必勝客 (和宜商場)

营业中

休息中

超級至尊係首選，食咗幾十年，不過未試過咁難食，特濃茄膏底Pizza超級難食。BBQ雞翼完全冇味，滑sansan, 估唔到一樣咁難食，果然便嘢冇好嘢以前係Pizza Hut粉絲，今次令我改觀⋯⋯🤦‍♀️🤦‍♀️咁嘅嘢都比人食，相信個廚師都唔敢放入口，簡直浪費金錢😱😱😱😱😰😰😰😰😰🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️

好耐無食Pizza，口痕去食～呢間中午唔算太多人，叫餐好快都到。好快到係蘑菇湯，唔知點解我覺得Pizza Hut嘅蘑菇湯係有少少鹹～跟住就係我至愛嘅千島海鮮pizza，嗌咗芝趣批，好多芝士好鬼正！我係一個芝士迷！！！哈哈😆好快就到齊三樣嘢，雖然個意粉好食，但係因為環境關係，舖頭嘅冷氣好大風，3、4分鐘之後個意粉已經吹到凍哂，我哋已經食得好快，但個意粉凍得仲快過我地食🥲🥲去到尾個幾啖好似食緊凍意粉咁🥲🥲

唔想俾外賣公司賺，附近餐廳又無乜選擇，見pizza hut 單點外賣自取有折，所以選pizza hut。見有新批，試下。5個人，叫了鏞記飛天燒鵝批(厚批、芝心)、 千島海鮮薄脆批、8隻雞翼和一份肉丸。低估了大家的食量，係唔夠飽，應該要叫多個普通批。食過 Pizza Hut 可能都有呢過想法，飯麵可免則免，批就好了，但未免太寡，所以點多2個小食。無諗過今次都中大伏。飛天燒鵝批係暫時食過最伏既批。我從來都無諗過食pizza 係要𦧲骨！ 完全超越我既底線！ 燒鵝份量少得可憐，個批$218，我買個例牌燒鵝，再買個芝士包返黎，自己夾埋一齊食都無咁嬲。千島醬海鮮至尊，個廚司又係高手，分左7份，係7份。有冇咁高手，就咁用刀界4刀就8份啦，有冇界得咁hea呀，俾d力啦師傅...以pizza 專門店黎講，實在太離譜！

黃金海鮮，千島海鮮，火辣滋味買一送一優惠沒有火辣滋味。千島海鮮太咸了太咸了太咸了太咸了太咸了......新批的蝦很好。買一送一還要付$20附加費，這是什麼操作。

好少叫外賣速遞，除咗一樣就係Pizza，今次真係貪佢個樣幾有趣，四隻顏色圓波波先叫黎食😚😚～～～4色芝味爆爆批～～～（4人餐）4色‘芝’味顧名思義有四種顏色嘅芝心波波，味道分別為：紅色～～～香草蕃茄🍅味冇咩芝士🧀味但蕃茄🍅味濃黃色～～～牛油🧈忌廉味呢個芝士🧀味最濃，牛油🧈味亦都香口綠色～～～墨西哥🇲🇽辣椒🌶粟米片味辣味好少，食得出有粟米片味😅😅黑色～～～黑松露牛油🧈味呢個最好味😋😋，黑松露味超出😍😍批內嘅就係雞肉同牛肉粒，正正常常😌😌～～～焗肉醬長通粉～～～肉醬粒夠多，蕃茄🍅嘅酸甜味亦做得出色🤗🤗～～～忌廉雞湯～～～忌廉味重，但略嫌鹹咗啲😕😕～～～海鮮闊條麵～～～當日食唔晒嘅梗係留返第二日嘅中午啦，用微波爐叮反黎食都一樣咁好味😜😜

今晚係party room開聖誕派對，叫左pizza hut開餐。我地叫左個6人大批套餐：超級至尊(芝脆大批)，超級夏威夷(大批)，香蒜肉絲意粉，千層肉醬闊麵，辣味雞翼，蒜蓉包，蘑菇忌廉雞湯，再叫多個海鮮LAVA熱 (大批)。Pizza hut好適合大班人食，所有野食保持佢一向既水準。新批海鮮LAVA唔係厚批，但個批邊有好多芝士。可惜佢早左成三個字送到，等得人齊，都凍晒，準時送貨服務要改善。同場加映麥當勞麥炸雞6件桶。

聖誕前既最後一日上班日，梗係要黎返個平安 Pizza 先平安嘛。夾埋同事一齊 order 左 pizza-hut 試佢最新出既熔岩 pizza 賣相係靚既，同相片落差唔算大，芝士的確會比普通既 pizza 多 d 既，不過味道就一般一般，無驚喜，整體我地都覺得平日既 pizza 好味 d 再黎一個厚底二重奏大批，半邊係千島海鮮，半邊係意式風情真心覺得呢種批既味道好過新出既熔岩批。呢種批係正常發揮水平既味道！酥脆蝴蝶蝦味道唔錯，不過比較細隻。薯蓉份量就比較細，味道尚可葡汁蔬菜味道都 ok , 蒜香意粉個質地非常乾身total 7 個人食，折後 $697 都 ok 既。聖誕前夕除左會員既9折外，係乜野既優惠都唔畀用，好 sad 而且因為好多單，所以 order 左之後要等一個半鐘先有拎同埋電話落 order 個接線員好怪，order 既野成日都聽錯，會員號碼都聽錯，然後又好慢好慢，order 要重復講兩三次，唔知點咁，最後我地好擔心佢會落錯單，最後好彩無。

