必勝客至Hot外送速遞 (非門市)

营业中

休息中

近排成日落雨，所以都係喺屋企叫外賣算。 Pizza hut叫外賣好方便只需要喺apps度輸入地址然再揀嘢食就已經ok，所以我就叫咗pizza Hut。佢嘅送餐時間都幾準時，只係遲咗5分鐘到，可以接受🤣我叫左海鮮寬條面，芝士海鮮焗飯，鮮蝦珍珠帶子焗飯同原味+辣味雞翼as usual最鐘意都係佢嘅辣味雞翼。主食方面， 我本身唔係太重口味所以鐘意飯多過意粉因為佢少啲汁。總結：貪方便嘅不妨一試pizza hut嘅外面直送。如果你追求好味嘅食物，我建議你都係去返餐廳到食呀。始終都係即刻食好味d!意粉既汁覆蓋晒所有意粉，我覺得比較重口味。

今晚係屋企唔知食乜好，於是嗌咗Pizza Hut外賣。嗌左外賣後，雖然係平日，但都要等左多個一個鐘先送到黎。送到黎溫度唔係好keep到👎🏻-🥢超級至尊薄批因為溫度keep唔到，同埋好似擺左一段時間咁，所以個薄批都已經由脆去到硬硬地😐不過啲料係幾足嘅🥢辣味雞翼辣味做得唔錯，而且唔會話淨係個皮有味不過油左啲啲🥢海鮮闊條麵呢個真係唔多掂👎🏻所謂嘅海鮮又細粒又少汁唔夠，搞到個麵好乾👎🏻👎🏻👎🏻

今日中午起身好累唔想煮飯又唔想落街食，一於叫外賣返屋企食，剛剛見檯面有張外賣薄餅宣傳單張，想吓好耐冇食過，就叫d返來食吓先叫左兩個唔同味道既普通批、一個飯、一個意粉餐和雞翼。超級夏威夷鬆厚批（普通批）有辣肉腸、火腿、牛肉粒、菠蘿和香濃茄醬，咬入囗批底好鬆軟，好香茄醬味，辣肉腸味道鹹鹹辣辣好惹味。意式風情薄脆批（普通批）有豬肉粒、雞肉粒、火腿、蘑菇、菠蘿和千島醬，薄脆批入囗既感覺又唔同，咬落好脆冇厚批噤有飽肚感，可食多幾件，配料加埋個千島醬個味道配合得恰到好處。葡汁雞皇焗飯，葡汁幾好味，唔係好羶，雞件幾滑。香蒜肉絲意粉，聞有蒜香味，但食落好乾，冇乜醬汁，味道好淡，而且意粉好硬，呢個真係唔得。迷你腸拼薯格，係跟個香蒜肉絲意粉既個人餐，迷你腸外皮幾脆，味道幾好，薯格味道幾好，不過就腍左d唔脆。原味雞翼（4隻），入囗味道幾好，雞肉幾嫩滑。呢餐需然唔算平，食物又唔係樣樣好食，不過不失。

不嬲對Pizza Hut外賣都冇乜要求㗎啦。通常都係懶嘅時候求其叫過外賣填飽個肚嘅啫！$400唔使食飽六個人，價錢都算係咁啦。新出嘅芝心扭扭批，都幾好食，個批邊都有芝士，啱晒我呢啲芝士控！肉丸好好食，蒜蓉包係Pizza Hut必點嘅，雖然送到黎已經唔脆，但係都可以接受啦！海鮮闊條麵係我由細到大都會叫嘅，細細個食嘅時候佢好好味架，之後就越嚟越差，啲闊條麵諗到一坺嘢咁，啲醬汁仲越嚟越乾。雖然每次都好失望，但每次都會叫。今次終於有改善，本來真係好開心。點知飲到個湯嘅時候....啲湯變質，臭嘅...我即時打去鬧佢。最後我換咗汽水要七喜，但送來變咗可樂。算啦！以後外賣都係飲汽水好過！

今日懶得出門口食飯，又係中秋節正日，4點半就電話預約定7點外賣速遞，但6點35，電單車外賣員已經送上門，但係漏單 ，因為叫咗半隻香草燒烤春雞，係後加嘅，但係都係提前兩小時(5點鐘打過去後加)，唔知點解都可以漏單，之後電單車外賣員通知會有另一位外賣員送上半隻燒雞，叫我們耐心等候，最後等了半小時 ，都係由同一位電單車外賣員送嗰半隻燒雞上門，慶幸嘅係，隻燒雞仲係熱嘅。而pizza、湯、意粉送到嚟嘅時候都仲係熱嘅，芝心批的確好食，雖然要加錢，但下次都會再叫。希望做得好啲，唔會再出現漏單嘅情況，因為聽電話嗰位職員有口音同埋記性比較差

