必勝客

营业中

休息中

是咁的，話說我就係必勝客嘅粉絲，食食埋埋都已經有100積分， 仲要前排有換大批優惠，機不可失耶～今次換左個超級夏威夷，辣肉腸份量足，唯一不足係個批嘅醬底少左d，不過都好食，最多自己加茄汁囉～批邊，批底都好脆口，火腿，辣肉腸都十分惹味，鹹香，對比住又juicy又甜嘅菠蘿，味覺再添一層次，重味嘅肉種有同時有搶味茄汁，吊起再多一層次嘅味道呢個煙肉菠蘿芝士酥係為左要有基本消費換批而order嘅，菠蘿同煙肉，一甜一鹹，煙肉俾菠蘿鹹味，菠蘿俾煙肉水份，有相互輝映嘅效果，不過酥皮因為原本焗住左，淋左，好左自己烘一烘番有番酥脆嘅層次感

這PizzaHut小店至少也屹立在此位置十年以上，但只是近年才改成可堂食的店舖，新裝潢確實吸睛得多，而且餐牌都幾見得人，至少就這樣吸引了魚子醬一家試試早餐，在窗邊的梳化位坐下來後，發覺陽光太刺熱，幸好有遮光簾可拉上，才免受騷擾，因為餐長期保持爆滿，已無位可調。這裡採取半自助模式，點餐、取餐具和取飲品都是客人自動波，侍應只送上主菜。但餐廳走動位置其實不多，所以人滿時就會有點擠。凍朱古力乏味，可以完全省略魚子醬點的火腿牛角包....um......其實，雖知餐牌上的圖片只供參考，但也實在差太遠，而且火腿是凍肉拼盤那些，非一般的火腿，味道不太配合，吃時要自行用刀叉將火腿放回入包身這個Good Day Breakfast，會完全讓你覺得這一天很bad luck，熱香餅只有粉味，沒有任何味道，也要花力切開；煙肉是全碟最正常的食材，其他都只為填肚。不滿足的早餐，就會吃多多，也不覺飽，結果步出門口，又要花腦細胞，諗下去邊溝貨。平時叫pizza外賣，我地都好經常光顧這家，質素是滿意的；唯獨早餐認真唔爭氣

印象中好耐未試過放假一早起身去食早餐，前幾日經過pizza hut，有早餐喎，仲好似幾靚幾豐富，於是去試下。睇相係幾吸引，咁先似係外國早餐，但點解實際食物....熱香餅、煙肉煎唔夠香，通粉得幾條，最多好食都係沙律碎蛋。但沙律碎蛋應配多士或麵包，淨食有d「流」煙三文魚早餐較好食，起碼有蒜蓉包，熱辣辣，仲卜卜脆，幾好食

週三特價何期多 Pizza Hut 就是其中一間 週三大批特價 今次係至尊大批有折 只係$89 自從依間pizza hut 轉咗有得堂食之後 啲野有水準咗 起碼批皮係脆嘅 感覺好抵 性價比👍🏼唯一小缺點係上面啲香腸有少少咸 美中不足9

本人柯打一個pizza&飯，有個女侍應生送餐時，不小心跌了一塊落枱面（反轉左），佢竟然用紙巾包著那塊pizza放回碟上，完全冇衞生常識，當我們投訴時，另一侍應生拎走整個pizza話換另一個比我，我竟然蠢到相信他，之後果個pizza完全切開晒，我食過pizza甘耐，未試過散件上，我懷疑佢地將汚租果件放返落去，奉勸各位如果萬一遇上這種情形，寧願食少件都吾好比佢成個拎走

小前提係有張pizzahut $50生日優惠券仲要冇咩特別使用條款 就為用左佢而食pizzahut見外賣自取一個大批可以$93一個用左優惠券可以減到$43 真係搵唔到咁抵 香華雞肉蘑菇 外賣自取原價$93 配料有雞肉 火腿 蘑菇 洋蔥 阿里根奴 香濃茄醬阿里根奴又稱pizza草 有刺鼻的芳香 不過聞唔出個批十分足料 味道亦係典型pizza蕃茄味雞肉十分滑 配蘑菇一鮮一沈 perfect match 火腿跟茄醬係主角味道 正常pizza味洋蔥好爽口 係個批有清新作用不過冇特別批邊批底 略嫌有d硬同乾質素平均之上 但唔夠特別 如果冇優惠券有更多更便宜選擇

