忠誠茶座泰國菜

营业中

休息中

外表似足港式茶座，裡面卻是貨真價實的泰國餐廳，而且是去大尾篤踩單車的必經之路。平日下午茶的時段去比較少人。遠離了市區做便有一種遠離塵囂到外國的感覺。泰式焗薄餅配沙嗲醬這個泰式焗薄餅是必食之選！首先賣相已經是非常特別，未試過在其他地方見到。加上，焗得又脆又鬆，口感有點像酥皮蛋撻的酥皮。而且，沙嗲醬裡都有少少肉碎和花生粒。兩者搭配起來當作午後小食，一流。脹卜卜的賣相～香葉辣炒豬肉碎可以單獨食用或配以香飯進食都可以。由於香葉加辣椒仔，好惹味和好開胃。香辣不算有挑戰性，適合一般食到麥當勞辣雞翼的人士。即使剛剛做完運動，也能消化幾碗飯！超級地道的奶茶

每次係大尾篤踩完單車或去租單車踩時永遠難以想到bbq以外餐廳😂今次朋友極力推薦這間泰菜果然喜出望外！真係睇到個門面好容易miss左佢～原來佢已經好耐歷史！佢係類似室外但有冷氣！雖然裝修好地道但嘢食就好好味又多款式！因為我食完仲要做運動所以冇食好多嘢只係叫左個蝦餅炸到好crispy！d蝦肉打到起膠所以好有口感5係淋巴巴的！另外仲叫左個雞肉紅咖喱同泰式薄餅！d咖喱好香5辣點住d菜番茄食好入味！這個薄餅其他泰國舖我都冇食過超好味啊！！！！5點咖喱就咁食都好好味！！！下次再有機會一定試埋佢d麵同飯！當然要再encore薄餅啦！🤤🤤🤤

一如以往，星期六都係超級多人，食物質素保持到，😝😝weekend 入去chill 下幾唔錯，記得預先book 位啊，即使book jor 都要預等一陣的，好彩使上菜夠快💥💥特別推介：✨✨ 蒲燒鱔片～香脆可口，肉嫩多汁，鱔皮燒得又香口，一個人食兩串都絕對吾多，食完再想食，不過價錢吾平！✨✨ 香甜黃咖哩～黃咖哩既薯仔又入味又腍，用來配食香煎薄餅係我每次都會order既combination 。咖哩1 d都吾辣，最中意個薯仔，吾食澱粉質既我都忍吾住食一大舊！✨✨ 泰式辣肉碎生菜包～生菜包辣得超過癮，中意辣既一定要試，最中意係有蕃茄一齊食中和返辣味，不國食唔到辣既就唔好食喇。✨✨ 酸辣無骨鳳爪都好惹味✨✨菠蘿海鮮炒飯就冇乜特別喇🔸🔸🔸🔸🔸🔸🔸🔸🔸🔸🔸🔸🔸🔸🔸

同朋友由大圍踩入大尾督～朋友book左呢間 入到大尾督未夠鐘就行去睇左陣星再過黎⭐️⭐️😆去到餐廳發覺好多人等緊 好在朋友醒目預先book左位🥰🥰🥰 不過book左都要同姐姐講聲再等一陣 10分鐘左右就有位喇～我好怕用原個菠蘿上既菠蘿炒飯（驚啲餐廳會重用😖😖）但我又好鐘意食菠蘿炒飯 見呢度有碟上既就嗌左！諗住嗌個咖哩同薄餅食 見有個清邁咖哩咁特別就叫左（去過清邁都唔覺有）但味道就普通 而個汁都比較稀唔岩點薄餅之後到我既飛佛椰汁雞湯 好飲好飲好飲！最後當然唔少得泰式甜品～～～就食左完美既一餐 （多謝朋友精心安排今日既行程🥰😆食左咁多野最後埋單只係388仲唔洗加一！大家入開大尾篤又唔燒野食不妨黎試試😆

