忠記粥品 (人和悅大廈)

营业中

休息中

行入去瞬間就感受到熟悉嘅溫馨氛圍，牆上同樣貼滿善長嘅捐款單📝老板娘話延續咗免費派粥畀弱勢社群嘅傳統，真係好有人情味💖【 生滾牛肉粥 x 艇仔粥🍲 】🔹生滾牛肉粥啱啱斷生嘅牛肉片嫩過BB面珠墩👶🏻鮮味十足🔹艇仔粥配料豐富到誇張，魚片、豬皮、海蜇、瑤柱絲撈埋一齊，每啖都充滿驚喜✨粥底綿密得嚟唔會太稠，飲落暖笠笠超舒服~☀️【牛利酥 x 油條🥖】牛利酥外脆內軟，咬開裡面軟綿綿帶麵香；油條炸得金黃酥脆完全唔油膩浸喺粥度吸滿粥汁，鹹香軟滑夾雜脆口，正到停唔到口🤤【牛肉腸粉🐮】腸粉皮薄到透光滑潺潺又帶啲韌度，牛肉餡飽滿彈牙啖啖肉之餘仲食到牛肉嘅鮮味👍【自製豆漿🥛】豆味濃郁到似咬開成粒豆咁，冰鎮後飲落超解渴❄️驚甜可以揀無糖想飲甜少少嘅就嗌有糖，貼心度滿分~~🥛雖然人多時要拼桌，但勝在氣氛熱鬧、服務貼心💖食物保持地道水準之餘，店員好熱情親切價錢仲超親民～😊

從來不寫食評，但態度差，食品差，外賣要等半個鐘，無言。不知入面三位是員工定老闆，態度之差，可以選擇其他附近餐廳。真心沒有必要受氣。堂食等很久，衹有足夠時間食粥，另外腸粉叫了，但冇食。

等足一個鐘都沒有有通知可以取單，打電話問，回答是沒有按制。取回時已全部凍晒，向他投訴時說不是他們問題是我不去拿取，還說一向是這樣做，完全覺得自己冇問題，一定冇下次

男朋友病病地 所以要食粥🤣✨鹹蛋艇仔粥 $24平時好少出街食粥 🙈 今次係第一次出街食粥有得加鹹蛋 我覺得食到鹹蛋嗰個鹹香味嗰下真係好幸福😻😻 因為我本身係好鍾意食鹹蛋 所以令我覺得成碗粥都好正😍 ✨生滾牛肉粥+生菜 $39呢個粥比較大碗🙈🙈 好足料👍🏻牛肉同菜都唔少 牛肉唔韌✨即蒸魚片腸粉 $24腸粉唔算滑 不過幾足料 有好多魚肉 落左啲薑去辟腥味👍🏻👍🏻👍🏻總括嚟講質素都唔錯👍🏻👍🏻估唔到喺銅鑼灣食到咁平嘅粥 服務就一般啦 等咗好耐先有人嚟落單😂 味道❤️❤️❤️❤️抵食❤️❤️❤️❤️❤️服務❤️❤️❤️環境❤️❤️❤️💰晚餐人均～$45（唔使+1）

想係銅鑼灣揾到好食又平嘅粥店就一定會諗起忠記粥舖 粥品有各類單/雙拼生滾粥 我今次就揀左魚片生滾粥配牛脷酥 如果你唔怕食魚嘅話呢個都係個唔錯嘅選擇 油器方面仲有油炸鬼同炸両揀 埋單都只係40幾蚊 港島區食飯黎講都係個唔錯選擇

經過銅鑼灣見到啱啱炸出嚟嘅牛脷酥好似好吸引咁😋事不宜遲即刻入去嘆碗靚粥食件牛脷酥先🥣［生滾粉腸粥］$35開花綿綿嘅粥底👍🏻粉腸熟度岩岩好爽脆之余又帶啲粉質口感。好味得來價錢合理 $35大大碗 🥣［生滾滑牛豬潤粥］$42軟綿綿粥底配上滑牛肉片加豬膶真系好鮮甜！豬潤大大塊厚滑爽口，滾熟得岩岩好；而滑牛色澤紅潤有牛味又嫰滑，連d 粥都有牛肉味👍🏻推介🥣［叉燒腸粉] $20腸粉滑滑捋捋，叉燒餡都唔少食到一粒粒叉燒系裡面配埋點心甜豉油👍🏻👍🏻🥣［牛脷酥配豆漿］$11+$13新鮮炸出嚟嘅牛脷酥真系最好食，咬落去外面香脆，裡面鬆軟真正做到外脆內軟，由其是中間味道咸甜咸甜配埋杯豆漿真系無得輸，絕對要encore！環境⭐️⭐️ ⭐️ 性價比⭐️⭐️ ⭐️ ⭐️ 推薦度⭐️⭐️⭐️ 人均消費:$60.5整體分數:92.68分- - - - - - - - - - - - - - - 📍 忠記粥品地址：銅鑼灣軒尼詩道432-436號人和悅大廈地下7鋪#香港 #香港美食 #香港好去處#美食 #食評 #假日必去 #情侶 #放假 #放假去邊 #放假好去處 #銅鑼灣 #粥 #牛脷酥 #hkfood #hkeat #foodie #

