忠孝東路

营业中

休息中

價$唔平，質數中下水平，失望。攰攰地諗住揾個地方坐下，叫咗鹵蛋同一杯烏龍茶｡｡ 隻蛋上枱嘅時候真係望左好耐。。心諗究竟叫唔叫佢換好，size 細到一個點，而且睇落去瘀瘀黑黑。。最後都係食咗 (好變態咁想試吓有幾差) 結果係完全同台灣小食冇任何關係，而且 28蚊有d過份。野飲等咗好耐，結果都係 全單盛惠 100 唯一好處係夠新，環境可以，坐咗係角落唔會太嘈，唔會趕你走，服務一般般啦 .. anyway.. 叫做俾咗次機會呢間嘢，係咁先!

之试了该店兩次，覺得他們的湯麵做得不错。面質弹牙，有口感。试過他們的黑胡椒雞絲湯拉面及排骨湯面，也值得推介。其中小食，炸蝦卷，皮薄脆脆的，其醬汁同蝦卷好夾，下次相信我會繼續幫襯

有一種味道叫快樂，但你喺呢度唔會食到。食物一般，沒有service ，唔會令你想食多D野嘅餐廳🥺 沒有台灣的味道，亦沒有台灣人的笑容。本來想大快朵頤，現在變成速食，再轉戰其他餐廳。

唔覺意去了尖沙咀某百貨公司感謝節掃貨，行完買完發現，要等一個鐘頭先可以拎貨品，唯有喺附近食下嘢，見到國際廣場呢間「忠孝東路」，改得個名咁台灣，顯示對自己嘅食物很有信心，於是一試睇下喺咪咁勁先。光顧當日周六晚上6點幾，食店有相當多的吉位，坐下看看菜單，見到有個二人套餐，即刻諗「啱晒！頭先買嘢已經睇到頭暈，叫個套餐唔使再煩食咩嘢！」二人套餐（$328，另收加一服務費）方面，有台式魷魚羹及酸辣湯（碗上，所以可以叫晒兩款）；冷拼盤四小碟，即花雕醉鮑魚、涼拌貓耳朵、香辣小黃瓜及芝麻雞絲粉皮；主食有香煎虱目魚腩、海蝦配翡翠苗及台式醬油炒飯；最後有甜品。先講四小碟，份量相當充足，花雕醉鮑魚有兩隻，切片上，花雕酒味重；貓耳朵及小黃瓜冇咩特別，唯一小黃瓜係幾辣；雞絲粉皮算令人失望，雞絲份量足，但肉質唔嫰滑，粉皮唔夠爽口。再講台式魷魚羹及酸辣湯，這亦是餐廳失誤位之一，因為湯品竟然要到主菜上埋時才到，感到莫名奇妙。味道方面，又係相當足料，魷魚羹內多魷魚，味道清淡易入口，筍味濃（但有人會不喜歡），酸辣湯就味道一般，多料。主食就有3款，亦有讚有彈， 「香煎虱目魚腩」魚腩煎得好香口，肉質亦嫰滑，呢款讚！ 至於「海

下午茶時間想找點輕食，剛巧見到忠孝東路，就突然想喝一杯台式珍珠奶茶。看了看門外的餐牌，仍有下午茶供應，價格大約五六十元，於是請待應帶位坐下。再細看一下餐牌，點了一份下午茶餐，包括一碗忠孝魯肉飯，飲品以半價點了一杯寶島珍珠奶茶。魯肉飯味道尚可，魯肉煮得夠，調味不錯，只嫌醬汁不夠，有點乾，所以剩下三份一碗白飯沒法吃完。因本來無意寫食評，所以沒有為魯肉飯拍照。但珍珠奶茶實在太難喝，實在忍不住要寫一下。本來跟餐可免費點熱的台式奶茶，但眼見鄰桌的奶茶顏色很淡很稀，很不吸引，以為加錢點的會好一點，這可是大錯特錯。這杯珍珠奶茶只有幾顆珍珠，奶味不夠濃，亦無茶味，每一口都是茶的苦澀味，實在令人非常失望，完全不是台灣珍珠奶茶的味道，最後只喝了兩口就放棄了！$69一個下午茶餐並不貴，但性價比實有太太太低，這樣的珍珠奶茶就算免費送也不想喝

