必勝客 (已結業)

地盤聖誕派對，當然又係無人會去煮野食，全吃外賣為主﹗外賣一定有佢既PIZZA，最穩陣既就係叫PIZZA HUT﹗試了佢地新出既什麼星星帶子批，帶子其實好細粒放在中間明明係主角實是配角，以千島醬作調味，個邊圍成一個星型，批邊是可以帶出來的芝士腸仔﹗芝士腸仔批邊十分之HEAVY不過美味，就算外賣凍左都是好吃的﹗一班地盤工友都話千島醬是PIZZA HUT最好的醬汁，味濃而開胃，不錯﹗PIZZA HUT再要讚的是雞翼，外脆內軟亦多汁，最緊要係佢醃得入味，夠大隻而且隻隻質素都很好，每次最快搶哂的都係佢﹗近幾次叫都覺得佢地既意粉同埋飯做得麻麻地，意粉就肉醬太多亦偏鹹，飯則過濕成埋泥咁，下次叫都係只叫PIZZA雞翼算數﹗

前幾天與老爸老媽逛德褔, 見用滙豐卡有優惠, 又很久沒有吃過pizza, 於是入來幫襯. 裝修後的pizza hut採取半開放式, 感覺像走高檔路線, 怪不得價錢越來越貴! 侍應一如以往, 不算殷勤的, 又是說話前後矛盾的, 令人搖頭. 看完餐牌後, 我們點了個二人寬麵點點批餐, 包括兩個湯, 頭盤, 麵食, 薄餅和甜品.先來的是餐湯 - 海王湯. 湯的顏色和味道有點像龍蝦湯, 所謂的"海王",內裡只有一種海鮮, 就是蝦! 不過只是三兩隻而已, 感覺名稱有點誇大了, 味道又偏鹹, 加上又沒有蒜茸包送, 餐湯欠了餐包, 感覺不完全.頭盤是吞拿魚荷蘭茄沙律配油醋汁. 沙律也是較型的, 有黑橄欖, 蛋片, 荷蘭蕃茄, 沙律菜等, 配意大利醋同吃. 荷蘭蕃茄實在吃不出有甚麼特別. 沙律的味道清新, 與意大利醋很配合. 可是份量太少, 不大夠吃. 什菌雞肉炒天使麵的賣相看起來已經不大好. 吃起來時, 麵條結成"一舊舊"的, 而且白汁太杰, 又厚又"糊"的, 比平常的意粉麻煩吃. 味道方面, 由於醬汁太杰, 只有厚厚的白汁味, 其他的什菌和雞肉味都被蓋過, 令人失望! 雞肉雖不o鞋, 但是沒有味道

呢日夜晚又要加班鑽地，未開工前同班工友去呢度食飯﹗一行五人叫左個扭扭批餐，大約$400左右﹗重點是呢個千島海鮮扭扭批，因我從未食過﹗等左成半個鐘先上枱，先在批邊一扯，好期待有廣告那芝士半溶扯出來的效果，最後美夢當然落空﹗說實成個pizza根本唔夠熱，批邊就算有芝士都唔會溶化，吃落芝士是軟軟的，味道不算濃烈，感覺膩濟，吃了一塊之後索性放棄批邊只食批心，反而仲好吃﹗扭扭批雖然新鮮得意，不過味道只是麻麻，下次食pizza hut都係叫番個大批便算﹗仲有一樣野就係呢間野話汽水任飲任加，但原來每飲完一杯係要收番隻杯唔知攞去邊度再酙一杯，我地等左成三個字都未加完一杯可樂，好心如果俾人任飲就簡簡單單加可樂俾人就算啦，而家俾我地感覺係小氣又孤寒，呢個真係差差差。不過整體上加埋0的蒜蓉包，餐湯及意粉等都是好吃的﹗給它一個OK吧﹗