在灣仔消防局對面的一間老字號傳統粥店 店內不是太大 但座位還是挺多的 傳統老香港風格 價錢經濟實惠剛在超級燥熱的韓🇰🇷 回到香港真的一點胃口也沒有 來碗粥就啱喇熱情的老闆娘推薦我們食湯飯 但真係唔好意思 真係無咩胃口 所以都係揀咗食粥揀咗鯇魚腩粥和狀元及第粥 想話在🇭🇰新式粥店都無依間選擇多 真的好耐無見過有及第粥 一些傳統又難做的粥品 都開始慢慢被社會淘汰😟🐟鯇魚腩粥生滾粥是即叫即做 很大一碗 沒想到會這麼足料 厚切新鮮鯇魚腩 鮮甜 有魚骨 食果陣要小心喲！還附了個魚碟 幾細心 粥底綿滑 熱呼呼很暖胃 加了薑絲和蔥花去腥味🐽 狀元及第粥豬內臟又稱「雜底」，美化名字成為「及第」 即叫即做 舀入小鍋燒滾 加入豬雜：豬心、豬潤、生腸、豬肉和肉丸等…粥底綿軟細膩的口感 個人喜歡撒點胡椒粉 混著一起食🤭🦐即蒸蝦米腸粉腸粉軟潤爽滑 一粒粒香脆小蝦米🦐、香蔥…口感非常豐富 加上特製醬汁調味 yumyum~🥬芥菜還是第一次遇到油菜的選擇中有芥菜 白灼都已經很好味😋下次過來一定要試試湯飯 好像不錯呢店內的牆壁上貼滿了不同顏色的紙 細看才看到原來是很多善長捐贈給弱勢群體的捐款記錄 老闆娘說他們家一直有定

我就叫咗一碗鮮魚片牛肉粥 超足料 差唔多每一啖都有一塊魚片或者碎牛 好正～ 佢哋嘅魚片好鮮甜 牛肉嘅鹹香亦都好配個粥 我自己都幾鍾意食 粥底亦都唔會話好稀 絕對夠飽！ 我男朋友就叫咗一碗魷魚粥 超級多魷魚🦑都幾surprise 雖然係病咗 ～ 但點可以錯過我喺粥店嘅最愛 炒麵 佢哋嘅炒麵好好食 😋 甜甜地 都比較乾身唔會超級油膩 👍🏻 之後我仲叫咗我最愛嘅炸兩 腸粉包住啲油炸鬼 真係yyds 👏🏻👏🏻 之後再落咗佢哋嘅甜豉油 （我個人比較鍾意甜豉油）🤙🏻 腸粉皮包住啲油炸鬼但係都唔會淋哂～ 食落去油炸鬼仲係脆脆的 好過癮 😍😍

叫咗蛋黃鹹肉粽，冇蛋黃，冇肉。成隻嘢得一片肥糕（我放咗喺旁邊）。諗住只係啲米飯同綠豆厚同多，食下食下終於到中間，乜都冇。。。i will never order this again.上次食蘿蔔糕都係得粉，所以今次唔會再食。不斷加價都算，叫蛋黃鹹肉粽都唔該加返一粒蛋黃丫。。。

有個女人服務員態度超級差，我企喺counter要買單，佢同個open kitchen廚師見我企喺度等掃咗我兩眼，仍然繼續傾計做其他嘢，正常等一陣無所謂，但佢哋不斷傾，手頭上啲嘢又唔見好緊急，正常見到我要買單都講聲嚟緊啦，佢哋兩個人都漠視我要買單，連錢都唔想收？咩待客態度？ 直到我行去廚房同佢哋講我要買單佢先過嚟，咩態度？叫咗碗豬潤粥，D豬潤勁鹹，粥太稀，就快食完時仲食到一細塊類似硬膠嘅嘢🤮🤮🤮非常差差差差嘅體驗，尤其是個女服務員態度非常非常寸，咁嘅質素，憑咩？ 唔想做生意就關門啦！

