快樂小羊火鍋餐廳

营业中

休息中

個店名真係有啲變態一間食羊嘅餐廳叫快樂小羊小羊聽到表示嚇怕😦但係身為人類既我真係無肉不歡🙈火鍋湯底揀咗酸辣湯同埋蕃茄湯蕃茄湯完勝 非常非常濃郁食食下酸辣湯底所有人都轉晒去食蕃茄湯再無點食個酸辣湯🤭係好味到依個程度！！！羊肉牛肉都係靚肉！羊肉串都係必食！ 不過我覺得偏肥既！仲有羊肉滑蝦滑魚滑鴨血等等食材都幾好食既！旺角分店超大有兩層但我都係建議記得係openrice訂座啊！因為有85折！5個人叫左好多野食同飲埋酒每人大概$450（折後）

🤩 旺角｜快乐小羊 #丁丁香港探店 250HKD地址：旺角豉油街60-104號XX Arcade部分地下至2樓-香港不错吃的羊肉！openrice上可以订座打折因为是中秋去的没打折所以人均会高一点-「羊羊大拼盤」「成双锅」「鴨血」「生菜」「功夫青筍」「白毛肚」就是火锅的常规操作辣锅不辣但是！我觉得他家的羊肉味还是蛮不错的汤底和涮的羊肉都很棒-「蒙式羊小排」相反他家的特色和主推-烤羊排/羊肉串我都觉得一般一点羊肉味都没有味道平平淡淡

今日公司靜靜地，下晝就同啲老友去食飯佢哋話去食羊，本身我自己就一般唔係太好羊，不過朋友叫到就去啦。大約三點去到，唔算太多人都幾好坐，服務態度都幾好，四個人都叫咗好多嘢食本身唔係太好羊，但係佢嗰個烤羊串真係好好味，燒到啱啱好，咬落去多肉汁，好好味，唔好羊嘅我都食咗二串跟住梗係要叫D啤酒飲啦，佢呢度啲啤酒都唔平，2L,248元。如果鍾意食海鮮嘅，就唔好喺度叫蝦，可能少人叫，我覺得麻麻地新鮮　其他嘢都幾好味，個花膠直情係一流。仲有一個羊𥚃脊肉都係一定要試。最後追加左四咋啤酒，食個晏都食到好飽，呢間野短期內都會再食，因為味道唔錯環境乾淨，都坐得好舒服

       封關太耐，好掛住深圳的羊肉火鍋，今次朋友推薦咗這家快樂小羊，仲打包票話同深圳味道一樣，當然要去試試啦。要食羊肉，當然要揀最經典的藥膳鍋，羊肉先叫上一份試試，其他點咗土豆片，蝦，凍豆腐，淮山片，木耳，蟹柳，萵筍，土豆寬粉同羊肉串等。       在網上看說這家店的羊肉是從內蒙古空運過來的，食落又真的好重羊肉味，但是一點都不膻，和街外火鍋店的羊肉卷真是有好大分別，好食！羊肉串又真是燒得好香，落了孜然同辣椒粉，和深圳味道差唔多。其他的蔬菜都好新鮮，又沒話有什麼特別，但是平均20HKD有半份，份量都不算細，真是唔錯。       現在鋪頭仲做更優惠，中午食有68折，不過就要注意，鍋底，飲品同和牛是沒有折扣的，其他都可以參與活動。

第一食的時候只叫左火鍋配料，當時都覺得湯底同啲火鍋配料都好好味。今次再同有經驗嘅朋友嚟食，佢哋一嚟就已經推介話要食咗熟食先再打邊爐，唔試都唔知道原來快樂小羊啲熟食係咁好味，而且佢哋搬荔枝沙冰都一樣咁好味，今晚真係食得好開心。

早一個星期訂定位，Mummy最鐘意食羊，見有六折就同佢試下。環境好大好舒服，玻璃到地，一大陣羊味，似返左大陸一樣。茶係玄米茶。湯方面我唔食牛，好彩問清楚呢間無論叫咩湯底都係用牛淆出來，店員知我地唔食牛就話比藥材加酒加水做湯底，味道又幾夾，有蒜頭，大蒜龍眼，當歸等…。羊肉串必叫之一，調味得好好，好野味，燒得岩岩好，好大串，唔乾多汁又香。店員介紹叫太陽羊肉就叫左，食落好有羊味，好多汁，Mummy話正。西班牙黑豚肉，口感好軟好香，唔肥加埋湯汁食落甜甜地，好好味。三併有羊肉滑，墨魚滑和瑤柱蝦滑，好爽好新鮮，食落好彈牙。羊排：呢個羊排好厚肉，有軟骨，唔好太肥好香，香料好多，做得好入味。鮮雲雲吞入面好大隻蝦好多蝦又大粒，食落有三隻蝦，好爽超好味，值得食。呢個黑醋有機菜好新鮮好甜，黑醋加左果汁撈菜，好開胃清新，叫左兩碟。呢一餐Mummy超級滿意，三個人食左瑋千三百幾六折般就九百幾成千蚊，鐘意食羊就抵食。🤪🤪

