心選 (已結業)

食物賣相不錯，叫左個韓式炸雞長通粉，及百香果綠茶，飲品size一般，味道也還好，等候時間有啲耐，因為得一個廚師，當晚太遲預約，好多地方都冇位下揀左呢間，game種類太少...地點方便，但係喺賓館下面。價錢太貴。

同fd諗住搵間cafe hea下，就bk左呢間試下。間cafe係百老匯戲院隔離，睇戲前後去幾方便。間野雖然細細間，好少位，但野食幾好食。我地叫左幾個Dinner Set 同一個小食share, 份量適中。而且不得不讚一下服務，真係好好，而且我地玩board game既時候店員會主動斟水俾我地，其他cafe好少會理你，起碼唔會主動幫你斟免費水。唯一不足係我地張台果到有張梳化好似俾人坐扁左咁陷哂落去😂總體而言唔錯，會再去。

在旺角，難得找到一間寧靜樓上cafe，食物質素還要相當不錯，定當記錄一下。 餐廳地址寫在豉油街，但大廈入口毫不起眼，不易找到。或許餐廳明白入口略為刁鑽，而令心情有點起伏，所以大門的溫馨提示為「 請準備好你的>>>心選<<<旅程」，畢竟客觀的事在乎主觀的心，人就是要學懂主導自己心情。 當晚的選擇是一個dinner choice：先從火腿、煙肉腸、西蘭花、雞柳、蘑菇、吞拿魚、煙鴨胸及青椒之中，挑選兩款，如想選擇煙三文魚、龍利柳、蝦、帶子或蜆肉，則需另加HKD20。調味汁可以是番茄汁、黑椒、蒜蓉或忌廉汁，忌廉汁還細分為原味、南瓜或黑松露，黑松露汁另需加HKD20；英文版餐牌寫有忌廉醬會配搭芝士，但中文版則沒有提及，要是對奶類製品敏感的話，可能需要留意一下。主食可以是意粉、長通粉或飯。整個組合只需HKD88。晚餐不包括飲品，需額外以正價計算。優惠配搭是加HKD30配是日濃湯，又或加HKD25配是日蛋糕。 冰的選擇是煙鴨胸和蘑菇，還另加煙三文魚；調味是蒜蓉；主食是意大利粉。蘑菇與煙鴨胸一樣也是切粒炒勻，好處是容易食，不用另外用刀切開；但賣相頗為輸蝕

朋友生日~想搵個靜靜地嘅地方聚下醒起去開嘅Cafe轉左手，不妨上去試下裝修後，環境很美，比以前寬敞同光猛Board games略少，連大富翁都沒有😢😢食物方面:Menu上的，很多可以自己配搭最後大部份人都有選擇困難症的我們選擇Cafe黑板上嘅套餐，還包$36飲品我叫了一份韓國炸雞長通粉聞落去有點似生炒骨嘅味道，食落去係一般嘅韓式辣醬，但醬汁比較稀特別想提下~朋友叫卡邦尼煙肉長通粉上面灑上芝士粉，坦白講芝士粉的味道並唔係每個人都接受到，最後朋友慢慢把芝士粉撥開，撥完個通粉都凍晒😂建議Cafe落單時可以提提客人=]還有黑松露雜菌燴飯，胡椒粉味偏重服務方面:職員們都很友善，但出現了錯單及漏單情況，有即時跟進來了第一個意粉，隔了一個鐘頭多才來個燴飯~有待進步另外~建議黑板上的套餐可以印上menu😂我見很多枱客(包括我們)都要走出去睇😂 提外話:之前朋友話收到cafe電話，仍有舊Cafe會員記錄，但職員沒有提起，我們埋單問起~原來要再登記，舊記錄冇晒lu😢😢登記後就會有8折coupon送返俾你下次用總結:如果想同朋友靜靜地傾下計這裡都是一個不錯的選擇=]