今日朋友嚟屋企玩，五個女仔叫咗一個四人餐。12點幾上網order,預訂2:15嚟到。大約2:15到左，十分準時，送貨員都好好禮貌，我宜家先知原來速遞都可以簽卡個四人餐入面有一個大pizza，一個意粉，一個飯，一個小食，同埋一支可樂而家買滿$280仲會送薯蓉一下四個女仔來講，份量一般般，剛剛食得飽個Pizza幾好食，意粉有啲乾，其他都不錯

朋友新居入伙，特地上去慶祝一番，我地人少少，叫左少少野食上黎一邊食一邊玩海鮮Pizza意外來到竟然是有一條蟹柳所以叫海鮮Pizza，味道不算差，但不談不上是很好吃，面頭亦多了幾粒車厘茄、菠蘿等等其他小食拼盤如脆皮腸、雞翼、豬肋骨、薯格都好吃，是略嫌薯格已經不脆，變林了另外還有葡汁雞皇意粉和薯蓉，蒲汁雞皇意汁不會太乾，但味道偏淡，吃著有點悶薯蓉就非常好吃，除了有少少煙肉碎，中間也是非常Creamy，薯蓉打得非常滑身，沒有粒粒，好吃！

同朋友一齊house gathering， 最方便唔使諗又好食嘅選擇一定係pizza Hut， 落order到送達只係需要一個鐘頭內， 真係最正嘅選擇! 啱曬我哋呢啲懶人啦！今次用恆生信用卡優惠價$355， 就叫咗一個風味bbq醬烤四至五人套餐， 追加優惠28蚊已經可以食到酥脆蝴蝶蝦8件套餐入面包一個bbq醬烤雞大批， 指定意粉兩客， 雞翼， 春捲， 葡汁焗蔬菜， 四碗蘑菇忌廉 雞湯！第一次試酥脆蝴蝶蝦， 送到嚟嘅時候肉質都保持新鮮，Pizza大批五個人都食唔曬， 濃濃嘅芝士味 雞翼就一定冇得輸，每一次都好好味！ 佢哋嘅意粉同埋忌廉雞湯都保持咗一定嘅水準! 咁多年都冇變

前排睇電視比Pizza Hut嘅廣告吸引着 所以前幾日趁着兩姊妹係屋企 就決定嗌pizza食👅我哋叫咗個🤤🍕豐味BBQ醬烤2-3人套餐🍕🍕BBQ醬烤手撕牛 (普通批)👍🏻一開始打開個盒 見到冇乜料咁 同廣告相差得有啲遠 真係有啲失望🙍🏿點知一咬落去就知道錯怪左佢😂因為啲 菠蘿 牛肉 蘑菇 煙肉 車厘茄全部都係比啲芝士蓋住🤤食落係真係幾足料 啲菠蘿好甜 同牛肉煙肉夾得好好 仲有上面嗰啲忌廉芝士好香👅我直情將啲芝士整爛搽滿成個pizza😛真係好豐富豐味😏最正係唔使加錢 佢嗰邊已經係芝心批嚟😍鍾意食芝士同Pizza嘅人唔可以錯過🤣🍖辣味雞翼拼脆薯格 🤙🏻雞翼食落去幾香幾惹味😋但係真係幾辣😣唔食得辣嘅就唔好嗌啦😂暑格就有啲失望😞因爲係非常之淋同凍哂🙈不過外賣都預咗㗎啦😅🥗車厘茄薯仔沙律👍🏻係叫外賣嘅沙律來講已經算唔錯 幾足料又唔會真係得生菜 同埋個薯仔沙律係幾好味嘅😂🐷: 對於兩個女仔嚟講 呢個餐都真係幾多 去到最後 我哋都係食唔晒 食淨兩塊Pizza同埋雞翼 留返第二朝早餐🤣🙈🔅埋單$230 有機會第日都會encore嘅😛