今晚到Pizza Hut九龍灣分店吃晚飯，叫了一個二人扭扭批的套餐先送上餐湯南瓜湯、蒜容包南瓜湯味道不錯，不過不失吧；最令人驚喜的反而是擔當配角的蒜容包，焗得十分香脆，而且充滿香噴噴的牛油蒜容味，相當唔錯記得兒時光顧Pizza Hut，其中一項最馳名的便是蒜容包每叫一份意粉，均會送上一份蒜容包，大約3-5片；某程度家人叫意粉，都是為著吃這道最佳男配角-----蒜容包呢！接著送上的是田累熔薯熔、海鮮闊麵田累熔薯熔味道唔錯，薯熔頗重奶味；海鮮闊麵則略嫌太漏，白汁太多，掩蓋了闊麵本身的味道，水準只屬一般最後便是送上主菜-----至尊扭扭批扭扭批奇特的薄餅邊，固然是其賣點。但我覺得味道還是一般而已，芝士味太重，吃下來失卻了原有薄餅的特色，也許不同分店的水準有點差異吧反而至尊批本身，青椒、菠羅、煙肉、火腿的配搭唔錯，用料比例適中，以至口感唔錯、感覺幾鮮可是，整個薄餅應有的芝士香味，卻失去了今個套餐所叫的可樂是無限添飲的，所以一叫便叫了四杯這間分店的侍應頗多是新手，在招待客人的技巧上尚需磨練，但都不失其殷勤的態度的埋單計數，超過$200，唔算太抵食咋！

星期日下午,我跟男友走到九龍灣,可謂山長水又遠。我倆趕路的關係,體力已消耗了一大截(/﹏\)。走進德福廣場後,隨即四方搜索食店(0_0)。最後忍受不了飢餓的折磨(>[]<''),向Pizza Hut 服務員要了兩人座票。雖然眼看餐廳幾乎滿座,不過我們待了約三分鐘旋即入座了（有點意外）。看了看餐牌,「哇!」此刻我真是為之振奮啊(A_A)!接着,我點了一客三文魚意粉銀包,我的男友刖點選了辛辣咖哩蝴蝶蝦意粉。滴噠...滴噠......「嘀咕...」(唉喲!為什麼遲遲還沒上菜?!)我想也許是飢餓的原因,覺得等待美食來臨的時間特別長久(=_=^)。一段漫長的光陰過後,一位上了年紀的服務員前來送上咖哩蝴蝶蝦意坋,附帶的說另一個意粉還需待上數分鐘(-0-!)。我嚐了幾口,得出的評價: 咖哩的辛辣變成了微辣,炸蝦入口脆(0v0)!略厭咸...整體都可以。一會兒過後,我的三文魚意粉銀包來了(>v<), 「小心熱。」服務生給了我一個愛心提示。拆開鍚紙,熱騰騰的白煙霧了出來...意粉上的三文魚己熟透,呈粉紅色,調味方面不好,份量可算少呢(廚師真吝嗇\_/)!而意粉方面,烹調剛

Pizza hut向來價錢和品質都屬於中等所以不會太差,也不會有太大的期望Set lunch連湯同餐飲,比晚餐時段散叫抵好多!肉醬千層麵茄味濃,但有少少出水,如果呢點可以改善便好了。海鮮寬條麵次次食都覺得咁好食。外層香脆,內裡滿滿的忌廉白汁,好味道!但寬條麵最好即時享用,因為汁會凝固,變得乾身!迷你超級至尊批雖然細小,但餡料豐富。相比WOW常餐的必勝批好得多。批底不過厚,最怕原到似麵包!水準仍保持中上,能夠keep得到都算唔錯!

果日同兔兔食晚飯...因為時間唔多近近地就pizza hut啦....點知.. 我地唔使等位...入去坐低...我地order左個2人套餐... 我地叫左個白湯..味道唔錯...但無咩料..pizza hut係咁的了...一分$一分貨...之後來左個海鮮闊面..ok啦,但有幾條係硬的..係未未煮透呢?之後來左個普通pie..but加多左辣肉腸的...點知...得個咸字..but...ok啦... 之後我地再order左個chicken wing...點知出事啦...個chicken wing無味既...唔係,係得d雪味....仲要d質地莓莓地咁完全唔掂.... 呢個dish本來係兔兔推薦的...點知...搞到掃晒興...兔兔仲要話..."以前好好食架!點解會變成咁架...><" 真係pizza hut?

