必勝客 (海源中心) (已結業)

lunch去食必勝客，叫左焗三文魚帶子意粉，意粉熱騰騰出枱係非常好食，可惜我要係10分鐘內食晒，無辦法細味。因為由落order到出餐，用左35分鐘以上，其間問左一次員工，態度不願置評（明白人手唔夠又係繁忙時間，實無好面色）。諗住QR落單，會令成個用餐時間合理d,起碼唔洗浪費人手每枱落單，但。。。係我太天真了。倒緊意粉入口時，就明白離隔枱點解坐左15分鐘就起身走（餐都無點）,真係後悔點解我仲坐係度呆呆地等～～～如果我唔洗趕住返寫字樓做社畜，又大把時間嘥既，我一定會再去（食物正常）。不過時間寶貴既大家，請三思🙏…查看更多

跟舊同學晚餐，要搵餐廳。看到這個買一送一的優惠，所以在此癲拿。平日晚市，客人不多，於卡位就坐後，就要做最重要的事：點菜。點了一長通粉一飯一雞翼，就要開始吹水。香辣雞翼 想食肉，特地加碟雞翼。食雞翼要有儀態，剔除二條中骨後，可以一口品嚐啖啖肉。秘製葡汁烤雞焗飯 同學係飯桶，有飯才可飽肚。芝士菠菜蘑菇長通粉  本來想點海鮮寬條麵，但同學想點74蚊雞飯。為了用盡買一送一優惠，所以選擇另一最愛長通粉，價格接近雞飯。而且長通粉混有菠菜，感覺健康。芝士creamy，長通粉煙韌有咬口，慢慢食，真係坐足成晚，吹足成晚。…查看更多

Pizza Hut星期一買一送一，等咗一陣先入座，坐窗口位，叫咗海鮮寬條麵$94，等咗15分鐘先有，熱辣辣都好食😋，不過冇湯冇嘢飲。另外叫咗個至尊Pizza一人餐（$74），有忌廉雞湯，凍飲🥤凍朱古力🍫加$8。皓多人等位，但入面有吉枱，應該係唔夠侍應。…查看更多

最近天氣突然變冷了很多❄️天冷的時候就特別想吃芝士火鍋🫕Pizza Hut在今個冬天同樣推出了芝心鍋💛更有多款配料和精選升級優惠，適合與家人和朋友聚餐.ᐟ⧐ 星級芝士圍爐 HK$279起 ⧏芝士火鍋配料非常豐富，共有9款精選配料：帆立貝🐚大蝦🦐香脆雞粒🐥冰火Cream Cheese🧀香草烤大啡菇🍄西蘭花🥦車厘茄🍅長通粉🍝法包粒🥖+$20升級 黑松露菌芝士醬🧀+$30額外追加煙三文魚🐟滿滿的黑松露香氣撲鼻而來，芝士味道濃郁✨配上豐富的材料絕對是極致奢華的享受.ᐟ.ᐟ全新的冰火Cream Cheese又冷又暖口感特別🔥空心的長通粉沾到芝士醬後盛載大量幼滑芝士～還有大量蔬菜和海鮮，十分滿足🧡凡惠顧指定套餐或餐點，可以+$189追加 星級芝士圍爐 或+$99追加 暖笠笠芝士圍爐今個冬天，有Pizza Hut陪你渡過暖笠笠的芝味時光～…查看更多

最近好想食pizza，平時覺得pizza hut算係貴野，所以都好少食。不過咁啱見到pizza hut 既下午茶餐去到6:00pm，見平平地有pizza餐，實在難得，於是就食下。問心Pizza Hut既pizza係我覺得好食既，只係平時覺得一食就一大個要一班人先食到，而且都少少貴所以唔捨得食。下午茶餐平平地有個pizza仔，岩晒我人少少。至尊迷你必勝批 $50細細個pizza仔但一啲都唔會馬虎，都好多料，厚底外脆內軟，就係pizza hut既味道卡邦尼煙肉意粉 $58雖然好中意pizza，但都好中意卡邦尼意粉，心思思就叫左，個意粉汁比較多，少少似湯意粉，味道好濃，呢個價錢真心唔錯另外跟餐加左原味同辣味雞翼 $12/2隻雞翼好juicy好正，下次都要再加…查看更多

朋友有生日假期，當然一齊慶生日，大家分享近況、深層的渴望和需求，透過了解，給予正能量、互相支持！隨心而發，步入pizza hut ，座位寬敞舒適，食物美味，3人叫咗4個餐，因為買二送一嘅優惠，價格合理，下次再有機會，再選擇這店傾計…查看更多

晏就想食pizza，又想平平地，就試下pizzahut 既下午茶餐，真係好抵，又好食，亦多選擇，幾個包款，一定布你中意食既，價錢平之餘，又有飲品，仲要份量都唔少，完全可以等於一個正餐…查看更多

呢間Pizza Hut，幫襯左你10年有多，水準keep到，平時晏晝零食要排好耐，但係而家疫情期間，真係少咗好多人，不過我都會keep住兩個禮拜來一次！因為真係太鍾意食Pizza啦🤛🏻同埋都好有感情❤️…查看更多

這裡2個人都可以訂檯，比左張窗邊卡位檯。人客係多但相信中午都可以Walkin 搵到位。員工會提醒客人會問定你有無yuu 或Pizza hut會員，優惠之類。午餐由$49加一起跳，但Portion相對比較細。忌廉雞湯有雞粒；但沒有附上🍞的。意粉就相當普通。加了$10 有2隻燒雞翼熱辣辣好味；再加$10 要窩夫朱古力醬，只得1/4 塊🧇，醬非常少。奶茶好飲員工係非常積極，但始終公司人手不足，煮好餐都無人送餐，所以D餐溫度會比較溫暖。建議趕時間就不要繁忙時間去食；否則都係一個可以舒適可以hea 的餐廳。:)…查看更多