小時候間中會跟家人去食薄餅長大了後都沒怎去了多年後的今天才發現原來Pizza Hut有專送外賣部炎夏之中這次必要跟老闆呆在冷氣底下好好享受這服務忙碌之中已忘了自己點了餐外送員突然出現喚起了在下的暫時失憶收到了後先繼續把工作做完再享用結果就是跟以往一樣去食的時候已經沒了點哈哈辛苦了，先食吧由於第一次就算被食過沒巾很美觀在下也好想要分享這回我們點了個J5 千島海鮮厚批好迷你好可愛而且麻雀雖小 五臟俱全不同的海鮮加上千島醬汁就這一刻覺得自己好幸福啊~~配K1迷你腸拼薯格加了5大元有一碗忌廉雞湯雖然沒雞肉但有雞味在下也心感滿足濃濃的忌廉在口腔裡不停徘徊自動回味回味再回味太過份了一份外賣怎可能好食到這個地步。。。。。別忘了另外單點了個T0 拿玻里肉丸經過跟老闆一起研究過後他是什麼肉依然是一個謎像豬又像雞這下子我們真的食醉了不過是什麼都沒關係好食物讓人開心這才是最重要的埋單成為$119飯氣攻心。。。。。。。。。。。

放假約咗朋友同埋啲小朋友嚟我屋企玩， 好攰費事煮，決定叫外賣。問大家想食乜，第一時間就話 'pizza Hut'， pizza hut嘅廣告真係好成功 。開app睇下有乜嘢食 ， 結果揀咗個4至5人套餐，透過app落埋order、俾埋卡，好方便。叫完嘢食，我哋落咗去平台繼續玩，直到見到外賣哥哥送貨，我哋先返上屋企食嘢。套餐包括:烤肉堡壘 - 芝脆堡壘批(大批) x 1 ~ 呢隻芝士味比較 濃味千層肉醬闊麵 x 1 意式雞皇飯 x 1 原味雞翼拼脆薯格 x 1 ~ 薯格一嚟就畀轉眼掃清醬燒豬仔骨四式拼盤-原味雞翼 x 1 ~豬仔骨都幾多肉白汁煙肉薯蓉 - free x 1 ~ 有啲乾麻麻地百事可樂 -罐裝 x 4

打左成半個鐘電話都係線路繁忙！如果只係打一兩次吾聽都算。。。打左甘耐都冇人聽，係想點？啲野食永遠送到黎都凍哂，啲雞翼愈黎會細隻！坦白講，真心愈黎愈低質。。。。如果要用甘既錢食啲甘既野。。我寧願吾食！完

大家都知嗌外賣一定比堂食差一截，不論係味道，批嘅口感等等，但收到pizza個陣實在唔明點解好似比以往食的大批細個左。半邊pizza仲要突左出黎，究竟pizza發生過咩事？除開呢樣呢講味道方面，水準一如往常的好，大家都食到停唔到，唔夠分咁濟。而呢個鬆厚批好鬆軟得黎又唔會太淋 pat pat。海鮮至尊 (千島醬)大批。配料都幾足，有精選海鮮、珍珠帶子、大蝦、蜆肉、菠蘿、青椒、紅椒、紅洋蔥、黑橄欖、千島醬底。

當晚七點半，我上網訂外賣速遞，原本網頁話個半鐘可送到，於是我就訂了，付了款。點知，在我完成付款程序後，收到確認的信息居然話22:53前送到！我真係嚇左一跳！我餐晚餐要差不多十一點才有得食？有無搞錯！我訂的時候明明見到個半小時內送我才付款的！於是我便打去有關分店，佢話係呀，今晚好多單，我地會三個小時內送到。。。。吓！你不如話十個小時內送到啦！講多D呀嘛！最後，差不多兩個鐘後才送到。我家人已餓到無野好講喇。。。好彩食物都熱辣辣，甘都無甘嬲。不過，以後都唔想再叫呢間外賣速遞囉！

沙田石門站有一間pizza hut外送速遞店，可外賣自取或外賣速遞。點了雙脆星芝批的2-3人套餐，包括海洋裡星批、8件酥脆蝴蝶蝦，和蘑菇忌廉雞湯。在電話訂餐後選儘快送到，要等候的時間比想像中短，而且食物也是熱騰騰的。海洋之星的配料有大蝦、珍珠帶子、辣肉腸等。有莫扎里拉芝士和脆皮香腸雙脆邊，味道有驚喜。忌廉湯較以前的稀了一點，但味道也是濃郁的。蝴蝶蝦其實是蝦多士，炸得鬆脆， 點上沙津醬後，味道更有層次。