係isquare 睇完戲，自然係商場搵食，五一黃金週呢個商場都冇淪陷，算係恩慰！說實話，比餐廳的一個大backdrop吸引進來的：有一種味道叫快樂！吃東西當然想享受下啦！餐牌style 也是行小清新路線！全店檯椅都係淺木色，可能新開，感覺很乾淨！👍🏻Good to have lunch set in weekend:鳳梨🍍黑醋骨配珍珠飯，set 可跟一個小食，點了炸菜鴨腎黑醋骨整得好好味，不太酸也不太甜十分開胃，份量也幾多！炸菜鴨腎則不過不失，quite 🌶 spicy 跟餐加了$14 upgrade 珍奶，估唔到幾有茶味，珍珠也有咬口感覺！黑魔 $33 連加一 $36.3 （lunch set 係唔駛加一的！）呢杯黑糖珍奶好敗筆沒有太多掛奶效果，更成杯都係奶，一點茶味也沒有。令原本這篇食評由笑臉只能變OK ~

20190504🌧️Saturday🌹今過星期都係落雨天，搵食只可以到商場地方，今日行遠D, 去到尖沙咀I-Square, 我平時去呢個商場都係買Match Latte 🍵及日本麵包🥖原來麵包店已關閉🤷‍♀️換來「忠孝東路」，2018年11月開業，店舖裝潢較文青氣息📝很適合慢活的我😎餐廳持意邀請台灣人氣文青風插畫家「欣蒂小姐（Miss Cyndi）」在餐廳牆身繪畫台灣文風光，餐廳門口有欣蒂小姐人形公仔。Ordered (1)金棗.青檸.桂花茶👍(2)忠孝魯肉飯🙅‍♀️(3）忠孝牛肉麵＝黑湯或白湯,黑湯底意思用熬咗8小時既牛骨湯，白湯係用雞骨豬骨熬成😋總括嚟講，帶點失望😪但係又有點驚喜🤭Bartender 有D 似大隻版鄭嘉穎💪💪💪

本來諗住 食台灣lunch,, 諗起呢間小店呢嘅滷肉飯同埋配台式奶茶，，，， 之前食過都係ok嘅, 所以就今次呢就是去其他嘅lunch set.但係真係唔知係咪我咁唔好彩只不過係點咗 酸醋骨 lunch set. 等咗半個小時先至上到菜仲要好明顯呢嗰日係我身邊+遲過我嚟到餐廳嘅, 都已經上曬菜仲要係同一碟但係我等極都冇好明顯當等到一點鐘肚餓到不得了嘅時候, 終於上到菜，咁真係滾水淥個咁樣食啦只能夠下次就係警惕自己趕時間既話呢，唔畀機會佢。

產檢完係isquare行下，幾次都經過忠孝東路，卻一直沒試，可能因為好的台灣餐廳選擇很多，平日返工都成日有食，便唔會係weekend特登選台灣鋪頭食野。不過今日實在想不到食麼野，便入來試下。和老公兩個人，選了兩份午市套餐，一個滷肉飯，一個三杯雞飯。套餐送餐前小食，選了青瓜和抄手。另外有送水果茶。如肉飯還算入味，三杯雞嘅部份略油，味道OK，只能算是一間還算可以嘅台灣餐廳，沒有閃光點，不過隨便食一餐都可以嘅鋪頭。

沒有時間去台北，唯有去「忠考東路」餐廳食個午餐😬因為已經快下午兩點多已經過了午餐時間，所以人不太多不用等位，我們本身想食下午茶可是見到午餐有包一款小食，所以就決定食午餐！我們各自叫了忠考魯肉飯+紅油龍抄手，忠孝牛肉湯麵+香茜蔥油拌豆腐，另外還有飲料，我們也是叫了生果茶！我們一見到食品外表好像普普通通，可是食了之後也挺不錯啊！而且店裡裝修也令人舒服，服務生也很好！

