好配搭後尾查返原來已經開左大半年 VC鍋 $112 一上菜全鍋都係番茄片超純粹,濃濃番茄香湯底咁正我緊係追加一份烏冬,吸湯食一流完全不用蘸料,極濃郁 食材都好新鮮,牛肉都抵食菜,餃類可點半份,單價也不貴,食素朋友都岩食美國牛肩片$138一盤蔬菜一份,手工雲吞一份$58一份日本烏冬 牛肉切得夠完整,厚薄剛好,肉味夠濃,帶少少油食起來好嫩有一個推介食法將肉片放入碗中,再加熱湯浸熟就可以食到超嫩滑又唔會過熟既牛肉片另外雲吞都係好出色,一隻大雲吞有2粒大蝦肉餡唔多,但蝦夠大隻,好飽滿之餘仲爽甜烏冬同VC鍋係最夾,吸飽酸香既番茄湯烏冬麵條夠嫩夠滑身,好食到要追加！仲有佢既餃子都係唔錯手工餃子，包入好多餡料，好新鮮裝修好靚好豪華性價比都高，推薦！圖像裡可能有食物午市優惠最抵食，５點前埋單有６折宵夜有7.8折！快樂小羊火鍋旺角豉油街60-104號XX A