今日同男人去旺角行街，經過心選cafe食個下午茶，mocha 同cappuccino 動物拉花圖案好得意，味道很不錯，比連鎖咖啡店的咖啡好喝。點紅點綠 這杯凍飲都好有特色 喝到青蘋果, 紅蘋果同紅茶 仲有幾得意既透明波波。下午茶餐，我推薦花枝丸同雞翼 好好味Mocha 熊Cappuccino 老虎仔食到一半影相 雞翼 脆皮腸 春卷 花枝丸 蒜蓉法包 忘了最後一樣小食系咩環境好坐 有野玩 可以休閒地傾計 難得逃離香港既急速生活 哈哈All day breakfast 好多選擇! 下次試下先

冷氣不夠，坐位太低了，進餐時真的有點兒不方便。 食物味道一般，沒有甚麼特別之處。 唯一得賣點只是在餐廳內有少量的遊戲可以供客人玩樂。 但因為坐位的問題，其實都唔係咁靈活地活動。 對比其他樓上舖的cafe.真的價錢有點兒物非所值。 因為只是普通的食物真係覺得好唔抵。

適合十幾人reu，有唔同board games玩，坐左成晚，7:30至11:00pm都無比人趕。野食用心製作，即製又幾好味(試左鰻魚飯同幾種意粉都好食)，服務有禮。openrice訂枱唔使加一，幾抵食，係傾計同玩好耐既好地方。

餐廳面積不大，以梳化為座位，挺寬敞，環境給人的感覺舒適，廚房及水吧位置只有佔小小的一個位置。餐廳還設有啤牌、大富翁等等康樂遊戲，很適合與一班好友一起在這裡度過數小時，輕輕鬆鬆喝杯飲品、咖啡，在這個旺角鬧市慢活一下。平日的夜晚，不多客人，沒有時限坐多久，與友人邊吃邊聊天，很舒服！餐牌上的配搭是新推出的，另外亦有黑板上的餐可以點，不過好像黑板上的菜式較為吸引，最後我們點了：我們點了黑松露雜菌忌廉燴飯：意大利飯配雜菌一向是最佳配搭，加上黑松露味突出，很香口惹味, 也不會太膩。另一道是煙三文魚南瓜忌廉意粉，數塊大大片的煙三文魚捲成花一樣，很漂亮，不過可能我們先前吃了較濃味的黑松露，這個意粉的味道相對上較為淡味，沒有嚐到南瓜的味道，意粉亦較Creamy，白汁較出。另外，餐飲方面，各包一杯$36的飲品，不過我們額外點了其他特飲，只需補回差價。友人點的抹茶latte，好可愛的拉花圖畫，當然又是呃like時間！抹茶latte不太甜，帶點綠茶苦澀味。而我就點了蜂蜜花茶，清清甜甜的，十分潤喉。食物質素不錯，環境亦很舒服，下次又多一間樓上cafe選擇了。

同朋友差不多有大半年無見，所以想約個清靜，而且坐得舒服的餐廳，終於搵到呢間心選啦～食物方面，我們叫了兩個main dinner：「all day breakfast」（$98）難得有得自選all day breakfast的成分，對不太喜歡豆類的我，簡直是福音！而且炒蛋味道滑嫩，薯角脆卜卜好好味，火腿味濃郁，蒜蓉法包鬆脆，腸仔鮮甜多汁，非常正呀！「西蘭花吞拿魚忌廉長通粉」（$88）朋友和我都喜歡吃長通粉，這道菜非常推介，因為難得忌廉味濃厚，配上新鮮的吞拿魚，令人食指大動呀！飲品方面，選了「青蘋果綠茶」，清清甜甜，非常解渴，好好飲！整體上，餐廳服務一流，而且和朋友一坐就坐了三小時，真是gathering必去之選呀！

之前食過經驗不錯,地方都寬敞,好適合朋友傾計,於是今次再encore,坐喺corner sofa位,自成一角坐定時店內播緊我最鐘意既歌"演員"(心心眼😍)我好鐘意呢到set可自選,可以揀自己鐘意既食材,啱哂口味😛是日餐湯:蘑菇湯賣相冇得輸,見到已經好想飲,飲落更係停唔到口,將蘑菇打碎,入口濃濃既蘑菇湯,呢個係我現時飲過最好飲既👍🏻👍🏻西蘭花煙三文魚南瓜忌廉汁長通粉(被朋友取笑我配撘錯哂,但自我感覺良好咪ok囉😙)西蘭花同南瓜忌廉汁好夾,淡淡既南瓜香,食落唔太漏,食碟清哂🙈證明我點既係無錯😌朋友叫鰻魚炒飯 面頭放紫菜,充滿和風味道,味道亦不錯飲品方面,嗌左柑桔薑茶,原本以為係用茶包,但原來係落新鮮薑汁同落足三個青檸,十分之驚喜飲落薑味重,十分適合喜愛薑味既朋友還配上蜜糖,按個人喜好自加甜度另一杯係榛子咖啡,不過不失期待下次再黎時出面工程完畢,唔洗再見棚景,咁就perfect喇😌