之前朋友帶我食過一次，試完個湯底真係好難忘，超好味，味道非常獨特又香、所以今次同男朋友食。😋我地叫左麻辣同清湯底，我地一致認為係必點！特別！超推薦！店舖有寫好湯底不蘸醫料係真的、甚至係咁飲湯底！但麻辣個人認為唔夠辣味我地都點左牛同羊 不過不失 因為有湯底滾過，所以都好香有味道。飲料點左百香果特飲、都唔錯，因為今次輕食 點左唔多款。總括而言，湯底一百分 會令你再食😎

每月一聚既同事聚餐， 有兩個同事食過呢間快樂小羊話好正 要帶我地試試，一上到黎 吾知點解有種番左大陸既感覺 封左關咁耐 好想快d北上食野 ……6個人安排左一張圓枱， 好彩有係openrice訂左位先， 吾洗等 一定要試呢個黃金羊， 好正 雖然食羊 不過都怕太膻， 不過呢個岩岩好 同埋肉質都好吾錯6個人一定要叫3個湯底， 個清湯有少少藥味， 好好飲 麻辣好香， 又吾會太辣， 蕃茄就普普通， 無咩特別 野飲沙冰類就覺得偏甜 每枱有一壺茶， 都幾香 食到飽哂 飲番啖熱茶消化下服務都幾好 好快有人收碟 下次想食羊 可以再黎食

今晚同學聚舊，搵咗間坐到六個人又開到12點的地方。好在一早book咗枱，6:45pm去到已經人頭湧湧，聽到walk in的客要九點先有枱一進店內的氣味，已經想起當年的小肥羊我哋揀咗清湯和酸辣，清湯的味道好像藥膳味，湯底濃郁。喺快樂小羊梗係要食羊🐑啦！叫咗碟羊羊大拼盤，樣樣都試下，牛小排👍🏼除咗火鍋還有其他小吃，最嘢味就係蒙式烤串。韭菜盒皮薄香脆，雲吞的蝦夠爽，鬼馬墨魚滑又好好味。只是蔬菜同雜菌的份量比較少配埋2ml的冰凍Asahi正呀

想食下火鍋，又唔知有咩選擇，經朋友推介，今日來到旺角快樂小羊食下火鍋晚餐，話明經朋友安排，梗係座係vip room啦😆😆😆，每個座位都有一個小鍋，夠方便，湯底有4款，可以選擇清湯、麻辣、番茄等等，其實我地都叫左幾多嘢食，有熟食，有火鍋配料，其中烤羊係主打題菜，真係成隻羊嘅一部份烤完送上枱食，都幾香口🥰🥰🥰，還有鐵板燒羊，都係幾有特色嘅菜，其火鍋配料最有特色都係手打羊滑🤣🤣，我就唔點食😆😆😆

已經幫襯咗幾年！ 服務好😁環境坐得舒服🥰 食物保持水準😻😻每次黎一定會叫烤羊串🍢👍👍👍 超級好味🤭黃金羔羊🥩👍👍 肉質嫩 又唔會太騷😋土豆粉👍👍👍 索咗啲湯汁😋好正!!!蘿蔔其他蔬菜🥬🥬都好新鮮希望繼續保持水準一定會繼續幫襯

繁忙時間walkin都估到要等位，但兩個人等曬成個大堂一波又一波人上去，都淪唔到屬於兩個人嘅位，點解？我問佐店員，話訂檯優先，無問題，但點解大檯B組輪到B十幾，兩人檯A組一個號碼都輪唔到？就連隔離遲我半個鐘walkin的三個男仔都有得食，我兩個人都係要繼續等，店員話，大檯係比3人以上用嘅，即係咩意思？歧視兩個食飯？我明白餐廳想利益最大化，但可唔可以唔好咁自私？既然兩個人係輪唔到位嘅，咁不如不好叫人等！原來家陣出去食飯，兩個人係等唔到位嘅，要拉多幾個人出去先有資格入座講完態度講野食，我承認火鍋湯底到羊肉都係ok嘅，羊肉串都有算得上有嘅大陸味道，如果唔介意接受不平等對待而且有大把時間等嘅，咁可以一試，但我本人就絕對唔會再去多一次，再見👋🏻

