必勝客 (達利廣場)

营业中

休息中

前排自己一個喺屋企好想食pizza 發現Pizza Hut同外賣平台有合作 有嗰啲一人餐食 就算自己一個人食都可以叫個Pizza小食加嘢飲都係$100樓下 十分之抵食 🥢迷你啖啖多肉至尊必勝批（鬆厚批®），意式迷你腸（3件）拼香脆薯條，道地蜂蜜綠茶（250毫升）

那一天，在網上看見《Pizza Hut》的叉燒 pizza promotion。咁搞笑既配搭，同阿仔講完又令他哈哈大笑。於是，有一日放工，就決心買兩個 Pizza 回家。最就腳的就是石門的《Pizza Hut》，決定自取，自己做 delivery。給太太的，一家定是素食至尊。純蔬加上芝士，淡中帶香，再加上芝脆批的邊皮，更增其芝味濃度，更加可口。老遠帶到回家，pizza 涼了，放入焗爐加熱再食，立即變回香脆。是日的主打是叉燒 pizza。顯然，同廣告圖片差別很大，但香甜的蜜汁叉燒，加上芝士同 pizza 的麵包，又沒有任何違和感啊。如果叉燒是正宗半肥瘦的梅頭肉叉燒的話，會更好。去《Pizza Hut》，買批之外，總會多點一份小食，令大家更開心。點了的小食拼盤有腸仔同雞翼。味道不算非常好，但啱小朋友口味，讓他們吃得開心，就行了。幾好咁啦，小朋友吃得開心就好。

通常一班人都會諗到既pizza店，見到聖誕都有做promotion，又總有一間在附近，自取仲快！當然你話閒日食仲平D啦自取有折嘛！不過聖誕節黎講呢D價位都OK既，仲送6張$50coupon~蒜蓉包依然係必叫系列，有時候takeaway返屋企都會自己再整熱D仲好食，堂食既話更加無得輸啦~意式風情PIZZA，繼續要加芝心批，同到一大班朋友都鍾意食芝士就好正，因為加芝心係最正的~呢個PIZZA千島醬依然係我favorite，不過點解無左燕麥批底......海鮮闊條麵繼續非常膩系列，但飽肚，依然唔錯的~火腿薯蓉通常食左2件PIZZA都已經好飽，搵人掃左佢都OK既，薯仔都係唔錯的~

唔想出街又唔想煮野...最好就係叫外賣😆平時2個人，我都係叫個厚批就算，但今次唔知點解好想食芝抋批🙈所以冒住食唔晒嘅風險都要叫個芝心批先🤪🤪錦繡至尊芝心大批其實我覺得pizza hut嘅pizza餡料都差唔多，分別不太大😅😅但批底嘅分別就好明顯🙊芝心批雖然要加錢的，但批邊確實比較好味😉熱辣辣嘅芝士批邊真係好吸引🙈🙈🙈 軟腍腍嘅口感真係好正😋可惜會滯啲😆拿破崙醬汁肉丸蕃茄味嘅拿破崙醬令肉丸無咁膩，仲好食好多😊

做左人媽媽搵個地方食個lunch都要揀下，依間pizza hut有ikea high chair 提供，咁做媽媽都可以係lunch的時間放低個仔鬆一鬆。原來pizza hut 有兒童餐具，但當然係唔夠膽用la~ 呀仔仲咁細，佢都係用返自己食具食返自己的粥仔算na~ Pizza Hut 有優惠餐，一份二人餐有餐湯沙律小食pizza及飯，真係細食少少都食唔哂，下次搵埋工人一齊食就差唔多。眼見都好多一家大細來捧場，等仔仔大d就哂。

PizzaHut 外賣已經唔係第一次叫，但服務水評及店舖經理態度簡直不知所謂，我落單時已經標明用信用卡結賬，最近已經唔係第一次送到來話無簽信用卡個張單，要求俾現金，否則將所有食物攞走回舖攞番簽信用卡張單再送來，這樣做的食物唔變壞有鬼，一來一回個幾鐘，打電話去舖面同個經理講要求下次小心的，佢竟然答話好忙無攞單好閒，呢的咩服務態度，唔使錢架，呢間公司請的咁既經理黎倒米，我就唔敢再食啦，佢地唔帶眼做野原來係個客錯。垃圾

今日屋企人小小, 嗌Pizza先, 簡單揀個”2-3人普通批套餐”, 大概11點半online order, 大概12點半就送到了(勁快a), 而且我寫左個remark交收地點, pizza哥哥完全準確地黎到指定地點👍🏻.•指定鬆厚批(普通批) x 1 - 烤雞至尊+ 芝心批食Pizza Hut出品嘅批如果唔揀芝心/芝脆係無咁好食的, 芝心好香口感軟綿綿, 鋪滿雞肉粒、蘑菇、紅椒、菠蘿、蕃茄醬, 當然唔少得芝士吧, 整體足料好味熱辣辣, 一打開盒個pizza料無四圍飛非常好.•指定意粉 / 小食 X 1 - 小食拼盤一盒四款小食有意式迷你腸, 惹味原味雞翼, 香脆薯格, 醬燒豬仔骨, 都係熱架! 其中豬仔骨好多醬啲肉好易離骨食落肉質係鮮嫩的, 份量OK.•蘑菇忌廉雞湯 x 2夠哂濃, 都幾多蘑菇同雞粒.•海鮮千層闊條麵Pizza Hut最好味嘅野食其實係千層闊條麵呢😋. •薯蓉剛剛焗起就即刻送黎嘅薯蓉, 口感好幼滑, 仲有大量煙肉粒增加口感同味道.•張單寫住石門店我先知道原來石門開左Pizza Hut🤣.