好友的狗狗不幸離世待她辦好後事便約出來跟她輕鬆一番！地點一定要揀間可以坐得耐些慢慢傾的地方！最後揀選了位於旺角的心選 Choice Cafe 。 餐廳用上舒適的梳化還有不少玩意給客人輕鬆玩樂，但這夜還是好好傾計較為適合。 先點選兩杯飲品前方是我的菠蘿梳打＄42，而後方是好友的水蜜桃梳打＄42，味道唔會太甜梳打足氣可以收貨啦！ 先點來一個小食拼盤＄88內裏有蒜香雞翼、炸餃子、咖哩角、炸薯角及椒鹽花枝丸每樣三件，又估唔到全部都幾出色喎！而且炸得唔會油膩收貨有餘啦！ 主食方面我哋揀咗Dinner Choice＄88，從多款配料中選二我們的選擇足煙鴨胸及帶子(另加＄20)，坦白講價位唔算便宜不過意粉咬口做得好出色呢樣我係絕對收貨！但係用料就值得商確，要另加＄20帶子我就覺可以出色多點，鴨胸只有一件是完整切片放面其它的切粒，我覺得口感就稍為欠缺了一些！ 整體上這間Cafe都係舒適的，如果有長時間喺度Hea我都覺得幾唔錯！

放工梗係準點走，約咗班fan去食好東西。呢間Cafe係朋友介紹嘅，餐廳環境舒服，氣氛帶有一點輕鬆既感覺，四周以紅灰為主，顏色好有格調，柔和既燈光令人感覺温暖。原本以為係普普通通既一間cafe，點知入到去感覺咁良好。不過最特別既都係佢既點食模式，有得自己選擇自己個Dinner ，三條友每人揀咗唔同味道嘅意粉，又真係幾特別喎。Dinner choice任選2款配料配意粉/飯/薯菜我選了西蘭花吞拿魚配忌廉汁意粉，忌廉味比較出，淡淡既忌廉味又帶出吞拿魚嘅鮮味，再加埋西蘭花，有三種唔同嘅口感層次。友人選了蘑菇雞柳南瓜忌廉配長通粉，南瓜汁味道淡淡然，再落得多點會更好， 非常creamy，雞柳都算嫩滑，間中食到蘑菇嘅爽口，而長通粉爽口彈牙，整得幾好食。另外，吞拿魚煙鴨胸配忌廉汁意粉，吞拿魚同煙鴨胸都係一啲比較重口味嘅食物， 但估唔到煮埋一齊不相伯仲，大家唔會搶咗大家嘅味道，反而仲有一種好惹味嘅感覺，味道幾襯。當然亦都叫左個小食，炸魚手指，出到嚟熱辣辣，放入口好香脆，個外皮唔會炸到好厚，是啖啖肉的感覺，點埋隔離嘅沙律醬，感覺好滿足。飲品方面，分別叫咗個朱古力沙冰同藍莓梳打，朱古力沙冰味道適中唔會太甜，

