忠記粥品 (人和悅大廈)

营业中

休息中

假日屋企嘅早餐總係會同平日有啲唔同。平日食開嘅炸兩、牛脷酥、咸煎餅攞到返屋企可能會林哂，但係呢間嘅就出其地新鮮同脆卜卜。呢間係灣仔嘅忠記，佢嘅炸兩、牛脷穌同咸煎餅都好鬆脆，好新鮮。咬入口外脆內軟，鬆脆可口。實在是值得一試！早餐諗唔到食咩都可以試下

走過鵝頸橋底，見久違的粥鋪，回味一下！進店，港式粥麵鋪格局，牆上見這店每月一天贈粥給長者活動，推看餐牌，粥品款式不少，當中有較少見而健康的粥，如南瓜粥、粟米紅蘿蔔粥...... 個人首選南瓜瘦肉粥，粥稠度適中，材料十足，南瓜肉的清甜，配上軟棉的粥，好食！腸粉即叫即整，試了蝦米蒸腸粉，蝦米有鮮味，口感不錯，可惜粉皮比較粗，不太滑，整體一般吧！豆漿甜度適中，豆味不太突出，一般而已！這鋪主打粥品不錯，可以一試！

放飯時間，一行3人，去食粥。就係見之前有人話嘛嘛地，所以要去試。可能人多，樓面啲呀姐有啲亂。成日上錯單。又多外賣。但煮粥個幾位見又唔係太忙。都幾 hea 吓。唔講咁多，入題吧。1）艇仔粥 ／ 皮蛋瘦 ／ 豬紅艇仔粥艇仔粥 － 夠料，夠味， 夠熱。啲碎肉係熟，其他料都熟。係冇落花生。皮蛋瘦 － 夠熱，都算多皮蛋同廋肉。豬紅艇仔粥 - 夠熱，夠熟， 豬紅冇生味。過得去。2）炸兩 ／ 蒸蘿蔔糕炸兩 － 都幾大碟，油條唔算淋，都有啲脆。皮夠薄。都ok啦。係唔熱啫。蒸蘿蔔糕 － 都幾大塊，但唔熱。變咗失色。整體嚟講，又唔係其他講到咁差。想食粥可以返兜。仲有見佢有湯飯同麵。價錢又唔貴。銅鑼灣喎。

最近來過幾次食粥，第一次叫魚腩魚嘴 （$36），第二次南瓜粟米瘦肉（$24），第三次魚片艇仔（$22），都相當滿意。呢度啲粥選擇多，有生滾粥也有現成煮好的，配料多樣化，有不太常見的南瓜、魷魚、豬紅、甚至鮑魚，當然比較大路的魚腩、豬肝、滑牛等也應有盡有，而且可任意配搭。食過幾款總括來說呢度啲粥十分足料而且高質，即使係瘦肉都有鮮甜味而且鬆軟一啲都唔嚡，粥底夠綿唔會太稀或太杰，仲有非常欣賞佢味道自然，清淡得來一點不寡，健康又美味。除咗粥之外仲有湯飯/麵、各式腸粉、蒸蘿蔔糕、炒麵、油菜等等，適合不同口味。感覺呢度性價比高，放工想快快食個晚餐呢度會係個好選擇，以後一定會再光顧。

忠記粥品由於大少生病所以只可以食粥，同行也只可食粥炒麵還可以，不太油膩，市面上有很多豉油王炒麵，是用䜴油和油浸熟的，極鹹、極油炸両，是凍的，入面條油炸鬼是腍的，感覺就好似今朝一早就整定的，一口咬下去，又凍又諗，感覺是很難受，很難吃生滾粥，感覺還可以滑牛肉丸生滾粥，滑牛是真的滑牛來的，但肉丸的口感不太良好，咬下去時，明顯的是肥肉的比例太多，一口都是肥肉的感覺粥底是還可以的，是綿綿的但是成為一碗滑牛肉丸粥的時候，就有一種強烈的遺和感，是滑牛加肥肉丸加白粥，倒入同一個碗入面咁樣白粥獨有的味道十分強烈，完全没有吸收到牛肉和肥丸的味道感覺怪怪的⋯⋯