睇完pizza hut廣告 見到個樣好似幾精緻就想試下再加上假日懶出街 同有coupon 就試下啦外送速遞等左～50分鐘Pizza hut係假日尼講算係差唔多最緊要係送到尼仲係熱 今次夠哂熱 未開封都閒到麫粉同茄汁嘅香味打開個盒仲香 香蒜肉絲意粉都有蒜味傳出威尼斯風情$189+香蒜肉絲意粉（外送滿$180送（coupon)其實食Pizza Hut 主要都係為食批邊辣肉腸pepperoni 卷住d芝士對芝士研究唔多 黃色個隻應該係車打而白色個隻係平時芝士邊個種 傳單度睇估係provolone芝士夾埋感覺比平時鹹少少 啱自己口味相比起尼辣肉腸唔算濃味夾起尼有唔同層次 係口入面好豐富講返批中間 大蝦都夠多吞拿魚集中左係中間 夠味配料大概足料 但係桃就少左d 可能係為左唔想搶味大致上同海鮮批味道沒差值得一讚係 芒果美容醬（睇到個名笑左似增甜嘅水果沙律醬 好襯mozzarella意粉蒜味香 好嘅係食完後唔會陣蒜味留係口好耐味道唔錯 但肉絲其實係肉碎 除非火腿絲係肉絲整體尼講pizza好味 意粉ok

聖誕屋企搞party,仲要之前一日返工要頂天立地(返早上9放晚上10點30)，一個人預備20人食物，自問如不叫些外賣，真係搞唔掂，睇中pizza hut原因之一是夠$60巳可送貨，相比其他要千多二千元才送貨，否則要加多幾百送貨費，pizza hut有其吸引，加上平時叫開炸物小吃也OK，及滿$500可加$358多一隻火雞，D細路又失憶話冇食過火雞，故今年就決定pizza hut。早一星期訂了25號6時送貨，初時都驚唔準時，所以分散"投資"另叫了Delifrance外買自取及自己又煮D，以免搞到不歡而散。結果準時送到，皆大歡喜! 香焗併盆(4/10): 可能聖誕多order,雖然準時送到，但打開已有倒汗水，同以往完全不同，炸蝦唔脆，十分失望，我仲要另加多6件炸蝦添，炸雞粒同串燒望落似發育不良，個賣相新係好廚餘feel !醬燒豬仔骨伴薯塊(7.5/10): 豬仔骨入味夠熱夠脆，咬落亦保留肉汁，唔乾，有驚喜，返而薯塊唔夠脆，開始淋，不過D細路猛禁搶住食薯塊，第日party整盆炸薯條比D細路仔就得啦 !煙燻火雞$358(8/10): 聖誕點少得火雞，一開出來又係嘩嘩聲 ，唔該D家長各就

趁復活節假期最後一天，還是在家中靜靜的休息，不外出了。因此，點了寶怡店的Pizza Hut及order那個$298新出的七重芝士批吧。重頭戲，我叫了大蝦車厘茄的七重芝士批，感覺確實很豐厚的芝士，「漏」及重量芝士。其次小食都是一般水準啦。這個七重芝士批只是一大堆頭的芝士，如果我吃，我認為「試」一次便OK。(不代表不好吃，只是沒有特出之處，但值得一試)

日日既晏就唔係食麥當奴就食餐廳，今日心血來潮想食Pizza Hut 但係又懶唔想出街所以就叫外賣啦！今次叫左個Combo Set For 2，姐係一個普通批pizza﹑兩個蘑菇忌廉雞湯或兩罐百事可樂同一客意粉或飯，一個套餐$138 for 2個人。係被服務既期間，該服務員問我加唔加多客蒜蓉包，二十蚊，咁pizzahut既蒜蓉包咁好味梗係加啦。最後就比$158啦。 海陸精選：材料有免治牛肉、蟹柳、粟米、蘑菇、辣肉腸，由於哩個pizza係最後先食，雖然係普通批，但係個肚都係撐到好脹好飽，但係都係好好味！焗肉醫意粉：差！！！個味道好難形容，估唔到pizza hut既肉醫意粉係咁既味，真係好失望。蒜蓉包：嘩，蒜蓉包真係正到痺，佢哩隻同平時個d一片脆既唔一樣，佢係迷你版既蒜蓉麵包，真係好正，再拎黎點落啲湯到咁食更正！蘑菇忌廉雞湯：個湯整體黎講都唔錯，但係裡面啲雞粒冇想像中好味。

見不少食友都對最近新出的芝士六重奏pizza大感興趣~評語也一致向好~找來個周日的午餐~叫了個大餐狂歡一下~雖然AE卡有$222特別餐~但內容比較不合胃口~就索性叫一個同是六重奏的$252餐~這邊還是大批啊!加配升級優惠$20的蒜蓉包~~網上訂購滿$260竟然送1意粉+1盒雞翼~~結果5人份量3人吃 XD落單後不消1min就接到分店電話確認~~30min內就已經送到門口~超滿意這樣的安排芝士六重奏配火腿菠蘿: 選配火腿菠蘿是為了減低漏滯程度~發熱袋的功效再次發揮得淋漓盡致~脆邊不在話下~芝士拉絲也相當大陣象~果然有實力~~這次還要幹大批~~六種芝士的特性各不同~最有個性的Cream Cheese最為濃烈~也成為妹子爭吃的目標~肉醬意粉 : 套餐內已經選擇了意式雞皇飯~這意粉是額外贈送的~卻絕不偷工減料~大量拌不完的肉醬還焗得啡黑焦脆邊~~竟然最快清碟是這個8隻原味雞翼 / 滋味釀雞翼 : 2款雞翼也有同一通病~就是焗得不夠~是趕在30min內送到之顧? 顏色只是淡淡淡啡色~熱度也不足~顯然入味不足~釀雞翼的stuffing也是雞肉~少量粟米~也是一般蒜蓉包[$20升級優惠] : 是因為