是日十號波好震撼！ 令今日day off嘅豬小姐晏晝不能外出要安全留在家中變番三號波 當然唔可以放棄見豬先生嘅每一分每一秒啦 豬先生 I'm coming落波後好多鋪頭都無開 無嘜野行 所以隨心就係旺角搵左間cafe坐下談下心「choice cafe」係位於旺角大街嘅百老匯戲院轉入去嘅樓上cafe 2/F 極度易搵餐廳主要以啡木色為主調 有家嘅溫暖感覺 見到胡桃夾子嘅擺設一入門口向右望就見到board game 小玩意等等 這是cafe必備的對吧我地order左set dinner ，dinner choice加個小食拼盤小食拼盤可以自選五款即炸小食 我地揀左蜜糖雞翼 炸餃子 炸薯角 椒鹽花枝丸同埋炸魚手指！即叫即炸 炸到全部金黃 趁熱食 夠哂熱氣呀哈哈蜜糖雞翼甜蜜煙韌 好有去bbq嘅感覺炸餃子係用左豬小姐喜歡嘅韭菜餃 餃餡都有啲肉汁炸薯角炸嘅時間唔夠 可以再燶啲會更香脆 而且薯味唔夠出椒鹽花枝丸係一般粉感重嘅貨色 不過勝在夠熱又惹味彈牙炸魚手指脆口嫩滑 點上絕配酸瓜沙律醬 正呀！每款小食份量少少地 純粹當過下口癮set dinner A係鰻魚炒飯 飲品揀左凍水蜜桃紅茶係加左蘿蔔粒 粟

很多咖啡店都去過，最近就去了一間位於旺區的商業大廈裏面的一間咖啡店。想去的時候有點兒「中伏」的感覺，因為不能乘坐電梯，只能走樓梯，如行動不便的不建議，所以都是比較適合年輕人。雖然有最低消費，但是最低消費都是非常合理的，大概是每人一個餐左右， ＄100左右就有了。我們最後選了幾款Dinner Choice可以選擇兩款食品，一款醬汁和一款粉。我就選擇了蘑菇雞肉南瓜忌廉汁長通粉朋友就選擇了煙鴨胸吞拿魚忌廉汁意粉因為成場比較爆滿，而且人手不算太多，所以都要等一下，可以傾住計等，嘢飲來先。野飲就選擇了朱古力沙冰，朱古力味濃郁非常好味，唔係好廉價的朱古力粉。等左一陣終於到，嘢食熱辣辣而且份量好大！蘑菇雞肉南瓜忌廉汁長通粉：蘑菇雞肉裏面嘅雞肉比較滑，長通粉都係啱啱好唔會太林。煙鴨胸吞拿魚忌廉汁意粉都唔錯，忌廉汁意粉啱啱好又係唔會煮得太耐！煙鴨胸同埋吞拿魚嘅配搭唔錯，唔會熱氣而且可以食到飽飽。最後坐咗幾粒鐘先至走，其實食個飯可以坐咁耐傾咁耐計或者打下機，玩下桌上遊戲，都係一個幾好嘅休閑享受。

暑假咁鬼熱，行商場行得多都悶！約班fd去cafe玩吓，涼下冷氣就啱晒喇！心選個位置好就腳，唔洗行到登打士咁遠！個環境都幾舒服，好多都係梳化位！如果多人就可以坐去窗邊位，睇到旺角啲街景都幾特別！佢有普通餐牌，又有是日套餐！雖然喺cafe，但啲野食都似模似樣！又有鰻魚炒飯，又有黑松露燴飯！套餐會包埋一杯野飲！野飲我補錢叫咗杯oreo沙冰！比我想像中整得好！佢堅足料，唔會整到好似曲奇冰水咁！同平時食曲奇味雪糕有啲相似！叫all day breakfast加咗個湯，嗰日係南瓜忌廉湯，好濃好香！唔會溝水溝到勁稀！all day breakfast有好多野揀！有炒蛋、蕃茄、腸、煙肉、薯角、茄汁豆、沙律、蘑菇、火腿、多士、粟米粒同蒜蓉包，可以揀5樣！想食多幾樣可以加錢，每樣加$20！仲可以揀煙三文魚、鹼牛肉法包、大啡菇或松露炒蛋添！我揀啲野樣樣都大大份！炒蛋同薯角就最抵叫！好大堆！沙律有得揀要凱撒/芝麻醬！凱撒有埋麵包粒、芝士碎同煙肉添！蒜蓉包就有兩小片，蒜蓉味好重！煙三文魚就捲到成朵花咁！唔好睇佢得一碟，食落都真係幾飽肚！可能因為有薯角又有包！一邊玩game一邊食就最岩！仲叫多咗份焗青口添！最細心