好早已經聽過大尾督忠誠茶座泰國菜，可惜次次經過都見大排長龍。今日襯著下雨天到大尾督走一走，果然落雨ge 大尾督係少人好多，猶如置身外國，有一種遠離繁囂ge 感覺。六點鐘黎到唔駛等位就有位，不過限時兩小時。一家人點左8樣野。-泰式素春卷：脆皮可口！-冬陰公：Yummy! 我鐘意呢個冬陰公既酸度岩岩好，又唔會太辣，飲完一碗會想繼續再飲，湯入面既蝦有三隻，好夠大隻-清邁咖哩雞：唔岩我口味，可能鐘意食綠咖哩同紅咖哩多d，d咖哩太水，杰既咖哩會易入口d-泰式煎薄餅：薄餅好食！原本諗住點咖喱一齊食，但奈何薄餅同清邁咖哩唔夾，相信叫綠咖哩會好食好多-炒泰國金邊粉：少少酸幾醒胃-泰國明爐蒸生魚：生魚肉身較粗，汁唔夠太似泰國風味-辣豆瓣炒通菜：夠火喉！少少辣非常惹味-芒果黑糯米：飯口甜品必食之選

泰國菜係我最喜歡嘅菜式之一，所以每次踩完單車入大尾督，做完運動嘅指定動作就係入嚟呢間泰國餐廳食泰國菜。呢間餐廳一到食飯時間就好多人，所以我哋六點幾就去食，果然食完飯出返嚟就見到勁多人排隊。每次食泰國菜，我都必點泰式冬陰公湯呢度嘅冬陰公湯好足料，配上大頭蝦、香茅、蘑菇等。仲會係個煲下面放置蠟燭，一直幫你keep住個溫度，等客人可以飲到新鮮熱辣嘅冬陰公湯😋😋😋之後仲點左燒牛柳，叫咗五成熟配以特製汁醬，酸酸甜甜辣辣，非常惹味點左咖喱炒蟹配泰式焗薄餅，薄餅係新鮮焗，點咖喱食一流，咖喱蟹入面拼埋真係有成隻蟹㗎

女朋友話好想食泰國菜，突然唸起放工可以揸車去大美督試下😀 book左8點準時有位入！平日對面緊路大把咪錶位，非常方便！我地兩個人叫左6樣野😅1. 燒牛肉沙律有d spicy,但好惹味！d牛既質數一d都唔馬虎，無「la」過有咬口！2. 炸魚餅 好食但無咩特別，重點係女朋友至愛😂3. 海鮮Tomyum湯湯味濃，3隻大蝦好爽口，絕對新鮮而且好好食，又係女友至愛！4. 燒鱔串極度推介！！！108$4條十分香口，新鮮，絕對值得一試！5. 咖哩soft cell crab有d失望...最後打包媽媽最愛既芒果米飯🍚😎

家人生日，去大尾督行吓順便食埋飯慶生。Book咗六點，限時食105分鐘。一人揀咗一個餸，都幾多選擇。椰汁炒西蘭花 - 以為好普通，點知椰汁咪好重，成碟菜upgrade哂！生菜包 - 啲肉碎好辣，加返塊蕃茄中和返個辣味。係炒得幾香嘅！青咖哩豬肉 - 甜嘅咖哩，識食一定撈埋煎薄餅一齊食。煎薄餅賣相好靚，又夠脆。菠蘿炒飯 - 啱哂小朋友食，好足料。炒金邊粉 - 好夠鑊氣，酸酸甜甜，開胃。冬蔭功湯 - 夠哂酸辣炸蝦餅 - 剛剛炸起，好脆，蝦肉又彈牙。海南雞 - 好滑身，一定要點個醬，精髓！好啱一家大細同一大班人食，可以試多啲款。

幫襯左佢好多年都係食晚餐，由從前一間村屋size擴展到依家幾個鋪位都唔夠，係大美篤出晒名既泰國餐館，的確係實至名歸！平時食晚餐多，間唔中都可以下午茶時段黎，人少左空間感大番晒😎 佢仲有下午茶set(2:30-4:30)，都幾抵食，成個感覺優閒晒，可以好好享受下茶座feel冬陰功蝦湯 🦐$108依個湯係我favourite ，上台有個小火頭慶住，保持住佢溫度，湯緊係要熱住飲啦！唔好睇佢煲仔細細，容量頗多的，而且用料十足，有蝦有草菇，最緊要係味道帶適中既辣，推介👍牛油蒜蓉包 配咖哩醬 $32/4件 一如以往極脆口，雖然係下午茶，但keep住個質素，牛油同蒜蓉香噴噴。留意❗️係咖哩醬唔係咖哩汁，跟蒜蓉包永遠都係絕配。

Today I was cycling with my friends from Tai Wai to Tai Mei Tuk. This is a lovely cycling route in Hong Kong. Once you get to Tai Mei Tuk you can drop off the bicycle you rented in Tai Wai and then of course, you can have a lovely meal at the village there. We chose this Thai restaurant that is known for their chicken and it was no disappointment. The chicken had just the right amount of flavour and provided great protein for after the workout. Along with the young coconut, you will get a refres