除夕，在市中心看過哈利波特後，到上海婆婆吃過飯便回家。現在是晚上十時，剛剛吃完了九時十五分ｏｒｄｅｒ的千島海鮮ｐｉｚｚａ（薄脆批）！其實平時間中也有ＯＲＤＥＲ　ＰＩＺＺＡ作宵夜，今天除夕，多個藉口叫外賣！哈～　落ＯＲＤＥＲ時，姐姐說要１小時１５分才會到達！比平時的３０至４５分鐘差多了！但最後ＰＩＺＺＡ哥哥依然在半小時內送到，真的感動～今天的ＰＩＺＺＡ比平時的配料好像少了點，但也算ＯＫ喇！之前吃過另外一家ＰＩＺＺＡ外送店，送來的ＰＩＺＺＡ簡直嚇我一跳‥‥‥‥其實可能是我的錯，因為那家店是以「脆雞」為名，可能要雞的質素會比較好。千島海鮮是ＰＩＺＺＡ　ＨＵＴ中價錢比較高的一款，因為：「海鮮」，感覺較高級，而且真的是貨真價實，沒有偷工減料。上回比今次好運，有帶子呢～今次可能是除夕關係，只有蟹柳、魷魚、吞拿魚及少許蝦仔。批邊是我的最愛，脆脆的！ＰＩＺＺＡ　ＨＵＴ永遠都是我ＯＲＤＥＲ　ＰＩＺＺＡ的首選，ＱＵＡＬＩＴＹ的確一流。　就算比其他的店貴少許，也是物有所值～！

幾日前order左個扭扭批, d腸同pizza味唔夾, 食落口味道完全無層次感, 而且d腸味道唔係太fresh, d cheese味道唔突出, 一句講曬 ---- 很難食 Very Poor Product Development, 都唔知邊個諗出黎, 好無誠意, 完全對pizza呢個字都唔尊重, 請都唔去

朝早行過遠遠望見樓下大排長龍，唔通有米派？原來寶怡Pizza Hut做緊外賣自取$49至尊大批特惠日，雖然真的平通街價錢，但要在炎熱的天氣下等上一時半個鐘，就算免費的妹子也不願意等..所以妹子都是8了一下便離開了~到了中午，聽到員工們個個都吱吱說$49個大批，都心思思正考慮不如買幾個回來當員工午餐喇~不過又不知要等上多久？不如致電問下可否一早預訂，然後到時自取先..點知分店店員說一定要到店裡買，不過唔洗等好耐咁話，因女店員說剛剛焗好一批！哦..收到~即刻快快拿錢孖阿斯去買~到了門口，都見約十個客人排緊隊，眼見店員正忙碌著pack pizza，真的話齋唔洗驚..大把pizza買呀，店員還問妳加唔加$28，要多客秘製雞槌(六隻)添？不需要囉..叫了3大個至尊大批都有排啃囉~呵呵..整個過程真的十分鐘也用不上，便手捧3大個pizza，也難怪的..當日$49優惠日，全間店子獨沽一味買至尊大批，不停手只焗同一款，當然夠快！或者叫別的東西有可能要等喇..返到去正好餓餓地，急不及待食件pizza先，pizza當然要熱辣辣先好食，若果凍了便失去慾望了~至尊大批面頭鋪了辣肉腸~青椒絲~洋蔥絲~蘑菇片~牛

入冬以來最低溫度而不用表演拜年的一天~當然打死都唔想出街~~~身體每一處都滲出懶氣~hahaha~煮都唔想煮~~就決定叫Pizza Hut的外賣三人分吃~~雖然有多個大陣象的特價餐~~但吃不到自已最想點ge野~就決定叫2個一人餐再加升級優惠~~夠晒數網上訂購ge link忽然死亡~只好用原始的電話方法吧~~~妹子選的是pizza hut鐵膽-海鮮寬條麵~~~~而大比就要個超級至尊迷你批~~外加一個迷你吞拿番茄沙律和$28的威尼斯甜奶油迷你批~~~接線生所quote的時間只是半個鐘~~有點surprise~~太好了~~咁快有得食~~唔通無乜order??都係ge..d人新年拜年點會食pizza hut..hahaha~準時29min就敲門~無得頂~~先在發熱袋中遞給我一個鐵籃~好讓我捧到餐桌放好pizza和pasta等~然後送貨員再從保冷袋取出salad和汽水給我~~所有野都整整齊齊有條有理~第一印象比起以前好得多~~一手交一手~這個交易過程乾淨利落~~超級至尊迷你厚批~~~發熱袋果然不是虛言~放了10min~~pizza仍然可以拉出芝士絲~~難得地在外賣見到這個情況~~加分~~~而且p