忠記粥品位於銅鑼灣同灣仔交界 近住鵝頸橋以前成日經過都未試過係銅鑼灣返工後有日口淡淡想食啖粥🥱諗極都諗唔到邊度有粥鋪🧐🧐係OpenRice一search 先發現銅鑼灣係得三四間粥鋪一間係海王 一間係米芝蓮貴價餐廳另外一間就係忠記粥品去到發現忠記粥品鋪頭外痴曬唔同色嘅紙寫住有善心人士支持佢地派粥比有需要人士👀做善事有錢出錢有力出力✨✨雖然話有善心人士贊助 鋪頭出力派粥都係值得讚揚嘅👏🏻👏🏻💪🏼「皮蛋瘦肉粥🔥」通常去間粥鋪第一樣試一定係皮蛋瘦😎😎Weee~~~ 呢間嘅皮蛋瘦都幾好食！首先粥底非常綿 ！✨✨🔥但並唔係用食物調理機打碎嘅米粒個隻粥底（咁做可以快速煲到啲粥好爛但會似BB糊仔🤢）啲粥仲係睇到一粒粒米粥底調味唔係淡茂茂病人粥 都唔重味精🧂皮蛋同肉絲份量都比得多～肉絲真係撕開咗一絲絲 即使係老人家都咬得到🙏🏼一啲都唔會韌「鮮蝦腸粉🦐」一打開外賣啲蝦仁已經跌曬出嚟😂啲腸粉皮比較厚實又唔係咁滑應該唔會再叫腸粉啦😶‍🌫️😶‍🌫️而且加埋個木製外賣叉 超難篤嚟食😂

近10年銅鑼灣已經少左好多粥舖，呢間都開左好耐，見價錢冇連鎖咁費就入去試，無論係堂食/外賣人流幾多，入座後點了豬紅粥配豉油皇炒麵：豬紅幾大舊，粥底幾綿，炒麵夠熱夠香，而且個醬油落得幾足，色水幾好，未食已經好香好惹味，加埋麻醬更正。服務態度親切有禮，主動埋黎落單，不過八遲通壞左其實可以大張紙貼門口通知食客或者落單時跟客人講，咁就唔使見一個講一次，食左咁耐聽到佢講左10幾次以上，而且客人埋單先知冇八遲通付款，又要浪漫時間拎現金，除左咁大致上都冇咩問題!!!

lunch來叫個外賣，外面都聚集了不少上班一族，證明都幾受歡迎！抵食夾大份，20-30蚊一樣嘢左右，自己一個人唔好叫咁多😂！粥底很綿但保留米粒，可以自己加錢加配料diy，新鮮熱辣。有生滾粥和即熟粥可以選擇，有好多款式，前者貴一些。之前叫過南瓜粥同生菜鯪魚球粥也不錯，牛利酥新鮮炸好，好味！豆漿好大枝，唔會話太甜。炸兩香脆，腸粉滑溜好吃！蝦米腸好多料，腸粉有米味！整體cp值很高👍🏻👍🏻👍🏻

今日打算跟另外四位同事一齊叫外賣返公司食。同事話忠記粥店時不時都會幫助弱勢社群，咁就不如今日幫襯吓啦。我哋經app落外賣單。喺平台度落咗單之後到咁上下時間先落去拎。同事們去到等咗一陣就有得拎喇。我哋五個人，叫咗一隻鹹肉糭，一支無糖豆漿，一碗鹹蛋瘦肉粥，一碗皮蛋瘦肉粥，一碗艇仔粥，一碗生滾豬腰粥，一條油炸鬼，一個煎堆同埋一條牛脷酥。無糖豆漿都濃，啱晒健康人士。我就食咗生滾豬腰粥，豬腰幾新鮮，同埋唔會煮得太熟,幾爽口。好味。煎堆同牛脷酥就正正常常。同事們話隻糭，皮蛋瘦肉粥，艇仔粥同埋鹹蛋瘦肉粥都幾好食的。油炸鬼我冇食，所以comment唔到喇。想喺銅鑼灣食輕食嘅話，忠記會係一個唔錯嘅選擇。（食完曬啲粥同小食先記得影相，所以淨係得返支豆漿可以影😅）

是日想清淡一下早午餐都食忠記粥品 位置唔難搵早餐蝦米腸+鹹蛋瘦肉粥$42蝦米腸好足料，有唔少嘅蔥同蝦米係入面，我自己再加左麻醬甜醬😋好味道鹹蛋瘦肉粥，有好多瘦肉🤭鹹蛋份量就較少午餐三餸一菜湯公仔麵$48我揀左鹹蛋，貢丸，芝士腸，冬瓜鹹蛋足一隻，貢丸有四粒，芝士腸有4-6條冬瓜份量都好多，啲餸好足料，另外仲有小小幾甜嘅紅蘿蔔粒🥕👍🏻不過個湯底味道就麻麻地 浸味有小小奇怪如果湯底可以改善下就更好了