必勝客至Hot外送速遞 (非門市)

营业中

休息中

Pizza Hut 一直扺食，Pizza 好好味😋迷你千島海鮮必勝批：迷你千島海鮮必勝批（鬆厚批），🍕🍕🍕🍕意式迷你腸（3件）拼香脆薯條，七喜加配了啖啖貓山王迷你批（8球）（鬆厚批）貓山榴槤Pizza香滑濃味，啖啖榴連。🍕🍕 二重奏大批（鬆厚批，半超級至尊，半千島海鮮）pizza內脆外軟，餅底酥脆可口，搭配新鮮嘅蕃茄醬同埋芝士醬味道十分誘人，口感層次豐富，非常之適合同朋友或者屋企人一起分享。

最鐘意食pizza hut 🍕今次有「大芝級扭紋批」系列，有「SeaSea 鮮煙三文魚扭紋批」同埋「多多樂趣雞肉扭紋批」，以「大芝級」手藝炮製而成，扭紋批邊內有啖啖濃香芝，真係好好味😋

唔知係咪我太耐冇食過香港嘅Pizza Hut，嗌咗2個$59自選套餐再加$12有多2隻雞翼，1個葡汁蔬菜$55，total $185，2個人食非常夠食，好飽嗰隻，係送到嚟個盒爆開了，啲葡汁咇晒出嚟，同埋外送喺個app遲到扮準時到達，等多咗幾分鐘我先打電話去問，啱啱外賣員就敲門。

份量越來越少，價錢越來越貴既pizza hut,越來越唔抵食，4人餐，一個大批，兩個意粉/飯，兩個小食，4罐汽水，仲要有啲要加錢，雖然送餐快左，pizza熱辣辣，味道好食，但如果4個成人來講，真係唔夠食，尤其係個意粉/飯，又貴，份量真係少，希望改善下

Pizza Hut半價啊~🙋🏻‍♀️外賣自取1個批，外送速遞2個批或以上～落單時候輸入優惠碼「PH50」就有半價～ 因為有呢個優惠🤣呢排係禁嗌pizza 食😋一次過叫左3款Pizza 由於本人大愛🧀😂😋🤦🏻‍♀️好肥🍕千島海鮮 - 芝心批(大批) 個人一向最愛食呢款口味pizza 😋仲要加埋芝心批😁好好味🍕超級至尊 - 鬆厚批(普通批) 🤣呢款都係必食口味🙋🏻‍♀️🍕卡邦尼 -🧀芝脆批(普通批) 今次試下呢款批，🤣轉埋芝脆批勁多芝士😆但有小小油膩感😅🍝海鮮寬條麵 因為叫外賣攞到返來醬變到成Pat禁～賣相麻麻，同始終堂食好食D🧀芝士忌廉焗🥬菠菜 呢個比起寛條麵🥗俄羅斯沙律 (輕量裝) 🥤百事可樂

今日難得一家人放假留喺屋企，於是就去咗pizza hut叫咗個外賣， 我哋叫咗一個大pizza， 嗰個pizza叫意式風情芝心批另外加芝士， 除此之外我哋亦叫咗一客蒜蓉包同一個煙肉忌廉薯條試下味道。 個pizza賣相好吸引，個批底都幾厚， 配料亦都好豐富，有磨菇、煙肉、 火腿、菠蘿、 芝士， 食兩細塊已經飽曬！蒜蓉包個外皮唔係好硬軟硬適中， 蒜蓉味濃厚，係開飯嘅最佳配搭！啲薯條有埋煙肉味，令到味道更為濃郁！

🌚嗯⋯今晚晚餐，雖然四個人，但本來諗住揀三人套餐，但係出左呢個新口味，個「樣」吸引，米試試，so call四人餐、但仲少個主食（同三人餐比）亦貴多$30～👍外送服務好嘅、準時嘅、有交流嘅、有禮貌嘅、亦幫我開大門小食、主食、菜（無影相）都正常發揮，但個pizza🍕🍕🍕第一次，有人食淨，仲要淨1/3， 😅可想係幾唔啱食(可憐的我無wfh, 返工食多兩件）驚喜、新鮮感係有既，但唔想食第二次...第二件先啱