首先想同openrice網主講, 呢間分店已經裝修好了~ 見商店名(還顯示裝修中), 請刪除啦. 我在星期二7號去左吃下午茶. 起初住九龍灣的朋友仔仲同我講裝修緊. 但我見沒有裝修了~ 仲好多客人在進食中.. 我同個朋友仔去左那裡吃tea. 我叫左個「秘制雞脾拼薯角花生牛油厚多士」tea set 加左杯熱檸茶. 呢個餐只係廿五元~ 份量夠多~兩隻小雞脾,. 多條薯角(係粗的薯仔條, 仲好食過平時幼身的薯條, 咬落口好粉..) 一塊厚厚三角形的多士. 原粒花生醬牛油底.. 好食喎. 飲品: 熱飲始終不太好. 每次飲都唔熱., 只是暖.. ~ 朋友叫左個午餐, 個名叫四道菜, 其實是一個意粉(有四菜包括雞扒,煙肉、腸仔、菜)她話d粒好易咬..夠林. 但係美中不足. 個意粉好多黑椒粒. 好辣.. 要勁落芝士粉去蓋左個d辣. 辣到供鼻個隻. 結果大半碟冇吃. 我覺得應該反影下. 呢個問題. 唔須要咁多黑椒粒. 可以比客人後加. 反正佢上枱都跟埋黑淑比人後加. .因為入坐個陣見到隔離枱的婆婆都成碟冇吃. 只夾左幾條.. 起初都唔知佢咩事唔吃. 而家我地知囉.. 地方環境都好ok. 冷氣唔太涷.

中午shopping後,lunch去左呢度食~叫左個2人set蘑菇忌廉雞湯:都係咁上下~熱熱地~飲完都飽飽地野飲轉左草莓白朱古力coffee~個人認為甜得過份,冇咩coffee味~上面d冰沙好多,我都飲唔出草莓味~前菜叫左吞拿魚野菌:好淡,d吞拿魚太少,d姑又出水....唔好食囉!!吞拿魚煙肉腸螺絲粉吞拿魚好少...我認為酸左d,唔係咁好食~夏威夷風光普通批都ok~d芝士都ok多~~~木槺布丁:好好味~d布丁好似tirimisu~有d芝士味~d餅碎都好正~d野食都好怏到,環境就都係卡位~幾舒服~唔洗等位~so整體上都ok^^

知道Pizza Hut出咗個新批龍蝦仔哈哈批 雖然覺得唔太吸引但因為有東亞信用卡 所以就去咗食叫咗個$189既餐 有少少無謂 因為呢個餐唔洗信用卡都得蘑菇忌廉雞湯個餐包兩個湯 其實Pizza Hut既湯都幾好飲我鍾意佢夠杰身 不過其實都係生粉水兩杯百事走冰法式田螺伴焗薯蓉叫既時候好擔心 因為有次食係薄到畢唔到好在 今次份量都接受到 而且熱辣辣 帶少少脆 幾好味龍蝦仔哈哈批主角出場 中間隻龍蝦梗係假架啦 好多芝士 個批脆卜卜 幾好味不過有我好憎既沙律醬同青瓜同埋講真 冇咩料 得少少粟米 蕃茄 菇 洋蔥同青瓜所以我覺得唔係太抵食挪威三文魚意粉銀包有我好憎既三文魚 所以我正係食意粉普通茄汁意粉 味道有少少似肉醬意粉 唔差 但唔合我口胃加一之後$207.9 唔太貴 但唔會有下次就算食 都係叫外賣抵食好多