諗住食個快飯，食連鎖店好似比較穩陣，點知啲野食有啲熱有啲唔熱，好似叮返熱，但又未叮熱曬咁。咖哩雞飯，只係雞好熱，飯同汁都唔熱🤔 雞皮有小小脆，應該係即整的，但其他就可能一早整好，擺左一段時間，但無完全翻熱。蒜香肉丸長通粉，肉丸同個汁係熱的，長通粉唔熱的。仲要除左肉丸之外都無味，個汁竟然無味，要落Tabasco 先食得落。呢間pizzahut 係自助形式，碗碟有啲即棄，有啲唔係。想share的話，有機會要用一隻紙碟配一隻鐵叉。😬

喺附近洗完衫入嚟pizza hut睇吓食咩好之前見到電視廣告話有下午茶餐咁啱下午茶餐有我最鐘意食嘅香蒜肉絲意粉而家有得加錢要多款小食本身諗住加多$15蚊要雞翼,點知俾我見到有個雞翼脆皮腸拼盤,加多少少錢就多2隻雞翼同脆皮腸,梗係要呢個啦我仲用咗會員優惠有折嗌咗香蒜肉絲意粉,忌廉湯同雞翼拼脆皮腸上菜都好快,一坐底就碗湯飲住先香蒜肉絲意粉keep到水準,好好食,好快就俾我清曬雞翼同脆皮腸都好食,雞翼煮得好入味,不過就淋咗少少

好耐冇食過PIZZA HUT, 好想好想食. 之前係呢間食過一人PIZZA LUNCH餐覺得好味, 但點解而家PIZZA HUT 可以難食到咁?首先換左唔係成個鑊攞出黎, 係用隻碟裝住,比我感覺跟本唔係即刻做, 個PIZZA係又唔香,又唔脆, 簡直係好似翻焗咁!!!!!明白LUNCH TIME未必可以即刻做,(等左我25分鐘),但都唔係HEA到咁…….之前成個鑊上係好好味架!!!本來有最低工資係好事, 但自從有左呢樣野,D食市唔敢加價就會降低食物質素,你唸下若果你返ㄧ粒鐘先有$50, 但原來係比舊磗你食, 做香港人可以惨到咁!!哎唷, 真係好難食的PIZZA!!!!!!!!以後冇下次!!!!

今晚往朋友家聚舊， 又不想外出吃飯，便叫了pizza hut 外賣，用手機點幾下便辦妥，實在方便。選了「星級香烤套餐」，有普通批一個，加烤焗豬手拼薯蓉雜菜。怕不夠飽肚，再另加一個香蒜肉絲意粉。超級夏威夷薄批、香蒜肉絲意粉都不過不失，一貫pizza hut 的水準。烤焗豬手、薯蓉雜菜這個烤焗豬手值得讚，肉非常腍，味道很好，不會過咸，皮也很香，有驚喜👍薯蓉雜菜有少許西蘭花和青豆，薯蓉味道稍淡。由於過了$280， 所以免費贈送白汁煙肉薯蓉，薯蓉味道也是稍淡了一點。不過免費送的也不錯。

相信一講「必勝客」大家都唔會陌生，環境、食乜唔使小弟多介紹，但「必勝小館」又有幾多人見過？返完老婆教會，本來打算食泰式粉麵，但佢話想食薄餅，就嚟到依間外表跟其他「必勝客」一模一樣嘅小館。點解會稱之為小館，因為，入到去你會發覺格局有少少似Oliver's Sandwich一類輕食咖啡店咁，有少量梳化椅，配合型格嘅天花燈，環境唔錯，感覺舒適。此外，點餐就最明顯跟其他必勝客唔同，雖然有餐牌，但外面一大個水牌列晒所有食物款式，客人喺需要出櫃面點餐，取號碼牌再返埋位等店員送上，屬半自助形式，故餐具、調味、清水……等都喺要自己動手動腳搞掂，換嚟嘅就喺無加一服務費。仲有一處露出佢喺定位為「小館」嘅特性，就喺主餐牌左上角印有「bistro Pizza Hut」字樣。翻翻餐牌，都喺耳熟能詳嘅多人套餐，以及最新推出嘅套餐。而另一個餐牌，就喺啲一人份嘅套餐選擇，有經典款式、有迷你批……等等，亦有其他散點食物，如窩夫、小食、甜點之類，但整體款式跟去開嘅必勝客喺有啲唔同。如必勝客一貫作風，提供多種加配優惠，所以，我哋都加配一客香梨撻試試。燴大蝦蜆肉飯 $44話時話，依款飯我哋有時都會晌屋企自己煮，難度唔高，所以

從來香港人吃西餐，一般人是追求美而廉；因此當年有餐廳名為美而廉，把堅離地的西餐廳拉回地面，十分受歡迎。現此店已被潮流淹沒，因很多中式食店比西餐廳更貴。現時美而廉的西餐廳，論廉是薩莉亞，論美是此店。環境清雅 ，光猛潔淨，是談天寫文的好地方。在此期下午茶餐之中，選了炸魚拼盤，有魚柳，薯條，焗薯茸。食物上檯時，才想起似是吃英國炸魚薯條餐。粗薯條是的喜歡的呎碼，炸得不乾，咬開有濕的感覺。魚柳，薯茸水準一如以往般穩定。因是金會員，有積分儲，實際上只費30元，比茶餐廳，茶樓更平。