今晚去左北角嘅舖頭外賣自取左一個海上鮮芝味大批加 $1 芝士煙肉普通批，共 $209，等左差不多20分鐘才攞到。首先講下個海上鮮芝味批，冇乜海鮮，其實海鮮做餡嘅薄餅，真係吾系好夾，薄餅邊d波波，試左黑色松露波波，所以真係試過就算。至於加$1嘅芝士煙肉批，餡料豐富，正正常常，所以食 pizza 都係要叫返d傳統口味算啦！

岩岩個weekend 留左係屋企唔想出街，就透過網上叫外賣平台叫pizza hut，估唔到咁樣仲抵食👍🏻😚原來假日都可以外賣叫一人餐，主食可以揀一個迷你pizza/ 飯/意粉，仲包埋小食，飲品都係加~$7 個日就叫左個千島海鮮迷你批，賣相同味道同堂食差5多架👍🏻另外仲叫左香蒜肉絲意粉，味道都係一貫既水準小食既話係每個一人餐都有架，包香腸同薯格😋

四個女仔今晚係屋企打麻將，本來諗住打完出去食，但大家好賴，所以叫Pizza Hut外賣，咁樣可以繼續打，好耐有食Pizza Hut了，我點了個套餐$ 261，包括：雞至尊厚批因為是星期六，等左成個鐘先到。大家都好肚餓，Pizza到大家即刻好開心打開暴風式咁食，送到嚟都仲暖暖哋，但可能焗咗咁耐，個厚批淋咗，啲料都幾足，食一件都幾飽，好彩冇叫2個。蒲汁雞焗飯味道偏淡，一般啦。蒜容包蒜蓉醬好香，但個包都係淋咗。仲送咗兩罐汽水，價錢都算抵，如果唔駛等咁耐先到，可能食物質數會好啲。

間唔中都會叫pizza返屋企食．堂食成日都要等位．今次叫網上外賣平台仲有referral減60蚊添.計番平啲pizza依然保持質素．熱辣辣．其他嘢食都ok啦雞翼就最惹味

每隔兩三個月都會食一次，成日都有優惠，會員重可以儲分換免費野食，圖入面既普通批（圖二）都係積分換番黎，唔駛錢今次叫左個二至三人餐，次次都加芝心邊，好食好多，唔駛咁dry!但今次個至尊批焗得有啲過龍，好乾，唔太新鮮咁好彩個普通批又好新鮮好好味小食方面，基本上次次都有叫蝴蝶蝦，不論新唔新鮮都好好食，十分推薦一向鐘意叫pizza hut食，次次都唔衰得去邊，食物味道都有啲保証外賣送貨時間通常要一個鐘，想食要早一個鐘叫定😂

真係好耐好耐好耐都冇食過Pizza Hut啦🥺最近訂外賣突然好想食pizza🤔即刻諗起Pizza Hut就諗都冇諗訂咗個夏日風情普通批同埋兩個個人套餐🤪唔係講笑，咁耐冇食都唔知原來Pizza Hut可以咁抵😯我哋今次外賣自取，仲有一張coupon，加多$1就可以換多一個普通批🤯只要外賣自取叫滿$100就可以用呢張coupon🎟冇花冇假，真係咁抵🤩今次我哋兩個人食，叫咗兩個個人套餐加多個普通批真係超級超級飽🤰🏻雖然而家市面上越嚟越多唔同品牌嘅Pizza，但係我覺得Pizza Hut嘅Pizza永遠都係最好食嘅😋

突然又想食薄餅但都差不多十點，唯有看看必勝客外賣有沒有得買，竟然仲送就叫了，再用APP 登記有小食送再叫了一個二人餐，共二百一十元價錢貴少少但比較夜都可以送到都可接受，打去講約一小時到都幾準時，芝心批普通批至尊，芝心加了十九元，味道都幾濃芝士味又軟熟，至尊都多料，但比實在比心目中細，小食雞翼和腸仔各四件，不過雞翼味有點怪，腸仔就正常，蒜香煙肉意粉味道幾濃又香，熱度都可以，汽水二罐可選擇要邊款，最後就要了七喜，不過外賣同事差點找不到錢，下次再叫最好講用五百元比較好。

第一次叫pizza hut外賣，同第一次食芝心批。幾好，準時，保溫做得好。食物送黎半個鐘後先食，但個pizza仲係暖同埋芝士有拉絲效果。懶落街嫁話，下次會再叫。😂