必勝客 (海源中心) (已結業)

某同事有渣打信用卡，今日lunch便柯打pizza食。由於有成七個人，所以我哋柯打咗好多嘢食，有大蝦沙律脆邊批套餐（信用卡六折優惠）- 大蝦沙律脆邊批（有蝦大大隻、菠蘿、紅蘿蔔、杏仁同大量芝士及沙律等，肥死人，個人認為一般啫，所謂既脆邊批其實唔係咁脆，味道都係麻麻哋，但有同事覺得好味）、香蒜肉絲意粉、球迷小食格格拼（魚塊炸成星星形狀及炸魷魚圈加甜酸辣汁），再另加秘製雞搥、芝士海鮮焗飯、意式千層肉醬闊麵、蒜蓉包、葡汁田園蔬菜及蘑菇忌廉雞湯四客。仲有意式迷你肉腸係送既。個人認為以上既食物無一樣係好食既，尤其係個意粉（意粉太乾，無味）、焗飯（無芝士味）及千層闊麵（以為係肉醬薯茸），完全唔掂，差過茶餐廳。堂食真係會好食好多！

同朋友仔叫左個超級至尊普通批(芝心)，2個tea set:蒜蓉飽,葡汁雞皇意粉,2杯凍朱力。芝心依然咁好食，而且個批夠曬熱，好好味，之但係我又發覺凍左既芝心部份會較有芝士味。葡汁雞皇意粉好多汁，啱曬我，因為我唔係太鍾意乾爭爭既麵。可惜，久違了既蒜蓉飽已經無以前咁多牛油同埋無左蒜蓉味。我明白而家d人講求健康，但好多人黎pizza hut食蒜蓉飽都係為左果種香噴噴，可以令人食到滿嘴油既感覺。另外果2杯朱力都唔係幾夠味，搞到我好掛住godiva既chocolixir!!多謝朋友仔請我食呢餐~*

同翠茜姐黎呢度食lunch，我叫烤雞田園沙律歐陸午餐($29)，要凍朱力，再加$8選酥皮蘑菇忌廉雞湯。翠茜姐就叫海鮮寬條麵($51)，要蘑菇忌廉雞湯，另加$2要黑牛。味道過得去，但服務麻麻，大部分侍應都行動「迅速」，個頭雖然轉黎轉去，應該是看看有無客人舉手示意，但結果就是快到甚麼都看不到。無水，舉手要求加水無人理;要辣椒汁，舉手都係無人理;除左埋單，先至有人理...by the way，入面有個叫阿MAN既侍應服務幾好，有任何要求都會立即做，相反有個別男侍應就只懂得叫客人"等等/一陣就黎"

被某信用咭的推廣吸引來到必勝客午膳兩人分享了一個特吸帶子芝味套餐特飲每人一杯分別是薄菏浮冰及柚子冰茶但絶不好飲兩客海皇湯足料味道濃大蝦雞尾杯二客用料新鮮但沙律醬比較少閃亮帶子芝脆普通批好味帶子是我的"飛化" 芝脆批設計令以往硬生生又難食的批邊變得好味至尊大蝦意粉用料較少味道普通瑞士雞翼不明為何叫此名無瑞士汁一點都不甜與普通豉油雞翼無異忌廉泡芙冷冰冰硬生生整個餐最難吃的每人消費約$110 這麼多度菜的套餐可算便宜服務及清潔都算滿意

除左和同事食晏，好少會幫襯pizza hut。今次試左新的蟹腳pizza，個邊係脆既，不過我始終喜歡傳統薄pizza。小食一定有雞翼，個所謂ribs就認真麻麻。幾樣意粉和飯都係一般，有啲仲要焗到好乾。