I-square近年的餐廳不斷轉，有些還未試過已經結業了，今天經過這裏看見有間台灣食店還未嘗試過，就進去嘗一嘗吧。食物的選擇挺多，也有不少特別的菜式。每次試一間新的台灣餐廳，我都會必點他們的魯肉飯，因為我覺得如果魯肉飯也做不好，就會大打折扣。這間餐廳的魯肉飯不錯，但是醬汁較少，顯得白飯比較乾身。而且在台灣吃的魯肉飯都是香氣撲鼻的，這碗則沒有。另外點了一客香酥排骨蛋炒飯，排骨較乾身，飯的份量也比較少。另外點了一個包心菜，配上蝦乾味道不錯，沒有什麼特別。這間餐廳即使是晚飯時間也不多人，是不用等位的選擇，食物質素就不過不失。

上周來了，點了三杯雞，份量大味道好，午市套餐有細份前菜及飲品，好有誠意，但因為掛住遠和同事傾談，忘了拍照，所以今天來補番數。這裹座無虚席因為午市套餐不用加一! 之前看食評說牛肉麵一般，今次試了，我覺得都有8分(十分滿分), 牛肉夠味但可以再稍為林d, 湯底夠熱味道不錯，不油又喝到点点酸菜調味但沒有見到酸菜在湯中，我最喜歡個麵，粗如筷子，仿手造，好有質感，十分開心。小吃叫了松露餃子，一粒配上湯，一放入口有豐富的松露味充滿口腔。套餐餐飲是熱豆浆，大大杯好喝。

同朋友諗住去呢間食個下午茶，佢話想食台灣野就試下，佢我確有好多唔同台灣特色野食，我見唔係好肚餓就試下叫個口水雞飯食下！正常一份口水雞最緊要有雞味，唔可以完全比佢既配汁掩蓋左，食落去第一啖都易入口同淋既，不過真係得雞味，其實汁就唔夠入味！不過都係好滑，我會建議要點醬汁先好食！之後講個紅油炒手，雖然我都覺得佢唔係好辣，但起碼入味個雞先環境唔算有特式，但都係舒服同唔會好嘈吵每人食左80蚊埋單

一行四人第一次光顧此店。點醉雞，香酥排骨蛋炒飯，雞絲烏冬櫻花蝦爆包心菜，麻油鷄絲撈麵，四杯水果茶，兩個甜品 (忠孝芋圓及麻糬窩夫）醉鷄，鷄嫩汁濃，但可再凍啲櫻花蝦爆包心菜必食，入味同炒得好香；櫻花蝦數量都不少 👍👍香酥排骨蛋炒飯，排骨冇骨，肉汁有保留，外層香脆，略嚴唔多蛋香炒飯，不過不失水果茶冇得走冰，只可少冰。 本身以為得浮面冰球，但佢另外再加左冰粒。其實走冰糖得唔得 🙄🙄🙄 個沙冰球幾多味，食落應該預先用水果汁雪起先👍👍👍不好甜的朋友宜點少冰，我覺得有啲甜到甜品，惡夢😫忠孝芋圓，完全唔知食緊咩。三粒紫色應該芋頭蓉，我冇食到，因為唔吸引。 而成碗嘢另有芒果冰，仙草，小丸子，同幾粒芋圓。一字記之曰:甜。 甜，好甜；而芋圓冇咩味。 其實都唔知食緊咩🤦🤦🤦麻糬窩夫配雲呢拿雪糕。如果佢係一個普通窩夫，值得讚，因為佢整得熱辣辣好脆。但佢稱有麻糬，我朋友都有一半有麻糬，偏偏我果舊幸運兒。。。。就應該得一粒仔麻糬🤦🤦🤦🤦 呢度嘢食有啲得，有啲好唔得... 要識得揀。不過就好坐同唔趕人走 (應該因為唔爆場😂😂)

看到新開的台灣菜，想想一定要嘗試一下，週末中午就去了，不用等位置，位置還算寬敞，點了滷肉飯，覺得一般，不算特別好吃，飲品味道也只是soso，還有雞絲粉皮，雞絲有點軟，芝麻醬太少，不推薦