獨自一個食下午茶，芝士焗薯粒雞肉飯，熱辣辣上枱，味道幾好，不過薯粒未煮熟，太生，太爽。離開時差點滑倒地上，當日有下雨，門口外地面有幾點水，職員看到即刻拉地氊。Pizza Hut很多店都比較舊，是時候考慮裝修一下。…查看更多

好耐冇食pizza hutLunch time 一個人食都好快就等到位環境幾舒服呢隻lunch set pizza幾少見$68有黑醋+辣肉腸+芝士同埋番茄🍅食落幾freeh冇咁heavy 好過食意粉焗飯值得一試！#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #西餐…查看更多

好耐無食過pizza hurt，今日路過，於是叫咗4人餐（$594）薯仔條配蜜糖芥末汁薯條即叫即炸，上檯時熱辣辣，加上蜜糖芥末汁，好惹味金牌葡汁焗蔬菜即點即焗，葡汁香噴噴，有陣陣椰香味。西蘭花吸收咗香濃嘅葡汁，好滋味白汁煙肉薯蓉薯蓉香滑，焗整時間掌握得幾好，面層有點香脆，加上煙肉，食落好有層次感吞拿魚肉醬長通粉Pizza hurt 嘅其中一個名菜，肉醬好入味，加上即叫即焗，好食拿破崙西蘭花飯拿破崙酸酸甜甜好惹味開胃，配上西蘭花，真係食多咗都唔覺超級至尊大批一貫pizza hurt 嘅水準，批底香脆，配料豐富+4杯飲品+4碗餐湯，4個人基本上係食唔晒，要打包，超價揚揚整體評分：8/10揚揚環境評分：8/10揚揚味道評分：8/10揚揚服務評分：8/10揚揚抵食程度：8.5/10揚揚返食機會：8/10…查看更多

Pizza始終都係堂食係最熱辣辣, 最新鮮既. 2個人食二人餐, 份量剛剛好.是日無左意大利雜菜湯, 變左南瓜湯, 見未試過, 所以叫黎試下啦, 點知原來係加左少少南瓜蓉既蘑菇湯, 都係蘑菇湯個味, 感覺好似被fake左咁.唔緊要, 另一個決定左加$20轉酥皮龍蝦湯, 外皮焗得好靚. 我興隊晒D酥皮落個湯度, 等佢索晒D湯咁食, 不過個龍蝦湯就咸左少少, 入面有多好款海鮮配料, 八爪魚啦, 小龍蝦, 蜆等等...應該比個"南瓜湯"好架喇.小食揀左白汁煙肉薯蓉, 雖然已經撈混晒D白汁, 不過都偏咸, 要留待送個pizza邊黎食喇.而哩個第一次試既雜錦芝士煙肉意粉, 真係不得了, 上面鋪滿極邪惡既芝士醬, 送到上枱, 仲熱到起緊泡泡. 即刻攪混試下啦, 芝士濃烈到漿住個口, 不消不會, 碟意粉已經凝固到好難攪拌, 所以真係要趁熱食先得, 食完都真係漏左一部份, 但仲有主食既pizza未到.傳統既口味係最相宜既, 超級至尊都係好通常點既口味, 除左厚薄批之外, 而家仲可以免費轉三潘市手藝薄餅底. 之前已經食過, 佢唔會好似厚批咁實, 亦唔會好似薄批咁脆, 選取左兩者之間既優點, 鬆軟得黎帶點咬口. 饀料依然不變, 一樣咁好食, 不過相對pizza邊就好似唔夠配, 所以都係要配埋個薯蓉先食得晒所有.好在有餐飲過下個味道, 因為都有少少偏咸既, 汽水絕對可以消除哩個感覺.…查看更多

到pizza hut一般都係食薄餅多，但那天我只想簡單食一頓，加上唔想食太豪，所以就點了一個蒜香肉絲意粉。說到意大利粉，其簡稱意粉或意麵，是意式麵食的一種，源於意大利中南部，由小麥品種中最堅硬的杜蘭磨粉製成的長､細､固體､圓柱形的麵條，是當地的主食之一。英文「Spaghettoni」是指較厚的意大利粉，「Spaghettini」則指較細的意大利粉，「Capellini」是指更細的意大利粉，而大家熟悉的「Pasta」是意大利麵食。說回蒜香肉絲意粉，蒜香很吸引，但可能焗得太耐，麵條太硬，火腿絲和肉絲味道太重，咸了點，味道一般，但勝在份量夠多，價錢合理，跟餐配上雞蓉忌廉湯和凍刺茶， 忌廉湯幾好味，凍檸茶正常，所以要求不能太高，在灣仔中午餐而言算是抵食。…查看更多

今日同朋友去灣仔必勝客食,十二點到第一次嚟呢間環境唔錯喎唔洗等位，即刻就入得，坐卡位一人一set午餐香蒜肉絲意粉另外叫左個千島海鮮pizza上菜速度都算快意大利菜湯超好好飲酸酸地飲落勁開胃今次仲勁多料千島海鮮pizza好足料不過薄餅中間上既餡料，帶子只係急凍既細細粒帶子蝦應該都係急凍個D，唔見得有幾大隻另外車厘茄、菠蘿、青椒及蔥。鋪面芝士就一貫既微鹹..可能即叫即整關係,所以感覺特別好味！香肉絲意粉好正呀，意粉好爽好彈牙，啲火腿，肉粒配搭一流蒜味都好夠，食完個口成陣蒜味 今次堂食好滿足，因為所有野都即叫即整即食先有咁既質素！我地加四元又有得添飲凍咖啡，慢慢坐下真係舒服呀！！！…查看更多