踩親單車去大尾督去會食埋野。以前係夜晚入到去叫小菜，今日早左踩，所以入去lunch，發現原來都好抵。叫左兩個A4餐，一個牛丸一個魚蛋，都係$26蚊碗麵，凍飲再加$6。湯好鮮，雖食得出有味精但食完唔會太口渴，加上餐廳會提供凍水 👍🏻魚蛋好彈牙，牛丸都好入味，河粉又唔太油，索晒啲湯好正。

約咗朋友入大埔食飯，朋友建議去大尾篤食忠誠，所以就由大埔墟火車站坐20c小巴入去，車程大概15至20分鐘。可能係因為閒日加天雨嘅關係，我哋8:00左右入去係唔需要等位，但係餐廳望落去都有8成門。所以如果要禮拜五、六，日嚟食飯的話可能要先訂位會比較好。餐廳食物種類唔少我哋三個女仔就嗌左以下呢啲食物：泰式炒金邊粉。一個好普通嘅金邊粉柚子沙律。味道唔錯酸酸甜甜，上面耍左啲攦過嘅椰子絲，柚子份量唔少。咖喱軟殼蟹加蒜蓉包。軟殼蟹同咖喱係分開上，所以軟殼蟹唔會浸到淋哂，咖喱口感唔錯。蒜蓉包要另外帶，略嫌唔係太夠蒜蓉味。泰式燒牛柳。呢碟有啲驚喜，我哋嗌咗七成熟，牛汁嫩滑，有牛味。牛肉串燒。串燒每款肉要嗌四串。牛肉串燒相比起燒牛柳就有點失色，普普通通。甜品拼盤。有好多木薯，個人比較欣賞個椰汁西米糕。呢間泰國菜水準ok, 但係又未至於好食到要特登入嚟食嘅。

It was so far the best Thai restaurant I had ever been. It's not fancy, but with really good food quality! There were many people waiting to be seated in front of the restaurant, luckily it's quite bit, and soon it was our turn. Saw that many people suggested butter naan here, so we gave it a try too. With the naan, of course we had to order a curry dish. It's been a while since I had red curry, and it went best with duck! So we had red curry duck, to go with the butter naan. It's baked, so it's

平時每逢節日，唔係去酒樓就係去忠誠，貪佢有大圓枱～大埔中心搭巴士/小巴就去到，其實都好方便😋唔好以為係大美督露天就會好熱，佢冷氣長開，地方亦都好乾淨，好多人特登入去食好熱鬧架忠誠既食物永遠唔會令我失望，重點推薦幾款比大家啦～呢度既甜咖哩好好食，特別推薦甜咖哩牛腩，配埋薄餅同一筒筒飯，好開胃！蝦餅亦係我至愛！佢既蝦餅好岩香港人口味，一個人食一碟都得😋辣椒膏青口係必食之一，惹味醬汁加埋大大隻青口，送飯都一流！個汁帶甜唔算辣，普通唔食得辣既人都一定食到最後推薦埋個蝦醬炒飯，惹味到極！必點！下次過節再見啦😋 週末夜晚去記住book位呀！

假日嘅尾聲嚟到「忠誠茶座泰國菜」。紅咖哩（雞）呢道嘅紅咖哩食落唔辣，仲有甜味。味道非常濃，唔似出面平價咖哩咁多多水但小小咖哩粉同埋食落咖哩味好淡，送飯一流。由於見佢唔係水汪汪水狀咁，所以就叫咗蒜蓉包，撈d咖哩嚟食。香草蒜蓉包個蒜蓉包烘得夠香脆，蒜蓉同香草味都好夠，老實講就咁食唔撈咖哩已經好正。由於個包烘得夠乾身同埋香脆，所以超索汁，索晒d咖哩🤤🤤諗起都想食。醃肉碎生菜包(豬）呢道菜比想像中辣，係頭頂滲汗珠果隻種辣。但係味道非常好，唔會太咸，係會想一食再食嘅。不過，生菜嘅量得好小，🤦🏻‍♂️🤦🏻‍♂️我諗全部泰國菜都有呢樣生菜不足嘅問題。泰式燒牛柳嘩！呢個牛柳諗起都想食多次🤤🤤。外層有炭燒香，內層嫩滑有汁水，內層嘅肉係粉嫩色（張相好像影得唔太清楚🤦🏻‍♂️）。呢道菜真心推介。