假日休息懶懶地, 連行落街都懶, 諗諗下好耐無食PIZZA, 一於外送速遞, 反正仲平過去鋪食.上網睇完最新餐牌, 6點半左右打埋電話落order, 等60分鐘左右已經送到, 假日黎講算OK.要左個$198套餐, 跟餐大批, 要左意式風情厚批. 一開熱辣辣, PIZZA好鬆軟, 芝士味過得去吧, 勝在配料都幾多, 食左兩件都幾飽.跟餐仲要左辣味雞翼, PIZZA HUT既係最好味, 外面少少辣好惹味好香, 入面雞肉嫩滑, 一次過KO成盤都無問題.另外再加左個豬仔骨拼盤$68, 有四樣食物.薯格有D淋左, 同埋有D凍. 腸仔有3條, 味道就正正常常.豬仔骨有3條, 都幾多肉, 而且焗得夠腍, 醬汁味道唔會太咸.拼盤有多3隻辣味雞翼, 味道係一樣, 不過紙盒快凍D, 凍左就無咁好味.PIZZA HUT雖然而家比以前貴, 但仍保持到水準, 間中食下確係唔錯.

老公早幾日見到宣傳單張, 比佢個big box吸引, 講返比我聽時, 好似好多嘢食好抵食咁, 但原來冇想像中咁抵, 好彩上網訂, 額外送多咗d嘢, 咁先好似抵返d咁咋~  蒜茸包冇以前咁香咁脆, 隔夜麵包仲好食過佢  千島海鮮細批d汁太多, 搞到個餅底比d汁濕滿哂, 而且又焗得唔夠香脆  燒豬肋骨半份燒到好乾, 又冇味, 好彩點返個汁先好食d  焗薯茸估佢唔到咁薄, 1"厚左右, 冇以前咁大兜, 又唔夠香  汽水網上訂購滿唔知幾多錢送的

好耐冇食pizza hut, 通常都係幫襯佢兄弟, 但見佢有新口味, 又心思思想試, 於是又叫嚟試, 但成個餐唔知邊一味, 定係全部都咁重味, 搞到我成晚都口乾乾~  選擇上網落order, 因為咁樣有多兩罐汽水送............當你完成order後, 佢會show個時間比你, 你到時夠鐘就自己落去拎啦~  印第安烤雞蝦哈芝心大批所謂蝦哈, 其實係一粒好膠, 膠到唔似食緊蝦的蝦丸, 同d芝心隔住放在扭扭邊, 我反而鍾意個芝心邊多過蝦哈邊, 真係唔想食個蝦哈, 真係好失敗的一款pizza, 中間d餡只係普通的菠蘿同辣肉腸, 又唔夠汁, 好似乾咗d咁, 只係咬到菠蘿果啖會好些少  千層肉醬闊麵今次d薯茸焗得唔夠香, 而且d汁偏酸, 麻麻地  雞翼拼意式迷你腸唔知呢個係咪三人餐? 因為每樣都係得3只~ 個腸焗到爆哂, 反而d雞翼就焗得唔夠香口  蘑菇忌廉湯好濃好杰, 又多蘑菇同雞粒, 抵飲  七喜上網買滿$200送的

71唔參加大遊行, 就係唔想迫, 晚飯又費事同人爭, 所以叫PIZZA食, 唔想等佢咁耐, 同埋唔係咁遠, 於是係外賣自取.............到咗預定時間去到, 今晚比以往多人手, 平時只得一人, 今次有3個人, 平時比完你係唔會同你對齊唔齊, 但今次竟然同我對單, 就係咁啱今次廚房執多咗1盒長通粉, 就比佢發現咗, 沒收返盒長通粉, 如果佢冇對單, 咁我咪賺多1盒長通粉lor~~ 係你就係你, 唔係你點都唔會係你.................今次叫咗個新出的PIZZA餐, 有1個大批+1個意粉+2個小食+2個湯, 因為我地外賣夠二百蚊, 所以送多2罐汽水tim~~ 雙脆帶子大蝦批冇廣告咁脆, 起碼個邊冇咁多芝士............成個批都好多料, 有辣肉腸、菠蘿、水蜜桃、火腿,,,,,,,,,,另外脆皮腸或者雙色芝士間住响批邊, 但只有腸仔仲响中間, 個雙色芝士已經响焗果陣流哂出嚟, 所以佢果格係空心的, 仲有蝦或者帶子間住响批中間, 蝦同帶子都冇乜雪味, 唔錯, 今次呢果個新批都唔錯, 不過我地叫呢款味要加$17, 你可以選擇香烤嫩雞, 咁就比我呢個餐平d~ 吞拿魚肉