聽人講好好食，尤其老一輩，每次經過都話好食，姑且信佢一次，試吓個魚腩粥先。我係外賣返去食嘅，一次過買咗兩碗，攞嘅時候好重下，我已經諗一定係好足料。返到去個粥仲好鬼死熱，粥底好夠綿又唔會太淡，唔洗另外加豉油都好夠味，睇圖你都見啲粥一粒粒分明，証明真材實料，真係好抵食，仲未計碗嘢入面成4-5舊足份量嘅魚腩，攞哂岀嚟，碗粥當堂無咗一半，姐係話，魚腩粥有一半都係魚腩，正到！平時食可能得一兩舊㗎喳。雖然佢啲魚腩就無之前喺荃灣食嗰間咁啱啱好熟，又嫩又滑，但佢都做得唔錯，魚好新鮮，唔腥又甜。呢間性價比好高，幾十蚊就有交易，之前喺荃灣都要五十幾，灣仔反而仲平過荃灣LOL

4日連假食得太heavy！今日lunch就清清地去左忠記買粥食！嗌左個冷門啲嘅咸蛋瘦肉粥下火同蝦米腸！粥底軟綿，同集團式經營嘅粥比簡直係一個天一個地，粥入面亦好多咸蛋十分夠味。蝦米腸即叫即整，所以都要等左陣先有 ，但腸粉皮薄軟滑充滿蝦米香味！雖然都等到出晒汗都值得！堂食地方比較細同埋逼，需要答檯，所以都係揀左外賣返公司嘆住勁冷氣舒舒服服咁食！如果唔想食粥，尼到仲有車仔湯飯食，餸嘅選擇都唔少，而且價錢唔貴。

炸兩 $12見到咁平真係嚇左一跳 不過油炸鬼唔脆已經失左好多分😟腸粉整得幾滑 如果炸兩再脆啲一定正好多評分：6/10.南瓜碎牛粥 $20平時好少何會食到南瓜粥 加左南瓜同碎牛既粥比較結身 南瓜尚算香甜 略嫌碎牛口感偏淋 而且有啲大粒 不過粥底夠綿滑 而且好大碗 好抵食😝評分：8/10.魚頭粥 $28所有生滾粥都係即叫即滾 黎到熱出哂煙🤤粥入面勁多魚頭 仲要唔係魚頭碎🐟啲粥食落好有魚既鮮香味 生滾粥同普通粥真係有分別🧐評分：8.5/10.凍豆漿 $7甜到飲左半杯就飲唔落 再飲應該會糖尿病🤢好在 夠凍囉😂評分：2/10.btw啲姐姐唔知係太忙定點 黎錯野食 又嗌幾次先聽到💩不過啲姐姐都幾親切既

星期日宵夜時段點了一碗雞粥 蝦米同叉燒腸, 粥料豐富, 蝦米同叉燒包滿一碟腸粉,  粥底好綿同唔鹹, 好味道!想住宵夜吃少一點, 點知....想減肥都好難! 仲有周圍環境都乾淨! 在銅鑼灣鬧市難得一見收費這麼便宜既食店. 不會將貨就價!!!! 

環境3分：舊式粥鋪新分店光鮮左，門口一樣見到Ｄ油炸鬼同牛脷酥，仲有豆漿機，入面呢就見到廚房煮嘢，餐牌貼滿牆。午餐時間都唔係好多人，基本上未使搭枱，一個人都可以霸成張枱，可以畀三分。衛生3分：啲豉油樽呀，辣醬樽呀，芝麻同胡椒樽都仲好乾淨吓，比其他分店好，所以畀佢三分。服務4分： 好好禮貌，快手快腳，碗粥唔使一分鐘就送到，夠曬熱，畀佢四分。味道3分：粥底都算軟綿，碎肉好似多過以前，好味，有三分。抵食4分：十八蚊食碗碎牛粥，全日同價，算係抵食，四分。

哎又係差唔多食完，先記得可以寫食評，所以我D食評多數冇相⋯⋯一向幫趁開近屋企個間灣仔忠記，見呢間有湯飯，今日叫老公外賣返屋企試下。湯同餸放埋一齊，好足料，飯另外一大盒，我仲留左D湯同飯第二日食，抵！兩個湯飯一共試左6樣料：滑雞、豬肚、魚腩、鮑片、鯪魚球、豆卜，頭個三樣鮮料尤其好食，菜就分別揀左菜心、娃娃菜，放埋入湯底，份量比較少。不過＄45一個，外賣冇計盒錢，會再幫趁！要改進嘅係雖然中間加左紙皮，放下面個碗嘅蓋都係裂左⋯⋯同埋可能係新開張關係，店員仲係遊緊魂。

在繁華的灣仔，也可以找到一間又好吃又便宜的粥店，實在難得。薄利多銷才是做生意的秘級，不怕賣得便宜，最怕沒人光顧⋯⋯congee,fried dough stick and rice roll all are very delicious. The price is also very reasonable.