忠記粥品 (立興大廈)

营业中

休息中

當多國飲食文化充斥香港大小商場和街頭巷尾，突然發現舊式粥店新開張，心中浮現似曾相識的感覺，要好好珍惜，所以兩個月內光顧了三次。話說回來，是母親率先吃過一次後，回來說好，我們才會跟著去。小店的室內佈置簡單，服務員態度友善。第一次去吃了魚片牛肉粥和齋腸粉，桌子上有芝麻、甜醬、花生醬、豉油和辣椒醬，除了辣椒醬，食腸粉我會落以上所有調味醬。粥底濃厚適中，配料夠多，腸粉也很滑，十分滿意。第二次去只吃了艇仔粥，配料包括碎牛肉、碎魷魚、花生和豬皮等，我覺得豬皮有點異味。第三次有親戚由外國返港渡假，她很喜歡吃地道粥品，這店地點方便，平民收費，於是一行四人再去光顧。我和媽媽同樣吃及底粥，AUNTIE和爸吃魚片碎牛粥，我們點多幾個小食分享，油炸鬼、炒麵、蝦米腸和齋腸，我們都覺得齋腸好吃過蝦米腸，因為粉皮更軟更滑。

香港地租金貴,,這店位於軒尼詩道大街上,賣的艇仔粥都只是$15.00,炒麵$7.00,真材實生滾粥,拍住生記咁多料咁大碗都係$22.00,及第粥幾好,粥底綿亦好厚,所以幾飽肚。豬瞤脆豬肚有趙頭粉腸鮮味,還有豬心及肉丸,通通新鮃好味!店內環境光猛整潔,還有部大電視,一面吃一面看新聞,再加上店員友善的招待,令人吃得很舒服,重要係平喎!!!

放工回家前，肚子竟然有少少空虛，想吃點東西。一路上有什麼好既野食呢，行到來灣仔的巴士站，就在旁邊有一間分店多多但一樣的古老簡陋的粥品店。門口的油器雖看得出不是新鮮炸起，但看得出不是擺了一整天沒人食沒人要的東西。要什麼好呢，牛脷酥吧，這傳統的中式炸點，我也許太耐未食過了。香口的南乳香味，夾帶少少甜味，這稱得上兒時愛吃的街邊食品之一，尤其是新鮮炸起，帶點脆，帶點熱，更是香味十足。是日的牛脷酥，雖然是凍了，但食落依然的香同脆，油味不重，可是嫌其南乳香未夠，甜味卻又突出了一點。不過，雖然是放了一段時間的，夠香脆已經是夠開心的，外脆，內腍，而且帶點綿，更是非常之好。油器，的確是香港100大美食之一。

無論夏天或冬天，白粥(6元)都係健康食品，用來做早餐就最o岩！忠記的白粥都好綿，個人認為唔落鹽都夠味！但如果覺得味道太寡，可以揀油炸鬼(6元)，食過2次，即使拎返去到公司，都仲脆仲暖，如果堂食就更正。同埋呢到個炒麵(7元)真係好大包，如果配埋個粥類做早餐，男士絕對夠飽！買2包炒麵做午餐都夠食。仲有腸粉(12元)都好好味，價錢跟茶樓的相若，2大條腸粉呢個價錢相當合理。12元 / 13元一個又飽、又抵食、又較健康的早餐，真係唔敢再奢求了。只希望忠記生意愈做愈好，毛利愈賺愈多之時，都可以保持呢個價同呢個份量！XD