唔覺唔覺, 瞓醒晏覺已經六點半, 未瞓得醒, 又唔想郁, 而且出面仲好似落緊雨咁, 唯有叫pizza食, 但如果等佢送上嚟, 我諗有排等, 因為落雨天好多人都叫pizza外賣, 所以我地諗住自己拎, 但手上又冇menu, 唯有上網睇, 睇得嚟不如落埋order, 都係第一次試上網訂order, 原來滿二百蚊仲有嘢送tim~ 抵呀~雖然得2個人, 但2人餐得1個細pizza+1個飯+2個汽水, 我地叫呢個3人餐, 多少少錢, 已經係大批, 仲要多個小食, 咁啱又夠二百蚊送多個飯, 所以係食唔哂lor~~ 樣樣食少少, 然後留返第日早餐+午餐...............haha~~ 烤雞至尊扭扭大批原本個餐係普通大批, 我地加錢轉呢個扭扭批, 都加成$26, 都唔平架, 不過想食, 冇計啦~扭扭批冇得再選厚批定薄批, 指定咗個厚度, 雖然果d一舊舊扭出嚟好得意, 好好玩, 好似腳趾........美中不足就係d芝士响焗果陣已經飛哂出個批面度, 冇得拉絲.............唔知點解今次覺得個批冇咁香同冇咁油, 唔通落少咗油, 健康咗? 定係扭扭批係比普通批冇咁油呢?佢都好似好大堆頭,

今期唔記得邊張信用咭有discount, 見好耐冇食pizza hut, 所以又食番餐先..............為咗最快有得食, 而又安全順利送到, 當然選擇外賣自取啦~~~今次叫咗個二人餐+雞翼, 又係食唔哂的, 因為太油膩同太重味........... pop pop批配大蝦佢個批邊有d腸仔, 中間有大蝦, 所以我就叫佢做雙腸大蝦批, 哈哈哈~~ 佢咁樣做法可以令每一啖都有料, 唔會好似以前咁, 好多人會食淨個批邊咁嘥, 佢係設計到比你一粒粒扭出嚟, 變咗好似食腸仔包咁, 都好好食, 又好香芝士味~~~ 至於中間我就唔鍾意佢薄咗, 冇咗個口感, 因為我食開厚批~~ 蘑菇忌廉雞湯冇以前咁杰, 咗好多, 但好彩都仲有忌廉味~~ 千層肉醬闊條麵好鍾意食呢個, 尤其是旁邊焗到乾乾地果d薯茸, 中間闊麵又好多汁, 好juicy~~ 辣雞翼有張coupon係叫滿二百蚊就送雞翼, 所以又叫多個, 雖然我平時唔食辣嘢, 但佢d雞翼如果唔叫辣係唔好食架lor~~~ 不過而家d雞細隻咗好多, 唔抵食~~ 意式迷你豬肉腸唔記得咩汁呢, 總之好似茄汁咁, 酸酸地, 幾開胃架~~ 千島海鮮烤卷係用千島汁

用咗信用卡的coupn, 所以只係用$58已經有1個大批, 但指定係夏威夷風光................開頭見佢原價都要$117, 而家半價已經有得食, 所以都冇計較係有咩料, 但拎到番屋企一開................非常失望............... 所謂 "夏威夷風光", 原來只係火腿同菠蘿, 其餘乜都乜................個餅底又唔夠脆, 又唔夠鬆軟, 而且又非常油, 同以前真係差好遠....................

6月5日晚上7時37分order 扭扭批套餐$205+$8coupon焗肉醬意粉.我們5大1細也食不哂,好飽,好味.Cheesy Bites扭扭批:熱辣辣,餡料份量足夠,包括辣肉腸,豬肉粒,蜜桃(好大粒),芝士,但批邊很少蒜香粉,食不出來.26粒Cheesy Bites蘊藏軟滑雙色芝士,又不覺'好溜',.沒有外脆但內軟全個批都有味,好滿足.以往叫外賣的批都令人失望,餡料極少,有次叫迷迭香pizza近乎無餡料,數得出有多少餡料,批凍和硬,無芝士味,只像食隔夜無味的麵飽.蘑菇忌廉雞湯兩客:好夠熱,有好多蘑菇和雞,味道濃郁,滑溜,碗內是注滿湯,以往外賣湯只得碗內的一半.葡汁雞皇焗飯:全盒夠熱.汁,蘑菇,雞(好大件)都很多,飯軟滑,有葡汁味.秘製雞槌:少許辣味,沒有'乾憎憎',每一隻都不會過細,夠肉,隻數足夠,不過油.以往外賣是縮水雞槌(骨),乾而油.焗肉醬意粉:夠熱,鋪滿鮮茄醬免治豬肉,蘑菇,芝士粉,好夠味,意粉軟滑.PIZZAHUT網上承諾把美食準時送到府上,是騙人,往往超過1個鍾才到.今次電話內的客戶服務員話半個鍾內送到,最後是剛1個鍾送到,我們預1個鍾送到已滿足.今次沒有'溜單',食物