因為 pizza club仲有張 細 pizza 未食 so 去左pizza hut到食 之後仲叫左個辣味雞翼 同埋焗三文魚銀包 個夏令營風光細批好小送 ...焗三文魚銀包 又焗到好濕 ..辣味雞翼 已經唔同左啦 .. 冇以前咁好味 ,, 好彩埋單 $90 only .. 如果唔係就超失望啦

地盤開party，pizza是每一次都必食既選擇，一來飽肚二來又平，今次叫個新野咩青口皇冠批﹗一打開個盒0的工友已經嘩嘩聲，因為實在係太樣衰，個批邊反起哂用黎夾住0的腸仔，又唔知做咩又一邊扁鬼哂，賣相已經唔合格﹗叫做青口pizza只係將一隻隻連殼既青口放上去，講真對個pizza既味道真係零作用，只係貪得意會攞隻來食，唔明佢點解唔除殼切粒去焗，咁先食落有青口香嘛，而家個青口變左好似裝飾咁﹗青口易熟，焗完都over cook哂啦﹗韌青口我無咩興趣了﹗唔知邊個發明個批邊要用腸仔來整，食一件已經膩得不能再吃，可謂見到都怕怕，下次真係咪搞﹗

我與朋友二人, 係這個星期某日去了這間PIZZA HUT 食晚飯, 共要了磨姑湯一個, 加勒比風情細厚批一個, 三文魚意粉銀包一個及 甜品蘋果羌卷伴雲尼拿汁一份. 共$205都OK啦. 出銜吃飯預咗啦. 但令我們覺得離譜的係, 成個PIZZA 得個十粒雞肉粒(係一般女士們手指尾的三份一大)的肉. 火腿又係得唔多過十條(幼身版), 至於菠蘿都唔見得多咗去邊. 同係餐牌的相片差本極遠. (都知道相片同送上係你枱的食物永遠都會係差D, 但冇諗過會係差咁多. ) 好笑的係其中有兩件只係得一條火腿及一粒菠蘿同一pet 溶咗的芝士. 咁概PIZZA 要$86. 至於個三文魚意粉,睇個餐牌的相片已覺得個份量會好細, 係落單時問個侍應個份量是否很細, (因為如個太少, 我們會order過第二款), 但個落單的妹妹(侍應)話唔係好細. 咁我們照order. 但又係令我們再一次驚訝的係, 2人只係分得一碟仔的意粉及分得半塊的三文魚.(盛惠$47). 真係好想問一下那位同我們落單的妹妹咁樣的份量唔叫細, 那咩的份量先叫細. (但已記唔起係邊個同我們落單). 好可惜冇影到相POST 上嚟, 因可能

去左 Pizza Hut 試佢個 Parma Ham Pizza ... 巴馬火腿極脆簿批 parma ham pizza個批底真係好簿...主角當然係 parma ham ... 咸香味濃的 parma ham ...賣相唔錯...ham 捲成小玫瑰花似的... 靚...不過最好整散先食.... 而且仲有好多黑橄欖...不過都幾細個下... 普通批size but 太簿... 一個人食就差唔多喇 (可能我大食啦)...哈哈海鮮寬條麵 配蘑茹忌廉雞湯同飲品 seafood fettuccine set海鮮唔係好睇到喇...而且個汁好少...比較"乾"...parma ham pizza 本人認為值得一試... ^^

近來pizza hut 做promotion, 外賣自取viva 批 五十多元一個但各食友要小心了! viva批可以自選其店的不同口味 pizza,原來價錢都不一樣!!媽媽去買批時,其店的職員並沒有特別說明,到了付款的時候,媽媽才知道;問其店的職員,她好不禮貌,理所當然地跟我媽媽說:「不同口味當然是不同價錢的啦!你選火腿芝士便五十多元!」我媽媽看見後面有好多人排隊,便沒有跟她爭論媽媽選的是超級至尊,所以大約 70 元啦~味道都是大眾化的口味喇,不要奢求在pizza hut 可以吃到正宗意大利菜所謂的viva批, 比厚批薄一點,但又比薄批厚一點罷!各食友take away viva 批的時候,記得多多留意價錢喇!