影片
喺黄店沙漠——第一城，街市入面揾一间小食店；有少少赶时间，无去cafe，食住肠粉顶肚先。🥡『肠粉』$12/4条食肠粉，我只系会加豉油同辣酱；佢嘅辣酱唔系偏咸𠮶只，真系有辣味㗎🥳。【小编的话】➡️其实佢个舖头仲有车仔面、同其他小食，例如：鱼蛋、烧卖、粉果、粢饭、印尼捞面𠮶啲，但系因为小编赶时间，只系拣咗肠粉；下次有机会再嚟，可以试车仔面。📍 必食站 (沙田)沙田银城街1-2号置富第一城街市M02-M03号舖。好味指数：🌕🌕🌕🌕🌑回味指数：🌕🌕🌕🌕🌑
继续阅读
【沙田区】【必食站】虽然我住沙田，但平时反而真系好少喺返沙田食嘢。之前为咗朋友喺沙田学车嘅需要，创立咗 1am沙田学车 嘅系列，只不过唔好误会系我要喺沙田学车，我就暂时冇学车嘅打算，都仲系一条需要依赖公共交通工具出入嘅可怜虫。为咗街坊著想，之后我再创立咗 1am第一城 系列，应该都帮到吓手嘅，希望啦。其实第一城都几多嘢食，不过量多并不代表质优，大多数都系啲麻麻哋嘅嘢，而且个性价比都唔算好好𠮶只。但系我都系要讲，当做个交待。今次要讲嘅呢间系喺街市入面嘅车仔面档，好耐之前系有另一间雄据过第一城街市，不过之后入咗商场舖，就系美好快餐。咁而家喺第一城街市食呢啲嘢嘅，就系呢间「必食站」。我食咗两次，然后写呢个 post 同大家讲。第一次食系食「细肠粉三宝」有鱼蛋、烧卖各四粒同埋肠粉四条，咁样 $20嘅价钱诚然唔算贵，同 Snack Express 差唔多。味道上亦都冇可能要求得太高，功能上做到充饥嘅作用就得，今次我系觉得唔差，以街坊食堂嚟讲。第二次我就去咗食车仔面嘅「三𩠌面」，拣咗「粗面」先因为佢要时间煮，其他嘅鲜虾云呑、鱼肉、溏心蛋，加埋牛坑腩都系煮热就得，淋个「沙嗲汁」上去就 $42，加罐王老吉就变成 $49。始终咁多𩠌，要五草嘢都冇计。可能我本身唔中意车仔面，我觉得就认真麻麻，而且个云呑仲好似有少少酸粟，令到件事更加向坏𠮶方面发展。最大嘅亮点系啲鱼肉，佢系生菜鱼肉𠮶啲鲮鱼胶嚟，虽然都唔系话劲好食，但系喺一碗失望嘅面里面算系咁。。。（地址：沙田银城街1号置富第一城街市M2-3号舖）#1amfoodie #foodie #hkfoodie #thatfoodiething #food #1am0679 #foodies #globaleats #1ambackup #followforfollowback #love #eat #1am沙田区 #第一城 #1am第一城 #必食站 #快餐 #肠粉三宝 #鱼蛋 #烧卖 #肠粉 #车仔面 #三𩠌面 #粗面 #鲜虾云呑 #鱼肉 #溏心蛋 #牛坑腩 #沙嗲汁 #王老吉
继续阅读
收工好饿想吃车仔面，系附近揾到尼间车仔面仲未收档，叫左个三送，清汤鱿鱼鸡中翼鱼肉米粉。佢个鱼肉有dd弹牙，鸡中翼好够味，鱿鱼就正正常常，个汤系清甜，感觉冇味精，份量对于夜晚来讲就够了。自己加d葱同炸蒜非常nice。
继续阅读
返工附近有间车仔面系黄店，佢唔止系一间黄店，仲系一间性价比好高而且食物又好食嘅黄店。$30，3个𩠌包粉面，而且啲𩠌菜系不分类任拣，啱晒我呢啲食肉怪。佢有几个𩠌我都经常食，牛筋腩，猪颈肉，鸡扒等等都系我最爱。佢腌得非常之入味，而且牛筋腩亦都够林，猪颈肉好似烧过咁好食，鸡扒亦都够嫩滑。而且仲有好多种汤底可以拣，我通常都系辣汁加腩汁。呢间车仔面属于重口味系列，所以我有时候都觉得佢偏咸，但系好肯定嘅咁讲佢啲嘢食都好足味道。今次呢就试咗一碗经典车仔面。入面有成6个𩠌，都系最经典嘅𩠌例如猪红萝卜牛腩猪皮鱼蛋猪肠𠮶啲。猪肠出色地好食，卤水味重完全可以遮盖到猪𠮶阵肠嘅臭味。好搞笑🤣🤣老板问我要唔要落甜酱，我本能反应同佢讲咗我唔钟意食甜酱。点知老板好坚持咁同我讲，经典口味嘅车仔面就系要落甜酱。俾佢咁讲一讲，我即刻叫佢落嚟试吓。又出奇地估唔到几好食，唔系好食到甜酱浸味但系就好夹啦。🤣🤣🤣我唔识形容，但系就有啲似咖喱鱼蛋落咗甜酱嘅感觉？都几好食！
继续阅读
自己本身都好中意食车仔面，都可以话食过相当多间车仔面，点知搞咁耐原来咁近自己有一间好西！个汤底已经好正，自己中意食辣叫师傅加多啲辣，口味虽然重啲，但我依啲食到重口味嘅人真系觉得好正随即介绍左自己女朋友试下，女友试完都好认同系最正嘅车仔面老细你记得长做长有因为我真系好中意食
继续阅读