心跳 (已結業)

我同我公司d受事都好中意叫呢間d外買平靚正! 又有三文魚, 又有牛利...都係20蚊jar!佢堂食就唔係禁底, 價錢一般但d野好細碟佢外賣可以送上黎, 呢2-3個月黎我地都係常客不過佢話做埋年28就唔做了我地又冇左一個lunch的好外賣了/~\

淡而無味~ 記得千萬不要吃田螺!

環境唔得....布有污糟野坐也坐得唔舒服至於食物... 質素麻麻我點了焗牛意粉....意粉太淋....連杯檸水d檸檬片都有問題...."篤"極都冇味....價錢比茶餐廳略貴.....

個日三點幾去食lunch, 叫左個鮮茄焗雞扒飯$20(不包drink), 呢個一係一般餐廳都曉得做, 甚至係招牌貨的焗飯, 佢都可以做得咁差, 都唔知點解佢重可以係金馬倫道企左咁耐個飯焗左好耐先上, 上到枱重要係個d飯係冷飯, 一粒粒超散, 最難頂係d飯係硬架!!!又未re-heat架!! 大佬, 你唔係咁比d唔熱的冷飯比我啊? 叫個waiter同我換, 佢先同我講話飯未煲好, 有無搞錯, 唯有轉意粉啦其實佢比冷飯人食都已經夠衰, 但係都炒一炒佢, 再唔係都整番熱同淋先比人食啦, 好唔掂! 呢一世都唔會再去呢度食!!!

呢間店初開張時都都成日去幫襯，仲入埋會添，因為可訂枱同有discount，但後來發現越來越差，無論食物質素同服務都大不如前，所有好耐無去。

星期日約了朋友食下午茶經過見門口寫住"下午茶$10", 就和朋友入去, 見個餐牌既價錢$10, $15, $20, 都算便宜, 諗住叫牛扒拉麵($15), 點知個侍應話印錯價錢$25先對, 真係有無搞錯, 咁樣有d明屈, 之後改點了雞扒拉麵(味道很淡), 吞拿魚螺絲粉(芝士味濃, 而呢個又太咸), 芝士火腿三文治, 總括來講食物味道不太好味, 服務又麻麻, 唔食再去囉。

今日係22/9/2004, 我係尖沙咀返工既, 今日lunch果陣, 我男朋友走左過黎同我食lunch, 佢見到哩間野個門面都唔差咁, 就問我有無試過... 我話無, 通常咁既門面, 我地一大班人係唔會走入去食既... 一坐底, 我地都覺得個view幾正架, o岩哂D情侶黎食, 談下心果隻咁... 我同我男朋友就坐左一個幾埋既位... 我地一路睇個餐牌, 一路都話幾正咁, D野又唔係貴果隻, $28-45蚊一個set lunch... 我男朋友就叫左個名好似"白汁芝士火腿焗鏍絲粉", 28蚊; 而我就叫左個海陸空(即係有龍,豬扒, 雞扒), 就42蚊; 飲品就叫左兩杯熱既甘吉既野.記住**我地落柯打果陣係12:40分, 約12:45分左右到啦, 就黎左個淡到咩咁既紅湯, 之後就黎埋杯野飲, 杯野飲呢, 甜到嘔果隻, 但我地坐到13:15分都未有正餐食喎. 咁咪崔下羅, 點知, 果個咁既服務員, 好Q大聲咁話, "等下啦", 轉個頭, 我男朋友既焗鏍絲粉就到, 但我果碟"海陸空"仲未到站! 我地都有d滾滾地架喇,咪話兩分鐘唔到咪cancel羅, 點知唔洗一分鐘就到左... 但果碟咁既海

睇餐牌三四十蚊一個意粉/飯好似好抵食咁, 但要湯+包就要另加$12, 要杯淡茂茂的柑桔蜜(係用好少粉沖好大杯)就要加$8....... 食物味道好一般, 地方又細, 咁都算, 始終尖咀地方租金貴嘛, 但d侍應服務就好唔掂囉, 尤其係個亞姐(大家放心, 嗰度只得一個亞姐, 一定知我講邊個), 無水洗面不特只, 仲要同你落落下單, 突然間行開去做第二樣野, 我地有碟意粉佢地來左飯, 我地專登同番亞姐講, 係佢幫我地落單, 佢望一望, 轉頭走左去, 叫另一個肥仔來同我地換, 個肥仔一路幫我地拎走, 一路話"喂, 好似係你落錯單喎....." 不過個肥仔都唔係好好禮貌, 我地不停聽到佢同亞姐同班廚房大佬講事講非(因我地剛坐近廚房), 埋單時, 因我地坐近收銀機, 佢就咁企响收銀機前, 同我地隔住三四個身位同我地講"一百蚊", 無錯係得呢三個字, 仲要係一路講, 一路"第"本收錢嗰本假皮套過來... 正到我地擺低錢兼起身走都無講過一句多謝... 雖然我唔係消費一千幾百, 但我都有俾錢喎, 咁的服務態度真係請我都唔會來食呀.. > <

叫左個帶子雜菇湯麵$33有湯有杯柑桔檸檬,都唔錯碗麵有4個帶子

呢間野用平價黎吸引人入去，但D野食超級唔掂，俾成50蚊per Head 黎食D差過快餐店的貨色，食一次就知道佢剩係得個價錢睇落吸引，但實質昂到飛起，食過一次都咪洗旨意D客會返轉頭。

始終結束營業!唉!

個日去左食lunch首先既湯無得choose 係忌x但竟然裡面唔係粟米呀磨古呀而係的菜...(中式奇怪?) 仲要好難飲(好溜完全得個淡無味)龍利魚set未試過的魚喊到食唔落口好似食salt咁之後同個waiter講佢就話不如換其它野可能的魚調味有問題咁換左個海鮮意啦的意粉既茄汁完全淡到死無味咁既我只係食左的佢所謂海鮮既野就算(都有一件青口)我朋友叫左個三文魚都話唔多掂喎但我無試過最後杯涷lemon teawah 好似用粉沖咁既味三十幾蚊食麵包好過....以後都唔會再去!!!!

兩年前,我同男友貪新鮮,走入去食晚餐,呢度0既環境好靜,燈塔好暗,所以八成食客都係情侶,一邊食一邊談心;與距離好近,我都聽到鄰座0既情侶講咩,哈哈!食物質素平平,服務一般,而家?地出0左好痛有多款食物;中,西,日式都有,不過聽聞水準每下愈況!

佢地的食物真係好一般水準，可以話唔係幾掂，唯一可以讚的係佢地環境幾有氣氛，坐得幾舒服，其他的例如：食物、招呼、價錢、味道等等都唔多掂。

I tried this restaurant before but was very disappointed with the quality of food.