看近期預定有六折，便決定來試下。一試就深深愛上，好鍾意這家的羊系列，都好好食。推薦羊肉串，羊架及羊肉卷，各個都好鮮。和牛都唔錯，入口即化，美味（和牛沒有六折，大家要注意，我們埋單才發現⋯）。羊肉串是26一串，開始以為是一份，只點了一串😂後來發現原來是一串，又果斷追加5串，非常好吃，肉質鮮美，極力推薦。羊架也很好吃，可惜點太多，沒有吃完，只能打包帶回家明天再享用。三滑都非常好吃，裡面是墨魚滑、蝦滑及羊肉滑，羊肉滑最勁，簡直太好吃了，強烈推薦。凍豆腐特別好吃，配這個鍋底不要太好吃，特別推薦。總體很好吃，還會再來。ps：1 唯一覺得不滿意是那個娃娃菜，整顆放上來，感覺裡面像沒有洗一樣⋯）2 蘸料只有醬油配蒜末朝天椒，這個記得找服務員要，要不人家不會給⋯3 我們點的麻辣燙底及清湯，麻辣唔算辣，一點點，剛剛好。嗜辣的朋友可能會覺得不太辣⋯

今天接我男人下班後一同晚餐，記得早前他說過想吃打邊爐，便打算於其工作區附近精選一間火鍋店，最終便從網上挑選了擁有數百條好評的高質快樂小羊，以滿足我男人一番。餐廳裝潢用上石屎牆壁，再配搭上木製天花板，整體設計是以工業風格為主題，而其羊隻的畫像和裝飾，亦與店舖名稱是十分貼合。餐廳的內部空間極為寬敞闊大，並擁有上下兩層，而且每張餐桌亦分隔甚廣，因而環境是空間感十足。成雙鍋湯底我點選了可同時品嚐兩種口味的成雙鍋，當中分別有光陰鍋、激情鍋，光陰鍋也就是圖片上右方的奶白色湯底，是款具有滋養功效的清湯，嚴選用上薑片、大蒜、紅棗等 36 款原料，並配合六度工序製作而成，飲用味道鮮甜清香，並散發陣陣藥材氣味。激情鍋就是用上辣椒、大蒜等多種配料熬製而成的香辣湯底，食用口感麻辣濃郁，辛香持久。黃金羊王羊肉份量大盤量多，並以互相疊放方式擺盤，賣相顯得格外吸睛，而且師傅更特意用上冰塊保溫奉上，以務求令肉質保持新鮮，着實是相當貼心。羊肉肉質瘦中帶肥，食用時甘甜多汁，羊味香濃，柔軟鮮嫩。美國牛肩胛來自美國的牛肩胛是屬於牛隻頸部到肋骨的部份，由於需要經常運動，因而肉質是特別緊實彈牙。其外觀油脂紋理分布均勻，食用時口感

今日同朋友去咗食快樂小羊貪佢有一人一鍋VIP房就私人度好好可以同朋友慢慢傾偈基本防疫措施都做得好好寫紙仔消毒量體溫做足.因為有訂位嘅關係唔需要等不過VIP房數量有限所以我哋都係提早book嘅.入到去間房都幾大同埋最好就係每人分開一鍋係呢啲防疫時間夠晒衛生加上仲可以挑選自己鍾意嘅湯底佢呢度標榜住唔需要加豉油就咁食就夠味道所以一直想試一試佢米奇睇吓係咪咁犀利！.我就自己揀咗藥膳鍋其他朋友揀咗鴛鴦鍋然後佢哋呢度嘅豬牛羊都非常出色可惜嘅係我絕對唔會掂羊因為遠處已經聞到羊so 香味本人係有啲驚嘅但食羊肉嘅朋友就話好好味各花入各眼啦.牛方面佢都相當出色脂肪同埋瘦肉部份非常均勻加上佢呢個湯底又真係堅喎成程冇落過豉油同其他調味料就咁烚完湯底食已經有相當濃香嘅味道加上唔會死咸掩蓋左食物本身嘅原味道呢個正正係佢出色而成日有爆場book唔到房嘅原因.除咗肉類外佢嘅鬼馬油炸鬼都十分之有趣面頭鋪滿蟹子下面係油炸鬼烚完咬落口爆湯汁嘅效果真係令人為之一振.仲有仲有佢嘅雲吞呀蝦肉鮮甜皮薄餡靚非常之足料啊我哋亦都encore左兩次.其他蔬菜類亦好新鮮係娃娃菜唔知點解成棵上平時啲娃娃菜係一片片嘅佢係成隻娃娃菜.另外冬瓜片